المقالات
السياسة
قصيدة جديدة: الفرعون واللف فى الفاضى
قصيدة جديدة: الفرعون واللف فى الفاضى
09-05-2015 06:40 PM


(الفرعون واللف فى الفاضى)
لف يا زول ودور وحوم
اصلو الدنيا ما بتدوم
بعد الصين أمش تايوان
وأغشى معاك كمان تايلاند
وعوم فوق (المقلد) عوم
منو الراجى البلد ترتاح
معاك فى يوم
قسم بالله يكون زيك
أكيد موهوم
حوار زندية ولوى يدين
متين أنصف، حوار مظلوم؟
متين رجع، حقوق مهضوم
بدون تحلف تصر وشك
متل فرعون
أو زى الخلقت الكون
عليك با ئن لاك مرتاح
ولا عينيك بتعرف نوم
ده لو حال زول
غلط فى يوم
ماقاصد
(قضاء وقدر)
كتل ليو روح
وغلبو النوم
سواق بص
دقس لحظة
وغشاهو نعاس
تحت عجلاتو
مات الزول
وفى الكركون
طلع زيتو أبكباس
وصبح مهموم
كانت ليلتو ليلة عيد
لا فرح عيالو بلعبه
لا جاب للولية هدوم
وإنت كتلت كم مليون
عشان عينيك تعرف النوم
صغار النوبة
ونساء دارفور
وناس أدروب
لا خليت شمال لا جنوب
وفى سبتمبر الماضى
(عمن أول) قبل سنتين
قالوا الموت فات ميتين
يعنى الموت دخل الحوش
وصل (خرتوم)
وحتى الكانوا ديمه معاك
ناس أم دوم
لا خليت ولا أستنثيت
من القال يوم
نكير فى الموت ، بفرز كوم؟
حوار زندية ولوى يدين
متين أنصف، حوار مظلوم؟
متين رجع، حقوق مهضوم؟
منو الراجى البلد ترتاح
معاك فى يوم
قسم بالله يكون زيك
أكيد موهوم.
__________
تاج السر حسين - [email protected]
5/9/2015




تعليقات 2 | إهداء 0 | زيارات 980

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1334764 [المريخابي البرنس]
0.00/5 (0 صوت)

09-06-2015 09:19 AM
صورتك الخايف عليها من زمان مشتاق اليها
مبروك الصورة الجديدة احلي من القديمة
الحرية للمهندس الهمام المعتقل الصخفي وليد الدود الحسين
اصبر يا دود يا بطل انت في مصنع الرجال وملايين الرجال يقفون معك مساندين بطولتك وكلهم حولك وسيطلقونك بوقفتهم ونداءاتهم واصواتهم العالية حرا ابيا في القريب العاجل ويخساء النظام وكلاب امنه ولا نامت اعين الجبناء...ونقول لك .اصبح الصبح وها نحن ولا السجن لا السجان باق..
ونحييك يابطل الابطال ورمز الهامش

[المريخابي البرنس]

ردود على المريخابي البرنس
European Union [تاج السر حسين] 09-10-2015 09:55 PM
دى ما صورتى أعتقذ لكاتب زميل اسمه كذلك ()تاج السر، ربنا يفك اسر الأخ وليد، واضح انهم فى هذه الظروف أرتبكت عليهم الأمور نعذرهم.
فنحن من الرجال الذين يعرفون الإختباء أو الإنزواء، ذلك فعل (الدواعش) وأشباههم.
ظروف المرض لم تمكنى من متابعة الموضوع لإرسال تنبيه للإخوة فى الراكوبة.


#1334548 [أنا أمدرمان انا السودان]
0.00/5 (0 صوت)

09-05-2015 09:45 PM
قصيدة معبرة يا بلدياتنا،،،
عايزين واحدة مدنكلة تساند فيها صاحبك وليد الحسين المعتقل مدون الغلابة وصاحب ركوبتنا،،،
نسيتو؟؟. ونسيت اتصالاتك بيهو يا ود حسين؟؟
وليد رمزنا جميعا ولن يغمض للقراء جفن حتي ينال الحرية،،،
الكلام عليكم إنتوا زملاءه الكتاب والصحفيين وأفلامكم سيوف ماضية ،أرجو ان تعملوها سيوف حق مع المهندس الصحفي وليد الحسين
فك الله أسره ونصره علي الظالمين كلاب الأمن الملاعين

[أنا أمدرمان انا السودان]

تاج السر حسين
تاج السر حسين

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة