المقالات
منوعات
مطر الفرح عاود هطل
مطر الفرح عاود هطل
07-27-2016 12:34 AM


بنيت ليك قصور في الخيال
وسرحت في حديقة القصر المثالي
سرجت ليك مصابيح عشان تبدد ظلمة الليل والليالي
جلبت ليك زمن الفرح .... عشان نعيد بيه الماضي تاني
سرحت بعيد في الخيال ... أتأمل وأعيد في الزمن الفلاني ....
وعزفت أوتار الحب الجميل وأهديتك أروع ألحاني ....
وهربت للواحة القبيل كنَّا بنغني فيها الأغاني ....
نرتع ونلعب ... نبني ونهدم في زمن اللقيا ... وزادنا الأماني ...
الأماني السندسية الما بتعرف ضجر .. وتعربد في الظلام لامن يلوح فجر المشارق ...
ويبدد ظلام الفرقة تاااني.....
بنحلم بوطن ما نشوف فيه فرقة .. ويلم شتات الغربة وما تتبعثر فيه الأماني ...
عشان أقيف واهتف وسط الزحام وأعلن ليه انتمائي ...
ياربي ممكن تاني يرجع لينا الوطن المثالي ؟؟؟
وطنا يجمِّع ... وطنا يلمْ وما يفرقنا تاني ...
وطنا تحبه ويحبك ... تلقى فيه الوئام .. وتلقى فيه السلام ..
تلقى فيه الفرح .. وبهجة زول فرحان يجيه جاري ....
وطنا بنحلم بيه من زمن الطفولة وزمن الصبا .. وزمن الشباب وزمن الكهولة ....
لكن الحلم أصبح وجع .. والفرح القديم ما رجع ....
ومشت العصافير البريئة عشان خايفة من الكواسر والصقور الما بتعرف رحمة ولا حبور ..
تسرق منية وتزرع الشوك محل الزهور ..
مشت العصافير عشان تلاقي مرافي تاني
وتحلم بيوم تعزف فيه ألحان الفرح ويزول كدر الليالي ...
ويرجع لينا الوطن المثالي
ويجينا ضاحك الزمن الفلاني
والكون كمان يصبح برتكاني
ونشم عبق الزهور ... ويغرد كماني
عشان يعزف لحن البهجة تاني
يا وطن محكَّر في القلوب ..... لكن أسير في سجن سوره عالي ...........

[email protected]


تعليقات 1 | إهداء 0 | زيارات 1620

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1494369 [ود تكتوك]
5.00/5 (1 صوت)

07-27-2016 10:03 PM
اسلوبك راقى وعباراتك تنضح بالصدق شاهدة علي كريم اصلك وسعة افقك وباكر لابد يبقى اخير يابروف ومطر الفرح سيعاود الهطول

[ود تكتوك]

ردود على ود تكتوك
[مجدي علي] 07-28-2016 12:49 AM
لك الود النبيل ... والشكر الجزيل لمرورك ومشاركتك ... ولابد للأفراح أن ترجع ... والظلام أن ينجلي ....والظلم أن يندثر ... ولو بعد حين ........زز


بروف مجدي علي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة