المقالات
السياسة
كوز و زير
كوز و زير
09-07-2015 09:33 PM

بسم الله الرحمن الرحيم




بينما كنت أتجول في شارع الحرية بالخرطوم وأقارن أسعار (كولرات المياه) والمبردات، التقيت بالتاجر حاج بشير وهو رجل حبوب أتعامل معه منذ زمن طويل، فسألته عن سعر (كولر الماء) فأجابني حسب الشركة ولكن السعر المتعارف عليه (ألف وخمسمائة جنيه)، فذكرت له أني أريد واحداً ومعه (درمات ) وذلك بسبب تلوث المياه وسوء صناعة الفلاتر.

فأجابني حاج بشير وهو التاجر الذي ينبغي أن يسعي للربح فقط (عليك الله يا بنتي كولر شنو ودرمات شنو أمشي اشتري ليك زير و حيمور واشربي منو أحسن موية).

حديث حاج بشير عن فكرة (الزير) جعلتني أراجع فكرة (الكولر) خاصة وأن نظرته كانت صائبة؛ فالفخار هو الأقدر على تنقية المياه وإزالة الشوائب والاحتفاظ بالعناصر المهمة في المياه، في ظل عجز الحكومة عن تقديم مياه صالحة للشرب!.

والشاهد أيضاً أننا لم نعرف عن أهلنا زماااان المشاكل الصحية والتي تتعلق بتلوث المياه بل العكس؛ ارتفعت نسبة الإصابة بالفشل الكلوي وأمراض المعدة في ظل غياب (الزير) من خارطة البيت واستبداله بأدوات أخرى لم تعالج مشكلة تلوث المياه.

والآن ماذا لو قام أي مواطن بأخذ عينة من مياه منزله وأخضعها للفحص في المعمل القومي (استاك)، أعتقد أن النتيجة ستكون أن عنصر المياه هذا لا يمكن الوصول إليه حالياً.

فحسب التركيبة الكيميائية للمياه الصحية فإن العناصر التي ينبغي أن تتوفر في المياه تكاد تكون معدومة في تلك المياه التي نشربها، فمثلاً ينبغي أن تتكون المياه من أيونات الحديد وأيونات الصوديوم والبوتاسيوم والكبريتات والغازات الذائبة.

أما أيونات الكلورايد فيجب أن تتراوح بين 10 و100 جزء بالمليون وهي المسؤولة عن الطعم المالح للمياه، وعند وصول تركيزها إلى 1000 جزء بالمليون فإن المياه تصبح غير صالحة للشرب. وربما يُفسِّر هذا طعم الحنظل الذي نتذوقه كل ما شربنا موية الحكومة خاصة وأن الحد المسموح به للتركيز هو 250 جزء بالمليون.

أيضاً تشمل المياه الصحية أيونات الكلورايد والسيليكات وأيونات الفلورايد والتي تمنع تسوس الأسنان وهذا يوضح بالتأكيد اعتماد أسناننا على الحماية عبر (معجون الأسنان).

أيضاً هناك النترات والتي تؤدي زيادتها إلى حالات اختناق خاصة عند الرضع. و هناك الغازات الذائبة وغير الذائبة والكثير من العناصر التي لا تتوافر في مياهنا التي نشربها..... (وأي زول مغالط في الكلام ده يملا ليهو جركانة من ماسورة بيتو ويمشي يحلِّلها).


خارج السور:

على كل مواطن أن يشتري زيراً حتى يستطيع شرب مياه نقية، فقط عليه أن يحافظ على نظافة الزير داخلياً وخارجياً، كما أن وجود الغطاء مهم جداً ووجود (الكوز ) النظيف أهم فاحترسوا من (الكوز ) المصدّي أو المثقوب لأن نظافة إناء الشرب مهمة مثل نظافة الوعاء، وإذا صلح الزير فلن يستقيم الأمر والكوز صدئ .





*نقلا عن السوداني




[email protected]






‏‫


تعليقات 28 | إهداء 0 | زيارات 5550

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1337175 [mada2000]
0.00/5 (0 صوت)

09-09-2015 09:33 PM
الله يهديك الكيزان الزي الهم في القلب في السودان
ماكفت ووفت نمشي تاني نشتري كوز.
أها فهمت تقصدين كوز الزير معاك حق

[mada2000]

#1337170 [salah osman]
0.00/5 (0 صوت)

09-09-2015 09:24 PM
لم تتخل الوالده ( يرحمها الله ) عن الأزيار . وتأخذ ماء الزير من ( النقاع ) وتضعه فى الثلاجه . ( أى ماء بارد مفلتر )

[salah osman]

#1337006 [معجب بيك]
0.00/5 (0 صوت)

09-09-2015 02:37 PM
مقالك ذكرني اغنية المرحوم مصطفي سيد احمد ربنا يرحمو ويحسن اليه
ناسنا حالا زين
مصنع مصنعين
ايام الغناء الجد جد وعندو اهداف ومرامي سامية
--
هسه والله يا سوسو ماشين وراء خالص
بعد 26 سنة رجعنا للكوز وللزير
--
بعدين مين قال الكولر ولا التلاجة بتعمل امراض ولا فشل كلوي
والله اظن وان بعض الظن اثم
السرطانات والفشل الكلوي اللامي فينا دا سبب
جعجعة كيزانا ديل
--
لانو لافي موية نظيقة ولا كوز نضيف
ولا حاجة عامرة ساي مافي
--
بعدين ركزي ع المقالات البتمرق الناس برا برا
خلينا من كوزي وكوزك وزيري وزيرك
قولي ي ناس كلام امرقنا برا
ي اكتوبر الارض تغني
باسمك الشعب انتصر
حاجز السجن انكسر
مع اني ي سهير عارف دا فنانك
عشان كدا نزلت ليك هذا المقطع
فتك بعافية

[معجب بيك]

ردود على معجب بيك
[مستغرب] 09-09-2015 06:10 PM
يا أخ وين سايح كده دى ماما ..


#1336940 [سوداني]
0.00/5 (0 صوت)

09-09-2015 12:51 PM
رغم انني ناقم علي الاستاذة سهير عبد الرحيم منذ ان قتلت عقربا صديقا لي لا لشئ الا انه لانه اصطحبها الي منزلها في عمود غداء فارغ من شارع النيل (متناسية بذلك ان ما من دابة في الارض الا وعلي الله رزقها)، الا انني اجد نفسي مجبرا هنا ان اوفيها حقها من الاطراء في ما يلي:

يعرف عن ارنست هيمنقوي، الروائي والقاص الامريكي الكبير والحائز علي جائزة نوبل للادب بانه كتب ما يتفق عليه عالميا بانها (اجمل وابلغ) اقصر قصة قصيرة في تاريخ الادب الانساني، تتكون فقط من ست كلمات، وهذا نصها:


".For sale: baby shoes. Never worn"

ويقال ان هيمنقوي فاز حينها بالمرتبة الاولي في مسابقة لاجمل اقصر قصة قصيرة بالقصة اعلاه.

اعتقد جازما بان هيمنقوي قد فقد للتو عرشه للاستاذة سهير ولهذة القصة:

"كوز و زير".

فهي بالتاكيد اقصر وابلغ قصة قصيرة في تاريخ البشرية!
عفارم عليك!

[سوداني]

#1336716 [يا خبر بفلوس]
0.00/5 (0 صوت)

09-09-2015 07:28 AM
بطلي فلسفة وهاكي النصيحة دي تتخلصي بيها من السموم والاملاح في كليتيك :

How To Naturally Cleanse Your Kidneys.

Kidneys are vital organs of the body for a reason. They remove all the toxins and excessive salts from the body, purifying it each day. However, even your kidneys need cleansing so that their efficiency doesn’t drop.

One of the best ways of doing so is by removing all the toxin and salt deposits that are found in the kidneys. One simple and easy method can help you in cleansing your kidneys at regular intervals of time.

Extract of Coriander and Parsley

Boil a mixture of freshly chopped parsley and coriander leaves in water and drink this water for multiple times in a day.

Benefits

Drinking the concoction 4-6 times a month can effectively cleanse your kidneys. A change in urine after a few days of consumption is an indication that this extract has started working. This method not only cleanses the kidneys and removes excessive salts and toxins, but also erodes any stones that are being formed due to excessive minerals in the body.

It is important to increase the amount of water consumed every day, more fluids in the body makes sure that this process is effectively assisted

البقدونس والكزبرة تغليهم مع بعض طازجين مش بدرة وتشربي منهم في اليوم من 4-6 مرات في اليوم واول دلالة هي تغيير لون البول جربيهم النتيجة 100في المائة

[يا خبر بفلوس]

#1336506 [Khalid Abdalla Ragab]
0.00/5 (0 صوت)

09-08-2015 06:16 PM
This Zeer or Golah or Kantoosh will only filter the impurities and you will not see any worms like ElSargail, but the water unfortunately is pollutes with sewage water and there is microscopic worms which will pass through the tiny spaces too! Who will treat the detergent
and the soap and the urine and all the disposed hospital sewage and the factories too? This Zeer will give you clear water but not a healthy one my dear

[Khalid Abdalla Ragab]

#1336458 [Mohammed]
5.00/5 (1 صوت)

09-08-2015 04:42 PM
لا الكوز القديم انتي
ولا الزير النضيف يجدي
واهو نحنا في الاخر سوا باعنا الهوي
وماشين لي ٨٩ عدل

[Mohammed]

#1336333 [ٍSalah AL Deen P]
0.00/5 (0 صوت)

09-08-2015 01:28 PM
((ووجود (الكوز ) النظيف أهم فاحترسوا من (الكوز ) المصدّي أو المثقوب))
المشكلة كلها في الكوز النظيف دا ، نجيبو من وين؟ أي كوز لقيناهو يا حرامي يا مصدي..
ياخ المقال دا عجبني شديد ما عارف عدا كيف من الرقابة القبلية ، اي واحد يقرأ من الزاوية اللي تعجبو الظاهر جهاز الامن كان فاكر (الكوز) المقصود بيهو إناء الشرب أو الكأس ، الزير دا بس ما عرفنا شنو هو

[ٍSalah AL Deen P]

ردود على ٍSalah AL Deen P
European Union [سوداني] 09-08-2015 09:07 PM
زير النساء؟


#1336274 [امل]
5.00/5 (1 صوت)

09-08-2015 12:20 PM
والله يابت عبالرحيم ما يحتاج للتنظيف من الصدا ولحم الثقوب غيركم يا اعلامى وصحافى اخر الزمان ال يكتبون خزعبلات وهل لو فى زول زار دارك هيشوف فيها زير ولا ياتو كلام فى اى حاجة يا كضابين

[امل]

#1336270 [محمد الشيخ محمد الأمين]
5.00/5 (1 صوت)

09-08-2015 12:13 PM
كيف يعني كوز وزير؟
ماهم كلهم الكيزان وزراء

[محمد الشيخ محمد الأمين]

#1336206 [Ibrahim]
0.00/5 (0 صوت)

09-08-2015 10:54 AM
كوز و زير?? موجة لكى تهمة التلاعب الخطير بالكلمات

[Ibrahim]

#1336197 [مدحت عروة]
0.00/5 (0 صوت)

09-08-2015 10:46 AM
الزير الفيه موية نضيفة هو السودان والكوز المصدىء والوسخان والمقدد هو الحركة الاسلاموية السودانية!!!!

[مدحت عروة]

#1336180 [ود ميدوب]
0.00/5 (0 صوت)

09-08-2015 10:20 AM
بعد أن فرغ صلاح عووضة من هجومه الكبير على المعلقين باسماء مستعارة , قررت أن اجلس امتحان القيد الصحفى للمعلقين بأسماء مستعارة وقد احرزت المرتبة الأولى بالمقال التالى:.

السؤال: أكتب بما لا يتجاوز عن سبعين كلمة لحظة من لحظات حياتك الصحفية.
الاجابة:
تعرضت للاعتقال ذات مرة بسبب كتابتى عمودا ظنت الجهات أنها انفلتت من الرقابة القبلية. وهناك وجدت مجموعة من الصحفيين بذات السبب . منهم الباشا وشمائل النور ومحمد لطيف وبارود صندل. و.....و.....و.....
كل الضباط الذين كانو هناك عاملونا معاملة جميلة... ونصحونا بأن نبعد أنفسنا قدر الامكان عن الكتابات التى تفرق المجتمع أو التى تخدش الحياء العامة... بل قالوا أكثر من ذلك عندما أكدوا أنهم أيضا مأمورون من جهات أعلى مثلهم ومثل أى مؤسسة حكومية أخرى... لم أكن ادرى أصحيح أنهم كذلك أم لأن الصادق الرزيقى كان معنا من ضمن المعتقلين... كانو طيبين جدا... الا ضابطا واحدا كان يختلف عنهم فى معاملته لنا...ضابط وسيم الطلعة... مربوع القامة ...احدب قليلا.... مفتول الساعدين كأن كل قوته فى ساعديه... رخيم الصوت ... الكلام العادى وكلام الجيش الذى يسمى بالكلام الفارغ يخرج من بين شفتيه وكأنه أهزوجة الحجل بالرجل بعاصم البنا.
فى احدى سجالاته معنا وفى لحظة غضب عندماانتزع كابه ليلوح بها فى وجهنا كان:
صلعتو كالبلور زى جمال فرفور.
واقف فى الطابور زى عمود سنفور.
صوته رخيم زى اغانى الطنبور.
وانا ما عيان مرمطونى فى الخور .


وعليه اطلب من جميع المعلقين الجلوس لامتحان القيد الصحفى للمعلقين ليكون له حق التعليق حسب مسنواه التعليقى.. نعم حسب مستواه التعليقى باسم مستعار.
وشكرا
ودميدوب

[ود ميدوب]

#1336147 [ابو سكسك]
5.00/5 (3 صوت)

09-08-2015 09:44 AM
منقول:
يشرب ماء ( النقاع) وهو الماء المنقوع النقي( المفلتر) بعد تصفيته وتنقيته عبر مسام السيد حبيبنا ( الزير) واما البشر فانهم دوما يشربون و( يتكرعون) الماء المرسب المليء بالشوائب من طمي وغيره من بلاوي الاوساخ التي ترسبت في قاع حبيبنا السيد( الزير).... ولذلك دوما نصاب بأمراض الكلي المزمنة ونتوفي بسببها نتيجة غباء تاريخي عظيم... واما دجاجنا ما اطال الله عمره الا بسبب شرب الماء المنقوع النقي ولذلك لا يصاب دجاجنا ابدا بأمراض الكلي بل نرا دوماه يشرب ماء ( النقاع) النقي بشموخ ضاحكا علي بشر موغلين في الغباء وهم يحفرون قبورهم باياديهم!

واطالب مصممي الازيار في ارياف السودان التي لا تتوافر فيها ( الثلاجات) كنوع من المكافحة الابتدائية الوقائية لمسببات امراض الكلي الشائعة جدا في السودان ان يعدلوا في شكل الزير التقليدي بحيث يستطيع الانسان الحصول علي ماء الشرب المنقي ( المفلتر) وليس المليء بالرواسب الذي لا زلنا نشربه بينما الماء المنقوع دوما تستمتع به داجنات البيوت!

والزير كفكرة موروثة تقبلناها بذهنية خاملة ارثا مقدسا لا يحتمل التطوير مع متطلبات حاجاتنا المتغيرة مع تغير حيواتنا مثلها ومثل اي افكار وعقائد ورثناها علي عصبية مقيتة ابا عن جد بل هي أفكار لها قداستها واحترامها لدينا حتى اليوم حتى لوكانت بالية لا تنتج خيرا لاصحابها.. وهو امر للمتأمل فيه يفضح عورات نمطية التفكير السوداني التقليدي المضاد للتطور وهو اس مشاكل وكوارث الوطن الراهنة.

فكلما اغوص بتفكيري وتأملي في محطات الزمن الجميل اتذكر ( جدادات) جدتي (بت عسمة) هي وصياصيها في الزمن الجميل وهي مسرعة في حر الهجير نحو ( المزيرة) للاستمتاع بماء (النقاع) المصفي البارد السلسبيل وتشربه بمتعة عجيبة حيث بعد كل ( كريعة) كنت الاحظها ترفع رؤوسها زهوا فيه شيء من سخرية مكبوتة من اصحاب الزير وكأنها كانت تنشد بيت معلقة عمرو بين ربيعة : ونشرب ان وردنا الماء صفوا ويشرب غيرنا كدرا وطينا!

فان كان الزير في الارياف لا استغناء عنه وكلنا يعلم ان مياه الارياف معظمها مياه ملوثة ولذلك ينبغي ان يكون هنالك اهتمام عظيم بصحة اهل الريف واعتقد ان المبدعين في الفنون التطبيقية هم الذين ينبغي ان يضطلعوا بمثل هذه المهمة الانسانية الخيرية بافكارهم الجمالية في تشكيل زير سوداني صحي جديد يبرد الماء والاهم ان ينقيه من الشوائب اي ان يكون فلترا لان نقاء الماء اهم من برودته ملوثا حتي نمارس وقاية أولية. في مكافحة مسببات امراض الكلي.... كما اتمني ان نتخلص من كيزان الازيار واستبدالها بصنابير في قواعد الازيار لاستقبال الماء النقي الصحي في أواني نظيفة خاصة بنا من غير الحوجة لاستخدام الكيزان الملوثة المعطونة بايادينا المتسخة داخل الازيار وهو ما يعرض الماء للتلوث البكتيري القاتل والذي يتسبب في كثير من الامراض المعوية الفتاكة.

[ابو سكسك]

ردود على ابو سكسك
[fatasha] 09-09-2015 10:11 AM
أَلاَ هُبِّي بِصَحْنِكِ فَاصْبَحِيْنَـا... وَلاَ تُبْقِي خُمُـوْرَ الأَنْدَرِيْنَـا
مُشَعْشَعَةً كَأَنَّ الحُصَّ فِيْهَـا... إِذَا مَا المَاءَ خَالَطَهَا سَخِيْنَـا
....
....
أَلاَ لاَ يَعْلَـمُ الأَقْـوَامُ أَنَّــا... تَضَعْضَعْنَـا وَأَنَّـا قَـدْ وَنِيْنَـا
أَلاَ لاَ يَجْهَلَـنَّ أَحَـدٌ عَلَيْنَـا... فَنَجْهَـلَ فَوْقَ جَهْلِ الجَاهِلِيْنَـا
...
...


بِأَنَّـا المُطْعِمُـوْنَ إِذَا قَدَرْنَــا... وَأَنَّـا المُهْلِكُـوْنَ إِذَا ابْتُلِيْنَــا
وَأَنَّـا المَانِعُـوْنَ لِمَـا أَرَدْنَـا... وَأَنَّـا النَّـازِلُوْنَ بِحَيْثُ شِيْنَـا
وَأَنَّـا التَـارِكُوْنَ إِذَا سَخِطْنَـا... وَأَنَّـا الآخِـذُوْنَ إِذَا رَضِيْنَـا
وَأَنَّـا العَاصِمُـوْنَ إِذَا أُطِعْنَـا... وَأَنَّـا العَازِمُـوْنَ إِذَا عُصِيْنَـا
وَنَشْرَبُ إِنْ وَرَدْنَا المَاءَ صَفْـواً... وَيَشْـرَبُ غَيْرُنَا كَدِراً وَطِيْنَـا

[jمستغرب] 09-08-2015 03:14 PM
والله يا سودانى جدادات الزمن داك نصيحين بس المحيرانى جدادات بت عسمة عاملات زي المجانين

European Union [سوداني] 09-08-2015 11:46 AM
【وكأنها كانت تنشد بيت معلقة عمرو بين ربيعة : ونشرب ان وردنا الماء صفوا ويشرب غيرنا كدرا وطينا!】

جدادات جدتك ديل جنوو والله شنو يا جنا؟
داحين نان البيت ده موش حق حق الجني عمرو ود كلتوم؟

[ابو سكسك] 09-08-2015 10:55 AM
تنويه: الكلام الفوق ده منقول من كاتب اسمو هشام هباني بسودانيزاونلاين


#1336136 [زول خارج بلدي]
0.00/5 (0 صوت)

09-08-2015 09:30 AM
بالله إنت تقصدي الزير البينقط الموية - من عنوان المقال أنا افتكرت الحكاية واحد وزير (كوز) - وزير يلبع لبع موش يبلغ بس

[زول خارج بلدي]

#1336131 [صابون التيتل]
0.00/5 (0 صوت)

09-08-2015 09:17 AM
ليت الأمر يستقيم بزير وكوز الحكاية أكبر من كدة ياأستاذة

[صابون التيتل]

#1336094 [مستغرب]
1.00/5 (1 صوت)

09-08-2015 08:40 AM
( كوز وزير ) أيووووه يا بت عبد الرحيم ده التعبير الكان رايح منى من 26 سنة

[مستغرب]

#1336089 [د. هشام]
0.00/5 (0 صوت)

09-08-2015 08:38 AM
بَسْ يا أستاذة موية الزير مافي ضمان تكون نقية إلا إذا الناس شربوا (النقَّاع)...تعرفي النقاع؟....دي الموية البتنقط تحت الزير و ممكن يتلقوها بي ماعون نضيف... و الطريقة دي أحسن من أي فلتر!!

[د. هشام]

#1336047 [Zoalcool]
5.00/5 (2 صوت)

09-08-2015 07:49 AM
يا بت يا سهير يا رمزيه
بس باخذ عليك حاجه واخده زماااااان دي شنو؟ دي صحافه انت قايلاها واتساب يا جماعه احترموا الموضوع بتاع الصحافه دا شويه

[Zoalcool]

#1336041 [mubark atta]
5.00/5 (1 صوت)

09-08-2015 07:43 AM
استازة وين تلقي كوز نضيف جيبي واحدو انا مستعد ادفع مليون دولار

[mubark atta]

#1336031 [جنو منو]
0.00/5 (0 صوت)

09-08-2015 07:31 AM
خلاص يابت عبدالرحيم .. أمشى كلمى اللمبى يأمر بعمل صهاريج للمياه من الفخار
والطين راقد .. ماتقول لى هو فى طين .. عشان الشعب يشرب موية نظيفه .. بعدين ان
شاءالله عملت بنصيحة حاج بشير .. ماتقولى كمان صناعة الازيار اتطورت وبقوا يركبوا
ليها ماسوره ..!!

[جنو منو]

#1335957 [سوداني انا]
0.00/5 (0 صوت)

09-08-2015 02:42 AM
يا فاكهة الركوبة ليش جبتي سيرة الكوز في مقالك هذا ما كفاية علينا الجكوك الكبيرة الموجودة حاليا وبعدين لا يمكن ان يوجد كوز نظيف حتي لو غسلتيه بما مغلي فيه فيري لغسيل العدة في هذه الايام خلي الناس تشرب كدرا وطينا الي ان تكون مناعة ضد الجراثيم ويقوي عودها

[سوداني انا]

#1335943 [متسائل]
5.00/5 (1 صوت)

09-08-2015 01:41 AM
ربما فهمى تقيل, ولكن كيف للزير أن ينقى الماء وهى داخله؟؟

[متسائل]

ردود على متسائل
[fatasha] 09-09-2015 11:08 AM
يا متسائل..
الزير لتبريد الماء...
اسفل الزير(قعر الزير) تتسرب قطرات مياه (نقاع الزير) وهي نظيفة
وعادة تجمع في وعاء ويأتى الدجاج ليشرب منها (مثل دجاج ام عمسة
حبوبة هشام هبانى)..
ماء الزير قابل للتلوث وغير صحي وانصحك بعدم الشرب منه. كما
ارجو منك الابتعاد من الكيزان حتى لا تصاب بالكوليرا والتايفويد
وسرطان المخ والتخلف العقلي الذي يجعلك تعتقد ان الكعبة تم نقلها
الى ماليزيا والسعي بين الصفا والمروة في الصين.

[زول مقهور] 09-08-2015 01:02 PM
ماسمعت بحاجة اسمها النقاع.....؟؟؟؟؟؟؟؟؟؟؟؟؟؟؟!!!!!!!!!!

[ليدو] 09-08-2015 08:41 AM
والله أنا برضو زيك ، حاسس إنو مخي طبلة مصدية !!!
عديها يا متسائل ،، أصلها صحافة بقت طالقة دربا ساكت .


#1335924 [الحل ينبع من فوهة البندقية]
2.00/5 (1 صوت)

09-08-2015 12:52 AM
عندما يكون كوز وزير تتم العلاقة المثلى لافساد كل الحياة. مع الاعتزار لزير الطين.

[الحل ينبع من فوهة البندقية]

#1335908 [jafar]
4.00/5 (2 صوت)

09-07-2015 11:39 PM
لا تعليق .. بس لأول مرة اسمع كلمة ( كولرات المياه ) هل قصدك ( The water coolers ) مبردات الماء .. يبدو اللغة الانجليزية والعربية عندك فاكات ساي

[jafar]

#1335897 [ماسورة]
0.00/5 (0 صوت)

09-07-2015 11:10 PM
الحرية لوليد الحسين

[ماسورة]

#1335873 [متزحلق]
0.00/5 (0 صوت)

09-07-2015 10:07 PM
الحصة كيمياء و فيزياء و القصد ما مفهوم من الكوز النضيف و الكوز المقدود و الصدئ يا ربى المزة دى دايرا تدخل الوزارة كمان لانو ما فهمنا من الموضوع لو فيهو تورية و تشبيه ...انتى حقو تخلى الصحافة دى و شوفى ليك صفحة حوادث احسن

[متزحلق]

#1335870 [حلنقي]
5.00/5 (2 صوت)

09-07-2015 09:51 PM
على كل مواطن أن يشتري زيراً حتى يستطيع شرب مياه نقية، فقط عليه أن يحافظ على نظافة الزير داخلياً وخارجياً، كما أن وجود الغطاء مهم جداً ووجود (الكوز ) النظيف أهم فاحترسوا من (الكوز ) المصدّي أو المثقوب لأن نظافة إناء الشرب مهمة مثل نظافة الوعاء، وإذا صلح الزير فلن يستقيم الأمر والكوز صدئ .
ههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
كوز نظيف !!!!!!!!!!!!!!!!!!!!!!!!!!! وين نلقاه

[حلنقي]

سهير عبد الرحيم
 سهير عبد الرحيم

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة