المقالات
السياسة
كاميرون .. ولحس الكوع البريطاني ؟!!
كاميرون .. ولحس الكوع البريطاني ؟!!
06-26-2016 12:44 PM




* خرجت بريطانيا العظمى.. من السوق الأوروبية المشتركة.. والاتحاد الاوروبي..
هو كان مصراً على البقاء.. الشعب رفض.. امتثل لإرادة الشعب وتقدم باستقالته..!!
* ولو تخيلنا أن سيادته كان (مشرقياً) هواه.. ومن سياسيي بلاد ما بين.. مقرن النيلين.. لأصر على بقاء بلاده في (الاتحاد) ورفض نتيجة الاستفتاء.. والى خطاب سيادته.. في تلك الليلة السياسية التي أقامها حزب (المحافظين.. المكنكشين الديموقراطي).. في مدينة سانت جوزيف (الحاج يوسف).. شرق نهر التايمز اللندني..؟!

* أيها الناس.. يا بشر.. شنو ما دايرين (اتحاد).. هو على كيفكم وعلى مزاجكم؟.. أم أن عملاء الاستعمار الإفريقي.. ووكالة مخابرات المؤتمر الوطني قد اشترت الكثيرين منكم.. أحمدوا لله يا بشر.. بنينا ليكم سد على نهر التايمز.. والكهرباء صارت بالمجان.. هل أيام الملك (ادوارد) كان عندكم كهرباء؟.. كان عندكم اللمبة أم خيط.. بي زيت الخنزير.. وكنتو بتولعوها (بحك) العيدان..؟!

* ما كان عندكم كبريت.. ولا صابون.. والسعيد فيكم يستحمى في النهر.. أو يأخذ (غطسة) بعد ليلة الزواج.. عملنا ليكم مزارع ألبان واجبان في ايرلندا.. وكترنا (المزة) في اسكتلندا بالمجان بالقرب من مصانع (المريسة) الاسكتلندية الشهيرة.. وعملنا ليكم مصانع نسيج بعدما كنتو بتشحدوا (القطن) من حبايبنا أهل السودان..!!

* تجو.. هسع تقولو ما دايرين (اتحاد).. لو ما جينا وعملنا (اتحاد) كان الاسترليني حقكم التعبان ده.. ما يقدر يقيف أمام اليورو.. اليورو كان سيصل الى ( ۲۰ ).. عارفين يعني شنو ( ۲۰ )؟!

* شوفو يا بشر.. نحن قاعدين في الاتحاد ده.. قاعدين قاعدييين!! يعني نجيب ليكم (غاز) من وين؟.. من السودان مثلاً؟.. وعلاقتنا معاهم ما طيبة.. وعلينا ديون (اقطان) كتيرة.. وبرسيم كعلف للحيوانات.. وجردقة و(حرجل) لمصانع الادوية.. و Bahrat.. mihayat لمصانع الطائرات.. ومصنع الاقمار الصناعية..!!

* (الغاز)-رخيص جداً بنستورد من السويد والنرويج.. والجبنة والعيش الفاخر والسلطة المشكلة من فرنسا مع وسائل الهضم الاخرى.. والرحلات مخفضة للشباب الى هناك.. يعني دايرين تمشوا العراق.. سوريا.. ليبيا عشان الواحد يلحق omat tahac ولا تمشي لمان الواحد يدفع.. يدفع.. ويدفع لما يقول ال . Roob

* فأحسن ليكم تحمدوا لله.. أي حاجة في (الاتحاد) رخيصة.. الداير (واطة) بالأقساط.. أو مزرعة.. أو فيلا في كافورينا.. شرق (لندن) مافي مشكلة بس يسجل اسمو في شارع مطار (هيثرو).. ويدفع الاشتراكات والمتأخرات.. وباقي الحكايات لزوم.. اللزوم..

* ورجاء يا بشر بطلوا (الحركات).. بتاعتكم دي.. وأهو سمعنا رأيكم.. و(اضان جلد).. حركة
سريعة على أذنه اليمنى.. واعتبروا النتيجة ملغاة.. وبلاش كلام فارغ.. بلا ديموقراطية.. بلا وجع قلب..!!

* والدايرنا نخلي (الاتحاد الاوروبي).. الا
yalhass koow

* قال سيادته العبارة الاخيرة.. مشمراً عن كم قميصه..

* موسيقى خلفية.. النار ولعت.. ..fire is Bun
أهو كده؟!
الجريدة


تعليقات 4 | إهداء 0 | زيارات 2699

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1481038 [Salah AL Deen P]
0.00/5 (0 صوت)

06-27-2016 09:36 AM
الانقاذ بعد الف سنة أو الفين برضوا حيقولوا عملنا ليكم جسوووور وسد ،،، أيام الاحزاب ما كان في جسور كتيرة... والاتصالات بقت رخيصة وايام الاحزاب الناس كانت تمشي الكبانية صفوف طويلة وصفوف للعيش... هسي العيش رااااقد ... لو استمروا في الحكم الفين سنه دي هي انجازاتم

[Salah AL Deen P]

#1481008 [سوداني 360درجة و نص]
0.00/5 (0 صوت)

06-27-2016 08:49 AM
لكن ألا تتفق معي بأنهم لحسوا كوعهم فعلا

[سوداني 360درجة و نص]

#1480618 [محمد النور سعد]
4.75/5 (3 صوت)

06-26-2016 02:12 PM
هاهاهاهاهاهاهآآآآآآآآآآآآآآآآآآآي ,
فعلاً ياهو دة حالهم .

(( أيها الناس.. يا بشر.. شنو ما دايرين (اتحاد).. هو على كيفكم وعلى مزاجكم؟..)) .

ههههههههه , دى بالغت فيها ب جد .
أضحك الله سِنك يا أبو صلاح .

[محمد النور سعد]

#1480611 [محتار]
3.50/5 (2 صوت)

06-26-2016 02:00 PM
شكرا استاذ صلاح
لم اضحك كما ضحكت اليوم
وجردقة و(حرجل) لمصانع الادوية.. و

[محتار]

صلاح أحمد عبدالله
صلاح أحمد عبدالله

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة