المقالات
السياسة
ارشيف مقالات سياسية
\"البشير\" دة يوم حيجيب لي جلطة!ا
\"البشير\" دة يوم حيجيب لي جلطة!ا
03-31-2011 05:35 PM


حروف حرة

\"البشير\" دة يوم حيجيب لي جلطة!

لنا مهدي عبدالله
[email protected]

• بحسب موقع (بي بي سي / عربي) إتهم رئيس النظام \"عمر البشير\" الجماعات المسلحة في دارفور بالقتال إلى جنب كتائب القذافي في حربها ضد ثوار ليبيا. وقال بالحرف: \"إخواننا الموجودون في ليبيا من حركات دارفور كلهم سلحوهم وكلهم صاروا معهم وبعض منهم أسر وعملوا مشكلة للسودانيين\"!

• لم يكتف \"البشير\" ب(هباب) تصريحات المسئولين في وزارة خارجيته التي إتهمت حركات دارفور بالمشاركة كمرتزقة في صف السلطات الليبية لتنزع فتيل الفتنة لينفجر في وجه السودانيين المساكين في ليبيا وتبذر بذور الشقاق بين الحركات المسلحة والمعارضة الليبية بل صرح (شخصياً) أنه تم تسليح أعضاء حركات دارفور الموجودين في ليبيا وزاد أنهم تسببوا في مشاكل للسودانيين هناك !


• وبدلاً من أن يصدر \"البشير\" تعليماته لمرؤوسيه أن يخففوا من محن السودانيين هناك ويوقفوا سيل الجبايات التي تفرضها سفارة السودان وجهاز تنظيم شئون السودانيين العاملين في الخارج على كل سوداني راغب في العودة لوطنه طفق ينفخ في نار معاناتهم ويزيد من إشعال أوارها!

• العجيب أن أي رئيس دولة من المفترض أن يكون شديد الحرص في تصريحاته لوسائل الإعلام خاصة واسعة الإنتشار والعالمية بغية عكس وجه مشرق للبلاد التي يرأسها، طبعاً هذا الإفتراض معقول بالنسبة لرؤساء الدول المنتخبين الذين تسنموا ذرى الحكم ب(إيد) و(شديد) الناخبين؛ لا رؤساء الأنظمة القمعية الذين سطوا على حكم بلادهم ب(إيد) بندقية و (شديد) دبابة!

• بالطبع تجدد كل كليات الطب في كافة أرجاء المعمورة مناهجها لتغدو مواكبة و حديثة، وأقترح عند تجديد مناهج ال(كارديولوجي) إضافة رئيس النظام \"البشير\" كأحد مسببات الجلطة، ف(البشير دة يوم حيجيب لي جلطة) بكلام (مجرب) لا بكلام (طبيب)، والله المستعان!!

مع محبتي؛


تعليقات 15 | إهداء 0 | زيارات 6471

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#121142 [ الدكتورة]
0.00/5 (0 صوت)

04-02-2011 07:25 PM
لو البشير عاجبك يا ود الزين ليه قاعد في جدة ما ترجع تنفرم علشان تعرف انك مطبلاتي رقم واحد ما تشكر ليه الراكوبة في الخريف والاسم سالم


#120974 [سيد إبراهيم محجوب]
0.00/5 (0 صوت)

04-02-2011 12:41 PM
أختي الكريمة البشير سبب مباشر لمسببات :
الجلطة
الإنهيار العصبي
الضغط
السكري
الفقر
العنف
الكراهية
الموت المفاجئ
القتل في دارفور
القتل في بورتسودان
القتل في كجبار
القتل في كل أقايم السودان
التشريد والتشتيب
الإبادرة الجماعية ..............................إلخ

أي واحد ممكن يكمل الباقي حتى الخلاص من السفاح بشير


#120945 [ANTI KOAZ ]
0.00/5 (0 صوت)

04-02-2011 11:55 AM
احمد الحسن يازول مطلق مرتك مالك يازول اوع بس تكون زاني لانو بعد دا ما بتحل ليك والا تكون زي رئيسك مطلقن الاتنين وقاعد معاهن دي كيف والله ما عارف قال حكومة اسلاميه قال ورئيسهم زاني ......................


#120875 [Dokom]
0.00/5 (0 صوت)

04-02-2011 09:56 AM
\"إخواننا الموجودون في ليبيا من حركات دارفور كلهم سلحوهم وكلهم صاروا معهم وبعض منهم أسر وعملوا مشكلة للسودانيين\"! حتي ولو كان هذ الكلام صحيحا، لا ينبغي لرئيس مسئول أن يدلي بمثل هكذا تصريح الأسباب الآتية:
1. إن الاخوة في ليبيا لا يفرقون بين من كان من دار فور وبين من كان من مناطق أخرى من السودان،
2. إن الاخوة في ليبيا، وكل العرب، لا يفرقون بين السوداني وباقي الأفارقة،
3. أن هكذا تصريح سيعرض كل الأفارقة في ليبيا للخطر،
4. وأن أي دم سفك بسبب هذا التصريح المهبب سيسأل عنه من أدلى بهذا التصريح.
فبدلا من إرجاع العالقين في الحدود الدولية، نرى قادتنا تيبارون في إذلال من نجا من السودانيين وإلا كيف نفسر أن بعضهم ظل عالقا لأكثر من ثلاثة أسابيع. صحيح أن دولة قطر ساهمت مشكورة في إجلاء بعض العالقين، ولكن ما كان هذا ليتم لو قامت الدولة السودانية بواجبها تجاه حماية مواطنيها.


#120828 [Zingar]
0.00/5 (0 صوت)

04-02-2011 03:18 AM
يا أحمد الحسن معليش لكن أبوجهل بالنسبه ليك آينشتاين.


#120695 [Saif AlHagg]
0.00/5 (0 صوت)

04-01-2011 05:45 PM
يا ود الزين: والله لا اشعر بانه يمثلنى كرئيس لانه جاء بانقلاب وقتل ناس كانو عايزين يعملوا انقلاب وكذب ببانه راجل وطنى لكنه كوز وجاب الكيزان للحكم0 وشال للصالح العام كل الناس الا ناسهم وبعدها لكى يكون شرعى عمل حزب ولكن للاسف سىظل غىر شرعىمهما فعل


#120692 [Saif AlHagg]
0.00/5 (0 صوت)

04-01-2011 05:24 PM
نافخ الكير: اما ان يؤذيك واما ان تجد منه ريحا منتنة والعياذ بالله


#120626 [sam]
0.00/5 (0 صوت)

04-01-2011 12:23 PM
ياربي ناس دارفور ليسوا بالسودانيين و لا ايه يا رئيسنا الحبيب ، و الا كيف يتسببون في مشاكل للسودانيين في ليبيا ، بعدين معك اذا القذافي حقق انتصار كاسح على الثائرين ضده الآن ، ماذا ستفعل عندما يقوم القذافي برد عليكم باليد من الحديد ،أم ستقوم بطلب حق اللجوءالسياسي من دولة تشاد . خليك زي ارودغان في تركيا الذي وفر السفن لآجلاء رعاياه من ليبيا بما فيهم اعضاء حزب العمال الكردي .


#120611 [خالد]
0.00/5 (0 صوت)

04-01-2011 11:47 AM
ياود الزين لك الود
نحنا عقلنا الباطن او اللاوعي بتاعنا رافض رفضا باتا تقبل من اتي ليلا علي ظهر دبابه وما معترفين الا بحكومتنا الديمقراطيه بتاعت يوم 29يونيو89 وكان راس الدوله احمد الميرغني رحمه الله ورئيس الوزراء الصادق المهدي لانهم رغم كل شئ اتوا عبر الطريق الوحيد الشرعي وهو صندوق الاقتراع وللاسف طوال السنوات السابقه اضطررنا للتعامل مع الدوله في تجديد باسبورتاتنا فقط 00سؤال عايزك تجاوبني عليه بامانه وريني حاجه واحده كويسه حصلت في السودان من يوم شفنا طلعة الكيزان البهيه وجمال محياهم


#120520 [ودالزين]
0.00/5 (0 صوت)

04-01-2011 02:31 AM
عيب عليكم الحديث عن رئيسكم الدي يمثلكم بهدا الاسلوب غير اللائق الرجل يحمل هموم شعبه ويضحي بصحته لتحقيق التنمية والرخاء لبلد متنوع الاجناس , انكم لا تساهمون في تنمية بلد ولا تتركون المسئولين يعملون , انكم تكسرون الجاديف وتوقفون المراكب السايره , وليه حق الرئيس ادا لم يرشح نفسه واحال نفسه للمعاش في اي وقت ,فجزاه الله الف خير عن الشعب السوداني .


ردود على ودالزين
Saudi Arabia [ANTI KOAZ ] 04-02-2011 12:04 PM
ود الزين خلي الكضب يازول صحتو شنو البيضحي بي عشانا ما ياهو سمين وامين سنة 89 لمن سرق البلد دي في زومتك كان في حالتو دي دا والله المشي قلبو من الشحم ...
والله انت مسكين يازول انت قايل رئيسك دا في زول باكي عليو يازول والله خلي يمشي الليلة قبل بكره يكون ريح الشعب دا زاتو قال
(وليه حق الرئيس ادا لم يرشح نفسه واحال نفسه للمعاش في اي وقت ).هو الناس دي تعبانه سجون ومعتقلات وكلام زي دا لي شنو .........

Malaysia [mazin] 04-01-2011 07:53 AM
عليك الله ياود الزين دا رئيس بمثلنا ولا بمثل بينا !!!!
دا جننا وجاب لينا الضغط والقلب الله يقبرفو ياخ زى ماقارفنا 22 سنة !!!!


#120493 [ود الحاجة]
0.00/5 (0 صوت)

04-01-2011 12:18 AM
ذا الشخص يعتقد ان ثوار ليبيا يستطيعو التفريق بين اعضاء حركات دارفور من غيرهم فكل سوداني سوف يكون متهم ويمكن ان يصفى والبشير المسؤول. وبالمنسبة الا يعتقد هذا الشخص ان ثوار دارفور مواطنون سودانيون ويجب حمايتهم


#120428 [محمد]
0.00/5 (0 صوت)

03-31-2011 08:36 PM
حالة البشير دى حالة سايكاترية محتاجة لجلسات مع اخصائيين نفسانيين


#120417 [سوداني 100%]
0.00/5 (0 صوت)

03-31-2011 08:07 PM
هذا الرئيس جاهل وأحمق وزيادة،و لنا اسوة حسنة في سلفنا الصالح وأحد الأئمة الكبار وصف العهد الذي عاش فيه بأنه العهد الذي دانت فيه الأمور للحمقى، فلا أدري كيف لنا أن نصف العصر الذي نعيش فيه نحن الآن


#120381 [دالدكيم]
0.00/5 (0 صوت)

03-31-2011 06:24 PM
يا أستاذة والله محظوظة حتى اللحظة بحالة صحية جيدة الرئيس الرقص نحن فى الغرب ة جاب لنا كل الأمراض (قلب ضغط سكرى كل أمراض العصر)يعنى والله تستحقى التهنئة ونسأل الله لك الصحة والعافية حتى اللحظة لا تعانين من الجلطة أحمدى ربكى وأشكره على هذه النعمة يا أستاذة السودان كله مرض والرئيس يرقص كأنه فيفى عبدو لك الله ياسودان


#120370 [خالد]
0.00/5 (0 صوت)

03-31-2011 06:04 PM
منو القال ليكي يا سيدتي الفاضله البشير بيجيب جلطه في القلب فقط (myocardial infarction) ده بيجيب الجلطه الدماغيه كمان(cerebral stroke) علشان كده مفروض علي قولك يدرس في منهج كليات الطب في مادة الباطنه مع الكاريولوجي والنيورولوجي كمان 00بالمناسبه نصيحه غاليه اخدي قرص اسبرين يوميا كوقايه كلنا بنعمل كده من يوم 30يونيو 89 والا كان لحقنا امات طه


ردود على خالد
Saudi Arabia [احمد الحسن] 04-01-2011 06:38 PM
ما يلفظ من قول الا لديه رقيب عتيد يا جما عة خافو الله في كل كتاباتكم والله ستسالون عنها يوم القيامة ولا تفترو علي الله كذبا السفارة السودانية لم تاخذ اي جبا بات من السودانيين العايدين من ويلات القذافي الي وطنهم بل سهرانين وتعبانين ليل نهار حي برجع من اراد الرجوع منهم بل اعادوا منهم الكثير بالبحر والجو اما المرتزقة الذين تدافع عنهم الاخت فقد رايناهم علي شاشات التلفاز وراينا ايضا جوازات سودانية فربك ان لم يكونو حركة العدل والمساوات فمن يكون ؟ والبشير ما بيجيب جلطة جاب ليكم الامن والاستقرار وجاب ليكم التنمية الاقتصادية شوفو دار فور زمان قبل الشير ودارفور هسي علي الطلاق التنمية المجودة عند ناس دارفور ربما لاتوجد في ولاية اخري شوفو الزلط شوفو الكهرباء والشئ واضح لكل من اراد ان ينظر بعين ليس فيها غشاوة اوطشاشششششششش


لنا مهدي عبدالله
لنا مهدي عبدالله

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة