المقالات
السياسة
الجامعة للبيع في المزاد..!!
الجامعة للبيع في المزاد..!!
05-08-2016 04:00 PM


رطِب لسانك بالذِكِر ..
لا تنسى الله..
أذكُرِ المعبود إلهك في سؤالك..
بث هُمومك واشكي حالك..
والشكية لغيروا ياخي..
قالوا فيها كتييير مذلة..
لي غيروا مين المُشتكى..؟
نحنّ عارفين وإنت عارف ياخي يلّا..
نبتهل للمولي ربي..
يُخرِجنا من عُنقِ الزُجاجة..
حالة مالت..دُنيا ضاقت..
شالوها غيرنا ولبسوا تاجا..
خيرنا داك يا سيدي ولى..
أرفع إيدك واشتكي..
أنسى كُل مسؤول هنا ..ما عندو ليك يا سيدي شي..
بدّد مواردك بالسفر ..ضيّع زمانك بالحكي..
خاتيكا في خانة السذاجة..
يا سيدي كلّا..
واللهِ حاشا ..لا إنت ساذج لا غبي..
لابس السماح والطيبة حُلة..
غير الله قط لا تشتكي..
لا شيخ بفيدك لا فكي..
قادر يفك الكُربة هُو..
يجعلّك أسباب إنفراجا..
لا تبتئس لو قطعوا عنك كهربا..
لا تبتئس لو للغريب باعوهوا نيلك ..
وبكرة يصبح فاضي زيرك ..
مافيهوا موية بتشربا..
لا تبتئس لو باعوا قطرك وسِكتوا..
تشهد جزيرة الخير عليهم..
باعوها ليل سِكتنا بي تُرماجا..
باعوا هيثرو الخط هِناك..
باعوا البُيوت ما خلوا حاجة..
لا تبتئس لو قالوا يوم الجامعة للبيع في المزاد..
ما دام قبيل بانيها غُردون الخواجة..
لا تبتئس للمولي خالقك إشتكي..
ما تنتظِر فرجاً يجيك مِن ثُلة أدمنوا للحكي..
ما تنتظر فرجاً يجيك من ثُلة أدمنوا للحكي..

بلا أقنعة..
صحيفة الجريدة..
[email protected]


تعليقات 0 | إهداء 0 | زيارات 2696

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر بخيت الفكي.
زاهر بخيت الفكي.

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة