قالوا … وقلنا
09-07-2015 12:09 AM


لا يَفُلُّ الحديد إلا الحديد : المغالطني يمشى شارع الخرطوم – مدني


* المرء بأصغريه قلبه ولسانه : : أهم شيء ما قالوهو … و(جيبه)

* إذا حضر الماء بطل التيمم .: ده إذا (الموية) جات

!

* الدراهم مراهم : مراهم بس؟ دى مراهم .. ومضادات حيوية .. ودربات .. والأكسجين ذاااتو..


* إذا تخاصم اللصان ظهر المسروق : فى الزمن ده 60 لص يتخاصموا المسروق ما يظهر.


* حبل الكذب قصير : ده كان زمااان هسه بقى طويل جنس طول ربع قرن ما يظهر


* حرامي بلا بَيِّنةٍ شريف : بعد ما نجيب البينة برضو شريف. 


* بليلة مباشر ولا ضبيحة مكاشر : والله بعد اللحم البقى غالي ده المثل ده عاوز ليهو مراجعة
*اطلبوا العلم ولو في الصين : ليه الصين البعيده دي؟ ده كان قبل ثورة التعليم العالي هسه تجيب 50% تقرأ طب … هندسة .. ذرة .. الكلية البتعجبك. 


* إذا تم العقل نقص الكلام : وأقول المذيعين والمذيعات ديل نضامين كده ليه ؟

* لكل جَوَادٍ كَبْوَةٌ : وبعد داك (ترقية) كمان.


* لا يضيع حق وراءه مطالب : هذا يعتمد على سرعة التقاضي وهل القاضي نقلوهو وإلا قاعد ؟ والاستئناف ح يرجع من المحكمة الفوق بعد كم والعجب لو القصة مشت (الدستورية) !


* في التأني السلامة وفي العجلة الندامة : شعار (الحوار) البنسمع بيهو ده 


* إذا كان الكلام من فضة فالسكوت من ذهب : شعار (نوام الشعب) فى البرلمانات منذ الاستقلال
* عصفور في اليد خير من عشرة على الشجرة : أعتقد أن المسألة تعتمد على نوع (الشجرة) .


* لا يلدغ المؤمن من جحر مرتين : إن لم يكن داخل (الجحر) شرطى مرور.


* الصديق وقت الضيق: الأيام دي الصديق ذاااتو متضايق. 


* ليس في مقدور المرء أن يخدم سيدين : بالعربي كده ما ممكن الزول يكون مع السيدين ويكون (أنصاري) و (ختمي) في آن واحد (لكن في ناس بيعملوها) .


* من كثر كلامه قل فعله : المثل ده بالذات (قطعوهو) في المسؤولين. 


* لا تضع كل البيض في سلة واحدة : هو البيض وينو؟ الطبق بقى بالشيء الفلاني.


* من كان بيته من زجاج لا يرشق الناس بالحجارة : لو القزاز (مظلل) ممكن 


* ما خاب من استشار: مثل ما (شغال معانا) بدليل إنوعندنا 77 مستشاراً.


* الوقاية خير من العلاج : طيب لمن الاتنين يكونوا مافيشين؟


* لا تبدل القادة في منتصف المعركة : يعنى أبدلهم بعد المعركة ما تخلص؟


* كل لتعيش ولا تعش لتأكل : جيبوا الأكل فى الأول وبعدين نتفاهم.


* الصانع الرديء يلقي اللوم على أدواته : وناس الموية يلقون اللوم كل عام على (الطمي)


*لمن تشكو إذا كان خصمك القاضي!؟ : الأمم المتحدة طبعن!


* من تأنى نال ما تمنى : ما طواااالي.


كسرة :
كان عشقتا أعشق قمر .. وأكان سرقتا أسرق جمل … وخلوها مستورة وكده !!

تنبيه :
يوجد (واو) جديد !

• كسرة ثابتة (قديمة(
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+(و+و+و+و)+و
• كسرة ثابتة (جديدة) :

أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+(و+و+و+و)+و


تعليقات 14 | إهداء 0 | زيارات 7132

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1336918 [الداندورمي.]
0.00/5 (0 صوت)

09-09-2015 12:14 PM
الكديس مالحق اللحمه المعلقه في المشلعيب
قال ،،،عفففففففففففففففنه هي وينه اللحمه البعلقوها .

[الداندورمي.]

#1336775 [ابوبصير]
0.00/5 (0 صوت)

09-09-2015 08:50 AM
لا يبدغ المؤمن من جحر مرتين .... حديث رواه البخاري في الادب المفرد
ما يناسب تستخدم احاديث الرسول صلى الله عليه وسلم في سخرية
استغفر الله و اكتفي بالامثال فرسول الله لا ينطق عن الهوى

[ابوبصير]

#1336534 [وصل الحد]
0.00/5 (0 صوت)

09-08-2015 07:30 PM
دي فضفضة عشان ما تطرشق ونحن نطرشق ولاكين مافي زول من الجماعة ديل بيقرا ولا بيسمع عاملين اضان الحامل طرشا
الدراهم مراهم تجبر العظم الكسير يا جبرة

[وصل الحد]

#1335836 [الدرب الطويل]
3.00/5 (1 صوت)

09-07-2015 08:41 PM
كان عشقتا أعشق قمر .. وأكان سرقتا أسرق جمل

في الحقيقة دي اهم حاجة ملتزمين بيها الجماعة..

[الدرب الطويل]

#1335799 [ابو الما]
5.00/5 (1 صوت)

09-07-2015 07:03 PM
يا فيها يا نطفيها: دا المؤتمر الوطني
تلتو ولا كتلتو: الاتحادي الديمقراطي (الاصل)
من خلى عادتو قلت سعادتو: والي الخرطوم
ريسين في مركب بتغرق: دا لو في ريس (حايمة ساااااكت)

[ابو الما]

#1335649 [حكم]
5.00/5 (1 صوت)

09-07-2015 02:41 PM
حرامي بلا بَيِّنةٍ شريف : بعد ما نجيب البينة برضو شريف.


بعد تجيب البينة بتحلل والموضوع يروح شمار في مرقة

[حكم]

#1335642 [شهنور]
0.00/5 (0 صوت)

09-07-2015 02:32 PM
( عصفور في اليد خير من عشرة على الشجرة : أعتقد أن المسألة تعتمد على نوع (الشجرة)) ---لكن الشجره اللى انا شايفو شجرة الزقوم اخير!!

[شهنور]

ردود على شهنور
[ود البلل] 09-07-2015 08:05 PM
لا تعتمد على نوع العصفور


#1335641 [جرتلى]
5.00/5 (1 صوت)

09-07-2015 02:32 PM
قالوا اسكتو
قلنا السكات غلبنا
قالوا امشوا
قمنا قعدنا
قالوا دقوا راسكم بالحيطه
شلنا الحيطه دقينا بيها راسنا

[جرتلى]

#1335510 [زاهر]
5.00/5 (1 صوت)

09-07-2015 11:36 AM
اللمبى قال فى اخر مؤتمر صحفى ليهو العندو دليل يجيبوا ونحنا ما بنجامل احد بس هو نسى موضوع جامعة الرباط ومبناهو الانهار وكدة يا جبرا ما تخليها مستورة

[زاهر]

#1335438 [المظلوم]
5.00/5 (1 صوت)

09-07-2015 10:19 AM
يا جبرا أعمل نايم أوألبد (أخد ليك إجازة صغيرة )لأنو الجماعة ديل عامليين أضان الحامل طرشاء

[المظلوم]

#1335387 [ابو عمر]
5.00/5 (1 صوت)

09-07-2015 09:35 AM
بتاعت المستشارين دي قوية
يعني عمك طوااااااااااااااالي خايب!

[ابو عمر]

#1335289 [صادميم]
5.00/5 (1 صوت)

09-07-2015 07:37 AM
البيتو من قزاز يستحمى في بيت جاره بس ان شاء الله الموية ما تكون قاطعة فيه.

[صادميم]

#1335286 [عبدالواحد المستغرب اشد الإستغراب!!]
1.00/5 (1 صوت)

09-07-2015 07:30 AM
يا جبرا بصراحه كده (غلبك التسويه او بالأحرى غلبك التكتبو او بالأحرى أكتر كيسك بقى فاضى!!) الحكايه شنو؟!! انا في رآى خدلك إسنكر !!.

[عبدالواحد المستغرب اشد الإستغراب!!]

#1335261 [جنو منو]
5.00/5 (1 صوت)

09-07-2015 06:59 AM
قالوا.. وقلنا ..وقولنا له ..!؟

[جنو منو]

ردود على جنو منو
[حية الوادي] 09-07-2015 05:35 PM
يا جبرة !!!!! الخيل تجقلب ذي الشرا في القندول (مثل مدبلج)


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة