المقالات
السياسة
الرئيس الاميريكي اوباما يتفرج واطفال سورتني تحت نيران الحكومة
الرئيس الاميريكي اوباما يتفرج واطفال سورتني تحت نيران الحكومة
05-14-2016 08:57 PM

قبل ان تجف دماء اطفال هيبان ها هي الدماء تعود تنزف بشدة في معسكر سورتني بمحلية كبكابية بولاية شمال دار فور يوم الاثنين الماضي 9 مايو تعرض الاهالي الفاريين من لهيب الحرب لهجوم مكثف من مليشيات المجرم البشير ونقلت الانباء الواردة من المعسكر في الوقت الراهن بلغ عدد الضحايا 11 فرد منهم طفلين و البقية نساء و كبار سن وعدد كبير من المجرحيين
استمرارية الابادة الجماعية بهذا النهج و القتل الهمجي مستمر على قدم و ساق و طيران الملعون المجرم البشير تواصل قصفها للابرياء في المعسكرات و القرى النائية بلا هوادة في تحدي سافر للمجتمع الدولي العاجز في الوقت الذي يواصل فيه جولاته وصولاته قاطعا حدود الكثير من الدول الافريقية من دون ان يتعرض للقبض
هنا تتجلي بصورة واضحة مدى ازدواجية المعايير حينما يتعلق الامر بضحايا افارقة سود فالادارات الدولية حتى الوقت الراهن لا تملك لضحايا دار فور و كردفان غير الكلام و التطمينات الجوفاء التي لا تسمن ولا تغني من جوع ودول الاتحاد الاوربي و الولايات المتحدة خاصة ادارة الرئيس اوباما تعاملت بكل برود ودون اهتمام يذكر بما يحدث الآن في ظل تواصل تساقط الضحايا بنيران الحكومة السودانية و واستمرار تساقط الضحايا والغالبية العظمى هم من الاطفال و النساء و كبار السن
فمتى يستيقظ الضمير الانساني للتعامل بجدية حيال جرائم الحرب في افريقيا و خاصة في السودان
ادارة الرئيس اوباما ستتحمل من جانبنا كضحايا كامل المسؤلية التاريخية لتهاونها مع المجرم البشير واهمالها الواضح لضحايا افريقيا خاصة في السودان و ارجاء اخرى من افريقيا بالرغم انه استمر لمدة رئاسية طويلة كانت كافية لوضع حد للمجرميين امثال البشير
لكن للاسف غاب ظننا فيك يا اوباما نحن ضحايا الابادة و التطهير العرقي في السودان فقد صارت مصالحكم الاقتصادية و السياسية فوق ارواح ملايين الضحايا الذين يسقطون يوميا فالوقت التي تتدخل ادارتكم لحسم بعض القضايا التي لا تسوى و تسير لها حاملات الطيران و الجيوش المجلجلة
اين ضميركم الانساني يا اوباما
اين نخوتك الافريقية يا اوباما
اين انتمائك لهؤلاء الضحايا الذين تربطك معهم الارض و الدماء
فقد ظل شعبنا في السودان يصرخ من اوجاعه مطالبين بالحماية الدولية ومحاسبة المجرميين وايقاف القتل و التطهير
غيبت ادارتكم ظننا فيكم و لن ينسى لك شعوب افريقيا تخاذلك و ضعفك الصريح حيال
الضحايا في دار فور وكردفان و النيل الازرق
نرجوا من الله الرحمة لضحايا الابادة ونرجوا منكم ان تتزكروا اشلاء اطفال هيبان و سورتني قبل ان تناموا
و( الجمرة بتحرق الواطيها يا اوباما)

ننتظر ردكم العملي حيال ما يحدث بفارغ الصبر
14/05/2016
عيسى الطاهر/ ناشط انساني
[email protected]


تعليقات 3 | إهداء 0 | زيارات 1628

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1461443 [هبنقة]
0.00/5 (0 صوت)

05-16-2016 12:29 AM
والله يا عمك ابوذر الغفاري خليني انا هبنقة،،، لكن ات هنقت عديل

ات قريت تعليقي دة وفهمتو ولا بس بتجاهل ساي؟
كان قريتو وما فهمتو ابقي شجاع قول عشان نفهمك لي،،،
لأنو يا ابوذر يا غفاري ،،،هل تعتقد اوباما يحسمع نداء عيسى او المجتمع الدولي؟؟
فاذا كان واحد مثلك لم يستمع الي النقد الموجه مني الي كل الذين ذكرتهم ويتعلق ومافاهم حاجة لأنو مخك ما استوعب التعليق والاشارة للتقصير الواضح من كل العالم بما فيه المعارضة بكل اطيافها وأضف نفسك الي الشلة ،،،لأنكم لن ولم تفهموا نداء الاخ عيسي،،،
يعني بي الواضح كدة اخونا عيسى ما أنجبر يوجه النداء لاوباما الا بعد ما رمي طوبة امثالك والمعارضة وكل الغيورين علي ما يحدث في دارفور والحبال والمنطقتين وفي مناطق كثيرة في الوطن

وكمان بتفلسف وعامل فيها بتفهم لغة عربية وتتهكم يا جاهل وتقول مفروض يكون " هبنق بن بشة الثقفي"". أعرب لو تفهم يا فالح وبعدين قول منو الهبنق
الجاب هبنق لي بشة شنو ،،،يا جدادة بيضها مبذر ،،،
كَر أمس شوف ليك كوشة فرفر فيها يا جدادة ،،
اظنو عاجبك البحيصل لي شعبنا المغلوب علي إمرة بي نوعكن دة وصابر علي العذاب في جميع المعسكرات والموت في كل القري التي تحصد فيها الانتينوف الأرواح ،،، فلا ابوذر وعايش في غفار،،، والاسم المسمي نفسك علي وما عارف هو شنو ،،،عاش وحيدا ومات وحيدا،، وكان مقطوع عن العالم حتي لقي ربه،،،وكان معذور لانه اختار ان يتعبد وينعزل عن الناس،،،
اما انت وسط الناس ومعزول عن الحاصل ،،، الله يشفيك ويزيل جهلك
انا تعليقي كان بشكل كوميدي ومساند وداعم لنداء الاخ عيسي وتهكمت علي المجتمع الدولي والمعارضة بجميع كياناتها لتخاذلها تجاه ما يحدث وبيعها للقضايا مقابل كراسي ومكاسب فقط

[هبنقة]

#1461195 [أوباما]
5.00/5 (1 صوت)

05-15-2016 02:00 PM
هوي يا عيسى وهبنقة أنا فاضي ليكم أنا باقي لي كلها كم يوم وأخلى الشغلانة دي .. كل يوم يوم عامل لي مناشدة ومطالبة (أقبض البشير وسلمو للجنائية) ومرة (أضغط ليناالحكومة عشان تتنازل) ومرة (شوف ناس الحكومة عملو مجزرة في هيبان) وهسع (شوف مجزرة سرتني) أنتو ما بتعرفو زول غيري ...
كرهتونا البيت الأبيض زاتو

[أوباما]

#1460970 [هبنقة]
5.00/5 (1 صوت)

05-15-2016 05:13 AM
والله يا عيسي الطاهر فلا غاب ظنك في اوباما،،،
يا أخي ؟؟ وكمان بتطلب منه وتقولي ننظر ردكم العملي حيال ما يحدث بفارغ الصبر؟
كان كدي يا عيني اخوي سيطول صبرك. واوباما ماشي بعد خمسة شهور،،،،
هل تعتقد يسمعك اوباما؟
اذا كان لم تسمعك المعارضة السودانية آلتي تتبسم اماما مناديب المجتمع الدولي وتتباري في الجري علي التصوير معهم
اذا كان الصادق المهدي يهدد الشعب السوداني من ان الثورة والانتفاضة سوف تَخَلَّق فوضي
اذا كان الاتحادي بقول الثورة والانتفاضة ستؤدي الي كارثة فظيعة
واذا الموتمر الشعبي بخوف الناس من الخروج والانتفاضة ويقول البلاد حتروح في داهية،،،

اذا كل هؤلاء بقولوا الكلام دة وشايفين بي عينيهم الشعب رائح في داهية منذ 1989 وعاملين فيها قلبهم علي الوطن ومدين الشعب بي الشلوت ولا معتبرنو حاجة
تقول لي اوباما ننتظر ردكم العملي حيال ما يحدث بفارغ الصبر؟. وهو ولا شغال بي الحاصل؟
اذا ناس الوجعة ما مهتمين والجمرة البتقولوها دي ما واطيها الا هؤلاء الضحايا والغلابة،،،لانهم حفاة عراء ضعفاء مكسوري الجناح ولا حيلة لهم الا ان يواجهو المصير بصبر وشجاعة وتسليم امرهم الي الله،،،
اما اوباما والمجتمع الدولي واوربا والمعارضة الهرمة والمسلحة والمشردين بي العواصم العالمية في الفنادق يلو في القروش والمتاجرين احزاب الفكة والمشاركين احزاب الطائفية والهاربة قياداتها في الخارج ابو هاشم وهلمجرا واحد ملتصق جنوب الملكة ومعاهو اتنين من الخيابا حقينو. وفاك اتنين في القصر الجمهوري مع بشة ،،،وهلمجرا المحن دقنو مدني نفسو لي السيسي وحلايب علي مرمي حجر منه يغتصبها هو وشعبه كل ليلة وأضاف الصادق طرشاء،،، وبرضو فاكس اتنين واحد في القصر الترقي بقي لواء حصين والتأني لواء حميدي يعني زيو وزي حميدتي والاتنين بتأعين حلل لي المكجول بشة،،،، والبنات ارجل من اولادو الكنداكة بتكندك والكرجاجة شغالة هرس،،، ورجالهن بي ريالات ولا بهشو ولا بنشو
وتقولي اوباما ننتظر ردكم العاجل يا خي،،،،
منو العوض وعلي العوض،،،اذا كان حبوبتو ما خلاها تجي زيارة تشوف أحفادها ،، ولا حتي اخوانو واخواتو عبرهم ،،تنتظرو انت بفارغ الصبر وكمان برد عاجل؟
اها خم وصر كان راجي اوباما ولا الهمل اللافين برة وجوة ديل زي كركاسة عجل الكارو الحمار يومو كلو ملش ملوي بي جنبة والراكب الكارو ولا هنا،،،ما حاسي بي اي حفر بتنهز في وبتقطع نفسو،،،
اها علي الطلاق كان اكورك لي اوباما معاك ،،،
يا اوبااااااموووووو هوي،،، ننتظر ردكم العاجل حيال ما يحدث مش بفارغ الصبر ،،اها اقوليك باراك بي الصبر كلو ولا فارغ ما بنخلي ،،،وحرم كان تاني بي كامرون ،،،
يا كمروووون هوووووي منتظرك ما تنسانا ،،،ويمين يا ود اولاند عبدالواحد ما وراك الحاصل العلينا كدي الكع حصلنا قبال ننقرض وقبال ما يكمل الصبر المنتظرنك بي،،،
اما بوتين زول بهيمة ساي يعرف يتلولح في المشي ويتاتي بي أيدي المكجولات ديل ما دايرين منو حاجة مافيهو فايدة اخير منو الحرمة ميركل،،، وكان علي جماعتنا القصار الصينيين ديلك إبان عينين مزاورات عايزينها تبقي صقيعة دارفور وكردفان والحبال عشان يجقلبو فيها بي راحتهم،،،
اها تاني فضل منو يا عيسى اخوي،،،،،،
ولا زول ،،، بس نأكل نارنا ونسكت لما الله يفرجا
ومنتظرين الانتفاضة علي نار احر من الجمر،،،،
وحاتولع قريبا والبطفيها ما حيفضل،،،
مش ناس بشة وكل الرمم ديل معارضة علي بياعين ،،، حتولع و حرم الا كلهن حنقرضهن وما بنفضل فيهم طائف النار

[هبنقة]

ردود على هبنقة
European Union [هبنقة] 05-16-2016 12:33 AM
والله يا عمك ابوذر الغفاري خليني انا هبنقة،،، لكن ات هنقت عديل

ات قريت تعليقي دة وفهمتو ولا بس بتجاهل ساي؟
كان قريتو وما فهمتو ابقي شجاع قول عشان نفهمك لي،،،
لأنو يا ابوذر يا غفاري ،،،هل تعتقد اوباما يحسمع نداء عيسى او المجتمع الدولي؟؟
فاذا كان واحد مثلك لم يستمع الي النقد الموجه مني الي كل الذين ذكرتهم ويتعلق ومافاهم حاجة لأنو مخك ما استوعب التعليق والاشارة للتقصير الواضح من كل العالم بما فيه المعارضة بكل اطيافها وأضف نفسك الي الشلة ،،،لأنكم لن ولم تفهموا نداء الاخ عيسي،،،
يعني بي الواضح كدة اخونا عيسى ما أنجبر يوجه النداء لاوباما الا بعد ما رمي طوبة امثالك والمعارضة وكل الغيورين علي ما يحدث في دارفور والحبال والمنطقتين وفي مناطق كثيرة في الوطن

وكمان بتفلسف وعامل فيها بتفهم لغة عربية وتتهكم يا جاهل وتقول مفروض يكون " هبنق بن بشة الثقفي"". أعرب لو تفهم يا فالح وبعدين قول منو الهبنق
الجاب هبنق لي بشة شنو ،،،يا جدادة بيضها مبذر ،،،
كَر أمس شوف ليك كوشة فرفر فيها يا جدادة ،،
اظنو عاجبك البحيصل لي شعبنا المغلوب علي إمرة بي نوعكن دة وصابر علي العذاب في جميع المعسكرات والموت في كل القري التي تحصد فيها الانتينوف الأرواح ،،، فلا ابوذر وعايش في غفار،،، والاسم المسمي نفسك علي وما عارف هو شنو ،،،عاش وحيدا ومات وحيدا،، وكان مقطوع عن العالم حتي لقي ربه،،،وكان معذور لانه اختار ان يتعبد وينعزل عن الناس،،،
اما انت وسط الناس ومعزول عن الحاصل ،،، الله يشفيك ويزيل جهلك

انا نقدي كان كوميدي ومساند وداعم لنداء الاخ عيسى وفي شكل تهكم علي الجميع وعلي امثالك والمعارضة بكل كياناتها بتقصيرها تجاه القضية وبيعها مقابل كراسي ومكاسب شخصية

[أبوذر الغفاري] 05-15-2016 12:29 PM
فعلا هبنق
غسم على مسمي
اسمك مفروض يكون
هبنق بن بشة الثقفي


عيسى الطاهر
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة