03-26-2016 05:07 AM


جماعة مرطبين قاعدين قدام بيتهم في فطور رمضان ، اتى احد رجال غرب افريقيا مارا فدعوه للفطور . ادوه كورة الحلو مر ... قرطع... بعد اكل ليه لقمتين . هاك ياحاج . وتاني نفس كورة الحلو مر . لمن مدوا ليه الكورة للمرة التالتة ...والحاج عينوا في جكوك القزاز ... منقة وجوافا ، قال ليهم ,, من هلو مر الهمد لله ,, .
تاني الصادق بدا يصرح وذي ما كان بيقولوا ناس العباسية صرف عربي كتير . من هلو مر الهمد لله . ما عاوزين كلام ... شبعنا . الصادق بيتكلم من نهاية الاربعينات وبداية الخمسينات . كان بيخطب قدام المراية في بيت اللواء البنا في مصر لمن كان طالب في كلية فكتوريا . وبعد التحذير كانت بسطونة اللواء الذي لا يعرف اللعب ولا الكلام الكعب . عاوزين عمل ... عمل .. آكشن ... هرمنا وهرمتم واولاد الهرمة قاعدين .
اقتباس ..من خطبة الصادق الاخيرة عن الجزيرة ابا
إنها وأهلها وقفوا مع الدعوة المهدية في بدايتها وقدموا التضحيات حتى النصر.
إنها وأهلها اشتركوا مع الإمام عبد الرحمن حتى عمروها فصارت رائدة التنمية الزراعية والصناعية الحديثة مع الإمام.
إنها وأهلها وقفوا مع الامام عبد الرحمن حتى حققوا استقلال البلاد.
إنها وأهلها قدموا أنموذجاً للوحدة في أطار التنوع؛ قدموا مجتمع المدينة الفاضلة في تاريخ السودان. ويقول ,,.
وهي وأهلها دعموا مواقفنا الصامدة في وجه الطغاة؛ وما زالوا حتي نطهر الاسلام من التشويش وحتي نحرر الوطن من الطغيان.
إنها وأهلها دعموا مواقف الإمامين الصديق والهادي وصاروا لنا أهل أرواح لا أرحام.
لذلك عندما قدم لي السيد جعفر نميري رحمه الله ملفاً بإعادة كل أملاك الإمام عبد الرحمن لورثته قلت له: إن معنا في هذه الورثة شركاء ينبغي أن تسجل الجزيرة أبا في هذا الإرث لسكانها وأن يخصص مجمع بيت الإمام المهدي للأنصار؛ وافق على هذا الطلب، واصدر به قراراً، ودعوت ورثة الإمام عبد الرحمن لإجتماع في بيت المهدي. ووافقوا كذلك على هذا الرأي.
النظام الحاكم الآن أراد أن يشوه هذه المنظومة الاخوية الودية الاختيارية بقرار لا لزوم له إلا المكايدة، قرار تأميم الجزيرة أبا ثم تسجيل الجزيرة لسكانها. هذا قرار غاصب وغير دستوري ولا لزوم له:
فإذا كان القطيع كله لك بالرضا لماذا تصطاده لولا المكايدة؟
أحييكم جميعاً في مناسبة عيد الأم وفي ذكرى شهداء الجزيرة ابا الذين كانت دماؤهم القسط الأول في المسيرة التي انتهت بالإطاحة بنظام الاحتلال المايوي، الاحتلال لإرادة الشعب، التي تمكن الشعب السوداني بعدها من تحقيق حريته بانتفاضة رجب/ ابريل .
نهاية اقتباس
النظام الذي كان مطبقا كان نظاما اقطاعيا . اراد الانجليز تسجيل البيوت بإسم ساكنيها . وطلب منهم الخروج من البيوت لان تسجيل البيوت حرام والبيوت بعدين في الجنة. الشخص الوحيد الذي وجدوه داخل منزله كان الصياد ديلي الذي كان نائما في الضحي لانه يعمل في الليل . وسجل البيت باسمه وعرف الخور بإسم خور ديلي .
المحامي شمس الدين عبد الله من الجزيرة ابا ووقتهتا كان المحامون معدودين اعترض علي كلام الامام ، واباح والده دمه ولم يرجع الي الجزيرة اباوكان له مكتب في عمارة الاخوة . كلول من غرب السودان اباح والده الانصاري دمه . الانصارية كثورة اجتماعية سياسية ضد الظلم وجمعت الناس علي عينا ورأسنا . ولكن كدين جديد او ان النبي قد توج محمد احمد عبد الله كمهدي واجلسه على كرسيه امام الانبياء والرسل والاولياء الحيين والميتين .... فهذا هراء ومرفوض. تعرض لهذا الترابي وسفه الفكرة في فيديو منشور .
يقول الصادق ان الانصار ساندوا الامام الهادي والصادق من هاجم الامام الهادي وشق حزب الامة وبهدل السودان وخلق البلبلة وعدم التوازن السياسي بسبب نرجسيته . ويقول ,, وهي وأهلها وقفوا معنا في معركة التصدي للطغاة والانتصار للإسلام الصحوي وللديمقراطية,, ليس هنالك ديمقراطية مع الطائفية. من هلو مر الهمد لله .
ناس الجزيرة ابا ديل ما كان بيجيبوهم لقتل الناس
والبوليس في اول مارس . وفي المظاهرا مثل حريق العملة وحوادث المولد وود نوباوي ومذابح الجزيرة ابا . بالرغم من خطأ السلطة . وكانوا جيش الامة . وعندما اعتصموا قبل بضع سنوات وطالبوا بحقهم في التعويضات استعان الصادق ورجاله بجيش السلطة الانقاذية للبطش بهم
اقتباس
وفي ذكرى شهداء الجزيرة ابا الذين كانت دماؤهم القسط الأول في المسيرة التي انتهت بالإطاحة بنظام الاحتلال المايوي، الاحتلال لإرادة الشعب، التي تمكن الشعب السوداني بعدها من تحقيق حريته بانتفاضة رجب/ ابريل .
نهاية اقتباس
النظام المايوي ده مش الكان الصادق جزء منه لفترة ولا انا عندي شزفرينيا ام برد ؟ الصادق ذهب للتفاوض مع نميري لان السعودية وامريكا طلبوا من نميري التعاون مع المعارضة بعد التخلص من الحزب الشيوعي . وكما عرف كل الناس واورده الهندي في شريط فيديو .. الصادق ذهب ليقبض الكاش ويسترجع الاملاك . وتنكر للمعارضة والشهداء.
اقنباس
وما زالوا حتي نطهر الاسلام من التشويش وحتي نحرر الوطن من الطغيان.
نهاية اقتباس
اكبر تشويش علي الاسلام هو الطائفية . المقرف مشاهدة طوابير السودانيين ليلثموا ايادي المراغنة . كل ما اشاهد حملة البراطيش اخجل من انني سوداني . وكلما اتذكر تخاطف الانصار ماء حمام الصادق في بيت خالي محمد عبد الرحمن ابتر في كادوقلي اكاد ان اصاب باليأس من ان يتعافى الوطن .
الجزيرة ابا مش بتاعة الصادق ولا بتاعة الانقاذ . الجزيرة حقت الغبش السقوها بي عرقهم ودمهم ... هم اليحددوا . ومن هلو مر الهمد لله .


shawgibadri@hotmail.com


تعليقات 13 | إهداء 0 | زيارات 4427

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1435387 [كوكو]
4.15/5 (7 صوت)

03-27-2016 06:54 PM
فعلا والله يا عمنا الطائفيه تغيب عقول الناس - أذكر ان احد الاشخاص حكى قصه ايام الديمقراطيه الاخيره بأن الصادق المهدي قد زار الاقليم بتاعهم - وكان الصادق يجلس على سرير داخل قطيه - فأتت حمامه بيضا يشع منها نور عجيب حلقت الحمامه فوق راس الصادق كذا مره - وهذا الرجل اعتبره أحد المغيبين ذهنيا حيث كان يحكي القصه بإعجاب شديد وخشوع وتبتل وحين يذكر اسم الصادق يقول عليه السلام) وحسب اعتقاد هذا الرجل فإن تلك الحمامه دليل على ان الصادق كجده المهدي برضو مرسل من عند الله سبحانه الله يهدينا ويهديهم..

[كوكو]

#1434869 [الباحث عن الحق]
4.19/5 (6 صوت)

03-26-2016 09:54 PM
أنا عايز أقول أنو الزول القال "هلومر" دا ما من غرب أفريقيا ، بل هو من دارفور .. نحن ناس الشمال أي زول من دارفور إذا ما ركب في مزاجنا بنقول من غرب أفريقيا .. أنا شفتا دارفور وعشتا فيها وهي مجتمع قبائل أفريقيا ، مشروب الحلو مر لحدي الآن إسمو "الآبري" وهو أصلاً صنيعتهم وليس صنيعة الشمال... هذا للتوضيح

[الباحث عن الحق]

ردود على الباحث عن الحق
[mahmoudjadeed] 03-28-2016 11:34 AM
النكتة لا علاقة لها بأصل ومنشأ الحلو مر سواء كانت من الشمال او الوسط او دارفور . أنا متأكد لو الزول ده نسب النكته لأهل دار فور , نفس الاقلام كانت بتنتقد شوقي وتصفه بالعنصرية والجهوية مع انه في نكات كتيرة عن الشوايقه والحلفاويين والدناقلة وغيرهم من قبائل السودان .. لكن هناك عقدة وحساسية تجاه كل ما هو دار فوري , لماذا ؟ الله أعلم .

[ود دكيم] 03-27-2016 08:18 AM
هههه ياخي ديل اي شي جميل ينسبوه لهم واي شي قبيح لغيرهم .. اكثر عنصريتا وحقدا وتجدهم ينعتون بها الناس هههه والله محن .. في واحد بتحدث لخليجي قال ليه علي دينار ده مامن الفور الزول ده من الشمال ومشي فتح دارفور لانهم كلهم وثنيين وكده ... والخليجي افتكر دارفور دي اقليم في نيجيريا قال ليه والله النجيريين اهل قران وحفطة كتاب الله

[ود دكيم] 03-27-2016 08:17 AM
هههه ياخي ديل اي شي جميل ينسبوه لهم واي شي قبيح لغيرهم .. اكثر عنصريتا وحقدا وتجدهم ينعتون بها الناس هههه والله محن .. في واحد بتحدث لخليجي قال ليه علي دينار ده مامن الفور الزول ده من الشمال ومشي فتح دارفور لانهم كلهم وثنيين وكده ... والخليجي افتكر دارفور دي اقليم في نيجيريا قال ليه والله النجيريين اهل قران وحفطة كتاب الله


#1434843 [عمر الحاج حلفاوي]
4.08/5 (7 صوت)

03-26-2016 08:14 PM
رغم ما تقوله عن السيد الصادق المهدي فهو لم يؤذي احدا مهذب في لفظه مؤدب مع غيره دائما يختار الاسلوب السلمي باريت لسع الناس بتشرب في موياتهم باختيارهم لان الزمن كان سيصلح من حالهم او ابناءهم الذين تعلموا- بدل شراب الحنظل مكرهين مجبريين في عهد العسكر الشيوعيين منهم والاسلاميين..

[عمر الحاج حلفاوي]

#1434842 [الحقيقة]
4.07/5 (5 صوت)

03-26-2016 08:06 PM
مسألة أراضى الجزيرة أبا عبارة عن شرك من المؤتمر الوطنى لإجبار الصادق المهدى على العودة لكن الرجل متردد رغم أن وفاة نسيبه الترابى قد وفرت له فرصة للعودة لكنه إن عاد فلا شك في أنه سيقبل بالحوار بهدف الحفاظ على أملاكه وأراضيه بالجزيرة أبا وكل بتمنه.

[الحقيقة]

#1434769 [انسان اوغلو]
4.13/5 (7 صوت)

03-26-2016 05:07 PM
الابري (الحلو مر) والكسرة والعصيدة اصلا من مناطق دارفور ووداي (تشاد)، نعرف ان القراصة حقت الشمال
السودانيين بعملوا على تزوير الحقائق والادعاء .. كما ادعوا ان النجاشي سوداني رغم ان العالم كله يعرف انه حبشي (اثيوبي)
تزوير كثير من الاشياء,, حتى الاسلام دخل السودان من غربها والدليل على ذلك المذهب والقراءات (ابو عمر المعروف في السودان بالدوري والادعاء انه القراءة السودانية)
الاسلام الذي يقال انه دخل من مصر مع عبد الله بن السرح وجد مملكة مسيحية ووقع معها اتفاقية البغض وتركهم على دينهم
حتى ان السودانيين الشمالين في ثقافتهم العامة يقولوا الدين حق الغرابة
كثير من الاشياء جاءت للسودان من غربه لكن تزوير الحقائق والتاريخ في المناهج والاعلام السوداني ادى لغسل مخ السودانيين

[انسان اوغلو]

#1434705 [عبدالله البطحاني]
4.07/5 (5 صوت)

03-26-2016 02:39 PM
حملة الجنسيه السودانيه من المصريين وهي جزء من الهبات التي منحها سئ الذكر مصطفي اسماعيل للمصريين لكي يستوطنوا في بلادنا ,,علا صوتهم في هذا الزمن الاغبر حتي ظن بعضهم انهم سودانيين بحق وحقيقه ,,,
ولكن لن يطيل هذا الحلم كثيرا فسيتم شحنهم الي محروستهم وزيلهم بين رجليهم كما الكلب الاجرب بعد زوال حكم سفلة الانقاذ المحتوم,,

[عبدالله البطحاني]

#1434684 [الباحث عن الحق]
4.17/5 (9 صوت)

03-26-2016 01:57 PM
أول مرة تكتب مقال قصير يا شوقي بدري ... نقطة نظام ناس غرب أفريقيا بسموهو " الآبري" وليس "الحلو مر" ... هؤلاء ليسو سكان غرب أفريقيا .. إنما هم سكان دارفور صحح معلوماتك. لو كان تفكيركم زي دا الإنقاذ ليها حق تستمر أكتر من نصف قرن لأنو تفكيرها هنا إيجابي.

[الباحث عن الحق]

ردود على الباحث عن الحق
[محمد عبدالله عمر] 03-26-2016 09:02 PM
عادي يا أخي.حاول الكلاتب أن يعمم فقال واحد من غرب أفريقيا.يعني لو قال واحد من دارفور أو الفلاتا يمكن في ناس ما حيرضو.
عادي.
حاج آدم الفلاتي كان صديق والدي و كان يزورنا في بلدنا في ضنقلا.كان يردد في شراب الموية عادة: من حلومر دة الحمد لله.
و في ذات يوم كتب المحاية لشقيقي عمر الذي يصغرني و كان شقيآ.قل ليهو أشربي محاية دة شان مرض دة بفك منك.دلق عمر المحاية علي الأرض و أخذ يردد:قرف...قرف.غنتفض حاج آدم و ناداه:تعال يا شعوعي...تعال يا أدو الله.أشار إليه عمر من بعيد و قال :من حلومر دة الحمد لله.أخدنا نردد في العيارة:تعال يا عوعي يا أدو الله لزمن.كنا صغارآ و اشقياء.
يرحم الله حاج آدم فقد كان رجى طيب القلب و هو رجل صالح.طاب له المقام بين أهلنا فتزوج و أنجب ابناء صالحين و عاش حتي توفاه الله.
يا لها من ايام.

[shawgi badri] 03-26-2016 04:19 PM
انت عاوز تقول كلام معين . لكن ما لقيت سبب . ودي مامشكلة يدخلو فيها الانقاذ . غرب افريقيا دي انت شفته كلهعلشان تعرف بيقولوا شنو ؟ ببساطة القصة حصلت في امدرمان زد . الحاج لمن ادوه الحلو مر . كانم مؤكد شربو قبل كده وعارف انه دي الحلو مر . يعني ما محتاج لشهادة جدوي او شهادة بحث .

European Union [انسان اوغلو] 03-26-2016 04:19 PM
صدقت... وهو الأبري والكسرة والعصيدة اصلا من تلك المناطق ، دارفور ووداي (تشاد)، نعرف ان القراصة حقت الشمال
السودانيين بعملوا على تزوير الحقائق والادعاء .. كما ادعوا ان النجاشي سوداني رغم ان العالم كله يعرف انه حبشي (اثيوبي)
تزوير كثير من الاشياء,, حتى الاسلام دخل السودان من غربها والدليل على ذلك المذهب والقراءات (ابو عمر المعروف في السودان بالدوري والادعاء انه القراءة السودانية)
الاسلام الذي يقال انه دخل من مصر مع عبد الله بن السرح وجد مملكة مسيحية ووقع معها اتفاقية البغض وتركهم على دينهم
حتى ان السودانيين الشمالين في ثقافتهم العامة يقولوا الدين حق الغرابة
كثير من الاشياء جاءت للسودان من غربه لكن تزوير الحقائق والتاريخ في المناهج والاعلام السوداني ادى لغسل مخ السودانيين


#1434640 [الاسيوطي]
4.07/5 (5 صوت)

03-26-2016 11:49 AM
غريبة ..الكنانة ام الدنيا لم تلق عليها بحجر وانت جعلت كل شجرة مثمرة هدفا لك

[الاسيوطي]

ردود على الاسيوطي
European Union [عبدالله البطحاني] 03-26-2016 03:59 PM
حملة الجنسيه السودانيه من المصريين وهي جزء من الهبات التي منحها سئ الذكر مصطفي اسماعيل للمصريين لكي يستوطنوا في بلادنا ,,علا صوتهم في هذا الزمن الاغبر حتي ظن بعضهم انهم سودانيين بحق وحقيقه ,,,
ولكن لن يطيل هذا الحلم كثيرا فسيتم شحنهم الي محروستهم وزيلهم بين رجليهم كما الكلب الاجرب بعد زوال حكم سفلة الانقاذ المحتوم,,


#1434626 [سارة عبدالله]
4.07/5 (5 صوت)

03-26-2016 11:19 AM
الأخ شوقى حياك الله
يقول السيد الشريف حسين الهند فى الفيديو المسجل محتواه !!!!!
ارسلنا الصادق المهدى ليتفاوض حول المصالحة الوطنيه فتفاوض حول مسائل ماليه
كانت مبانى الدائرة محلج ربك معاصرة بمعالجة ممتلكات لا علاقة لها بسيرة الحركة السعبيه ومنها عشرة شروط اوضحهها فى الفيديو المسجل
الان فى عمل سياسي اشتركت فيه كل المعارض وتبوء الامام الصادق فى خلق كيان معارض له عدة تسميات . وننتظر النهايه وكانت مباغتت امبيكى وردود الأفعال لهذا التصريح واشده فى الصحف الاكترونيه وبيانات لكن ما ادلى به الامام الصادق امبيكى استعجل !!!!
شخصية كشخصية الامام الصادق الم يفطن ما يدور حول هذا الحوار ما هو الا مباغته
هل يامل فى تصالح مع النظام ومازالت تركت عبدالرحمن المهدى جزء منها لم يوزع
اما عن ابا ورده على الحكومة . أقول نحن الأنصار نعرف دور هذه الجزيرة الى جعلها الامام المهدى معقر الثوار ونعرف غير عبدالرحمن المهدى فى اولاد حامد اولاد عم المهدى أليس لهم الحق فى هذه البقعة
المصالحة مع النظام عندما يتنصل ويتلقى بالحكومة فى تصالح لانه ستكون الورثه جزء . اما شعارات الانتفاضه لا يوافق لان الأمام يعرف ان اولاده فى المقدمة . هل سيحضر السيد الصادق لقيادة هذه الانتفاضه ام سيبقى وراء الكواليس
اقول الامام الصادق لا نسمح بسفك دماء الأحرار أهلنا والآبرياء

[سارة عبدالله]

ردود على سارة عبدالله
[shawgi badri] 03-26-2016 01:48 PM
العزيزة سارة . الصادق يطرشنا ما في يوم قال انا غلطت . كل حاجة يركبها في الآخرين اليلة امبيكي وبلكرة ابكيكي . لا يهمه سوي نفسه . المشكلة اذا ادت الادانة والمحاكمات لن يقبل الصادق او الاميرغني محاكمة اولادهم .


#1434624 [arah]
4.13/5 (6 صوت)

03-26-2016 11:17 AM
> لا يا شوقي إنت ما شفت شريط إسراء أيقونة الأمل، الصادق والهلومر بتاعه على وشك وكذلك الميرغني الصنم ومن قبلهم الترابي .. ديل زبد ساكت ""فأما الزَّبد فيذهب جُفاء وأما ما ينفع الناس فيمكث في الأرض"" صدق الله العظيم.

[arah]

#1434611 [Insan89]
4.10/5 (6 صوت)

03-26-2016 10:43 AM
يا عم شوقي بصراحة تحاملك علي الصادق المهدي اكتر من اللازم حتي ولو كان في كلامك كتير من الحقائق..

[Insan89]

#1434562 [طلال]
4.07/5 (5 صوت)

03-26-2016 08:43 AM
انا من راي قبل اسقاط النظام الاسلاموي لازم نظقط طغاة التصوف ونسحب السجاجيد بتاعتهم من تحت ارجلهم عشان فعلا نمشي لقدام

[طلال]

ردود على طلال
[shawgi badri] 03-26-2016 12:59 PM
الصوفية بها شوائب كثيرة لكن مقدور عليها وهي من نشرت الاسلام في السودان خاصة في الجنوب . لكن الطائفية هي السرطان .


#1434531 [أحمد إبراهيم]
4.19/5 (7 صوت)

03-26-2016 05:59 AM
وأنا أيضا ، كلما اتذكر تخاطف عشيرتي تراب أثر لساتك "الناش" (الصالون) الذي جاء به أحمد المهدي إلى قريتنا في ريفي سنجة في أوائل الخمسينات الماضية ، أوقن بأن لا أمل البتة لهذا البلد المنكوب بولع أهله أن يكونوا خدماً ، بل عبيداً، للمتلفحين بالدين .

ويومها كان كل من تمكن من أهل القرية من الحصول على قشرة موز من فضلات وليمة ود المهدي ، قد فاز فوزا عظيما ... رغم أنهم هم من أتى بالموز من جروفهم للوليمة !!

[أحمد إبراهيم]

ردود على أحمد إبراهيم
[shawgi badri] 03-26-2016 12:57 PM
شكرا احمد ... بل حملوا العربة الثقيلة وكان من الممكن ان يموت او يصاب احد الحاملين . ولقد اورد الظابط الكاتب هاشم ابو رنات ان نائب نميري عمر محمد الطيب قد سلمه 150 الف دولار وعندما اتي احمد المهدي لجهاز الامن طلب عمر الفلوس وخرج احمد المهدي يحمل الفلوس . وقبلها قد طلب منهم عمر اخذ سيارات جديدة في نصف الليل الي منزل احمد المهدي هذا مذكور في كتاب اسرار جهاز الاسرار .


شوقي بدري
شوقي بدري

مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة