المقالات
السياسة
خربشة طين القانون في موية زنازيين الشعب المطمبجة
خربشة طين القانون في موية زنازيين الشعب المطمبجة
08-08-2016 01:35 AM

#‏خربشة_برلومية:
خربشة طين القانون في موية زنازيين الشعب المطمبجة ... جات كدا
انا داير بس افهم السر في اسم #‏عوض دا شنو معانا
من ياعوض اقفل البلف وياعوض افتح البلف
...
جابت ليها يا عوض اقفل المحضر
ويا عوض افتح المخفر
وبدون استحي وخجلة كمان بيطلع منشور تبرير
تبريرك شين تطلع مسجون
يا مولانا تبريرك طامة
واثبات للشبهة
رئيسك بيحوم لابس فركة
وانت تشيل وتعجن الدلكة
ولا هاميكم ... حال الشعب
...
الشعب مسجون ومحاصر غرقة
في الموية ينوم ممنوع المرقة
والمطر تجيهو تزيد الدقة
ويطلع في الطين بيفتش طقة
ولقمة عيش تسند الشفع من الموت
وتفك الزنقة
يا مولانا ...؟!
انت تشفت في الاقسام خايف للكرسي منك يمشي
و زولك مجرم ناهب بالبوكسي
وتقول تبرير ... تبرير لمين ؟!
للناس الممات من الغرقة وما نايمين
ولا الزول البيفتش ليهو طريقة مرقة من الطين
عشان أطفالوا الما ماكلين ليهم يومين !!
وانت تفتش ليهو في الزنازين
وتكتب تبرير ... تبريرك شين
...
بنفس رشاقتك طيب دي
اكتب دعوة ... مش قانون
واؤمر بالقضب
لهذا الشعب ودخلوا الزنازيين
واعمل نايم مننا تب عشان ساكتين
ما الساكت عندك في القانون مقر بالذنب
مجرم يعني
عكس الزول العندو نفوذ ومجرم بالثابتة
ممكن عادي تديهو براءة
وتاني عليها يأخد تعويض ومعاهو حلاوة
ما حكومة زي الشعب ؟!
مش الحكومة شغلها سف
واكل حرام مال الشعب
بالقانون يعني حلال !
وضحة لينا يا أستاذ
فهمنا خلاص
منك نتعلم يا مولانا ...
استنتاج :
( افهم يعني يا مولانا انو الشعب احسن ليهو يفضل عايم في موية الطين
ويبعد من الراديو والتلفاز ... لانو التماسيح بتعوم بهناك وطغساين )
...
مصعب البرلوم
10/ 8/ 2016


تعليقات 0 | إهداء 0 | زيارات 364

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




مصعب البرلوم
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة