المقالات
السياسة
اليسع ومدير الأراضي مثالاً... كيف يعامل الرئيس البشير ابنائه لصوص الانقاذ؟!!
اليسع ومدير الأراضي مثالاً... كيف يعامل الرئيس البشير ابنائه لصوص الانقاذ؟!!
07-15-2016 01:58 PM

image
الانباء تقول ان البشير استدعى اليسع ابودكنة وقال ليه ياخ فضحتنا، انا كان ما سالتك انت براك ما بتخجل.
قبل كده البشير اعلن القبض على مدير عام الاراضي ووكيل وزارة العدل مولانا عصام عبدالقادر
وطلع قرار بفصله من منصبه عشان مولانا عصام عبدالقادر استحوذ على 700 قطة ارض من مساحة السودان شملت اراضي سكنية وتجارية وزارعية في الفترة من العام 2002 حتى 2012
مولانا عصام اعترف انو حرامي واتنازل عن عدد من الاراضي شملت
القطعة رقم "180\6 مربع 6 الشجرة "تجاري" درجة ثانية في مساحة" 200" متر مربع
القطعة رقم 120 مربع "81" الجريف غرب تجارية"، بمساحة "256" متر مربع
القطعة رقم 25\19 مربع "13" الرياض "سكنية" بمساحة 384 متر
القطعة رقم "58" مربع "17" جبرة بمساحة "400" متر
القطعة رقم 71 مربع 17 جبرة سكنية
شقة بالرياض مخطط شركة السلام
"2" قطع سكنية في مخطط المصورات جنوب سوبا
فيلا في مخطط ساريا السكني
منزل بود عمارة.
طالما الناس متابعة الفية اليسع ابو دكنة ياريت ما تنسو 700 مولانا عصام عبدالقادر
منتظرك يا ريس تدخل الفيس وتويتر عشان اسألك عن القرار الجمهوري بخصوص اعفاء مولانا الحرامي عصام من منصبه واعتقاله ومحاكمته بإستغلال النفوذ والسيطرة على 700 قطعة ارض من مساحة السودان؟


تعليقات 7 | إهداء 0 | زيارات 4368

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1489096 [awamaha]
0.00/5 (0 صوت)

07-17-2016 07:28 AM
يا اخوانا ما تتهموا الراجل ساكت .. مش من الاول سكتوا على سياسة التمكين .. ما ياهو دا التمكين.. وبعدين هم كانوا حيتمكنوا كيف .. من قروشهم الخاصة؟ ما هو التمكين تم من قروش الغلابة والبلد المسكين .. لا لدنيا قد عملنا .. بس عملنا دا كله للتمكين .. وكمان اليسع دا وجهه كله صلاح ونور صلاة النبي فوقه وهو بالمناسبة مامرطب ولا سمين ولا حاجة بس دي من نتائج التمكين.. الله اكبر .. الله اكبر .. هي لله .. هي لله؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[awamaha]

#1488709 [صابر الصابر]
0.00/5 (0 صوت)

07-16-2016 09:12 AM
الله يلعنك في القبل الاربعة .. ناس تسرق ملاية وانت تسرق ولاية ؟

[صابر الصابر]

#1488634 [Ismail Hussein]
0.00/5 (0 صوت)

07-16-2016 02:01 AM
عافي منكم تب ياليسع وياعصام عبدالقادر، بس اعملوا حسابكم مايلحقوكم ولدنا غسان.

[Ismail Hussein]

#1488478 [almisahir fi iaallaeil]
0.00/5 (0 صوت)

07-15-2016 05:02 PM
يا جماعة الخير الشاب دا "فِكُّو شوطو".. ليه ما تسألو اللى صادق ليهو على التملك؟
الراجل طبعن اسمو " اليسع" اقتنع بوسعه واكانيى توسعه فى المحلات.. واقنع من بيده الامر انه لسّ بيسع كمان وكمان!.. وتواصلت طلباته وظل من كان بيده الامر يوسّعلو ..منتظرين منّو يقول كفايه 500 محل زى ما قال..وهل يملآ عين البنى أدم غير التراب .. *وسعادتو ابو شنب ايه كان هدفو من الاعلان؟ .. ليه ما اخد بفقه الستره اللى قال عليه نائب رئيس الجمهوريه حسبو! الا تذكرون انه قال من يأخد شى بدون حق بنّاديه ونورّيه اننا عارفينو عمل شنو وان الكلام العملو دا ما صاح ونطلب منّو يرجّع البيقدر ير جعو من سكات! يعنى ليه نفضح ناسنا؟ موش كان جايز اليسع دا هيفيد بجزء من توسعاتو فى تجنيد شباب جدد للمسيرة؟

[almisahir fi iaallaeil]

ردود على almisahir fi iaallaeil
[باتمان] 07-16-2016 07:51 AM
نائب الرئيس حسبو قال بصراحة إنهم لو بدأوا يحاسبوا منسوبى المؤتمر الوطنى لرموهم كلهم فى السجون،،، فى إعتراف أكثر من كدة بوجود الفساد.


#1488468 [الداندورمي.]
5.00/5 (2 صوت)

07-15-2016 03:51 PM
بلدا قاضيها حرامي تاني منها رجاء؟

[الداندورمي.]

#1488457 [mat too]
5.00/5 (1 صوت)

07-15-2016 03:07 PM
مولانا عصام حرامي معروف من قولت تيت. واهبل معروف بين الناس ورقم حراميته فهو حاقد
يتلذذ في تعذيب الناس اذا كتبت عنه كتاب عن سواقطه لا يكفي......

[mat too]

ردود على mat too
European Union [الجقود ود بري] 07-15-2016 08:26 PM
نحن من المتضررين من كبير الحراميه . لو عرفت كيف كان يتعامل معنا باستعلاء في استرداد حقوقنا منهم . وطبعا حتي الان حقوقنا ضائعه
نحن نعرف ان دعواتنا قبلت من المنتقم الجبار سبحان الله راءناهم كلهم يسقطوا من عبدالوهاب عثمان والصغار مثل ادم يس الخ....
لما داير تكتب كتابك اخبرني عشان اضيف ليك بابين تلاته


#1488455 [كاسـترو عـ[دالحـمـيـد]
4.50/5 (3 صوت)

07-15-2016 03:05 PM
طبعا هؤلأء اللصوص وهم فى الغالبية صغار المسؤلين يعلمون فساد الكبار لأنهم هم الذين اجروا لهم المعاملات المكتبية لتمكينهم من سرقتهم , لذلك هم ايضا يشرعون فى السرقة ولكى يحموا انفسهم يقوموا يوصلوا رسائل للحرامية الكبار بأننا نعرف اسراركم , لذلك لا تقفوا فى طريقنا واهى واحدة بواحدة . وخير مثال لذلك : اغتيال الملازم / غسان والأخير بتاع الجمارك المتهم بالأستئلاء على اكثر من ( 85 مليار جنية ) وصرح فى الصحف بأنه لحمه مر واللى يقرب ناحيتى سوف اخليه يندم . لو كان فى نقابات حرة كان هذا الذى يحصل اختفى تماما , لأن النقابات تعرف كل شئ يحصل فى مجال عملها ولديها الصلاحيات لكى تتصدى لكل هذه المفاسد . المهم من هذا الكلام انو الرئيس نفسه اكيد ماسكين عليه حاجات كبيرة تتلتل , لذلك لا يقدر ان يجرؤ على محاكمة اى واحد فيهم . لذلك ما لم يتخلص البشير وعائلته من كل الفساد الذى ارتكبوه, فلن يقدر على ايقاف الفساد حتى ولو اصدر مليون قانون . أبدأ بنفسك وكن قدوة للناس , شوف كل واحد حا يمشى عديل , لكن على قول المثل : " اذا كان رب الدار للدف ضابا * فشيمة اهل البيت كلهم الرقص .

[كاسـترو عـ[دالحـمـيـد]

سيد الطيب
سيد الطيب

مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة