المقالات
السياسة
فجر غضبك يا زول ممغوص - قصيدة
فجر غضبك يا زول ممغوص - قصيدة
04-28-2016 07:33 PM


فجر غضبك يا زول ممغوس
ضد المنك سرقوا فلوس
وكتلو جناك الفيك مغروس
وحرقو حشاك خلوك تحوس

فجر غضبك يا زول ممغوس
وولع نارك في المتعوس
رئيس الفجرة اليوت منكوس
أبو حزبا كله نعاج وتيوس
يا ظالم يا غبيان ويا منحوس
سرقت الخير الكان متروس
شردت شباب قطعت رؤوس
وقسمت البلد وخربت نفوس

يلا شبابنا قومو عليهم دوس
وشنو عليهم حرب ضروس
لا تهابو الموت لا تهابو سلاح الروس
وقولو ارحل ارحل يا موكوس

نسيت يا بشة يا متعوس
وكتين كنت عدمان وتكوس
والبيت الموقد فيه فرد فانوس
ولما بقيت مسؤول وبقيت محروس
بتنطح فينا زي جاموس

يا القسمت علينا الدار
شيبت شبابنا وهم صغار
هدمت الناس الكانو كبار
خليتها حياتنا مرار في مرار

يا متعوس يا الخايب ظنك
قبال ما تجينا ونعرف عنك
كنا بنأكل احسن منك

وبعد ما شبعت وجوعت بطون
داير تبقى علينا كمان فرعون
والله صحيح ما بتفيد الحسنة في الملعون
ويا سودانا علينا يمين ما بتهون
ويا سودانا علينا يمين ما بتهون

شعر/ عبدالله حاج أحمد (البروف)
[email protected]



تعليقات 2 | إهداء 0 | زيارات 2484

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1452512 [ابراهيم1^2]
0.00/5 (0 صوت)

04-29-2016 04:19 AM
الثورة ثورة نفس عزيزه ما بترضي بالذل

والغضب الكامن منحوت ثابت ما بنسل

جارف نهر الهم والغم ما بتلم

اهدر يا عرين

ازار يا مرفعين

كشر يا فهد

اقضم الكيزان قضم

كسر حطم اغرق

حرر النفس يا سيد يا ست الكل

طفح الكيل. تطفف الميزان

خجل الخجل فافعل ما تشاء

نعق الغراب تبلم البوم

اضحي

الخفاش لا يخشي الضوء




صار الليث كالنعام

الذباب سكن القصور

القمر تداري تحت الكهوف

والشمس صناعي كالبدر

والانترنت لا يقدم ولا يرتد

كأن النار لم تكن من الشجر

و كأن ليس من الماء كل حي




والي العلا جاذبيه الارض

ولا رد الفعل يساوي الفعل

والفراغ صار عدم

وانهدن اليراعي

ولا يغرهن الثناء

انت سوداني انت والمجد لا يعتز




الدخان الدخان الغمام الغمام

لاصبح اصبح و الجلاد باق

[ابراهيم1^2]

#1452463 [soho]
0.00/5 (0 صوت)

04-29-2016 12:04 AM
بتنطح فينا زي جاموس
قايد ليك تيوس
نحن لن نحني رؤوس
لزولاً خايب ومتعوس
حلفنا ندق رؤوس
و وين بتندس يا مهوس
عيدان الكتر راجياك يا بلبوس

[soho]

عبدالله حاج احمد
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة