المقالات
منوعات
موسم العرسان
موسم العرسان
09-30-2015 08:06 PM


ﻭﻗﺎلت إﺣﺪﺍﻫﻦ ﻧﺎﺻﺤﺔ البنات فقط لاسيما البايرات بمناسبة موسم الإجازات وعودة المغتربين لقضاء العيد وإقامة الأفراح والليالي الملاح لإكمال نصف الدين أو إرضاء الوالدين :
عزيزتي البنت، ﺧﺘﻲ ﺍﻟﻔﻲ ﻳﺪﻙ ﻭﺭﻛﺰي ﻣﻌﺎي:-
1/ ﻟﻮ ﻋﻨﺪﻙ ﺣﺒﻴﺐ ولا زميل من ﻧﻮﻋﻴﺔ ﺍﻟﻌﺎﻣﻞ صاحبك ﻭﻣﺎ ﻓﺎهمة ﻟﻴﻪ ﺭأﺱ ﻣﻦ ﻗﻌﺮ ﺩﺍﻙ ﻃﻮالي ﺯي ﺍﻟﺸﺎﻃﺮة ﻛﺪﺍ ﻓﺘﺸﻲ ﻟﻴﻚ شكلة ﻣﻌﺎﻫﻮ ﻭﺩﻣﻌﺘﻴﻦ ﺗﻼتة وﻗﻮﻟﻲ ﻟﻴﻪ أﻧﺎ ﺣﺎسة إﻧﻨﺎ ﻣﺤﺘﺎﺟﻴﻦ ﻧﺒﻌﺪ ﻣﻦ ﺑﻌﺾ حبة ﻋﺸﺎﻥ ﻧﻘﻴﻢّ ﺍﻟﻌﻼﻗﻪ ﺩي وﺭﻛﺰي ﻋﻠﻰ ﻛﻠﻤﺔ حبة ﻋﺸﺎﻥ ﻟﻮ ﺍلقصة ﻓﺸﻠﺖ ﻳﺎﺧﺘي ﻣﺎ ﺗﻜﻮني ﺩقستي ﻭﺗﺠﻲ ﺗﺪعي علي، أهي دي أﻧﺎ ﻛﻠﻤﺘﻚ.
2/ جيبي ﻭﺭقة ﻭﻗﻠﻢ ﻭﺳﺠﻠﻲ ﻣﻮﺍﻋﻴﺪ ﺭﺣﻼﺕ ﺍﻟﻄﻴﺮﺍﻥ ﻭﺭﻛﺰي ﻋﻠﻰ ﺍﻟﻘﻄﺮية ﻭ ﺍﻻﺗﺤﺎﺩ وﺑﺎﻟﻜﺘﻴﺮ ﺍلخليجية، أﻭﻭﻭﻋﻚ ﻣﻦ ﻧﺎﺱ ﻃﻴﺮﺍﻥ ﺍﻟﻌﺮﺑﻴﺔ ﻭﻓﻼﻱ ﺩﺑﻲ ﺩﻳﻞ ﻭﺍﺣﺪ ﻣﻦ إﺗﻨﻴﻦ ﻳﺎ ﻣﻔﻠﺴﻴﻦ ﻳﺎ ﺑﺨﻴﻠﻴﻦ، ﻓﻠﺲ ﻟﻲ ﻓﻠﺲ أﺧﻴﺮ ﻟﻴﻚ ﻓﻠﺲ ﺳﻮﺍﻕ ﺍﻟﺮكشة ﺍﻟﺴﺎﻛﻦ ﻓﻲ ﺍﻟﺸﺎﺭﻉ ﺍﻟﻘﺼﺎﺩﻛﻢ.
3/ ﺑﻜﺮة ﻣﻦ ﺍﻟﺪﻏﺶ ﺧﺸﻲ ﻓﻲ ﺍﻹﺳﻜﻴﺮﺕ ﺍﻟﺠﺪﻳﺪ ﻭﺑﻠﻮزﺗﻚ ﺍﻟﺪﺍﺳﺎﻫﻢ ﻣﻦ أﺧﺘﻚ ﻋﺸﺎﻥ ﺗﻼﻗﻲ ﺑﻴﻬﻢ ﺍﻟﺠﻜﺲ ﻓﻲ ﺣﺒﻴﺒﻲ ﻣﻔﻠﺲ ﺩﻳﻚ وبعدها ﻋﻠﻰ ﺍﻟﻤﻄﺎﺭ طوالي للمرابطة.
4/ أﻭعي تختي ﻓﻲ ﺑﺎﻟﻚ ﻭﺩ ﺟﻴﺮﺍﻧﻜﻢ ﺍﻟﺠﺎي ﻣﻦ ﺩﺑﻲ ﻭللا ﻭﺩ ﻋﻤﻚ ﺍﻟﻔﻲ ﺍﻟﺴﻌﻮﺩﻳﺔ، ﻛﺎﻥ ﺩﺍﻳﺮﻙ ﻛﺎﻥ ﻛﻠﻤﻚ ﻣﻦ ﺯمااااﻥ ﻣﺎ ﻛﻨﺘﻲ ﻟي هسي ﺑﺎﻳﺮة، ﻭﻛﺎﻥ ﺍﻟﻠﻪ أﺭﺍﺩ ﻭﻓﻜﺮ ﻓﻴﻚ حتلقي منافسة ﺷﺮسة ﻣﻦ ﺑﻨﺎﺕ ﺃﻫﻠﻚ ﻭﺑﻨﺎﺕ ﺍﻟﺠﻴﺮﺍﻥ، ﻭﻛﺎﻥ ﺣﺼﻞ ﻭﻋﺪﻳﺘﻲ ﻣﻦ ﺩﻭﺭﻱ ﺍﻟﻤﺠﻤﻮﻋﺎﺕ ده ووﺻﻠتي ﺍﻟﻨﻬﺎﺋﻲ ﻭﻋﺮستي أﻭﻝ شكلة بيناتكم حاﻳﺬﻛﺮﻙ ﺑﻲ ﻣﺎﺿﻴﻚ ﺍلهو ﻋﺎﺭﻓﻮ ﻭﺣﺎﻓﻈﻮ، أﻟﻌﺒﻲ ﻓﻲ ﺍﻟﻤﻀﻤﻮﻥ يا ﺑﺖ أمي، ﺍﻟﻐﺮﻳﺐ ﻻ ﻋﺎﺭﻑ ﻟﻮﻧﻚ ﺍﻷسمر ﺍلفسختيهو ﺑﺎﻟﻜﺮﻳﻢ وﻻ ﺷﺎﻓﻚ ﺑﺎﻟﺘﻮﺏ ﻭالسفنجة ﺍﻟﺨﺪﺭة ﻣﻨﺘﻈﺮة ﺳﻴﺪ ﺍﻟﻠﺒﻦ ﺑﻲ ﺍلبستلة.
5/ أﺑﻌﺪي ﻣﻦ ﻧﺎﺱ أﻣﺮﻳﻜﺎ وأختيهم، أﻭعي ﺗﺘﻐﺸﻲ ﻓﻴﻬﻢ، ﺍﻟﻮﺍﺣﺪ منهم ﺗﺸﻮﻓﻴﻬﻮ ﻗﺎﺷﺮ ﺗﻘﻮﻟﻲ ﺷﻐﺎﻝ ﻣﻊ أﻭﺑﺎﻣﺎ ذﺍﺗﻮ، ﻓﻲ اﻵﺧﺮ ﻳﻄﻠﻊ ﺑﻐﺴﻞ ﻋﺪة ﻓﻲ ﻣﻄﻌﻢ ﻭﺩﺍﻳﺮ ﻳﺴﻮﻗﻚ ﺗﺮﻏﻲ ليهو ﺍﻟﺼﺎﺑﻮﻥ وبهدلة الإنجليزي ما بتقدري عليها بتحرجك مع الخواجات ساي.
6/ أﺑﻌﺪي ﻣﻦ ﺍلبيجي ﺷﺎﻳﻞ ﺷﻨﻂ ﻛﺘﻴﺮة ﺩﺍﻙ، ﻣﺎااا تفرحي ﺗﻘﻮﻟﻲ ﺩﺍ ﻣﻘﺮﺵ ﺟﺎي ﻣﻠﻴﺎﻥ ﻫﺪﺍﻳﺎ، ﺍﻟﺰﻱ ﺩﺍ ﺗﻠﻘﻲ أﻣﻮ ﻧﺠﺎﺍﺍﺍضة ﻭأﺧﻮﺍﺗﻮ ﺷﻴﺎﻻﺕ ﺣﺎﻝ وﻃﻠﺒﺎﺗﻬﻢ ﻛﺘﻴﺮة، لمن ﺗﻌﺮﺳﻴﻬﻮ ﺍلحبة دي ﻣﺎ ﺑﺘﻠﻘﻴﻬﺎ ﻣﻨﻮ، ﻛﻠﻬﺎ لي ﺃﻫﻠﻮ.
7/ أسمعي ﻛﻼمي وأﺑﻌﺪي ﻣﻦ ﻧﺎﺱ ﺃﻭﺭﻭﺑﺎ الواحد منهم يجي هنا يعمل فيها سفير وهو هناك كان كابي الزوغة وسايق ليهو تاكسي وأوربا ذاااتا ماعندها عمار.
8/ أﻭﻝ ﻣﺎ ﺗﻘﺒﻀﻲ ﻓﻲ ﻭﺍﺣﺪ ﺍﺳﺄﻟﻴﻬﻮ إﺟﺎﺯﺗﻚ ﻛﻢ ؟ ﻛﺎﻥ ﻃﻠﻌﺖ أﻛﺘﺮ ﻣﻦ ﺷﻬﺮ ﺷﻴﻠﻲ ﺳﻔﻨﺠﺎﺗﻚ ﻭأﺟﺮي ﻣﻨﻮ، أﻭﻭﻭﻋﻚ ﺩه ﺍﻟﻨﻮﻉ ﺍلبيقعد ﻫﻨﺎ 6 ﺷﻬﻮﺭ ﻭﻳﺴﺎﻓﺮ 6 ﺷﻬﻮﺭ، ﺗﻌﺮﺳﻴﻬﻮ ﻳﺮﻣﻴﻚ ﻫﻨﺎ إﻗﺎمة ﻣﺎ بيطلعها ﻟﻴﻚ، ﻗﻌﺎﺩ ﻟﻲ ﻗﻌﺎﺩ ياختي أﻗﻌﺪي ﻓﻲ ﺑﻴﺖ أﺑﻮك.
9/ ﺭﺟﺎﻝ ﺍﻟﻨﺴﻮﺍﻥ أختيهم، نحن ﺑﻨﻠﻌﺐ ﻋﻠﻰ ﻧﻀﺎفة، ﻣﺎﻟﻚ ﻭﻣﺎﻝ ﺍلفضلة ﻭﺍﻟﻀﺮة.
10/ ركزي على موديل الموبايل وشكل الجزمة بعكسوا الواقع كتير.. والتزمي إنتي كمان بالحشمة والوقار. كلهم شبعانين في الحنكشة والموضات والواحد بيقول بس داير لي بت بلد بسيطة ومستورة.. ألعبي الدور.
أها.. ده غيض من فيض.. النقاط العشرة دي بس للمساعدة.. الباقى إنتي وحنكك وحظك.. وأنا ﻏﻴﺮ ﻣﺴﺆولة ﻋﻦ أي ﻣﻘﻠﺐ ﺗﺎﺧﺪﻳﻬﻮ ﻣﻦ ﻭﺍﺣﺪ طلع مفتح أكتر مننا، أﺻﻠﻮ ﺍﻟﻤﻮﺿﻮﻉ ﺩه ﺩﺍﻳﺮ ﻣﻊ ﺍﻟﺸﻄﺎﺭة إﺣﺴﺎﺱ، وﻟﻮ ﻣﺎ ﻋﻨﺪﻙ إﺣﺴﺎﺱ وعينك نجيضة ﻣﺎاااا ﺗﺠﺎﺯﻓﻲ ياختي.. بورة مضمونه ولا عرسة مجهجهة!
تلويح:
أعزائي الشباب.. دسوا حبيباتكم هذه الأيام. لكن "هن بيدسن"؟

اليوم التالي


تعليقات 10 | إهداء 1 | زيارات 2808

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1348517 [sudani]
0.00/5 (0 صوت)

10-03-2015 12:50 PM
الإستاذة داليا

لك التحية

نشكر لك تناولك للموضوع بهذه الطريقة الظريفة - فعلا مسالة العنوسة أصحبت تورق مضجع الجميع ولا نرى بريق أمل فى المسقبل القريب.

زيادة نسبة البطالة - محددية فرص التوظيف - المحسوبية فى التوظيف (المؤتمر الوطنى - الحركة الإسلامية)، حتى فى حالة التوظيف فإن المرتب مع الغلاء الطاحن لم يعد يسد رمقا.

لقد إرسلت الموضوع الى احد الأخوات وقالت حقو يكون العنوان "كيف تصطاد عريسا مناسبا".

لابد لنا من محاربة غلاء المهور وبرامج الزواج البذخية - صالات - فطور عريس الخ أقلهن صداقا أكثرهن بركة.

لك التحية أستاذةداليا

[sudani]

#1348152 [AMMA]
0.00/5 (0 صوت)

10-02-2015 03:30 PM
إنت متزوجه ولا لا
مغترب داخل السودان
وكمان سواق تكس

[AMMA]

#1348096 [julgam]
0.00/5 (0 صوت)

10-02-2015 12:21 PM
والله يا داليا قطعتى مصارينى بالضحك ،،وكمان حكاية دسوا حبيباتكم ،ومابندسن دى ،ذكرتنى بعمآ لى يشرب الشراب ولكنه يخاف من الوالد لأنه صهره وكبير العائله
،وكانت هنلك حفلة زواج وطشم هذا العم ،ولما حمت الدلوكة دخل الساحه وكثرت حركته وفقد إتزانه،فناداه الوالد منفردآ وعنفه وسأله أن يصدقه القول فقال:والله العقيره دى دسيتها وأبت تندس،فكانت سببآ لتوبته،،

[julgam]

#1348094 [[جمال]
0.00/5 (0 صوت)

10-02-2015 12:08 PM
ي داليا خربتيها بالبند رقم عشرة البشيلو الجوالات الراقية هم المفلسين واتعبانين اتي شفتي ليك مفكر ول مثقف ول كاتب ول ثري حقيقي بتابع بشقف موديلات الجوالات البتابعو الأمور دي المستهبلين والمحتالين والمفلسين

[[جمال]

#1347731 [سودانية]
0.00/5 (0 صوت)

10-01-2015 01:33 PM
ده كلام ده ياداليا بدل ماتنصحيهن في الموسم ده بالذات يعملن عصيان مدني ويقفلن عليهن باب بيوتهن اصلوا العرس الزمن ده مابحصل الابي ثورة للجنسين...
اولاد اهلي البايرين موصني وكسرو راسي بالتلفونات قالو لي فتشي لي عروسات مغتربات شغالات لانهم سمعو انو اصحابهم الاغتربو كاسرين كرونا في بيوت العزابة ومالاقين شغل اتشفتنو وعرسو طبيبات مقيمات بلامحارم تحديدا في السعودية
اي واحد عايزني افتش ليو وظيفة محرم ولايشترط فيها عمر العروس ولا درجة الجمال والاتفاق بالفيس ويابخت من وفقك فيسين في الحلال

[سودانية]

#1347610 [زايد الخير]
0.00/5 (0 صوت)

10-01-2015 10:26 AM
نصائحك غالية يا أستاذة ياريت تجد من يعيها .....

[زايد الخير]

#1347608 [المتغرب الأبدي]
0.00/5 (0 صوت)

10-01-2015 10:25 AM
عن إذنك .. ح أرسل الوصايا العشرة دي لبت الجيران المنتظراني ..

[المتغرب الأبدي]

#1347596 [AbuAreej]
0.00/5 (0 صوت)

10-01-2015 09:53 AM
(9/ ﺭﺟﺎﻝ ﺍﻟﻨﺴﻮﺍﻥ أختيهم، نحن ﺑﻨﻠﻌﺐ ﻋﻠﻰ ﻧﻀﺎفة، ﻣﺎﻟﻚ ﻭﻣﺎﻝ ﺍلفضلة ﻭﺍﻟﻀﺮة.)

هذا الشرط جعل موقفنا متأزم حبتين (زي موقف الهلال بالضبط)

[AbuAreej]

#1347413 [العازب الأبدى]
0.00/5 (0 صوت)

09-30-2015 11:08 PM
بصراحة دى افضل من الوصايا العشرة المذكورة فى الأنجيل - و أنا اتصلت بأختى البايرة فى السودان و عمرها قرب يكسر الاربعين و طلبت منها تفتح الراكوبة و تقرأ اقصد تذاكر فى مقالة الأستاذة داليا ألياس أعلاه - أما بخصوصى والله أنا مغترب فى الرياض السعودية- ولد ناس و سهل التعامل و أرمل بدون أطفال منذ ستة سنوات - لكن الكبر حصل و حصلت ال 57 سنة - و خريج جامعى و وظيفتى جيدة و ثابتة - و ياريت اجد واحدة بايركس عتيدة مابين 47 الى 53 سنة - عازبة أو مطلقة بدون أطفال - و لايهم مستوى التعليم فقط تكون ست بيت غير موظفة و أن شاء الله تجد سعادتها و راحة بالها معى - والله الموفق و هو الهادى الى سواء السبيل .

[العازب الأبدى]

ردود على العازب الأبدى
[Mohamed ali] 10-01-2015 11:10 AM
الوصايا العشرة في التوارة.

وكيف تقول أنها أفضل من كلام الله..

حاسبوا في الكلام لأنكم عيه محاسبون.


#1347380 [الروسي]
5.00/5 (1 صوت)

09-30-2015 09:17 PM
ده خبر شوم تاني يا داليا

[الروسي]

داليا الياس
داليا الياس

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة