المقالات
السياسة
لا لن تلين عزائم الرجال لا لن ينكسر منكم بطل..
لا لن تلين عزائم الرجال لا لن ينكسر منكم بطل..
05-08-2016 04:11 PM

على حائطها بفيسبوك كتبت الأستاذة زينب بدرالدين والدة الطالب المعتقل حالياً بدرالدين صلاح، والمعتقل سابقاً محمد صلاح:

image

صباحكم وطن مساكم إنتصار..
لا لن تلين عزائم الرجال لا لن ينكسر منكم بطل..
عايزه أقول كلمتين عن "بدر" رغم أن إعتقال محمد كان محنة وتعذيبة كان أقبح ما مر بنا كأسره لكنه كان مدرسة لبدرالدين وقوة لنا كلنا ولبدر الدين خاصة ..
دا طبعا غير إنه فى طبيعته راجل صامد وقدراته عالية جدا جبل ما بنهد.. حافظ كويس كيف هم بمستوى من الإنحطاط الممكن تكون شتائمهم بتعبر عنهم ..
مشى موقف شندى ومتوقع يتعذب لحدى الموت عادى وبحصل وحصل يبقى ما حاجة بعده وكلهم كل المعتقلين ..هى نزهة صمود يخرج منها رافعا رأسه كما الأسد الذى ظلت الهوام والقمل تقرصه فى جسده وتحميه النوم فيظل رافعا رأسه متربصا بفريسته مهملا القراد على الجلد..

بدر الدين يا حر..
سوف تخرج ..
وانتقامك هو الثورة .
قد تخرج اليوم أو غدا أو بعد شهرين أو حتى أكتر لا يهم المهم هى خطوة نحو الإنتصار جميعكم رسمتموها بدماء سالت هنا أو هناك وسيطان مرسومة علامات شرف على ظهوركم وبعلامات تشير إلى قوتكم وجلدكم..
من يجلد أعزل وهو مسلح بالتأكيد جبان وهو يعلم أنه لو قابلك رجل لرجل سوف تسحقه تحت قدميك ومى ووفاق أيضا أن رجال الأمن أجبن من أن يواجهونكم وهم عزل ضباط الأمن البحتموا منكم بتلثيم وجوهكم هذا أكبر جبن ..هم مهزوزين لأنهم مأجورين إنت قوى لأنك واثق من طريقك وعارف نفسك بتعمل فى شنو وعشان النتيجة تكون ثورة حتى النصر .
ومافينا عرقاً فيه سوس.


تعليقات 4 | إهداء 0 | زيارات 2481

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1457542 [سعيد شاهين]
0.00/5 (0 صوت)

05-09-2016 01:45 AM
دوما يقولون هذا الشبل من ذاك الاسد
والان نقول تلك الاسود الشم من امثال هذه اللبوة
وتسلم البطن الجابتم
لقد اعدتى امجاد مهيره بت عبود واثبتى ان حواء السودان ولود
والعاملين لينا قيادات حقوا بعد كده يشوفوا ليهم طرح يلبسوها لو الطرح بتقبل بيهم
ما سطرتيه اكبر رد بليغ للمهزومين نفسيا والمخذلين والذين يسيئون للشعب السودانى ويصفونه بانه جبان فما اقواك شعبا امهاته لا تلين لهن عريكه

[سعيد شاهين]

#1457480 [الحلومر/خريج الابتدائية]
0.00/5 (0 صوت)

05-08-2016 08:45 PM
الي المناضلة الجسورة زينب بدرالدين
والدة الأسد المناضل محمدصلاح
@@@@@@@@@@@
حاجة زينب أصبرى وإتصبري
عارف الوجع في الجوف شديد*
والغضب جو الصدور نيران لهيب
وعمايل افراد الجهاز ناراً بتحرق
حشا الإمهات كل يوم وصباح جديد
حاجة زينب أصبري واتصبري*
ولدك بطل
ولدك أسد
ولدك امل
وانت في الشجاعة يازينة النسا
زايده عن الرجال مقدار جبل
أصلو الظلم محال يدوم
دولة الكفر العادلة ح تستمر
ودولة الإسلام الظالمة
لابد يوم تزول
ياحاجة زينب أصبري وإتصبري*
وانت في الشجاعة وزنك جبل
ونحن بنقول ذي ما قلتي انتى
حسبنا الله ونعم الوكيل علي جهازكم
حسبنا الله ونعم الوكيل علي نظامكم
وحسبنا الله ونعم الوكيل علي رئيسكم
وحسبنا الله عليكم كل ما أشرق صباح
وفيك كل ركعة وفي كل سجدة
حسبنا الله عليكم
اصبري يا عالية المقام
غداً سيحمل شعبنا ابنك البطل
على الأعناق
يطوف ارض السودان
نغني للمحبة والسلام
غداً ستشرق شمس الحق
ويرحل خفافيش الظلام
ونحمل الحرية بين الايادي زهرة
و يغني كل الكون معانا ونرقص
سروراً وحبوراً علي رحيل الطغاة اللئام
*تمت الاستعارة من اغنية حاجة آمنة اتصبرى لفرقة عقد الجلاد

[الحلومر/خريج الابتدائية]

#1457429 [شوك كتر ما بنهبش]
0.00/5 (0 صوت)

05-08-2016 05:45 PM
عفارم عليك يا سليلة محمد عبد الرخيم مؤرخ المهدية ما هذا الصمود وماذا يقول صعاليك الامن بعد قراءتهم لهذه الكلمات الصادقات الثابتات كجبال توتيل لك وعليك اسلم ايتها المراة الامة وليتنى كنت احد اقرباءك كيف افاخر بك امام الملا واقول لاهل السودان هذه الانثى بملايين الرجال ويا لك من مراة عظيمة وفخيمة وعملاقة وليحفظ الله ابناءك من كل سوء .

[شوك كتر ما بنهبش]

#1457418 [مواطن دارفورى]
0.00/5 (0 صوت)

05-08-2016 05:23 PM
حاشاك يا ام بدر ومحمد من العرق المسوس وتسلمى ويسلم اولادك .

[مواطن دارفورى]

زينب بدرالدين
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة