المقالات
السياسة
مسيرة تأييد أيلا عفويه, كيف ؟
مسيرة تأييد أيلا عفويه, كيف ؟
05-03-2016 03:30 PM


جاهزين جاهزين بالملايين – جاهزين جاهزين فى كل حين – جاهزين جاهزين سيخ وسكاكين – جاهزين جاهزين حكومه وموالين – جاهزين جاهزين الى ما لا نهايه . لدينا يفط وبنرات وشعارات وهتافات وباصات للنقل لمواقع المسيرات العفويه وسانداوتشات وحاجات بارده وساخنه لو لزم الامر , ومع كل هذه الترتيبات والتجهيزات تاخذ صفة العفويه ومن عجب ان تجد عتاة الاعلام بكل فصائلهم تتحدث عن عفوية المسيرات والمواكب الخالصه الخاليه من اية شوائب خارجيه من مكونات الامه السودانيه الحره الاصيله . متى تم تجهيز كل هذه الجاهزيه العاليه ومتى تنادى هؤلاء القوم لكى يسيَروا مسيرات عفويه بهذا الحجم ومن كل فج وحدب .
يوم الجمعه الاسبوع السابق خرجت جموع المصلين فى حاضرة الجزيره مدنى , فى الحقيقه فى اول الامر اعتقدنا بان المسيره خاصه باستنكار مجازر الاسد فى حلب ونصرة للثوره السوريه وسرعان ما انقشع غبار الظن والامانى حتى ظهرت الحقيقه حيث كانت المسيره العفويه كما وصفوها وروجوا لها خاصه بالسيد والى الجزيره المهندس محمد طاهر ايلا وتاييدا لانجازاته واعجازاته التى فاقت التوقعات او كما قالوا , وظهر السيد الوالى وخاطب المسيره معددا لانجازاته ومشاريعه المستقبليه لتغيير وجه الولايه وارجاع مشروع الجزيره سيرتها الاولى واشياء اخرى .
فى نفس يوم المسيره العفويه خرجت تصريحات غاضبه من المجلس التشريعى للولايه تعبر عن غضبها واعتراضها على تجاوزات السيد الوالى الذى تجاهل المجلس واعضائه مخترقا الدستور واللوائح وضاربا باعتراضات ومطالبات الاعضاء عرض الحائط , (اين كلمة اعضاء المجلس الوطنى الام لكى يكون لمجلس ولائى كلمه او وجود ) ام هى موجة الاحتجاجات والمطالبات التى انتظمت المجالس القوميه والولائيه , بالامس كانت مطالبات اعضاء المجلس الوطنى لترتيب ما يلى امر المركبات والمخصصات الاخرى وهاهم اعضاء مجلس تشريعى الجزيره يصعدون الامور ضد الوالى المعجزه لانه حاول و اصَر على الانفراد بالعطاءات وتنفيذ مشاريع نهضة الجزيره وحرمان اعضاء المجلس الموقرين وتابعيهم من كعكة المقاولات .
تخيلوا كل هذا عفوى وبدون دعم او تدخلات خارجيه . مع ان المسيره خرجت بتكليف ودعم من المؤتمر الوطنى الحاكم دعما للوالى ضد اعضاء المجلس وكان واضحا فى الهتافات واللافتات العفويه جدا جدا . المهم هذه ومثيلاتها عفويه لانها تابعه للحكومه ومسيرات الطلاب المسببه ليست عفويه وتُتَهم بانها موجهه من جهات خارجيه لزعزة الامن والنظام وللاسف تجد الجميع يرددون نفس الديباجه المكرره فى كل المناسبات وهى من طراز الدليفرى الجاهز فى كل حين وبعفويه شديده .
الخارجيه السودانية رفضت اعطاء الامريكان تأشيرات دخول – المعامله بالمثل – (بعد يومين حنشوف الامريكان فى وسط الخرطوم العاصمه وبصوره عفويه )
افبعد هذا يكون الحوار – من يؤيد الحوار ولو بعفويه خائن للوطن .
من لا يحمل هم الوطن --- فهو هم على الوطن .
أللهم يا حنان ويا منان ألطف بشعب السوان ---- آميـــــــــــــــــــــــن .

[email protected]


تعليقات 5 | إهداء 0 | زيارات 4342

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1455439 [غابة الفيل]
0.00/5 (0 صوت)

05-04-2016 02:18 PM
يا سي حجازي ردودك اعجز من مقالك قال عمو كان عندو مطعم سياحي في مدني وسكرتير اتحاد الكوره قريبو وهو اكل من رغيف مدني المميز عليك الله ردك دا علاقتو شنو بموضوع المسيره كمان قال هو يفتخر بانو كتب اسمو ثلاثي والله مفروض تخجل لكتابة اسمك في المقال دا واضح انك عندك انفصام في مقالك بدل تضرب مثل بدارفور وجبال النوبة والنيل الازرق قال هو اعتقد انو المسيرة لنصرة حلب وغزه واليمن اكلمك يا زول ناس مدني ما بندهنس لود مقنعه ان بقا والي ولا رئيس الرئيس زاتو اعترف بكرياء وانفة مدني" ايلا حندعمو ونقيف معاهو وحنعمل ليهو مسيرة تانية شوف ليك شغله تانيه

[غابة الفيل]

#1455435 [غابة الفيل]
0.00/5 (0 صوت)

05-04-2016 02:15 PM
يا سي حجازي ردودك اعجز من مقالك قال عمو كان عندو مطعم سياحي في مدني وسكرتير اتحاد الكوره قريبو وهو اكل من رغيف مدني المميز عليك الله ردك دا علاقتو شنو بموضوع المسيره كمان قال هو يفتخر بانو كتب اسمو ثلاثي والله مفروض تخجل لكتابة اسمك في المقال دا واضح انك عندك انفصام في مقالك بدل تضرب مثل بدارفور وجبال النوبة والنيل الازرق قال هو اعتقد انو المسيرة لنصرة حلب وغزه واليمن اكلمك يا زول ناس مدني ما بندهنس لود مقنعه ان بقا والي ولا رئيس الرئيس زاتو اعترف بكرياء وانفة مدني" ايلا حندعمو ونقيف معاهو وحنعمل ليهو مسيرة تانية شوف ليك شغله تانيه

[غابة الفيل]

ردود على غابة الفيل
[محمد حجازى عبد اللطيف] 05-04-2016 05:08 PM
يا غابة الفيل -- سلام
انا لم اذكر هذه المعطيات استجداء لعطفك وكرمك او لايجاد مخرج -- انا اكتب بقناعاتى ومن منطلق ثوابت ثابته لا تتغير بوالى او رئيس او حكومه يدعمها هتيفه ومرتزقه -- مدنى ليست لاحد او لجهه معينه مدنى كما الخرطوم , قوميه لجميع السودانيين - ولا مزايده من احد او محاباة -- انت ذكرت ومازلت تصر على دعم ايلا هذه قناعاتك وحدك ومعك بعض الاخوه وانا احترم موقفكم ولكن اقول لكم بان من يؤيد او يساند اى واحد من طرف حكومة انقلاب البشير وجماعته فهو خائن للوطن مهما ادعى الوطنيه والمواقف الرماديه على شاكلة نحن مع الوالى وضد الحكومه هذاضحك على الدقون ولن تنطلى على ذى عقل -- انا افتخر واتشرف باننى اكتب وبوضوح -- نحن لا نعرض خارج الداره ولا نغطى وجهنا خلف اقنعه رماديه بين بين -- وبعض الاسماء المستعاره . دمتم مع الوالى


#1455293 [الفطقي]
5.00/5 (1 صوت)

05-04-2016 09:55 AM
أيها الكويتب .. لن أنزلق لحفرة الإسفاف التي وقعتم بها يا مدعي المعارضة ولكن:
1/ إيلا ليس مهندسا.
2/ المسيرة عفوية لأنها جاءت بإقتراحنا في قروبات ودمدني بمواقع التواصل
3/ لماذا تكتب بأسلوب (سمك/لبن/تمر هندي)؟ فمقالك لم نفهم منه سوي أنك تكتب وخلاص.
4/ المؤتمر الوثني لا علاقة له بالمسيرة وإنما يقف في صف المجلس التخريبي .. ولعلمك أن إنسان مدني أرقي من أن يوصف بأنه كوز.
نحن من دعي للمسيرة العفوية .. ولا تهمنا جبهة النصرة ولا بشار ولا كل العرب فهل في ذلك منقصة تستدعي نقدنا؟؟؟؟؟؟

[الفطقي]

ردود على الفطقي
[محمد حجازى عبد اللطيف] 05-04-2016 01:31 PM
يا ايها الفطقى --سلام
شكرا للمرور -- حلوه حكاية كويتب - انت واهل مدنى احرار فى ان يخرجوا ويؤيدوا الوالى - ولكن ليس من حقك شتم الاخرين بهذه الالفاظ -- انا اكتب منذ 25 عام -اين كنت انت والقروب المحترم .
اقرا بعقلك يا ظريف .


#1455129 [soho]
5.00/5 (2 صوت)

05-03-2016 10:29 PM
اغرب ما سمعت من هتاف
أيلا أيلا لقيادة السودان يالا

[soho]

#1455124 [غابة الفيل]
5.00/5 (1 صوت)

05-03-2016 10:06 PM
يا حجازي اولا انت مفروض تعتذر لسكان مدني مقالك دا فيه اهانة لسكان مدني ناس مدني ما محتاجين لسندوتشات وبصات الوالي ومابتملقو الحكام الرئيس بنفسه اعترف قال سكان مدني ما بعبروني وما بقومي من كراسيهم لو كنا دايرين سندوتشات كان وقفنا لتحية البشير وبعدين اولاد مدني ما رباطه عشان يشيلو السيخ والسواطير مواطني مدني عينهم ملانه اوعي واشرف منك و من امثالك الدايرين يكتبو اي حاجه واحد زيك مصاقر الكمبيوتر يكتب انطباعاتو ومخلفاته النفسيه يا خي لو داير تكتب كان تزور مدني تسال المواطنين او تضرب تلفون لاحد معارفك تسالو ناس مدني طلعو ليه الواحد فيكم عايز يبقي مناضل يوجه اساءات للمواطنين ياخ لو عايز تنتقد ايلا انتقدو اوع تطاول علي ناس مدني انا شخصيا طلعت في المسيره عشان ايلا حارب الفساد وعمل لينا انجازات شايفنها قدامنا وبرضو كل الناس طلعت لنفس الاسباب واسمع مني الكلام دا المؤتمر الوطني ما عندو قواعد عندنا عندو قيادات فاسده

[غابة الفيل]

ردود على غابة الفيل
[ali alali] 05-04-2016 10:34 AM
كللامك اخي الكريم لا يساوي المداد الذي كتب به الا من باب انك تريد ان تكتب فانت في مثل هذه الاشيائ التي لاتعرفها نرى ان لاتزج نفسك فيها فمقالك ليس فيه رؤية واضحة ولايعرف منه ماذا تريد وهو خاو مما فيه
ديل ناس ولايه معينة خرجوا دعما لواليهم الذي يرون فيه انه انجز( شنو الدخل حلب هنا) يرون انه مستهدف من جماعة منتفعة معروفة في الولاية فمحمد طاهر ايلا حقق مام يحققه الاخرون خرجت هذه الجماهير التي اساءت انت لها خرجوا يساندونه في استفتاء حقيقي لنصرته والوقوف ضد اعضاء المجلس التشريعي الذي اعترفت بان غضبهم بخصوص ما فاتهم من عطاءات ومصالح شخصية رخيصة
اذن هو مقال بلا هدف لم يفهم منه القارئ ماذا تريد منه
ثم ان أهل مدني ليس كما وصفتهم فهم قادرون على ان يردوا عليك وان كنت انامنهم ولكني رايت ان المقال لايستحق الرد أكثر من ذلك

[الجزيرابي] 05-04-2016 09:24 AM
عفارم عليك لقد ألقمته حجرا وفعلاً ناس مدني واعين وما بتخموا في فارغة إيلا برهن بيان بالعمل بأنه والي مختلف لكن نحنا في السودان هوايتنا محاربة الناجح على المستوى الفردي أو الحكومي عشان كدةمتخلفين في كل شي.

[محمد حجازى عبد اللطيف] 05-04-2016 08:38 AM
شكرا يا غابة الفيل -المحترم
اولا هذا الهتاف هو هتاف المؤتمر الحكومى -ولم اذكر اسم مدنى من قريب او بعيد .
ثانيا انا كتبت عن المسيرات التى تسمى عفويه وهى مرتبه ومدعومه سلفا .
ثالثا - ليس هنالك ما يستدعى كل هذه الثوره والغضب الا اذا كنت تحاول التغطية على مشاركتك فى المسيره . رابعا لعلمك مدنى اول تجارها عمى واول من اسس فيها مطعما راقيا هو عمى - وسكرتير اتحاد الكوره بمدنى هو ابن عمى --وانا درست فى الكاملين واعرف مدنى وسكنت فيها واكلت من رغيفها المميز فى السوق الجديد .
فقط انصحك بان تقرا بعينك وعقلك --واذا قرات المقال مرة اخرى سوف تجد الحقيقه -- يا غابة الفيل .
ختاما يكفينى باننى اكتب باسمى الحقيقى والثلاثى ويقرا مقالاتى الالاف من احرار وشرفاء الوطن ---شكرا مكرر


محمد حجازى عبد اللطيف
محمد حجازى عبد اللطيف

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة