المقالات
السياسة
شن حال العيد و نهارنا سعيد
شن حال العيد و نهارنا سعيد
07-06-2016 12:25 AM

شن حال العيد و نهارنا سعيد

و غيرنا سجين من أهله بعيد ؟

كيفن نشتاق للفرح العامر

و غيرنا تعيس و ماهو سعيد ؟

ناس مسجونة و ناس مديونه

ناس مطحونة و ناس مجنونة

ما الكيزان سوونا عبيد .

معتقلات مليانة شباب

شيوخ و بنات و أحزانا تزيد.

يا شعب النوبة و ناس دارفور

ككيف اعيادكم وسط القصف

و مع الدانات صليتوا العيد ؟.

كيفن نفرح و نبارك العيد

و كل السودان مليان أحزان

باعوه زمان ،، و نهبوا الاخوان

لا فجرنا لاح لا جبنا جديد.

ساكتين ،، خايفين ،، راضين

خانعين ،، و في وجعنا نعيد.

يا وطن العزة الشعبك ناح

و شبابك هاجر و اتغرب

و نساءك هبن في الساحات

العيد اصرارهن في التغيير

و العيد دفاتن نحو الشمس

و الفرحة وجوهن في الوقفات

و عودة جنياتن من سجنك

مليانة حماسة و عز و ثبات

و وقفة أبطالنا المعتقلين

في اليوم التأني و هم راجعين

هي العيدية و كل الفخر

تسلم اقلامكم و الرايات.

يا ناس بقاري و يا تولمان

عماد يا عروة و موسي عابدين

يا شعب بلادنا المقهورين

و يا كل السجناء المجهولين

كل الأعوام و أنتو الأبطال

و نحنا الاندال و المذلولين

و حنظل اندال و مهزومين

مادام حكمونا المافونين .

عذرا يا شعبي و يا وطني

عبرت صراحة عن اوجاعي

و مرارة نفسي و عن حزني .

لمتين حنكون كيمان كيمان

و وطنا مقسم و متصدع ؟

و بعضنا مسلم و مترفع

و الكل يتفرج في توهان

مأساة وجعتنا علي السودان.

يا وطنا و يا نيلنا و ناسنا

العزة في حفظنا للاوطان .

شقيش ما نقبل مسنودين

و مكان ما نبعد نجي راجعين

لكن لو ضاع وطن المليون؟

عزتنا تضيع و جذورنا تموت

و نكون أشباه من غير عنوان.

خلونا نحافظ في الفضل

و نتعاضد من اجل التغيير

حنلاقي العيد في كل مكان .

سمية هندوسة


تعليقات 2 | إهداء 0 | زيارات 3648

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1485272 [حمدالنيل]
0.00/5 (0 صوت)

07-08-2016 01:08 PM
لا فض فوكز.
تسلمي يا هندوسة.. لسان حال كل الغلبانينز

[حمدالنيل]

#1484781 [Ghazi]
0.00/5 (0 صوت)

07-06-2016 05:43 PM
صح لسانك.. كنداكتنا سمية

[Ghazi]

سمية هندوسة
سمية هندوسة

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة