المقالات
منوعات
(فضائح الفضائيات) (1)
(فضائح الفضائيات) (1)
06-12-2016 03:22 PM

بسم الله الرحمن الرحيم


أنفقت قناة الشروق مئات الملايين من الجنيهات على برامج شهر رمضان تذاكر وفنادق وسفر وأستديوهات ولا جديد يُذكر، المَحصلة عاوزين يقولوا شنو ما عرفنا...!!




اثنان من البرامج التي راهنت عليهما القناة برنامجي (ليالي دبي) و(وتر عربي) ولكن ما فَهمنا حاجة..!



برنامج ليالي دبي..... ما هو الغرض الأساسي من التصوير في دبي.....؟
وما هي الإضافة التي شَكّلتها لنا مدينة دبي في تصوير البرنامج وما معنى أن يستقل الفنان مصطفى السني أو حسين الصادق طائرة مروحية في جولة فوق سماء دبي .




ثُمّ ما الفرق بين أن تعزف أوركسترا لـ (محمد الأمين) في الخرطوم أو تعزف له نفس الفرقة في دبي، هذا طبعاً غير الأستديو (المَا مفهوم) جُوطة شديييدة وزحمة، لا أدري حَقيقة هَل من قام بتصميم ديكورات الأستوديو والذي تم فيه التوثيق للأغنيات هل هو مهندس ديكور أم أنه صَاحب مَتجر للأثاث والفازات والأناتيك... لا يُمكن بأيِّ حَال من الأحوال أن تضع خمس فازات مُختلفة الأشكال والأحجام وبجَانبها كمية من الإكسسوارات أمام الفنان في زحمة وعَدم تنسيقٍ واضحٍ و كمان في (حاجة بالجنبة كده بتلف) زي بتاعة الطبالي في السوق الشعبي .




أما (آل حاكم) والذي رغب في إبراز اسمه في البرنامج بصورة مُزعجة فلا أدري من هذا العبقري والذي أشار إليه بوضع الاسم على جانبٍ واحدٍ بأكثر من أربعة أوضاع مُختلفة في بَراويز ولوحات على نَسق من كل بستان زهرة؛ ألم يكن من الأجدى تثبيت اللوقو على طرف الشاشة أو وضعه على لوحة واحدة بَارزة خَلف الفنان مثلاً عوضاً عن اللوحة التركيب لمدينة دبي..... (غايتو يا ناس الشروق ما كسبتوا فينا خير كلو كلو بالتلوث البصري الحصل علينا ده) .




ثُمّ لا أدري حقيقة ماذا أضافت رشا الرشيد للقناة في هذا البرنامج حتى تُطاردها القناة لكسب توقيعها لصالح برامجها، في ظل وجود المُتمكنة نسرين سوركتي والمُتألقة إسراء عادل .




أحياناً أشعر أنّ بعض القائمين على برامج الفضائيات يفقدون البوصلة في برامج رمضان وغيرها ويدورون في حَلقة مُفرغة من غير أن يفقهوا ماذا يُريدون بالضبط وما هي الرسالة التي يرغبون في توصيلها لنا .



خارج السور :

أغاني وأغاني هذا الموسم هل هو أغاني وأغاني أم تَحَوّلَ إلى نجوم الغد..؟!


نواصل،،،


*نقلا عن التيار




تعليقات 15 | إهداء 0 | زيارات 7657

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1475404 [سلفادور]
0.00/5 (0 صوت)

06-13-2016 04:59 PM
وما تنسي يا عزيزتنا سهير طه سليمان مع ناس انصاف مدني خايتو شوفيهم مالهم

[سلفادور]

#1475392 [الكونت]
0.00/5 (0 صوت)

06-13-2016 04:26 PM
والله يابتنا سهير اي كلمه قلتيها صاح؟

[الكونت]

#1475321 [ابو الراء]
0.00/5 (0 صوت)

06-13-2016 01:46 PM
مع احترامي لكل العاملين في الاعلام, أري ان معظم القايمين علي البرامج هم فاقد تربوي
ينقصهم الذكاء و تجويد الاشياء,,,
حضرت حلقه طه سليمان مع اطفال متلازمه داون, كانت اسئلته غبيه وواضح الجهل الشديد
وفي ملاحظه تاني : تلقي الاستديو زي عليه الساردين من الضيق ومحشوريين فيه الفنان ومقدم البرامج والضيوف واعضاء الفرقه الموسيقيه, طيب ياخي طالما ما عندك امكانيات ل استديو كبير مافي داعي تصو لينا الفرقه الموسيقيه وهم متكدسين زي الفسيخ, اكتفي فقط بتصوير الاخريين؟؟؟واكيد ح نسمع صوت الاتهم
نقطه اخيره , الاستديوهات ذات السراميك الاسود العاري من اي فرش , بتذكرني الحمام ؟؟

[ابو الراء]

#1475309 [جركان فاضى]
0.00/5 (0 صوت)

06-13-2016 01:30 PM
كثير من القنوات الفضائية السودانية احترمت نفسها ونأت بنفسها عن منافسة السر قدور وبرنامج اغانى واغانى الا قناة الشروق ...صرفت هذه القناة ماصرفت على ليالى دبى غير ان تقديمه تزامن مع برنامج اغانى واغانى فكان نصيبه ضعيفا من المشاهدة ...وكنت اتمنى الا يتزامن برنامج المبدع ود مسيخ مع برنامج اغانى واغانى...فود مسيخ شاعر مرهف وله اسلوبه الخاص الشيق واختارياته كلها جميلة ومتنوعة...شكرا ود مسيخ وفى انتظار المزيد من العطاء والنجاح

[جركان فاضى]

#1475300 [Hashim]
0.00/5 (0 صوت)

06-13-2016 01:20 PM
لا يستقيم الظل والعود اعوج ما كلها معوجة المشكلة طه سليمان بقي باحث في التراث الشعبي الله يرحم الطيب محمد الطيب

[Hashim]

#1475250 [ABDELRHMAN MOHAMED ABDELRH]
0.00/5 (0 صوت)

06-13-2016 12:17 PM
مع بوابة خزان الرصيرص باللون الابيض في ديكور برنامج أغاني وأغاني للاستاذ السر قدور الاغاني المختارة جيدة وبس كان يكون هناك تنوع وتجديد سنوي للفنانين وعدم تكرار الفنانين/ وللاطالةالتي في الدعايات والاعلانات كانت الايدي علي الريموت كنترول تتسارع للقنوات الاخري .

[ABDELRHMAN MOHAMED ABDELRH]

#1475218 [مريود]
0.00/5 (0 صوت)

06-13-2016 11:33 AM
حاجة مزعلاني يا بتي سهير شوفي لي الموضوع دا.

بت الصادق المهدي دي تسلم علي النازحين والمعتقلين في تلفزيون الحكومة ما مشكلة وتقول أولادي برضو معليش.

لكن نحن القاعدين نعاين ديل فارزانا من السلام مالا سوينا ليها شنو؟ . يعني لو عادت دولتهم حا يرمونا طرف؟

لمن المذيعة أنزعجت وحاولت تغير الموضوع.

دي مصيبة السودان من زمن طويل وعشان كدا شمسكم غابت إلى الأبد.

ولا فضايح الضيوف ما دخلا في فضايح الفضائيات .

[مريود]

#1475210 [مريود]
0.00/5 (0 صوت)

06-13-2016 11:24 AM
والمصيبة جايبين لينا شعبولا في رمضان.

وبعد دارما الإفطار زي كروسان الجبنة.

الإعلانات أطول من العرض. خلينا ليكم.

اليوتيوب مليان وتشوف وكت ما إنت عايز.

عالم وهم.

[مريود]

#1475174 [الحدقنو]
2.00/5 (2 صوت)

06-13-2016 10:38 AM
حقو المقالة دي نسميها : مقالة سهير على وزن خطوبة سهير .يعني من أروع تحليلاتك لواقع الفضائيات المهببة .تصوروا سلمى سيد تستضيف لينا النكرة شعبلة وفنانتنا ام رق ( أول فنانة تغني بالرق) التي كانت نكرة الى عهد قريب.

أول أمس استضافت واحد مصري نكرة كان بغني : كدة كدة يا الترلة وقاطرة قندراني ؟؟؟؟ تصوروا هذا السقوط والانحدار .

سقوط الى الهاوية يابت سيد يا من حاورتي من قبل العمالقة أمثال محمد الأمين.

[الحدقنو]

ردود على الحدقنو
[جركان فاضى] 06-13-2016 01:24 PM
كلامك كلو صحيح...برنامج هايف


#1475147 [مستغرب]
5.00/5 (2 صوت)

06-13-2016 09:23 AM
انتقادات فى محلو والغريبة كل الضيوف ومقدمى البرامج ذهبوا الى دبي من السودان يعنى شنو تقديم البرامج من دبي .. الاختلاف الوحيد ركبوا للفنان الكبير ود الامين سماعات الاذن والمذيعة مصرة ان تذكرنا بالاشارة نحن فى دبي مع الجمال الخلاب وتشير الى مبانى شاهقة على البحر وكأننا لا نملك بحر ولا مبانى فى ربوع السودان .. ياريت السودانيين وناس القنوات الفضائية بالذات يفهمون بأننا نملك فى السودان من أجمل المناطق للتصوير التلفزيونى والسينمائى على مستوى الدول العربية وغيرها ولكن للأسف الصرف لحد البذخ والبوبار خارج السودان باردة عليهم .. جميع القنوات فشلت فى تقديم الاحسن وخاصة القناة الأولى

[مستغرب]

#1475059 [Fahim]
5.00/5 (2 صوت)

06-13-2016 01:24 AM
يعني نشيل قروشنا ونمشي نعمل لقاءات مع المصريين السخيفين ديل وكمان مع اجهل الجهلاء شعبان عبد الرحيم. فقعتو مرارتنا الله ينتقم منكم

[Fahim]

#1475047 [ود البلل]
5.00/5 (2 صوت)

06-13-2016 01:01 AM
صدقت يا بنتي
كثرة الزخرفة علامة لقلة الذوق.

[ود البلل]

#1474986 [ABDELRHMAN MOHAMED ABDELRH]
5.00/5 (2 صوت)

06-12-2016 10:20 PM
ديكور برنامج اغاني واغاني فظيع يذكرني بوبة خزان الرصيرص وكمان اللون الابيض يجهر المشاهد من اول لحظة والعجب الكراسي المهم ((ديكور )) احسن الزمان في المكان الضيق الاول ويا ديكورست سلام .

[ABDELRHMAN MOHAMED ABDELRH]

#1474978 [النخــــــــــــــــــــــــــــــــل]
5.00/5 (1 صوت)

06-12-2016 09:59 PM
البوبار يابت عبدالرحيم انتقل من البيوت للقنوات
بلد فاكة من الكبار وعريانه قاعده فى الصقيعة
بلد ماعندها وجيع ؟؟؟؟ ناس صائمه وبتفطر على القرضه
وناس تتبوبر فى دبى ؟؟ اريتكم بالدابى والسم الهارى

[النخــــــــــــــــــــــــــــــــل]

#1474847 [Truth]
4.25/5 (3 صوت)

06-12-2016 04:01 PM
حقيقة انك مبهرة فى هذا المقال و تستحقين الاشادة

[Truth]

ردود على Truth
[ابوبكرنك] 06-12-2016 08:56 PM
والله كلام يااختي عين العقل الاختيار غير موفق كان بالنسبة لقناة الشروق مافيهمنا اي شئ من شعبان عبدالرحيم والفنطوطه مياده المدعية انها بتفهم في التراث الشعبي والله هانت الزلابية والله. فعلا مضيعه للوقت . وكمان الفنان طه سليمان في حلقته مع انصاف مدني كانت كلام فارغ واظهرت الحلقة جهل الفنانة انصاف مدني عفوا كلام شوارع . انا ما عارف المسئولين من القنوات مافي حاجه اسمها بروفه ليه ما يعرض عليهم الحلقه قبل البث.ارحمونا يا مدراء القنوات .البرامج بقي روتيني في كل الحلقات نفس الشخصيات مدورين في كل القنوات لا داعي لذكر الاسماء.


سهير عبد الرحيم
 سهير عبد الرحيم

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة