المقالات
السياسة

06-01-2016 10:38 AM



احفاد الفراعنة السود مؤسسي الحضارة الفرعونية الاصليون نحنا.
الملك الفرعوني بعانخي اللي اجتاح مصر واحتلها بجيشه جدنا.
أراضي حلايب وشلاتين وابو رماد عرضنا وأرضنا.
أحفاد ملوك ورجال كوش الأشداء نحنا.
كرتي وزير خارجيتنا وتصريحه قائلاً: (إن الوقت غير مناسب للحديث عن ملف حلايب نظراً لما تمر به مصر من ظروف!!). هو سبب نقنقتي للمرة الثانية بالنقة السودانية الواردة اعلاه والواردة بعمودي (نقة يهودية!!) والذي حال تمعني فيه اي تصريح كرتي وإستشرافي لتداعياته على تراب الوطن ما كان مني من بعد انتفاضتي من تحت الرماد وفرد قامتي بوادي اجدادي الفراعنة ان جهرت بتحدي قائلة:
ـــ الان ولحين خروجنا من محن وإحن الجمهورية الثانية! وفراغنا من تشخيص اللي جرى ومازال يجري لنا من ضعف وتشرذم وقلة حيلة وهوان على اللي يسوى واللي ما يسواش!! الان .. الان وبمناسبة تصريح كرتي اليك ايها العالم : نقة يهودية.. نمبر تو!!:
احفاد الفراعنة السود مؤسسي الحضارة الفرعونية الاصليون نحنا.
الملك الفرعوني بعانخي اللي اجتاح مصر واحتلها بجيشه جدنا.
أراضي حلايب وشلاتين وابو رماد عرضنا وأرضنا.
أحفاد ملوك ورجال كوش الأشداء نحنا.
احفاد الفراعنة السود مؤسسي الحضارة الفرعونية الاصليون نحنا.
الملك الفرعوني بعانخي اللي اجتاح مصر واحتلها بجيشه جدنا.
أراضي حلايب وشلاتين وابو رماد عرضنا وأرضنا.
أحفاد ملوك ورجال كوش الأشداء نحنا.
غايتو حال تنبيهي لكم اني ح انقنق فوق راس العالم بهذه النقة مرقمة مرة بعنوان: عربات سوناتا جياد هدية لكل افراد المنتخب المصري: نقة يهودية.. نمبر ثري!! واخرى بعنوان: 5 ألف بقرة هدية: نقة يهودية.. نمبر فور!! ومرة بعنوان: مليون فدان هدية للاحزاب المصراوية: نقة يهودية.. نمبر فايف!! وتارة بعنوان: توطين 10 ملايين مصري باراضي الشمالية: نقة يهودية.. نمبر سكس!! ومرة بعنوان: 20 ألف من الضان لمصر هدية: نقة يهودية.. نمبر سفن!!
حال تنبيهي لكم انني سانقنق فوق راس العالم بالنقة السودانية الواردة بعمود نقة يهودية تحت هذه العناوين وغيرها وغيرها وغيرها من العناوين كدي خليكم من العناوين دي انا لو قلت ليكم اني لو يوم جيت ماره ساي صدفه جنب التلفزيون وسمعت الحوار التالي:
ـــ تفيدة! تفيدة .. انتي فين يا تفيدة؟!
ـــ عتريس انا اهو .. انا جايه اهو يا عتريس!
ح انقنق فوق راس كرتي اوه سوري اقصد فوق راس العالم بالنقة السودانية لن تستعجبوا ان رايتم العالم يوما فيما هو مُتفِن في الواطة ممسكا براسه الزارد ربطتوا بمفتاح يجعر متجرسا وصائحاً:
ـــ صداع .. صداع آه ياني من صداع نقة السودانية هذه اللي كلها حقائق!! واللي ما بتجيش جنبها حاجة نقة ونقنقة اليهود باذني عبر القرون بالكضب والزور بان:
إسرائيل من الفرات الى النيل
فلسطين أرض الميعاد
اليهود شعب الله المختار
هيكل سليمان تحت المسجد الأقصى
ونواصل ..
[email protected]


تعليقات 7 | إهداء 0 | زيارات 2740

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1470083 [واحدة]
0.00/5 (0 صوت)

06-02-2016 09:44 AM
خلال متابعتي لأخبار البلد كتير بتمر بي اخبار غير سارة ،
لكن الأخبار البتجيب جنون بقر لأعق رجل وبتسبب شلل أطفال بعد عمر الاربعين بالجد هي أخبار تمكين اولاد بمبة في السودان بالطريقة دي وتوزيع خير بلدنا للعالم الما شايفين خير وما عندهم أي مبدأ في الحياة غير الأكل

[واحدة]

#1469931 [ابو مازن]
0.00/5 (0 صوت)

06-02-2016 02:07 AM
ي سلام عليك ي رندا والله لكن النقة عندك ياريت دائماً وابداً بالذات مع اولاد فوزية خلينا نتمها معاهم للاخر لك التحية والاحترام

[ابو مازن]

#1469847 [على]
1.00/5 (1 صوت)

06-01-2016 09:07 PM
خلى نقتك بس على حلايب وشلاتين وابو رماد التركيز كويس ونقى فوق الحكومة ووزير الخارجية والتوجه لمجلس الامن مش برضوا هو بحيل الدعاوى لجهات الاختصاص خليهو يحيلنا للمحكمة خلاف كدة نقتك مافى ليها داعى واعذرينى ان قلت ليك مرة تانية خلاف كدة مافى داعى وحلايب سودانية

[على]

#1469844 [آمال]
0.00/5 (0 صوت)

06-01-2016 08:57 PM
كلامك صحيح يا راندا يا بت بلدي، والمصريين ديل مفروض يعرفوا ان السودان ما بلدهم حتى يسرحوا ويمرحوا فيه بدون حسيب او رقيب، وحلايب وشلاتين وابو رماد يوما ما حتعود لأرض الوطن غصبا عن كل مصري وسبب كبكبتهم فينا ان مصر فيها انفجار سكاني عجيب لدرجة ان المصريين بنوموا في المقابر ولا لاقين مكان ينوموا فيه وما لاقين ياكلوا لمن اغتربوا وبقوا يشتغلوا وظائف هامشية في الخليج وغيره، اضف الى ذلك اولاد الشوارع اللي كتروا هناك بس فالحين يتفلسفوا فينا وهم ما لاقين سجم رمادهم

[آمال]

#1469692 [khalid mustafa]
5.00/5 (1 صوت)

06-01-2016 02:41 PM
اختي رندا ليس هناك فراعنه بيض وسود هذه فريه اطلقها بعض من علماء الاثار العنصريين ,,,

الفراعنه وحضارة وادي النيل واحدة امتدت من سوبا الي شواطئ البحر المتوسط وما يعرف بمصر حاليا كانت تسمي بلاد كيميت ,,
الزائر للمتحف المصري في القاهره يري الرسومات والنحوت لاشخاص سمراء بشرتهم وملامحهم نوبيه,,حتي ما كان يستخدمه هولاء القدماء في حياتهم اليوميه من ادوات الزينه مثل خلال الشعر وبنبر الجلوس والعنقريب والمرحاكه يعرفها اهلنا جيدا لانهم مازالوا يستعملونها بينما يجهلها المصريون ..

حكاية فراعنه بيض وسود فرية من محض خيال البعض ويجب علينا عدم ترويج تلك الفريه
لك اصدق تحياتي اخت رندا,,

[khalid mustafa]

#1469649 [عزت فهمى]
5.00/5 (1 صوت)

06-01-2016 01:23 PM
.

[عزت فهمى]

#1469558 [عثمان عبده]
0.00/5 (0 صوت)

06-01-2016 11:02 AM
تحياتي ست رندا..
الشمالية محتلة من المصريين خاصة الناحية الغربية من النيل...وبمشاركة واحد ..وبالأمارة والي..سلام

[عثمان عبده]

رندا عطية.
 رندا عطية.

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة