المقالات
السياسة
طائر النهر .. نص شعري
طائر النهر .. نص شعري
09-18-2016 12:11 PM


نص شعري

يفتح بابه قلبى...
ليدخل طائر النهر...
فيغمس ريشه الفضى
يبل ذؤابة القلم...
بالاحمر القاني . .
وفى وجه السماء التانى..
بسطر مجدك الآتى..
بحرف النور والنار..
اصرخ بى جهير الصوت..
بحبك انتى يانارى..
بعزك انتى يا الكوة..
بريدك انتى يا غنيوة..
ومنك وين امشى العشق تانى..
ده ريدك اصلو ربانى..
بجيك القى الفرح عندك..
احدق وجهى فى دربك..
اجيك امرغ كلى فى ترابك..
واضمك جوه فى صدرى..
وليك. هدية..
الباقى من عمرى..
وياريت اقدر الوليكى..
اقدر اكافيكى..
واقدر ادور بالكون واناجيكى..
اساسق فى دروب الشوق..
احلق متل القمارى الفوق..
بين نيلك السحرى..
ونيمك الناضر..
بين جرفك المخضر ..
وغروبك الآسر..
اشوف جميزك العاتى..
اشد حيلى..
واقيف لى فوق..
والف شالى..ومامبالى..
وادج فى الدنيا ..واقول:-ها ..ناس انا العاشق..
وانا الهيمان..
وانا الف بحر ريدك..
يمين غرقان..
وتب..مانى بخاف...
ومانى بتوب..
بس بدور انجم..
وسط ناسك...
وعز ناسك..
تحت ضل الضحى الشاتى..
واقول يايمة وين حضن الهنا الدافى.

صلاح الحلاوى.
[email protected]




تعليقات 0 | إهداء 0 | زيارات 810

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




صلاح الحلاوى
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة