دي ما أدونا ليها
10-17-2015 06:41 PM


أباؤنا وأجدادنا .. أمهاتنا وحبوباتنا .. كلهم قد أدوا الحج مرات ومرات .. كل ما كان يفعلونه هو التطعيم و(كرت الحمى الصفراء) وقطع التذكرة (باخرة وللا طيارة) وعمل التأشيرات وتحويل القريشات التي تكفيهم عبر (بنك السودان) وعلى الأراضي المقدسة على طول .
وجاء زمان الاستثمار في كل شئ حتى (العمرة والحج ذاااتو) وعملو ليهو (هيئة) عديل .. وعلى الرغم من أن تاريخ هذه الهيئة (الدينية) ملأى بالتجاوزات والفساد الذي تظهره تقارير المراجع العام في كل عام إلا أن (آكلى) مال الحجاج لا تطالهم يد القانون وهم في غيهم يعمهون وأي (غي) وفساد أكثر من أن يقوم دستوريون بينهم وزراء وولاة ومعتمد,ن وأعضاء مجلس وطني وموظف,ن بإصطحاب زوجاتهم مستغلين إمتيازات الحج والسكن والإعاشة ؟ وحتى الذين يسافرون على نفقتهم الخاصة يستفيدون من امتيازات بعثة الحج السودانية ويتسلمون شيكات المبالغ المخصصة لإعاشة الحجاج على الرغم من وجود قرار حكومي بإيقاف حج الدستوريين على نفقة الدولة.
لك أن تعلم عزيزي القارئ ان تجاوزات هيئة الحج والعمرة قد بلغت في العام 2010 (5) مليار جنيه ، وأن مديرا سابقاً لهذه الهيئة ومعه مدير مالي قد صرفا مبلغ (2) مليار جنيه من مال الهيئة لشركة مغمورة لا يعرف عنوانها أحد وقالا إن دفع المبلغ للشركة تم بغرض الاستثمار (استثمار ديني وكده) !
وهل تعلم عزيزي القارئ أن التحقيقات قد أثبتت ان حوافز بعض (كبار المتنفذين) في أحد مواسم الحج قد بلغت (120) ألف ريال سعودي للشخص الواحد !!
وهل تعلم عزيزي القارئ أن (لجان التحقيق) في إحد ى السنوات قد اكتشفت أن مديرا سابقا للهيئة قد قام بفتح (17) حساباً بنكياً للهيئة وقد تجاوز ذات المدير بند التبرعات بثلاثة أضعاف ! (لاحظ هيئة حج تتبرع من قروش الحجاج) !
الفساد (الفوق ده) في اعوام سابقات فهل خلا حج هذا العام من الفساد ؟ الإجابة هي (طبعن لا) فقد كشفت اللجنة البرلمانية المكلفة بالتقصي حول أداء بعثة الحج عن تجاوزات مالية وإدارية خطيرة وإلى تلاعب تم في النثريات حيث اتهمت اللجنة بعض الدستوريين والجهات الرقابية بتلقي نثريات وصلت إلى 7 ألاف ريال سعودي (للزول الواحد) !!! كما كشفت اللجنة عن سفر دستوريين ومعتمدين على نفقة الدولة (يعني من قروش الشعب البائس ده) !
على الرغم من أن أهم ما يستعد به الحاج لحجه أن يحرص على أن تكون نفقته في الحج نقية وحلالاً خالصة من الشبهات ، كما جاء في الحديث الشريف (ثم ذكر الرجل يطيل السفر أشعث أغبر يمد يديه إلى السماء : يا رب يا رب ومطعمه حرام ومشربه حرام وملبسه حرام وغذي بالحرام فأنى يستجاب له) رواه مسلم.. إلا أن (أصحاب المشروع الحضاري) لا يتورعون من استباحة المال العام بغير حق (الواحد يحج ويحجج نسوانو معاهو) !! وكمان معاها نثريات ..
لقد أصبحت قصة (فساد بعثة الحج) قصة معادة وأسطوانة مملة يكشف عنها التحقيق في كل مرة وسرعان ما تطوي الصحائف وكأن شيئاً لم يكن (لا حساب ولا عقاب ولا يحزنون) شأن كل ملفات الفساد التي لم ينجح ملف واحد منها في الوصول إلى منضدة القضاء !
العبد لله يصيبه الإستغراش التام أن يصل الفساد إلى هذه المؤسسات الدينية (الحج والعمرة والزكاة والأوقاف) ، كيف لهؤلاء البشر أن يستبيحوا أموال هذا الشعب الفقير تحت غطاء الدين تحت سمع وبصر الناس كافة دون خجل أو وجل أو (خوف من الله) !
كسرة :
عرفنا الزول يحج عشان (يمسح) ذنوبو لكن زول يحج عشان (يزيد) ذنوبو .. (دي ما أدونا ليها) !!
كسرة ثابتة (قديمة):
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+(و+و+و+و)+و +و
• كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+(و+و+و+و)+و+و

التيار


تعليقات 11 | إهداء 0 | زيارات 7333

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1356475 [مظلوم]
0.00/5 (0 صوت)

10-18-2015 04:26 PM
ميييييييييييييييييييييييييييييييييييييييية
وعشريييييييييييييييييييييييييييييييييييييين

ألللللللللللللللللللللللللللللللللللللللللف
ر يال سعودي
يعني أكثر من

300 مليون جنيه سوداني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ديل بقابلو الله كيف بعدين ؟؟؟؟؟؟؟؟؟؟

[مظلوم]

#1356315 [زاهر]
0.00/5 (0 صوت)

10-18-2015 12:17 PM
اشى الغريب يا استاذ جبرا انو ناس الحكومة بشفافية يسمحوا للمراجع العام ان يراجع ويكشف جهة الاختلاس والمختلسين ويكتب تقريروا ويجى يقراهوا على ناس البرلمان والكلام دة بيحصل كل عام وكلما تقدمت الاعوام كلما ذادت الاختلاسات والتهجم على المال العام السؤال البيطرح نفسو المراجعة لشنو ما دام ما فى عقوبة ما تخلوها سايبة وريحوا المراجع العام مدام كل عام الحرامية بيكتروا والمال العام بينتهك بذيادة

[زاهر]

#1356214 [المظلوم]
0.00/5 (0 صوت)

10-18-2015 10:35 AM
أعمل حسابك يا جبرا الجماعة ديل بعد دا حيطلعوك معادي للكيزانية على وزن معادي للسامية

[المظلوم]

#1356186 [أبوشولرب]
0.00/5 (0 صوت)

10-18-2015 09:58 AM
والله العظيم انى قد اصبت بطمام بطن وأنا الآن مارق عشان أطرش

الله يقرف الكيزان ( الغلوا علينا الليمون في ماعلوا )

[أبوشولرب]

#1356175 [الحكيم]
0.00/5 (0 صوت)

10-18-2015 09:42 AM
والله ياجبرا تاعب نفسك ف الفاضي ساااااي العالم ديل حراميه حتي النخاع ولا بعرفو الله ولا الرسول مال الحج دا عندهم مال حلالا بلالا طيبا ياخ ديل مش ياكلو مال النبي ديل لو لقي النبي زاتو بياكلو احرم من مشي الارض ونسو الله فانساهم انفسهم .... بس القصه بعدين وبعدين دي حكايه وروايه اهو نلقاهو قدام بس

[الحكيم]

ردود على الحكيم
[nadus] 10-18-2015 11:03 AM
استاذ جبرة نااااايم كدى اسالو من تامين الحجاج كم قيمتو ... زول متوكل لى الله يامن شنو ؟؟؟ وعند منو ؟؟؟ شيكان للتامين ... والماسكها منو ؟؟؟ عثمان الهادى عينوه وزير تجارة رفض ...رجعوه بنك امم درمان رفض .. يعنى شنوووووووووووووووووووووووووووووو ؟؟؟ جبرة ما تخمنا ..والله يستر عليك ماااا تهبش


#1356138 [زول 200%]
0.00/5 (0 صوت)

10-18-2015 09:02 AM
ما مديربعثة الحج والعمرةكان راتبه 60000ريال سعودي غير اللهط والوزير السابق للحج والعمرة ما طلعوا منها زي الشعرة من العجين وفرحانين لكن اين يذهبون ان الله سريع الحساب

[زول 200%]

#1356127 [QUICKLY]
0.00/5 (0 صوت)

10-18-2015 08:48 AM
اعضاء هيئة الحج ديل عاملين زي الحرامي المشى سكن جنب قسم البوليس

طبعا واحد ساكن جوار قسم البوليس ما في حد بشك في أنو حرامي
أعوذبالله أعوذبالله أنشاءلله تأكلوا في بطونكم نار في الدنيا قبل الآخرة يارب العالمين

[QUICKLY]

#1355951 [nadus]
5.00/5 (1 صوت)

10-17-2015 08:44 PM
انت وجمال على حسن مكنكشين فى حلايب وهيثرو ... الرئيس والنائب العام البتتكلم عنهم ديل انت راجى خيرهم ؟؟؟؟؟ انت زول مستنير وواضح .... ما داير اشرحو ليك ... هسه انت بتأذن فى مالطا وتهرينا نحن ... بدون فائدة .. وجمال كمان حلايب حلايب ... يعنى انتو الجوز ... زى ثنائى العاصمة ... معاى معاى بالدرب الطويل ... وليه تقول لى مستحيل ... بعد شوية نغنى ليكم (الفارقونا وراحو ) ... سيبونا فى وجعنا ما تزيدو تانى علينا ... كنتو جوه قلوبنا وفى حباب عينينا .. بكرة ببقى فراقكم زاد لهيب البينا .. لا وصلنا حلايب لا هيثرو ادلينا .
كسرة ...
شوف لى شاعر وملحن (البنبحو ) كتاااااااار وحقك على

[nadus]

#1355946 [nadus]
5.00/5 (1 صوت)

10-17-2015 08:36 PM
يا جبرة انسى موضوع الكسرة حقتك دى ,,, وشوف غيرو برضو الحج السنة الجاية ... حقو تسويهو كسرة....... والموية والتعليم والعلاج وووووووووو كلو كسرة .. اشمعنى خط (زفت) البقينا عليهو براهو كسرة ثابتة....؟؟؟؟ كلو كسور وبواقى ... عشان ما تتعب قلمك وعيونا وديهو لاهاى ... فترنا ... السودان كلو اتباع بقت على خط (خسرو)؟؟؟؟؟؟حتة (خطيط) كدا شوف خطوط الطول والعرض تلقانا ماشين حفايا وعرايا هههههههههههههههههههههههههههههههههههههههههههههههههه

[nadus]

#1355918 [بت البلد]
0.00/5 (0 صوت)

10-17-2015 07:32 PM
والله يا أستاذ ناس بعثة الحج ديل عارفين الشعب السوداني طيب ومسكين وعلى نياتو ... ولو واحد فيهم فتح خشمو في الحج عشان يقول الحقيقة تلقى الباقيين عايزين ياكلوهو بعيونن... ليه؟؟! عشان لا رفث ولا فسوق في الحج والله عايزين نعرف يعني ما ممكن الزول يقول دا غلط في الحج وللا دا يعد رفث وفسوق ؟؟؟!!! أفتونا

[بت البلد]

ردود على بت البلد
[مغتاظ] 10-18-2015 09:48 PM
يا بت البلد
شكلك ما عارفة معنى كلمة "رفث" دي !
وأنا مستحي اشرحها ليك !!!
أحسن تفتشيها براك - وعلى مسئوليتك - في google


#1355905 [الصالح العام]
5.00/5 (1 صوت)

10-17-2015 07:10 PM
ياعمك هو الحج براهو؟ ما سمعت برفقاء صلاة الفجر!! الغريبة يصلوا الفجر ويتحللو!! أها نثريات الحج زى دة

[الصالح العام]

الفاتح جبرا
 الفاتح جبرا

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة