المقالات
السياسة
قاطعين موية
قاطعين موية
07-24-2016 12:53 PM

ر: بسم الله الرحمن الرحيم




لمدة ستة أيام عشت ومعي مئات من المواطنين من سكان حي الخرطوم (2 ) و المنطقة المتاخمة لكبري المسلمية وامتداد أبراج النيلين وحتى شارع كاترينا عشنا اسوأ أيام بسبب انقطاع المياه .



ستة أيام بالتمام والكمال( مافي ولا نقطة موية) ؛ المواطنون المغلوب على أمرهم لجأوا إلى شراء تناكر المياه وإعادة تعبئتها بالخزانات.


مشكلة الانقطاع لم يكن سببها إنعدام المياه في المنطقة فالحقيقة والشهادة لله إن المنطقة لم تشهد انقطاعاً للمياه طيلة فترة الأزمة التي ضربت ولاية الخرطوم ؛ وظلت طيلة المواسم السابقة تنعم باستقرار ملحوظ في المياه وحتى التيار الكهربائي مقارنة بالمناطق الأخرى.



ولكن الذي حدث أن انقطاع المياه لم يكن سببه الأزمة المعروفة ولكن السبب كان كسورات في الخط الرئيس الناقل لمياه المنطقة في أكثر من موقع .


مع الأسف الشديد كسر في ماسورة يستمر لستة أيام .....؛ (طيب لو كان كسر في توربينات سد مروي كان عملتوا شنو.....!! ) ، إنه كسر في مواسير وليس انهيار لجسر أو تصدع في خزان .



المعنى كان واضحاً أن هيئة المياه فشلت فشلاً ذريعاً في إصلاح ماسورة ولمدة ستة أيام على التوالي، عمال الصيانة نفسهم حين يأتون يغيب المهندس وحين يأتي المهندس يتأخر العمال وحين يحضر الإثنان تغيب الآليات .



أهالي المنطقة واتحاد الملاك في تلك الأحياء لم يألو جهداً في توفير الأجواء للعمال عشان خاطر عيون (الموية ) مارسوا تجاههم الكرم السوداني فطور وشاي وقهوة وقيلولة ...ولكن لا حياة للماء .


أسوأ مافي الأزمة كان إدارة اليوم بطوله وعرضه وتفاصيله الدقيقة من غير مياه ؛ بعض المواطنين رحلوا إلى أهاليهم وأغلقوا منازلهم والبعض الآخر (شحت موية المطافئ ) ، آخرين ظلوا يستعملون مياه الصحة في أغراض الاستحمام والاستخدام اليومي ......!!!!


خارج السور:

السيد مدير مياه ولاية الخرطوم مضت حتى الآن ستة أيام ؛ كم تحتاج مجدداً من الوقت لإصلاح تلك الماسورة ؟....!


*نقلا عن التيار


تعليقات 15 | إهداء 0 | زيارات 3227

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1493153 [fathi farah]
0.00/5 (0 صوت)

07-25-2016 08:15 PM
يعني لو ماكان قطعت في حيكم ما كان كتبتي وفي حيكم بس مأسوره مكسوره طيب الاحياء الاخرى لها سنين وهم بعيدين من المويه وتصرصر المويه في المواسير ليه ما كتبتي ..

[fathi farah]

#1492880 [المؤمل خير]
0.00/5 (0 صوت)

07-25-2016 11:11 AM
تستحموا بماء الصحة .. حقيقة ما كان في داعي للاستفزاز ده ...قلنا عليك شاطرة وجريئة طلعت حنكوشة ساكت.

[المؤمل خير]

#1492879 [المؤمل خير]
0.00/5 (0 صوت)

07-25-2016 11:10 AM
تستحموا بماء الصحة .. حقيقة ما كان في داعي للاستفزاز ده ...قلنا عليك شاطرة وجريئة طلعت حنكوشة ساكت.

[المؤمل خير]

#1492863 [shib]
0.00/5 (0 صوت)

07-25-2016 10:10 AM
اقطعو في صرتك

[shib]

#1492668 [غريب الدار]
0.00/5 (0 صوت)

07-24-2016 06:15 PM
عجبي علي الناس البتعلق علي سكن الاستاذة سهير وحياتا الخاصة يا اخي سهير في شنو وال .......! في شنو

[غريب الدار]

#1492621 [ماء]
5.00/5 (1 صوت)

07-24-2016 04:04 PM
يا ناس الموية في ناس يريدون ماءا

[ماء]

#1492614 [معاذ]
0.00/5 (0 صوت)

07-24-2016 03:58 PM
بالله انت ساكنه الخرطوم 2 ؟ سبحان الله شكلك امدرمان

[معاذ]

#1492613 [smoor]
5.00/5 (3 صوت)

07-24-2016 03:58 PM
الماسوره مابتتصلح الا توقفوا الفطور والشاى ولا بعد سنه تتصلح اليوم وتتكسر بعد تلاته يوم تانى هاهاها اما دى فاتت عليكم كيف ؟

[smoor]

ردود على smoor
European Union [الجيل الصاعد] 07-25-2016 11:00 AM
انت صدقت يا smoor دى ما فاضية تملأ كباية موية لنفسا .. وين يا زول الفطور والشاي فى الزمن دا يطلع للشارع دى عومتكم ساي !!!!!


#1492609 [بنت الناظر]
5.00/5 (2 صوت)

07-24-2016 03:45 PM
آخرين ظلوا يستعملون مياه الصحة في أغراض الاستحمام والاستخدام اليومي ......!!!!

إنها حقا مأساة ..مياه الصحة في أغراض الاستحمام !!!!!!!!!!!!!!!!!!!!!

ماهذا الترف ياأخت سهير..ديل السمعوا نصيحة مارى أنطوانيت وبطبقوا فيها..

ما بالك بناس فى السودان مالاقية تشرب ولا تاكل ...

[بنت الناظر]

#1492603 [منصور المنصور]
5.00/5 (2 صوت)

07-24-2016 03:30 PM
عرفنا نوع سيارتك وعرفنا انتى ساكنة فى أى نوع من المنازل وعرفنا أيضا انك مرطبة للاخير وكنا نتسأل انتى ساكنة وين في ياتو حي في الخرطوم أخيرا اليوم عرفناه ماذا بعد ايه المفاجأة القادمة

[منصور المنصور]

#1492584 [عبده]
5.00/5 (2 صوت)

07-24-2016 02:54 PM
يحتاج فقط الي ضمير يقظ ليمسك بورقة وقلم ويكتب استقالته ..ولكن لا حياة لميت ضمير ..

[عبده]

#1492575 [wad GRAS]
5.00/5 (1 صوت)

07-24-2016 02:30 PM
يا للحظ العاثر ..... لأول مرة شعر وعاش سكان حي الخرطوم (2 ) و المنطقة المتاخمة لكبري المسلمية وامتداد أبراج النيلين وشارع كاترينابأاسوأ أيام بسبب انقطاع المياه لمدة ستة ايام فقط!!!!!!!!!.فما بال المناطق التي لم تنقط حنفياتهم حتى ولو بالشخير ستة اشهر .......واكثر.

[wad GRAS]

#1492561 [محمد سلو]
5.00/5 (1 صوت)

07-24-2016 02:05 PM
هي كان بقت علي ماسورتكم هينه
المواسير شويه يا بتي ؟؟

[محمد سلو]

#1492557 [مستغرب]
0.00/5 (0 صوت)

07-24-2016 02:00 PM
يا بختك تتحدثين عن مشكلتك وعن سكان منطقة الخرطوم(2) يا الاهى صدق من قال من يحمل القلم فى يده لا يكتب على نفسه شقي أو كما قال .. يا سهير الناس تصيح وتبيبي من ستة أشهر خلت من العطش وزمهرير الصيف وانت تقولين عن الستة ايام .. صحيح من قال ( اليدو فى النار ما زي اليدو فى الماء البارد ) هنيالكم يا سكان حي الخرطوم (2) وما جاورها .. 6 أيام قالت .. يا يوم بكرة ما تجرى وتخفف ليه نار وجدى

[مستغرب]

#1492549 [ليدو]
5.00/5 (1 صوت)

07-24-2016 01:28 PM
آخرين ظلوا يستعملون مياه الصحة في أغراض الاستحمام والاستخدام اليومي ......!!!!
يا عيني على الناس الهاي كلاس ، لو إستمر الحال كدة ما بعيد تستحموا بالبيبسي والكولا ، و حظهم بتاعين البقالات !!!

[ليدو]

ردود على ليدو
United States [الباشا] 07-24-2016 08:15 PM
بالراحة علي البنية يا ليدو ... هذا محيطها ... لاتنسى لها ما كتبت من قبل .. البنية دي فارسة.


سهير عبد الرحيم
 سهير عبد الرحيم

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة