نورُ ونار
05-23-2016 10:23 AM


بعد انقطاع عشم الاماني
التايهة في زفة وطن
بعد الكرب واليأس
والهم والاحن
خاب فالنا في هذا الزمن
الرك بالاقدار على فجر الوطن
عاد ليلو جن
البرق شال
ونزلت مياه الدنيا
من جوف المزن
سقت التلال
الوادي سال
ماص لي بيوت الطين
والحال اتعجن
ومرقت تتاتي من القيود
مرقت مواكب هادرة
من رحم الصمود
مولودة من نطفة محن
صحّت خبايا
من الضمير الاتلكن
كشفت بقايا
من الجميل الاندفن
هيا يا ضرايا
احيتو للجسد الوهن
قويتو لي ساعد النضال
عزم البنيات
والمهيرات
والرجال
جددتو فن
نفحتو روح
كادت تروح
ويموت وطن
لويتو فوق راسكم كفن
والشعب كله ورا نفير
تغيير ابينا قرفنا طير
طير يا نذير الشوم
كم قيدك حرن
هم يا شباب الازهري
قوم يلا ثور
شيل القشور
ضويتو نور
الثورة ترزم في الصدور
حاديها طن
اجسادنا ها التمشي القبور
وارواحنا في الجنة ام قصور
سمناها لي شعبا صبور
داخرنو في جوف الزمن
طلت صباحاتك شروق
نارت دياجيك البروق
سودانا فوق
رامانا قهوة شوف وشوق
دستنا في حضن الوطن
سقاك ريد
غذاك بي دمو الشهيد
من الوريد
عزما اكيد
فتح عيونا سبحن
بالحمد والحب والشجن
ولفينا بي علم اخضراني
وازرقاني
واصفراني
راياتو عاليات رفرفن
حرية نور والمهر نار
الثورة إزدادت اوار
الفجر ثار
طلع النهار
فلنصطلي بالنار اذن

عبدالمنعم محمداحمد العوض –الرياض – مايو 2016

[email protected]


تعليقات 0 | إهداء 0 | زيارات 1098

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبدالمنعم محمد احمد العوض
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة