المقالات
السياسة
لماذا جهاز الامن لايعتقل كل من هبّ ودبّ ؟ مسرحية من فصل واحد
لماذا جهاز الامن لايعتقل كل من هبّ ودبّ ؟ مسرحية من فصل واحد
04-21-2016 02:18 PM

image

لماذا جهاز الامن لايعتقل كل من هبّ ودبّ ؟
مسرحية من فصل واحد

التآليف: صحفي و ممثل و مقدم برنامج تلفزيوني شهير
التمويل: شركة الفيس بوك للانتاج الفني المحدودة

المشهد الاول:

مقدم برامج تلفزيونية الشهير بحسكا:
مره كدا البشير قبل كم سنه كان في الحصاحيصا وفي اثناء كورايكو وحلاقيمو التي لاتنتهي قال
للناس خاطباً (اهو الليله حانفتتح كبري الحصاحيصا رفاعة)وهاجت الناس وماجت .واحد بس رفع يدو ، قال للبشير اها قول قطعنا بهناك في شنو ؟!!!! اسه اها قولو ادونا حلايب وشلاتين ومعاهم محافظة اسيوط هديه .اها شنو يعني !!؟وبس

الممثل السوداني المهاجر:
انت يا حسكا تقدر تتكلم عن حلاقيم البشير وكواريكو كدا عااااادي ... طيب اولاد بنات جامعة الخرطوم بدقو فيهم ليشنو ؟

الصحفي السوداني عمار عوض شريف:
ما كل الناس في الخرطوم ومدن السودان بتهاجم البشير خليك من دا ناس ناهد جبراللة ومحمد فاروق الليلة ما خلو للبشير جنبة في جامعة الخرطوم دي زاتها بقت على حسكا المسكين دا يا تروس .

مقدم برامج تلفزيونية الشهير بحسكا:
ما كل الناس في الخرطوم ومدن السودان بتهاجم البشير خليك من دا ناس ناهد جبراللة ومحمد فاروق الليلة ما خلو للبشير جنبة في جامعة الخرطوم دي زاتها بقت على حسكا المسكين دا يا تروس .

الممثل السوداني المهاجر:
ا يعني انتو اسي كصحفيين الاتنين كدا متلمين ....يعني الحكومة ديمقراطية خاااالس وعادي الناس حتي امال جبرالله و محمد فارروق بتكلموا وبنبزو في البشير ، و دا كان سؤالي هنا لحسكا (المسكين) ... كيف ممكن يحصل دا في بلد يعذبوا فيه الطلبه ويععتقلوا البنات و يضربوهن شنو البخلي جهاز الامن يسمح لصحفين ومعارضين و انو يقولوا ما يحلو لهم ، دا هنا اسؤال لكن يا استاذ عمار بالنسبة لحسكا مبرووووووك عليه النضااال الي ان تجية الدعوة و الزيارة الدايرة دي ... وانت يا مكرفون يادين يا حسكا انت اذكي من الكلام البيتقال دا انو انا بتكلم وبهاجم الحكومه من جوه .... دا كلام كلنا قاعدين نقوله لما نشتهي الاجازات و الاكل في صاج سمك و شية سوق الناقة و الاعراس والحفلات باليل في الانادي و لبس الجلاليب الماخمج وبنات الجامعات الملظلظات ..... جوه جوه جوه في مكرفونك نحن جوه ما جربناها غير المزله لقينا شنو فيها ... امشي اسأل علي مهدي و رجالات الثقافة و فروفور و جينا يابا جوه بخواجاتنا و دلالكينا و قروشنا ..

الصحفي عمار عوض شريف:
لا الحكومة ما ديمقراطية لكن في دار للحزب الشيوعي وبنعقد فيه مؤتمرات صحفية تطالب بإسقاط النظام وبيجي الأمن يصادر الجريدة أو يقفلها وفي صحفيين بضربوا عن الطعام عشان يفكوا حظر جريدتهم وبتنقل القنوات كلامهم وسخطهم وفي ندوات بتعقد في الجامعات مرات الأمن بمنعها ومرات الطلبة بنجحوا في إقامته وأولاد حلتنا وحلتكم بكتبوا كلامهم وسخطهم وبضربوا البوش ويمشوا ينومو وكلهم أمل أن الفعل الثوري للتغيير تراكمي وبيحصل في لحظة اكتمالو. . انا ما فاهم انت ما داير الناس تعبر عن رفضها للبحصل دا عشان ما يعتقلوها وتفقد أكل عيشها ولا دايرهم يسافرو ذي ما عملت انا وغيري .. ثم تانيا يامبدع انت السودان دا نسيتو عامل كيف ولا شنو ماياهو دا حالو من الانقلاب المشؤوم رغم القتل والاعتقالات لكن الناس ما وقفت واهو بتراكم فعلها وقولها لحدي ما الشعب يقرر انو قيم أوفر

مقدم البرامج التلفزيونية الشهير بحسكا:
ياترويس انا مستني الفيديو الجاي بعد حق تراجي والحمام وصوت السايفون اثناء الشفط ، دا كلامي ليك ، او نسوان بشه ..انا المسكين دا بجهز ليك في الوضع عشان تجي بي جوازك الهولندي ،بس ماتنساني من التكريم .

الممثل السوداني المهاجر:
حسكا السلطة و المال الشهرة اثرو فيك ....

مقدم البرامج التفزيونية الشهير بحسكا:
ههههه دا حنكك ؟باقي لي الجواز بس واسوق اولادي واتصور صوره ماسكم وكريعني في الهواء.هههههههه

مقدم البرامج التفزيونية الشهير بحسكا:
مااجاي ههههههههههههههههههه

الممثل السوداني المهاجر:
يا عمار كيف عرفت انو انا ماداير الناس تعبر عن رفضها للبحصل ... انا بسال لية و مستغرب في في لحكومة ما ديمقراطية لكن في دار للحزب الشيوعي وبنعقد فيه مؤتمرات صحفية تطالب بإسقاط النظام وبيجي الأمن يصادر الجريدة أو يقفلها وفي صحفيين بضربوا عن الطعام عشان يفكوا حظر جريدتهم وبتنقل القنوات كلامهم وسخطهم وفي ندوات بتعقد في الجامعات مرات الأمن بمنعها ... دا سؤالي اما رفض و بفتكر الاجابه علية ماصعبة ... دي سياسة جهاز الامن من قبل عشرين سنه و هم عارفين منو صادق و منو المؤثر ومنو الممكن يكون مغفل نافع يكتب و منو الصحفي البتم استغلاله و الممثل الببقي نجم و المناضل الداير يجج امه ، و القيادي الداير يتم عمارته ... و الاولاده في اميريكا خايف عليهم من الجنس و الايدز .

مقدم البرامج التلفزيونية الشهير بحسكا:
ههههههههههههههههههه ترويس كمستشرق يحلل الواقع السوداني

الممثل السوادني المهاجر:
بعدين يا حسكا قصة الجوازات دي قصة فارغة و السفر ما محتاج لها تعال اليوم لندن كل ناس المؤتمر الوطني مشترين اجمل الشقق و قاعدين ... كل الناس بتسافر و تدخل عدا انت المسكين دا .. قاعد تناضل بعد الدوام ... في الاجهزة الحكوميه و او ادارتها في يد نسوان الراجل الحكوميين ،،، و فيديو تاني مافي لنسوان بشه مافي لانو لابشه لا نسوانه ماعندهم قيمة الطاقة و التعب البنعمل فيه و نحن تحرم من (صاج سمك ) و شوفت امي و عرقي الجوافة الللزيز اهو بس الله ابتلانا بالويسكي النضيف دا

مقدم البرامج التلفزيونية الشهير بحسكا:
مااجاي هههههههههههههههههه

الممثل السوداني المهاجر:
اجي وين بتضمن لي انو ما اتجلد من جهاز الامن او يتم اغتصابي و انا عزراء بعد فيديو تراجي و نسوان بشه و خالتي حاجة المؤتمر الوطني؟

مقدم البرامج التلفزيونة الشهير بحسكا:
ههههه اول حاجة ابشرك حاتطهر بناتك والله يقدرك تتحاوم جهة القماير او الحفر.

النهاية


فيسبوك


تعليقات 2 | إهداء 0 | زيارات 3880

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1448415 [منصور المهذب]
0.00/5 (0 صوت)

04-21-2016 03:48 PM
اول مرة اقرأ كلام في المليان ، والفكر الثاقب و التحليل المنطقي و البعد الفلسفي الذي تقدمه يا بطل شهادة تاريخ ميلاد مفكر سيقود الامة نحو المستقبل الامثل. مذيدا من النتوير الله ينور طريقك.

[منصور المهذب]

#1448404 [عبد الباقي شحتو]
0.00/5 (0 صوت)

04-21-2016 03:35 PM
و الله شيئ يحير ....و هناك انتقاء في النضال , بمعني من هم سيقتلون , و من هم سيعتقلون برغم العبئ الاداري , و من هم و هم

عادي هذا هو السودان !!! من ما قمنا لقيناهو كده ...يعني السكين ما بتراء عودها !! يمكن ان يقتل علي فضل و يترك فلان يتم عمارتو و يساعد في السفر للخارج لتقديم اللجوء باسم وفد فجووور السودان ... عادي يا تروس .

اذا اين الثورين؟؟؟ هل فعلا هم موجودين امن ان كل مافي الامر ان هناك مجعجعون انتهازيون ينتطرون غوغاء الهامش ان يذيدوا عدد الموتي و من ثم يحسنون اوضاعهم بشتي السبل و هم يرتدون الزهور الحمرا و اشارات الثورة ؟؟؟؟ انا في حيرة لماذا لايختصرون الطريق ايضا و يتحالفون مع سلطة العمامة التي وفرت لهم كل سلالم الصعج مع الاحتفاظ بوهمة انتهم ثورين !!! كما في حالة السودان ...و اجتماعات قوي المستقبل بالامس و اليوم ينهون اجتماع نداء باريس !!! بعد رجوع ابو امنة الذي صنعه صديقنا المناتل , صنع بو امنة و قائدته المنشقة في نفس مسلس انت ارجع للحكومة و انا ببقي في المعاضات ....يعني مني فلم انت امش القصر و انا بمشي كوبر .
تابع هذا الفيدوي ...
.


و اخيرا شكرا لادارة الراكوبة لنشرها ما نكتب برغم فراغ عقولنا .

[عبد الباقي شحتو]

محمد تروس
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة