المقالات
السياسة
رسالة موجعة من أهالي الفتيحاب أمدرمان
رسالة موجعة من أهالي الفتيحاب أمدرمان
06-05-2016 12:39 AM

رسالة موجعه وصلتني من أحد أهالي الفتيحاب أمدرمان
ما حأقدر أعلق عليها .. أقروها وشوفو الصور براكم ..
-----------------------------------------
ود قلبا ..
جمعتك مباركة
ورمضان كريم يا اخوي
الليلة جاي احكي ليك وجع كتم علي نفسنا ..
المهم
اخش ليك في التفاصيل طواااالي
نحن ساكنين (الفتيحاب) مع البحر
وركز مع البحر دي
اهلنا جموعية فتيحاب .. اقدم ناس وحي في امدرمان
استقبلو المهدي في (شجرة الحضرة) عشان يفتح الخرطوم
ده عشان السرد التاريخي
ما حصل في يوم شكينا من شئ اسمو (موية) وهي ابسط حقوقنا ..
المهم لينا فترة زادت علي الشهرين ما شفنا الموية ..
اااااي ما شفنا موية ونحن الجنب البحر ..
بجي فنطاز الموية الما معروف جايب مويتو من وين ..
ولا معروف كان شايل شنو قبل الموية ..
المهم ماف زول شغال بيننا ..
ولا مسؤول ولا زول جانا قال لينا موتو عطش ماف ..
رمضان اهو علي الابواب .. كهرباء ماف ..
أما الموية أخير الكهرباء بتجي وتقطع .. مويه نهااااائي ماف ..
والله الا ارسل ليك صورها ..
ده كوم .. والقاصدو ليك كوم تاني ..
نحن بندفع حق الموية مقدم ولا علي كيف الجاب اهالينا ..
بقلعو مننا حق الموية ونحن عطشانين ..
وشيوخ الفتاوي .. الشئ ده هل عاااادي بحللوه ؟؟؟
بلقو ليه حل شرعي تحت ياتو بند ؟؟؟
ماف زول شغال بي وجعنا .. اتظاهرنا ونحن الفي وش امدرمان
ولا حياة لمن تنادي
طبعا ما حكيت ليك عن الاراضي الفي الشريط النيلي الاتباعت
وهي ورثات جدا" عن جد ..
يا ريت توري الناس
خلي القضية دي كل الناس تعرفها
وتشوف .. امدرمان عطشااااااانة
الفتيحاب عدمانة الموية نهااااااااائي
وبتاع كارو الموية يتجدع فيك
بالسعر العلى مزاجو .. ويجيب الموية في الوقت العلى مزاجو

image

image

image

image

image

image

image

image


تعليقات 7 | إهداء 0 | زيارات 9294

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1471518 [زول ساي]
5.00/5 (1 صوت)

06-05-2016 01:50 PM
ومغتي الوشوش مالك ما ناس حلة في حلتهم واقفين للموية في عز الهجير نص النهار ومنشغلين بمصيبتهم ما جو للتصوير لفضح الوالي

[زول ساي]

#1471451 [كبسور]
5.00/5 (1 صوت)

06-05-2016 11:57 AM
يبدو أن الكيزان بعد الحصار ونشف البترول بدأوا الإستثمار
فى توانك المياه ( جمع تانكر) وكارو المياه

وصيتى لأهل الفتيحاب عليكم بالصبر الطويل على العطش حتى لايجوع اولاد الكيزان
ورمضان زاتو جاء اعتبروها بروفات

[كبسور]

#1471417 [ناظم التجاني]
5.00/5 (1 صوت)

06-05-2016 11:11 AM
اضربو النحاس

[ناظم التجاني]

#1471392 [محمد]
5.00/5 (1 صوت)

06-05-2016 10:28 AM
عيب والله عيب ... الزولة نائبة رئيس المجلس الوطنى ميها بتكم ولَّ أنا غلطان. الله يعينكم أهلنا الفتيحاب

[محمد]

#1471350 [Wang]
5.00/5 (2 صوت)

06-05-2016 09:31 AM
محنة بلادي

توجد بالسودان موارد مائية متعددة، متمثلة في الأنهار والمجاري المائية المتنوعة ، إضافة إلي الامطارالغزيره والمياه الجوفية الوفيرة، يجري في السودان أطول انهار العالم نهر النيل لكن لم تستغل موارده المائية ولا الملاحية. ورغم وجود هذه الثروة بكميات كبيرة....للاسف لم تستغل بالصورة الامثل وذلك تعمدا لتقليل التكلفة والحصول على اكبر قدر من اموال المواطنيين عبر ربط الدفع بفاتورة الكهرباءعلى الرغم .... عدم وجود الخدمة.

تقدر حصة السودان من مياه النيل بـ 18.5 مليار متر مكعب في العام يستغل السودان منها حاليا حوالي 12.2 مليار متر مكعب في العام بينما تبلغ الكمية الإجمالية لنهر النيل ورافديه الرئيسين، النيل الأزرق والنيل الأبيض وأنهار عطبرة والرهد والدندر حوالي 50 مليار متر مكعب ، يتميز نهر النيل وروافده بموارد مائية هائلة تغطي حوالي 25000 كلم مربع ويقدر الإيراد السنوي لنهر النيل بحوالي 58.9 مليار متر مكعب يساهم فيها النيل الأزرق بحوالي 58.9% ويلعب النيل دورا حيويا في حياة السكان الاقتصادية والاجتماعية والثقافية، وفي علاقات السودان الخارجية خاصة مع دول حوض النيل .

هنالك أنهار جافة كوادي هور ووادي الملك ووادي المقدم، إلى جانب عدد من البحيرات مثل بحيرة أبيض والبرك والمستنقعات والخيران الموسمية الصغيرة التي تفيض بالمياه أثناء الموسم المطير في الصيف. تتجمع في هذه المجاري الموسمية وفي أودية السهول الوسطى وعددها حوالي 40 وادي وكميتها السنوية من المياه حوالي 6.7مليار متر مكعب، والمياه المتجمعة في الحفائر (مستنقعات صناعية) وعددها 840 حفير تحتوي على 26 مليون متر مكعب من المياه.

تنتشر المياه الجوفية في أكثر من 50% من مساحة السودان. ويقدر مخزونها بنحو 15,200 مليار متر مكعب، إلي 39,755 مليار متر مكعب يأتي حوالي 28% منها من حوض النوبة و20% من حوض أم روابة في ولاية شمال كردفان.

توجد كمية كبيرة من المخزون المائي تحت الطبقات السطحية لأرض السودان وتوزع كالأتي :
§ الحجر الرملي النوبي (305 مليار متر مكعب) .
§ أم روابة بمخزون(22 مليار متر مكعب) .
§ الجزيرة بمخزون (38 مليار متر مكعب) .
§ كما تحمل طبقات الترسبات الطينية مخزون مائي يعادل (مليار متر مكعب ) .

[Wang]

#1471310 [جدو]
0.00/5 (0 صوت)

06-05-2016 08:37 AM
هسي دا اسلوب عليك الله


ود قلبا ؟؟

يتجدع فينا ؟؟


المفروض يقطعوا منكم الهواء زاتو

[جدو]

ردود على جدو
[عادل] 06-06-2016 12:30 AM
ياجدو رغم انى نعسان وكنت اخلد للنوم لكن مبادرتك على ماتفضل به احدابناء الفتيحاب فوقتنى حتى يستحق الرد عليها

اولا ياخى انت لاتحس ولا فى استطاعتك ان تستشعر معاناة اؤلائك المساكين
لم يطلبوا الدواء ولا الكساء طلبوا ياخى ماء يذهب عنهم الظمايعنى بالبلدى هم عطشى سبق ان شكوا لطوب الارض المرصوص مثل دفاعهم الشعبى، شكوا وهم يدفعوا حق الهواء الملا طناجيرهم،

كان يجب عليك ان تطلب لهم العون من الله وان تنجلى محنتهم فى مدخل هذا الشهر الكريم لكن بصيرتك لم تبصر حتى ما نحن فيه وماعليه،

ان تندرك على اسلوب الشاكى انحى بك بعيدا عن المشكله لدرجة انك لم تفهم ماذا كان يعنى، انت حر فى الواسعة لكن ياخى تذكر حديث المصطفى عن الترابط والتازر فى المحن

اؤلائك القوم فى محنة كحال بعض مناطق الخرطوم واسال الله ان يفرج عنهم فى هذا الشهر العظيم


#1471286 [layla]
5.00/5 (1 صوت)

06-05-2016 08:04 AM
حملات محاربة العطش بدأها النميري في بدايه عهدو وكان قاصد يوفر المويه لي اهلنا في السهول والوديان البعيده من النيل...طبعا مع السنين فشل وكانك يا ابو زيد ما غزيت ..ثم وبعد مرور 26 سنه علي مصيبتنا مع النظام بدا وزير ما يتكلم عن حل مشكلة العطش في الولايات البعيده من النيل وانو حيوفرو كم بير ويعملو كم سد لجمع مياه الامطار...المصيبه هي ان مسئولي النظام لم يحلو مشكله المياه في ولايه الخرطوم وفيها المياه تقطع علي مدار 20 ساعه وذي ناس الفتيحاب النظريه اب يشربو من النيل مباشره ذي ماكاب بيشرب اجدادهم..وذي ما قال الممثل هاك البلد الصناعي دا

[layla]

محمد أحمد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة