المقالات
السياسة
بين انقلاب تركيا وانقلاب البشير
بين انقلاب تركيا وانقلاب البشير
07-16-2016 05:19 PM

تابعت بإعجاب كبير كيف كسر الشعب التركي حظر التجوال الذي فرضه الانقلابيون
وكيف حمى الشعب نظامه الديمقراطي تحت جنازير الدبابات وتحليق الطائرات
بالمقابل شاهدت كيف كان الجيش الوطني يطلق الرصاص في الهواء
image
ارفع راسك يا كوز وشوف الصور دي
لو كنت انت سايق الدبابة دي مش كان فرمتهم ؟
لو كنت انت محل الانقلابيين ديل مش كان عملت زي ما عملتوا مع شبابنا في مجزرة سبتمبر؟
شفتوا الشرطة وهي بتعتقل في الانقلابيين بكل احترام تمهيدا لتقديمهم لمحاكمات
ارفعوا ريسينكم يا تجار الدين وجاوبوا عملتوا شنو في ضباط حركة 28 رمضان؟
سمعتوا عبد الله غول وهو بتكلم بحرقة وبقول تركيا ليست دولة افريقية حتى تحكم بإنقلاب عسكري ما حسيتو بالذل والهوان الفيهو شعبكم ووطنكم؟ طبعا اتذكرتوا دكتور مرسي ونسيتو الصادق المهدي وحكومتو المنتخبة الانقلبتوا عليها يوم 30 يونيو1989
شفتوا كيف الشعب التركي طلع الشارع بخطاب من اردغان بالموبايل بس ما جاب ليهم بصات وسندوتشات طحنية ودفع لي ناس اللجان الشعبية قروش عشان يأجروا حافلات.
تفتكروا لو في تركيا العيشتين بي 1000 جنيه كان في زول دافع عن النظام؟
لو في تركيا موية المطرة بتغرق المستشفيات والمدارس والجامعات والشوارع وبترمي البيوت؟
لو في تركيا العلاج والتعليم للمستطيع والامية والجهل والمرض للفقير؟
لو في تركيا السرقة علني والحرامية ولاة ومعتمدين ووزراء ؟
لو في تركيا اسعار السلع بتزيد كل يوم بلا حسيب ولا رقيب والحكومة رافعة يدها؟
قبل ما تبكي على تركيا خت وطنك في قلبك وعقلك وشوف حالة اسرتك وشارعك وحلتك وقريتك ومدينتك الوصلهم للحالة دي منو وليه نحن اخوانا مشردين في كل دول العالم ببحثوا عن لقمة العيش وبلدنا لو زرعت فيها بني ادم بقوم .. بلد خيرا يكفي العالم ويفيض عايشة منكسرة وذليلة ليه ليه يا مؤيدي نظام الانقلابي البشير؟


فيسبوك


تعليقات 2 | إهداء 0 | زيارات 1658

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1489502 [زايد الخير]
0.00/5 (0 صوت)

07-17-2016 10:35 PM
لو كان الكيزان محل من حاول الانقلاب لمسحة دبا باتهم كل من اعترض طريقها و لقتل رصاص مدافعها الطيور في الجو ، اعوذ بالله من الكيزان

[زايد الخير]

#1489137 [المتجهجه بسبب الانفصال]
0.00/5 (0 صوت)

07-17-2016 09:12 AM
نعم لو كان الاسلاميون هم قادة الانقلاب ممكن كان يفرموا كثيرا من الناس وكذلك بعض المتطرفين الغير ديمقراطيين ويريدون مجرد الحكم،،، ما لاحظته ان قادة الانقلاب في تركيا اردوه ابيضا دون اراقة دماء وكانوا ناس طيبين لدرجة كبيرة حيث استسلموا للشعب الاعزل واستسلموا جماعات ووضعوا سلحتهم وقبلوا الخيار الشعبي وهذه منتهى المبدأية،،، التحية للإثنين الجيش التركي الذي دفعته أسباب خارجية للاطاحة بالحكم بشكل خطأ وللشعب التركي الذي قال لا يمكن معالجة الخطأ بخطأ مجهول المآلات فقد علمونا ان المبدأ هو الأساس،،،

[المتجهجه بسبب الانفصال]

سيد الطيب
سيد الطيب

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة