المقالات
السياسة
ممنوع السياسة
ممنوع السياسة
07-16-2016 03:46 PM


رد لمن كان يقوم بدور الشرطي في قروب الاهل ويتصدى للناس ويوجه بعدم تناول المواضيع السياسة لانها لربما تكون في غير صالح توجهه السياسي


يا قداسة
مابجيب سيرة السياسة
من الكياسة
مانجيب سيرة السياسة
لانه اصلا من اساسا
سوق نخاسة
من وزيرا ولا غفيرا
والرئاسة
الفاضي راسا
وكل ناسا
فصلت نص البلد
على مقاسا
وفسرت حلم الوطن
بلا وضو
على نجاسة
حرقت ايديها
بي خمج
العواسة
وجحمطت بلدا وسيعي
بخيط لباسا
خلت الناس جايلي
جايطي
ماسكي راسا
تجري مندرشي
وتدوش
شن بتلحق
وشن تحوش
كله شان تختو السياسة
والبلد يا الله ليها
مافي حكومتن تجيها
قايمي بي واجبا عليها
من اساسا
انتو حاكمين بي شنو؟؟
بي حناسة؟
قهر مليان
بي فقاعات السياسة
خشمي عندي
بمشي بالدرب البودي
ومابجر بي شوكي جلدي
رايي سيدي
ياهو مفتاح الفراسة
صبري ممدود
جيبي مقدود
ادفع ادفع
اقنع اقنع
انه وطني جوه
زنزانة حراسة
وكل زول شايل شليتو
وناس تفصل
وناس بتلبس
بي مقاسا
وناس تبرطش
فردي لابسي
وفردي مافي
وبرضو ممنوعة
السياسة
هي لله خايلي فوقكن
ونحن خايلانا الكواسة
والمنافي والدرادر
والتعاسة
توبة توبة ما بجيب
سيرة السياسة
وباعتذر ليكم ابادر
الا لاكين مابغادر
القروب قالولنا خدمي
ونحن خدمتنا السياسة

الرياض -السبت -٩يوليو ٢٠١٦م
عبدالمنعم العوض

[email protected]


تعليقات 0 | إهداء 0 | زيارات 651

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبدالمنعم العوض
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة