المقالات
السياسة
ارشيف مقالات سياسية
حررررررم نتلب في تل أبيب
حررررررم نتلب في تل أبيب
04-08-2011 12:26 AM

حررررررم نتلب في تل أبيب

أسماء الجنيد
somy_moon@hotmail.com

ناس الهوشة الديمة مدووشة
الجخ في الفارغة ومقدودة

اها النحكي ليكم القصة من البداية
يقووم يجي زول خامي الشمار لي البشير
قالوا في طيارة يا ريس خبتتلها نفرين آي والله
الرئيس مهجوم ومنفخ الجضوم وين ؟؟؟؟
سيد الشمار
والله ماني عارف علا قالو في جهة سنكات ’ لا استغفر الله العظيم سواكن
لا يا ريس الميناء ,, الميناء , المهم بورسودان بورسودان يا ريس
يا زول جيب ليك شمار كويس ما تجهجه باكاتنا برانا ملخلخين من السجم اوكامبو ده
لي شفع الوش بوك ديل . الله لا كسبكم كلكم
طير جيب لي عبد الرحيم هسسسسسسسسسستعية
يجي عبد الرحيم وزير دفاعنا يتهوزز ويتلولح ويرجف من الخوفة
والله ما عارف واللـــــــــــــــــه علي الطلاق ما ني عارف يا ريس
ينهروا ليك اتلهي !!!!
وداك بغم ما يقولا
ما عارف شنو ؟ والقاعدلها شنو وانت ما عارف حاجة ؟
نحن ناقصين خلعة ولا ناقصين حرق اعصاب
غور شوف النصيبة دي جات من وين وهبتت منو
الله يهبتك ويريحني منك ,
هسع تلقى خلق الله كلها عارفة علا انا قاعدلي فوق نصيبة زيكم كده!!!
اصلو الناس قالوا الكلام يصل القيف وعن سيدو يقيف ,, آآآآي وقف عندي انا
يجي داخل واحد نفسو قايم بشمار الأكيده
يا عمك قالوا دي صاروخ جانا من اسرائيل اقسم بالله سمعت ناس الجزيرة هستعية
رئيسنا الجخاخ ,,,
آآآي ناس الجزيرة ديل قاعدين لي الأزية
ناوين علي انا عارفهم
جزوا مبارك , وبن علي , وهسة بجزوا في معمر
إن ما قبلوا علي انا وجزوا عرفي ما برتاحوا
شكيتهم علي شيوخي ناس الصوفية
ينط وزير دفاعنا
لا لا حررررررم ما اخليهم يهبشوك
آآآ زول اسمعها مني انا قتلك علي بالطلاق ما يهبشوك
وتشيلوا الهاشمية وينط لالالا فوق ويتب ويقول
حررررررررررررم من دربي ده علا اتلبلك في تل ابيب
ويعضي جلابيتو متخارج من الزنقة زنقة دي

***********
للأسف الشديد دي ياها حال البلد المائل
ماشي بالحليفة والحرامات المشتتة زي المارقوت في عناقريب القد
ياها الحال في كل المواقف والزنقات البتمر بيها البلاد
يتحزم ويتلزم ويتجزم رئيسنا الهوراط
ويتم الباقي حرررررررم وعلي الطلاق
واعفصهم ليكم , وتحت مركوبي وتحت اباطي
يصنع من نفسو رجل خارق وديناصور يأكل الأخضر واليابس
ويقلب البحر طحينة على قول اهلنا المصاروة ,,
وعند الحارة يلبد ,, زي ما لبد في هجمة إسرائل للمرة التانية على اهلنا في شرقنا الحبيب ,,,,
لي اللحظة دي ما جاتنا مصيبة
قعدوا ليها في الجابرة دي واتفاكروا فيها واتشاوروا مشورة رجال
وحلوها, أو ردوا , أو ادانوا وشجبوا ,,,
كل البقدروا عليهو جخ في الفاضي من نوع نحن ونحن ونحن
ودق صدر في الفاضي ,,, طولة لسان وقلة إحسان
لامن الفأس يقع في الراس ,, ساعتها لا بنفعكم طلاق ولا عفيص تحت المراكيب ,,
ده إنذار بسيط من إسرائيل والجاي الله اعلم
قلبي على الوطن الما عندو وجيع ,, ولي اهلنا الغلابة المطحونين 22 سنة
ليكم الله
يمهل ولا يهمل ,,,,,,,,
اسماء الجنيد


تعليقات 13 | إهداء 5 | زيارات 6491

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#125305 [سودانى محب لشرع الله]
0.00/5 (0 صوت)

04-10-2011 01:58 AM
و الله كلامك جميل جدا بس لو جبتى نافع و يلحس فى كوعه و يحلم فى احلام ظلوط بتاعته دى و وين الكتيبة السجم الاسراتجبة و ما قال الدايرنا يلاقين فى الشارع اه ديل جوه فى الفندق ما فى الشارع ؟


ردود على سودانى محب لشرع الله
Ireland [أسماء الجنيد] 04-10-2011 02:50 PM
حبابكم كلكم يا اهل من بطن الأهل
شكرا مارقة من الجوف لكل الحبايب المروا من هنا
ولكل الذين راسلوني عبر البريد الإلكتروني


بالنسبة للنص الساخر اعلاه ,, هذه نقطة البداية في مسرح الإنقاذ
سوف آتيكم قريبا إن شاء الله ببقية حلقات لهذا النص
لا بعتق نافع لا المانفع فيهم إن شاء الله ,,
بإذن الله وبوقفتكم جميعا سوف نعريهم ونطاردهم الى ان يلحسوا كوعهم كما قال اخونا الكريم.. دعواتكم ربنا يقدرنا على الصمود وان تكون الرسالة ناجحة لنصرة اهلنا في البلد الميجوع
دمتم إخوة واخوات اعزاء ’’ التحية لكم جميعا وشكرا ردب محنة ,,,,,, اختكم بت الجنيد,,,,


#125236 [abuosama]
0.00/5 (0 صوت)

04-09-2011 10:42 PM
ها ناس ها!!!!انا ما زمااان قلت ليكم دي صواريخ ميه واليفن اسعلوني منها انا ....انت ياعبد الرحيم شن عرفك بالحاجات دي


#124945 [khalidismaeil]
0.00/5 (0 صوت)

04-09-2011 11:47 AM
تحياتي يا بت الجنيد والله كيفتيني كيف ... طبعا مع حق الاحتفاظ بالرد


#124842 [حافظ أحمد]
0.00/5 (0 صوت)

04-09-2011 08:34 AM
كان صدق كلام الكاتب الصحفى : ثروت قاسم .. حررررررررررررررررررررررررررم نتلب ونقلب هوبا فى القصر الجمهورى .. وتل أبيب ده خليها بقت أم الإجرام ..

وكان صدق كلام الكاتب الصحفى : ثروت قاسم .. تبقى كارثة السودان ليست فى إسرائيل .. ذهب حسنى مبارك أتعتقدون أن الشعب المصرى هو الذى أزاله لا والله ولكن الله الذى أزاله لأنه ساند جميع فضايا إسرائيل ووقف إلى إسرائيل أكثر مما يقف مع الفلسطينيين والعرب وكل الضعف الذى فيه العرب والفلسطينين كان سببه النظام السابق الذى كان يحكم مصر .. والله يمهل ولا يهمل وإسرائيل عدو الله فى الأرض هل توادون من حاد الله .. الله أكبر ..


#124800 [حسن بسطان]
0.00/5 (0 صوت)

04-09-2011 02:35 AM
ياحليل بلدنا.. يعني الناس لو مدّت رجلها قدر لحافها كنّا ارتحنا، فرّطوا في الجنوب والغرب جايط والشمال حدود منتهكة والشرق اصبح ميدان رماية لإسرائيل!!! طيب وين في ضعف اكتر من كده؟ قصف وعلى الطريق العام وعينك يا تاجر! والله انا لو مكان االرئيس ووزير الدفاع استقيل، اصلو لو حننضرب زي فرايس الصيد كده شِنْ فايدة الحكومة!!!
قال كتائب قال!
ياناس ارحمونا بالله.


#124789 [احمد بابكر]
0.00/5 (0 صوت)

04-09-2011 01:09 AM
كامك في مجلس الوزراء وصف غاية الدقة خاصة عبد الرحيم دايما كده... مقال جميل


#124768 [kamilia agag]
0.00/5 (0 صوت)

04-08-2011 11:35 PM
ههههههههههههههههههههههههههههههههههههه
والله انتوا مستهونين بحكومة البشير ديل لموا افسد خلق الله حواليهم ديل في الفساد يقولوا لي ابليس نحن اشطر منك ديل ابليس زاته يلبسوا الطاقية ويسرقوا وينتفوا ريشه


#124700 [حامدابوعبدالمجيد]
0.00/5 (0 صوت)

04-08-2011 08:05 PM
مساء الخير عليكم
مافى بشر سوي يقبل انو يتعرض دينو ول مالو ول عرضو ول وطنو لى تدنيس والموت دونهم شرف وشهادة لكن اعدوا لهم البريتنا بيها دي وينا ياريس ول فلاحتك بس فى الغلابة الملتحفين السماء فى دارفور ترجمو فيهم بالسوخوي والميج وكان مابتقدرو على الناس ديل ابعدوا منهم وقالو اليد المابتلويها بوسا رد على صديقى الادروب فى الفيس بوك كده:


هوووي ياودعبد المجيد نحن لوى يد لابنعرف لهو ولابنقدر عليهو .............وبوس يد والله ماربونا عليهو ولابنعرف ندنقر ليهو لكن الاحتفاظ باالرد نجعجع بيهو نجعجع بيهو نجعجع بيهو كييييييه للمابيهو؟؟؟؟؟؟
تصبحوا على وطن


#124651 [K47]
0.00/5 (0 صوت)

04-08-2011 05:58 PM


Good article indeed,,,it looks funny,,However,,certainly this is how those mindless thugs runs our daily affairs


#124626 [خالد]
0.00/5 (0 صوت)

04-08-2011 04:01 PM
اسرائيل منو وطائرات شبح شنو وصواريخ توماهوك شنو يجب ان نهجم علي اسرائيل بسيوف العشر ونلقنهم درسا لن ينسوه افوه نحنا بتاعين دخلوها وصقيرا حام وفارس الحديد الموشح بالدم 00بالمناسبه في عهد الكيزان فقد المواطن السوداني الشعور بالدهشه وعندما يفقد الانسان الشعور بالدهشه يعتبر من الاموات


#124439 [محمد حسن العمدة]
0.00/5 (0 صوت)

04-08-2011 02:43 AM
والله يا اسماء يا اختي البلد كلها موجعة وتئن لكن الزول المفرجخ فيها بالقوة زي ديك العدة دا مشكلة كبيرة كان هشيتو كسرا وكان خليتو كسرا وبكرة كانوا مافي شي حصل تلقيهو يرقص ويعرض ويتجوعر ويجعجع حسبنا الله ونعم الوكيل حاكمانا في شنو وعشان شنو حيكومة ما خابرالنا شي


أسماء الجنيد
أسماء الجنيد

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة