قصيده
04-15-2016 01:44 AM


انا جامعة الخرطوم
معشوقه من طفله
وخطابي كل الناس
محجوزه لشعبي
وحريرتي مربوطه
فكره وعي وايمان
جيل الاوائل داك
شايلاهو في حضني
لابسمته لعسكر
لاخنته يوم عشقي
محجوزه لطالب
عمرو العمير مدني
لا بعرف الخسه
لاباع ضمير في يوم
لا داهن العسكر
ايمانو في ذهنو
انو الخلاص من جور
واني الجميله النور
قدمتو لقدام
بفكرو والتفكير
شال البلد في كف
وخت الكسل في الرف
وحرر ثراها كثير
كلما غشاها اللف
قدمت لشعبي
طلاب مهر تحرير
قرشي المجرتق دم
مزفوف باجمل نم
حريه حريه
تايه وبشير وسليم
عبد السلام المر
كل الشهور تشهد
نوفمبر القاتم
مايو الظلام يشهد
شعبان وماادراك
مارس شهر عشقي
ابريل وما ابهاك
يونيو الظلام والهم
اكتوبر الممهور
شهر الخلاص والنور
شعبا وقف طابور
كنت الخلاسيه
محفوظه جوه الجوف
كل البلد من ضيء
دقت نحاس ودفوف
وخلاصا في ايدي
فرشت فرش النور
الحنه اشجاري
وتغني اطياري
تعزف نشيد تحرير
وتنادي حريه
مرحب بحكم الشعب
(العديله ليه)
شويم جناي مبسوط
رافع شعار شعبي
وهز اليمين وركز
لافز لاكسكس
حالم بوضع جديد

لاسرقه لاتقرير
لاسيخ ولاتبرير
لابيع ولا سمسار
شعبي البشد اذري
يسمع حفيف همسي
حالف يبر نذري
ويحرر السودان
والواقع المزري
شعبا طلع بره
وحالف يجيب تارو
يحفظ تراث امه
شعبا حسين وعديل
حالف مايتراجع لوما
البلد خلصت
يحفظ تراب وطنو
من باعه مبيوعين قابضين
ثمن عزه
باعوها بالتقسيط
راح يرجع السودان
وطنا بيملا العين
مليون مربع ميل
مليون مربع حب
مليون مربع خير
وانا جامعة الخرطوم
محجوزه لشعبي
معشوقتو من طفله
مابسمته للعسكر
مخطوبه لطالب
حالف يبر نذري
حريه حريه .
محمد علم

[email protected]



تعليقات 0 | إهداء 0 | زيارات 1357

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد علم
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة