المقالات
السياسية
وزير الداخلية يدعو شبابنا لتعاطي البنقو!ا
وزير الداخلية يدعو شبابنا لتعاطي البنقو!ا
04-16-2011 01:21 PM

حروف حرة

وزير الداخلية يدعو شبابنا لتعاطي البنقو!!

لنا مهدي عبدالله
[email protected]


• جزئية من خبر منشور في صحيفتنا الحبيبة الراكوبة(أدارت رأسي) وجعلتني أعيد قراءتها مرات ومرات لعلي فهمتها خطأ؛ لكن لا! الجزئية تعني تماماً ما فهمته وما سيفهمه كل القراء!

• فوزير داخلية النظام المهندس "إبراهيم محمود حامد" وبحسب ما نشر في إحدى الصحف نفى وجود تعاطي مخدرات حقيقي في البلاد، وقال :( البنقو ليس مصنفاً عالمياً ضمن المخدرات، لحد الآن ما عندنا المخدرات المصنفة عالمياً، والبنقو دا مصنف من المواد المهلوسة حقو ما نظلم شبابنا في الجامعات)!


• يبدو جلياً أن (صدماتنا) و(هجماتنا) لن تنتهي مع مسئولي نظام الانقاذ، فلو سلمنا جدلاً أن البنقو الذي هو مخدر الحشيش ليس مصنفاً عالمياً ضمن المخدرات، ألا يذهب العقل ويضر بصحة متعاطيه سواء كانوا طلاباً أو غير طلاب؟! وهل كونه من المواد المهلوسة أمر عادي لا يستحق الوقوف عنده؟

• ألم يجهد الوزير غير المسئول نفسه ليكتب في قوقل محرك البحث العالمي (بنقو) ليجد سيلاً من المعلومات عن هذا المخدر اللعين تعينه على أن (يصم خشمه) ولا يبذل مثل هذا التصريح الخطير وغير المسئول؟!

• وهل يتنظر الوزير (غير الهمام) حتى يتعاطى طلاب الجامعات الهيروين والماكستون فورت والكوكايين حتى تتدخل وزارته لأن تلك المخدرات مصنفة عالمياً و(ما مهلوسة ساكت) وتعاطيه ليس بتعاطي مخدرات (حقيقي)؟!

• وهل يا ترى (من الطبيعي) لو رِأى وزير داخلية النظام أحد موظفي وزارته أو مسئوليها (يلف) سيجارة ويدخنها ثم تبرق عيناه وتدمعان ثم (يبرطم) ب(تخاريف) كما تصور الأفلام متعاطي البنقو؛ هل سيمر على المشهد مرور الكرام أم تراه ومن باب الشيء بالشيء يذكر سيعلق:(تصور، المتخلفين مفتكرين البنقو الفي يدك دة في لستة المخدرات عالمياً،ياخي وحيات ديني شباب الجامعة ديل مظلومين، السيجارة البسيطة دي البتسبب بس حبة هلوسة منقنقين ليهم فيها ومتهمنهم بتعاطي المخدرات)!!!!!!

• كلام وزير داخلية النظام بمثابة دعوة غير مباشرة للشباب ولكافة فئات المجتمع لتعاطي البنقو لأن الوزارة ستغض الطرف عن المتعاطين، ولأن زراعته لن تشهد غارات وزارية لإبادة المزروعات التي يصنع منها المخدر الخطير!

• وزراء حكومة الانقاذ ديل يوم حيجيبوا لينا سكتة! خلص الله البلاد والعباد منهم ومن شرورهم وعاقبهم على ما فعلوه بوطننا وبمواطنيه!
مع محبتي؛




تعليقات 106 | إهداء 9 | زيارات 113372


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
التعليقات
#706530 [mohmmed]
2.80/5 (33 صوت)

06-25-2013 10:16 PM
صدقتي لاوزير يعقل ولا ريئس يفهم


#706242 [بخيت يوسف]
2.48/5 (35 صوت)

06-25-2013 03:35 PM
حسبنا الله ونعم الوكيل.


#700386 [سادا]
2.76/5 (36 صوت)

06-18-2013 04:18 PM
كيفما تكونوا يولى عليكم. صدق رسول الله صلى الله عليه وسلم.


#700332 [حزين جداً]
3.74/5 (36 صوت)

06-18-2013 03:19 PM
كلاااام غير ( مســــعووول )


#698694 [عثمان علي اباهيم]
3.46/5 (36 صوت)

06-17-2013 12:25 AM
ياما حتشوفوا العجب


#694603 [سودانى حر]
3.08/5 (44 صوت)

06-12-2013 09:18 AM
معليش لنا هو ما ماسودانى اذا كان ما سودانى مدينو وزارة سيادية ومهمة زى دى البلد ماعندها وجيع الله اكون فى عون العباد
وطنى ايها الارمد ترعاك السماء اذا كان الوالى هو الكحال فابشر بالعنى


#687533 [حاتم]
3.64/5 (38 صوت)

06-04-2013 12:55 PM
هناك لبس عقيم تابعته والكثيرين وظللت استغرب منه فما دخل اهل الشرق بالهجوم على ابراهيم محمود حامد حتى ينبروا وبمختلف ايدلوجياتهم وتوجهاتهم السياسية للدفاع عن الوزير الاريتري هل أهل الشرق معهم جوازات اريترية وهل قال احد ان كل قبائل الشرق تبع اريتريا واننا نشكك في سودانيتهم الوزير سيئ الذكر له جواز سفر اريتري وكان رئيس اتحاد الطلاب الاريتريين فما الضير في اتهامه في سودانيته والاستغراب من توليه لمهام وزارة سيادية من اهم شروطها كما باقي المناصب السيادية والقيادية وحتى غير القيادية بل حتى مجرد شغل منصب حكومي هامشي فكل ذلك يحتم بوجوب سودانيته من يشغله ميلادا ومنشأ وأصل فالحيثيات واضحة وجليه باجنبية اصول الوزير سئ الذكر ومستهجن ومستغرب شغله لهذا المنصب وكون الانقاذ تتشبث به في هذا المنصب هو الأغرب والأعجب كاننا سوف نعدم شطارته وعبقريته وتفرده وندرة دقنوسه وما يحتويه كل ذلك لكن الاعجب وما يدعو للدهشة هو تكوم كل منسوبي شرق السودان للدفاع عن الوزير الاريتري فهذا هو المحير والعجيب والجالب للدهشة والاستغراب في الامر


#687475 [طوكراويه مية المية]
3.88/5 (40 صوت)

06-04-2013 11:51 AM
بس بقول لى اى زول حاقد وناقص الله يرزق والناس تحسد الوزير واهله وعشيرته لا يشبهكم ولا مستواكم وهو ماجاء هنا ساى الله اداه ومنصبه التعليمى اداه الحسادة مايشتروها وهو عشان ماحرامى وماخائن ومابيلعب فى الدين موتو بغيظكم نحن اسياد بلد وباصح العبارة اى زول يرجع بلدو نحن نكتفى بالشرق المشكله فى الناس المشتته دى يخلو ابو حمد والشماليه يجو هنا بلدنا السمحة دى ههههههههههههههههههههه حسادة وعباطة انتو مابتجو ظفرو لى السيد وزير الداخيه ابيتم ام رضيتم المعاجبو يركب القطر


#687362 [حاتم]
2.77/5 (39 صوت)

06-04-2013 10:24 AM
الوزير المشكوك في سودانيته وهو لازال يتولى زمام وزارة سيادية وتتمسك به حكومتنا غتس الله حجرها يعبر عن ماهية المعايير التي يتم من خلالها اختيار الوزراء وهو فاشل من رحم فشل الانقاذ ما الضير في أن يعتبر البنقو ليس مادة مخدرة ويصرح بطريقة مبطنه بان من الجائز تدخينه في الجامعات ومن قبل الطلبه شئ عجيب وهذا زمن المهازل والركاكة والفجاجة هل هذا يصلح لأن يكون وزير ؟؟
نفس الميار الذي سمح بان يكون عبدالرحميم حسين وزير والمتعافي وزير وبكري وزير وعلي محمود وزير والخضر والي نفس هذا المعيار المضروب لما لايجعل ابراهيم محمود حامد وزير ؟؟
هؤلاء ادمنوا الفشل ولن يجلبوا لنا سوى هؤلاء الفشله وحفنة من رعاع وقاع السودان ليكونوا وزراء ويمسكوا بتلابيب هذا المواطن المكلوم وهذا الشعب المسكين


#686089 [abbuuahmed]
3.32/5 (38 صوت)

06-02-2013 10:27 PM
الكاتب لما يكتب مفترض يكتب بمعرفه وهذه المدعيه للكتابه لاتعرف عما تكتب
اولا البنقو يسمي 4-وهو ماده مهلوسه وليست مخدره يعني بعمل مزاج وفي بعض الناس العنهم استعداد للامراض النفسيه وراثيا ممكن يتاثرو والاصابه اكلينيكيا بالمرض النفسي.
والحشيش ماعندو اي علاقه بالبنقو وفرق الليل للنهار وهو ليس لديه اثار مخدره..
وفي بلاد كثيره يتم استعمال البنقو والحشيش بصوره قانونيه.
فعلا البنقو شايل وش القباحه ساي.


#681399 [عمر البشير الكوز]
3.60/5 (33 صوت)

05-29-2013 12:45 PM
وزير الداخلية السوداني اريتري الجنسية - وكان من مقاتلي جبهة التقراي لتحرير اثيوبيا !!!!!!!!


ردود على عمر البشير الكوز
United States [ود الشرق .] 06-03-2013 07:34 AM
يا راجل هو ارتري الجنسية ومن مقاتي جبهة التقراي لتحرير اثيوبيا ؟!!!!! يا زول انت ما عاقل ؟ كيف يكون ارتري وفي نفس الوقت تابع لجبهة التقراي؟؟ يا جاهل التقراي هو الاقليم الشمالي لاثيوبيا والذي ينتمي اليه الرئيس الهالك ملس زيناوي ولا علاقة له بارتريا البتة ,, وليس فيه جندي ارتري واحد فكيف يكون وزير الداخلية ؟ والله يا بلويت انتوا ناس جهلة وحاقدين ساااااااي وخليك من وزيير الداخلية نحنا قادمين قريب وحا نعرف هل الشرق بلد شوايقة ولة بلد بجا ؟ آن الاوان ان نرتاح مما يسمى بدولة السودان زوراً وبهتاناً ,, انتو والله ما في فرق بينكم وبين المصريين ديلك اخدوا حلايب اول امس وحلفوا قالت حقتهم من بداية التاريخ وانتو كمان جيتونا مع السكة حديد والان طلعتوا اهل الشرق اثيوبيين واررتيين , عشان كدا ربنا يبتليكم باهل دارفور والنيل الازرق وغيرهم ولن تهنأوا ما دمتم ظلمة حاقدون حرامية فاشلون سرقة لصوص


#671292 [الوزير اريتري]
2.64/5 (38 صوت)

05-21-2013 05:46 AM
ابو القاسم حاج حمد السوداني كان مستشار للرئيس الاريتري وكان يحمل الجواز رقم 3 وعندما توفي اعلن الحداد في اريتريا 3 ايام ،
رئيس اول حزب اريتري في الاربعينيات عندما كانت اريتريا تحت الانتداب البريطاني هو السيد بكري الميرغني خال السيد محمد عثمان الميرغني .
الرعيل الاول للثورة الاريترية وبالاخص اول مجموعة اعلنت الثورة كانوا من الجيش السوداني .
اورطة العرب الشرقية التي خاضت معركة كرن كان اكثرهم من البني عامر .


#666937 [لا معاكم لا مع الكيزان]
2.90/5 (37 صوت)

05-16-2013 03:43 PM
عفن وسخ خونه


#665656 [محمد عبد الرحمن محمد]
3.62/5 (38 صوت)

05-15-2013 10:34 AM
السيد وزير الداخلية ارتري وعاش لاجئا في السودان الي ان جاءت حكومة الترضيات بتعيينه واليا ثم وزيرا للداخلية والبنقو والله جربته مرة في زواج اخ ولقيت من يستعملون البنقو هم ليس بشرا لفاعليته مع الانسان قوي جدا جدا جدا وممكن يؤدي الي الجنون وجميع حالات الجنون التي عايشتها كانت من البنقو وخير دليل علي ذلك مستشفي الاعصاب ببحري وممكن تراجعوا سجلاتهم لاني سنويا كنت اذهب مع ولد جار لنا الي بحري لعلاجه والبيره مابتسكر يلا صدقوها هي ماحرام ( بدع اخر الزمان) ؟؟؟؟؟؟؟؟؟؟؟؟؟؟؟؟


#664473 [كسلاوي]
2.89/5 (32 صوت)

05-13-2013 11:29 PM
إنتو يا عاملين سودانين ومقطعين السودنه ابراهيم دا يقول ليكم قال تعالى(لايسخر قوم من قوم الا أن يكون خيرا منهم) وهذه الأية تكفيكم .


ردود على كسلاوي
United States [Jamal AbdulJalil] 06-09-2013 01:55 PM
يا أخي اتقي الله ولا تكتب آية الا تكون متأكد من صحتهاالآية تقول:( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون)صدق الله العظيم.
القرآن كلام الله ولا يجوز ان نجتهد فيه من عندنا..
هدانا الله واياكم وعلمنا ما ينفعنا....

[عادل صادقابى] 05-31-2013 10:22 AM
يا كسلاوى ليه من دون كل التعليقات دى اخترت تعلق على سودانية الوزير ؟ شكلك عندك شك فى سودانيتك وطرف السوط لحقك


#651695 [منتظر الصباح]
2.53/5 (29 صوت)

04-30-2013 11:48 AM
إلى من يريد اقحام الشرق لحماية الوزير،هل أهل الشرق او كسلا من غير البني عامر راضون عن الوزير عندما كان واليا على كسلا؟ عمل شنو غير تكريس المناصب و الوظائف لأهله؟ معروف إن تعيينه كوزير للداخلية هي مسالة ترضيات جهوية و بس، ففاقد الشئ لا يعطيه ممكن يقول أي شئ و لا عجب!!!!


ردود على منتظر الصباح
European Union [ود الشرق .] 06-03-2013 07:37 AM
منتظر الصباح البني عامر (التقرايت ) هم واخوانهم ( لبداويت ) فقط هم اهل الشرق وليس انتم ايها البلوييت النازحون من اقاصي شمال السودان ,, وكما قل الفنان حامد عبد الله( كسلا انتلنا تا قل اوروا ينأمرا )الترجمة كسلا حقتنا وما نعرفا لاي زول تاني غيرنا واقول ليك انتظر الصباح حتى تعرف الحق من الباطل الذي تعيش فيه


#651509 [ابسلوكة]
3.51/5 (32 صوت)

04-30-2013 09:14 AM
واللة مشاء اللة تطور ملحوظزطيب السيدوزير الداخلية دا عامل لية شرطة لمكافحة المخدرات وقوانين وملاحقة التجار الزين يعملون فى هزة التجارة مايسيب الوضوع عاير ساى وكمان خلية اتباع عند ستات الفول السودانى والتسالى على عينك ياتاجر ويريحو رقبتم ويريحونا لانو دى اصلا حكومة غتاس وطنى ما انقاز واللة انتقم منهم زى ماعزبونا وعزبو اهلنا


#649983 [sanmka]
3.99/5 (36 صوت)

04-28-2013 05:10 PM
ما بكري وعبد الرحيم بضربو البنقو في حديقة القصر كل يوم المشكلة شنو ما عاااااادي


#646187 [ابو الرشا]
3.02/5 (35 صوت)

04-24-2013 11:23 AM
بالله ده كلام هذة سياسه ممنهجه لتدمير الشعب افهموهاياناس


#643303 [صدقونى]
2.89/5 (38 صوت)

04-21-2013 09:24 AM
ديل حا يتخلو لينا جميع المخدرات عشان الشباب ما افكرو فى موضوع مهم زى غلاء المعيشة
الصحة والتعليم دة الشى المهم لو خلوهم صاحين بعملو معجزة والايام بيننا يا حكومة الخراب


#643288 [بابكر الطيب]
3.83/5 (38 صوت)

04-21-2013 09:13 AM
حشيش حاجه تجي كده والبنقو مش زي زمان حشش واتقي الله كلام كيزان ونصيحه لي اوليا الامور البنقو قبل السندوتش عشان رفع نسبة التحصيل الاكاديمي وتخفيضات هائله لي اولاد الوزراء


#642793 [جعفر]
4.07/5 (32 صوت)

04-20-2013 03:56 PM
خليهو الارترين للبنقو


#642607 [brimo_b]
2.52/5 (34 صوت)

04-20-2013 11:55 AM
اعزروه جاهل مابيعرف حاجه .. الوزير مضروب خااااالص


#215846 [وليد]
2.52/5 (36 صوت)

09-27-2011 08:45 AM
القران عندما انزل علي النبي صلي الله عليه وسلم
يحكي عن الماض فيقص لنا قصص من سبقونا
ويحكي عن الامر فيامر باتبعها
ويحكي عن المضارع فيقص لنا اشياء سوف ساتاتي في المستقبل
اما عن البنقو
قوله تعالي (ولا تقتلوا أنفسكم إن الله كان بكم رحيما ومن يفعل ذلك عدوانا وظلما فسوف نصليه نارا وكان ذلك على الله يسيرا )فكل المسكرات والمهلوسات توادي الي قتل النفس لكن بالطي ولا تقتلو هنا تاتي في صيغة الامر
(إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا)رزقنا الله من الطيبات، وأمرنا بالاعتدال في المأكل والمشرب والإنفاق، ولكن يغيب عن البعض ضرورة ترشيد الإنفاق
(( وأنفقوا في سبيل الله ولا تلقوا بأيديكم إلى التهلكة وأحسنوا إن الله يحب المحسنين ) فكل تدخين وكل مسكر يهلك الجسم
نلاحظ الان وجود الاغتصاب للاطفال بسبب هذ ه البلاوي


(قوله تعالى : { اتل ما أوحي إليك من الكتاب وأقم الصلاة إن الصلاة تنهى عن الفحشاء
والمنكر ولذكر الله أكبر والله يعلم ما تصنعون }


#215497 [دينقكور ]
2.70/5 (41 صوت)

09-26-2011 05:05 PM
لا يوجد دليل قرانى يحرم البنقو كالخمر والميسر والزنا والربا وووالخ
كلام الوزير كلام علمى وحقيقى لايمكن مقارنة البنقو ببقية المخدرات .... والبنقو لايستاهل كل هذه القومة والقعدة
فى زمن نميرى كان اقصى عقوبة ستة شهور سجن الآن وصل الاعدام والمؤبد وماذال الشعب يشرب البنقو


#210677 [سوداني]
2.58/5 (47 صوت)

09-18-2011 05:01 PM
الي الذي سمي نفسه ب(ود ادروب ) : من قال لك انّني اكره ان اري السودانيين من الاقاليم المختلفة يتقلدون المناصب الكبيرة في الدولة ماداموا مسلمين ؟!! ..

و من هم اولئك المجنسون الذين قدموا في الخمسينيات و تقلدوا وظائف كبيرة في الدولة ؟!!

مازلت تكذب و تتحري الكذب و تطلق الصفات من غير اي دليل .. في محاولة لتشتيت النتباه عن فظاعة فساد هذه الحكومة الفاسدة التي تريد تدمير السودان .

انا تعليقي علي اجازة البنقو من قبل هذا الوزير .. هل تفهم ذلك .


#207030 [محايد]
2.57/5 (45 صوت)

09-11-2011 11:49 PM
لا عجب يا أختنا ( لنا ) فقديماً قبل أن يدعوننا لشرب المهلوسات كانوا يحشروننا في الطائرات حتى نجد أنفسنا مابين المسلحين ونحن ما دون (81) فمنا من جن ومنا من رجع مريضاً نفسياً منا من مات وهو لم يميز حتى أنه شهيد أم أنه خائف أم أنه مخطوف ، وأخرى لم تشعرون بها أنهم يوظفون الشاب المتربي ( تمام ) براتب لا يكاد يسد رمق إفطاره ثم يتعلم أخذ الرشوة والفساد على مصراعيه ، وها هم الأن يقسمون البلاد ، وكأنها ملكاً لآبائهم ( ورثوها ) وبها خيرات لا قبل لدولة بها وينظرون لخيراتها دون أدنا حرارة قلب بل ببرود دم تتزايد أحجام بطونهم ، وتتزايد الكوش ، والأسعار ، الله المستعان


ردود على محايد
European Union [طارق قاريت] 09-17-2011 10:03 PM
الاخوة الاعزاء هذا راي علمي فقط
البنقو لا صنف من ضمن المخدرات بل يصنف من ضمن المهلوسات و هو غير ممنوع في بعض الدول الاوربية (و لكن ايضا هذه الدول تبيح تناول الكحول و العلاقات الجنسية) فعليه لابد من مراجعة سريعة لمعظم القوانين السودانية حتي نتمكن من تصنيف العديد من الاشياء الحديثة مثل الجرائم الالكترونية و برامج تعديل الخصائص الوراثية للبشر و غيرها و حتي يتم تصنيف البنقو من المهلوسات فهو ممنوع بنص القانون السوداني و يحارب من قبل الشرطة و مكافحة المخدرات و ليس المهلوسات يا وزير الداخلية


#205865 [ابو اشواق]
2.79/5 (43 صوت)

09-09-2011 11:00 PM
أخى احمد ادروب لك العتبى حتى ترضى ، واقول لك السودان كله مهمش ولكن الراجل يقصد أن السيد وزير الداخلية ليس بسودانى بدليل انه كان رئيس اتحاد طلاب ارتريا بمصر ويمكنك التاكد ن هذا


#205072 [ود الثورة الحاره 63]
3.72/5 (44 صوت)

09-08-2011 10:41 AM
أقول ليكم حاجي يا أخواني وأخواتي الزول كان شرب سجاراي واحدي ما فوكا حاجه ،ولكين علماء الإنقاز قالوا لو الزول شرب زي عشرة سجارات بنقو لازم يشيلوا الإسعاف يرقد فيهو عشان يرتاح شوي بعدين يفكوه عشان يمشي بيتو ، وقالوا كمان لازم كل جامعة تسوي ليها حوض حوضين بنقو عشان الطلبة لما يقعدوا في الكافتريات يسطلوا ويضاحكو بس، عشان ما يتكلموا في السياسي وناس الإنقاز قالوا البنقو حلال حلال .


#204504 [تكتك]
2.54/5 (37 صوت)

09-07-2011 10:58 AM
نعم البنقو ما من المخدرات يا مساطيل الزمن ده ، يا اخواني اللبن الرايب لو اتخمر بيعتبر من المخدرات ، وبعدين تعالوا هل توجد آية أو حديث صحيح لوضع حد للمخدرات أم كل الموضوع اجتهادات وخزعبلات بشرية ... كل واحد حر فى تصرفاته بشرط ما يتعدى على حرية الآخرين وربنا يحاسبه يوم الحساب وما تعملوا مشانق فى الدنيا باسم الدين ...


ردود على تكتك
[shadow] 07-09-2013 01:33 PM
السؤال الثالث من الفتوى رقم ( 5001 )
س3: ما هي أدلة تحريم المخدرات؟
ج3: المخدرات من الخبائث، وقد حرم الله على عباده جميع الخبائث، ولم يحل لهم إلا الطيبات كما في قوله سبحانه في سورة المائدة: يَسْأَلُونَكَ مَاذَا أُحِلَّ لَهُمْ قُلْ أُحِلَّ لَكُمُ الطَّيِّبَاتُ وقوله في سورة الأعراف في وصف نبينا محمد - صلى الله عليه وسلم - وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ ولما روى أبو داود عن أم سلمة - رضي الله عنها -، أن النبي - صلى الله عليه وسلم - نهى عن كل مسكر ومفتر ، ومعلوم أن المخدرات من المفترات، ولما في المخدرات من الأضرار العظيمة وقد قال - عليه الصلاة والسلام -: لا ضرر ولا ضرار .
وبالله التوفيق، وصلى الله على نبينا محمد وآله وصحبه وسلم.

اللجنة الدائمة للبحوث العلمية والإفتاء


#201498 [لينا]
3.26/5 (36 صوت)

08-30-2011 11:35 AM
لا استغرب كلام وزير الداخليفه الفني الزراعي الذي لايفهم في الزراعه ولاغيرها وكما قال الشاعر كل ليس في مكانه فحكومه الانقاذ تعطي وزارة الزراعه للطبيب ولوزارة الداخليه نصف زراعي وهلم جرا والمبدأ الولاء ومافي داعي للكفاءه اصلو حيعملوا بيها شنو ما لقرارات كلها في يد اتنين ثلاثه والباقي مجرد دمي ما هاميها غير مصالحها الشخصيه وخم الرماد من موارد الغلابا الجياع البؤساء الذين ابتلاهم الزمان بمسلسل من الطغاه وذمرهم الفاسده المتاجره باسم الدين. وكما قيل ان الايام دول لابد ان تكون هنالك نهايه لكل ظالم وما تونس ومصر وليبيا منا ببعيد.


#199867 [khalid]
2.58/5 (50 صوت)

08-25-2011 01:47 PM
يا شباب ناس الحكومه ديل عاوزنكم تكونوا ذى الشعب المصرى 95% منهم محششين علشان يتلهوا ويبعدوا عن السياسه ويقعدو 30 سنه على صدورهم --- الجماعه بتاعنا جلسوا الان 21 سنه وفكوا لشبابنا البنقو والحشيش علشان امورهم تكون تمام التمام دي كيزان ولاد حرام


#198413 [OM AHMED]
2.42/5 (45 صوت)

08-22-2011 01:07 PM
هو جنسو شنو!!! بنى عامراوى !! ولا ارترى!!! ولا خا!! اللة ادينا الصبر مع الجماعة ديل بعد شوية اجيك اسياس افورقى احكمك واقولوا ليك ديل ماقبائل حدودية !!!!!


ردود على OM AHMED
United States [ود الشرق .] 06-03-2013 07:42 AM
ام احمد البني عامر قبيلة حدودية شانها شأن غيرها من قبائل الحدود تتواجد في كلا الدولتين وليس من العدل التحدث بهذه الطريقة مع قبيلة كبيرة معروفة في المنطقة تشهد لها اسماء الاحجار ولاشجار وتشههد لها كل كتب التاريخ ووثائقه ,والله لو نتعامل معكم بنفس اسلوبكم ما كان عشتوا مكرمين معززين في شرقنا من كسلا وحتى عقيق وعقيتاي فلم يسجل التاريخ ولا تجاوز واحد من قبلنا ضد البلويت الشماليين فلا تسعري لحقد في الشرق ويكفي ما فعلتوه بغرب السودان ومن قبله جنوب السودان

Russian Federation [Abduel] 04-27-2013 04:18 PM
بالله عنصريتك تجاه المهمشيين يانتنة ماخلتك تميزي بين قبيلة الزول ودولتو لكن أصلا الفاقد إنسانتو بيغزارة العنصرية مستحيل يكون معاهو عقلو !!!


#197781 [محشش ود أبو محشش]
3.95/5 (44 صوت)

08-21-2011 02:51 AM
;) هلا هلا ;) السطل تحت رعاية السيد الوزير ;)
;) أمانة يا البنقو ما جاك زول


#194545 [alkbadee]
2.86/5 (44 صوت)

08-14-2011 01:30 AM
لا يغير الله مابقوم حتي يغيرو مابانفسهم...اولا نحنا ربنا ابتلانا بالحكومه دي لانو عمايلنا كعبه ..ولو لا زلك لما سلط الله علينا من لا يخافونه .. (من يهن يسهل الهوان عليه ,,,,,,,,,,,) والحبشي دا جابو هم بترضياتهم الوجعت قلبنا دي ...يا حليل السوداااااااااان;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;(


#194031 [أحمد أدروب]
3.36/5 (42 صوت)

08-13-2011 12:10 AM
أخي صنديد بدلاً من رمي الناس بالكذب تحرى ما جاء في تصريح الوزير ، ثم حديثك عن خصائص كل دولة في التجنيس لا ينطبق إلا على الأدروبات في شرق السودان ونظرائهم من المهمشين.
فهل وضحت الصورة؟؟؟؟
أما انزعاجكم من تقلد رجل من المهمشين من أهل الشرق لوزارة الداخلية فهذا دأبكم مع المهمشين في كل مناطق السودان المهمشة فلكما ظهر وزير ناجح من المهمشين تبحثون وتتحدثون عن أصله وفصله وهذا ما جعل الكثيرين من أبناء السودان وكفاءاته يفرون إلى الخارج.
وقد بدأت هذه الهجرة منذ رفع شعار السودنة في نهاية خمسينيات القرن الماضي.
ولم نسمع أي معترض على أبناء المناطق الأخرى ممن يحملون أسماء أسر قادمة من دول بعيدة كل البعد عن السودان.


#193353 [مليجى القرفان]
3.54/5 (34 صوت)

08-11-2011 10:34 AM
يعنى يشربو الموية الوسخانة الكلها طين دى


#192693 [صنديد ]
2.46/5 (36 صوت)

08-09-2011 05:40 PM
المدعو ( ود أدروب) : كل دولة لها وضعها الخاص و قانون تنجنيس خاص يتناسب مع ظروفها و طبيعة مجتمعها .

انت تكذب , وتحاول الالتفاف عن ماهيّة الخبر , و مدي فظاعة و فساد هذه الحكومة الفاسدة التي تريد تدمير السودان .


#192477 [أحمد أدروب]
2.59/5 (46 صوت)

08-09-2011 11:48 AM
قبل حوالي عشر سنين قرأت خبراً منشور في جريدة \"الشرق الأوسط \" المسماة زوراً بصحيفة العرب الدولية وهي لا تمت للعرب بصلة اللهم إلا الحروف العربية التي يكتبها كتّاب بلسان عربي غير مبين.
يقول الخبر (انتخاب سوادني نائباً عن منطقة كذا) لا يحضرني الاسم وكان قد رشحه الحزب الذي انتمى إليه هناك جاء فيه أن هذا السوداني قدم إلى فرنسا قبل 8 أعوام أكرر 8 أعوام إلى فرنسا واستقر في المنطقة وانضم إلى أحد الأحزاب هناك وبعد 8 أوام تم انتخابه ليمثل الحزب في البرلمان الفرنســـــــــــــــــــــــــي ، الفرنسي.
فما بالك قومي يستكثرون على رجل من قبائل شرق السودان (المهمشة) وزارة الداخلية السودانية التي يغتبرها بعض بني السودان لا أقول بني وطني حتى لا تنطلق سهام السودانيين وترجدني بجرة قلم عن جنسيتي السودانية التي حصلت عليها بعد عناء طويل مع الضباط الذين يمثلون حكومات السودان في الشرق ، فطالما نستكثر على إنسان آت من شرق السودان وزارة الداخلية ، فماذا يصنع هذا الكم الهائل من (المواطنين) الذين يزاحمون الأدروبات في عقر ديارهم ثم يرمونهم بالانتماء إلى إرتريا تارة وإلى الحبشة أحايين كثيرة؟ فأنا رجل بجاوي من كسلا بصرف النظر عن الحدود الجغرافية التي تطبق في الشرق دون غيره ، واصبح انسان الشرق مثار تندر لكل من تعلم الشخبطة بالحاسب.
إن ناقلة الخبر كاتب سطحية أو بالاصح كتبت بسطحية تحسد عليها وكان منطقلها الانتماء الحزبي الضيق الذي أضاع جنوب السودان والعنصرية المقيتة التي تهدد ما تبقى من السودان.

أما من رمز لنفسه باسم ود كسلا فلا أقول إلا صدقت أنت ابن كسلا وليس الشرق لأن كسلا مليئة بالخليط والسكلنسي من السكان ، فليت السكان يحترمون مضيفيهم من الأدروبات ومنهم المهندس إبراهيم محمود والتركيز على تقصيره في الأداء بدون الحديث في الهوية والانتماء لأن الفتنة نائمة وكل أهل السودان قادمون ولا يوجد أحد نبت في السودان الحالي بخارطته المعروفة والمثل المصري يقول (اللي بيتو من أوزاز ما يحدفش الناس بالحقر).
وشكرا


#191256 [محمد عوض]
2.95/5 (44 صوت)

08-06-2011 06:56 PM
والله ناس الانقاذ ديل ما فضل الا يقولوا لين ان الخمر و الميسر حلال فوالله انه لضرب من الجنون هذا الذي يقوله لاخ الوزير فكان الله في عوننا جميعا


#188130 [عمراربي]
2.90/5 (37 صوت)

07-31-2011 09:42 AM
والله عجوز الحبش دا تراهو مـــــــــــــــا هيـــن



#187362 [ود عبود ]
2.01/5 (42 صوت)

07-30-2011 01:31 AM
الاخت لنا
المحترمة
السلام عليكم ورحمةالله وبركاته
وزراء الحكومة ديل عندما يجمع الشعب علي شئ واحد انه لن يكون هناك قولا عن عفي الله عما سلف ونحن شعب مسامح وكريم دا كلوا انسوه ويجب عن يقتص الشعب من الصغير قبل الكبير لانو البلد دى امانه ونحن فرطنا فيها
كفاية لحدى كده والحساب اتي لامحالة صدقيني انه ات ات ات


#181225 [mohammed]
3.11/5 (39 صوت)

07-20-2011 02:17 AM
سبحان الله العظيم


#175580 [البطحانى]
3.09/5 (46 صوت)

07-10-2011 12:02 PM
انسى الهم بلفه واحده بتصريح من السيد الوزير( ناوين زراعتوا)


ردود على البطحانى
Sudan [agga] 07-10-2011 05:49 PM


#174649 [fg]
2.93/5 (42 صوت)

07-08-2011 06:49 PM
اختي النجيبة / لنا ، الا تعلمي أن هذي زمانك يا مهازل فأمرحي *) وما هي المهازل انها كل ما جاء في هذا الزمان من اباطيل ـ الحق باطل والباطل حق ـ لكن آن الاوان لنعيدها للسودان سيرتها الاولى...


#173127 [ناصح]
4.09/5 (39 صوت)

07-06-2011 03:07 PM
الناس كل واحد بقي بفسر حسب هواه
يعني لو في شيخ قال القبلة لا تعد زني ح تقولي انه الشيخ حلل البوس!!!!!
سبحان الله انتو البتابوه بتسووا فيهو سوا


#173067 [أبو أمنية آدم]
4.12/5 (46 صوت)

07-06-2011 01:41 PM
العنصرية دي ما بتفيد، أوباما كيني، ساركوزي أسباني، كارلوس منعم لبناني وخدموا بلادهم، يعني شنو لو طلع أرتري، أنتو أرتريا مارقين منها، السودان يمتد من أقصى سواحل غانا إلى سواحل جيبوتي.
شوفو تصريح الوزير وناقشوا وخلوا أصلوا وفصلوا، ده الكلام الخلا الجنوبيون يفوتوا ذاتو.;)


#172077 [ود كسلا ]
2.04/5 (42 صوت)

07-04-2011 11:02 PM
انا من كسلا والوزير ياجماعه بانى ليهو عماره فى قلب سوق كسلا بالضبط جوار مبنى القضائيه الجديد ووكيلها واحد بتاع معهد فايد تكنولوجى واشترى ساقيه كبيره جدا فى السواقى الجنوبيه واخفى اعظم وشغال يجنس فى كل اللجئين الارتريين وتعالوا شوفوا كسلا اتملت حبش كيف


ردود على ود كسلا
United States [ود الشرق .] 06-03-2013 07:51 AM
السواقي !!!!!! تتحدث عن السواقي التي سرقها الشوايقة لما جاءوا مع الختمية وسيدي الحسن وقصصهم المشهورة الوقت داك كنا جهلة وسيدي اخد المنطقة التي يصل اليها ضل الجبل ووزعها على اتباعه الاغراب من الشوايقة .!!! اما اهل كسلا من الهدندوة والبني عامر رضوا لاعتقادهم في شيخكم فانتم تسرقون باسم الاسلام منذ ان خلقكم الله , ما سمعت بالنكتة الشايقي عندو ساقية وادروب شغال معاه غفير جاء الشايقي لقى ادروب نايم خالى الشغل مفتوح قام الشايقي زعلان تنوم تنوم يا ادروب ليه وكورك فيه ادروب رد عليه بكل تلقائية ولم يكن سياسياً او غيره قال له:"اسكت يها أدروب كان ما ينوم انت كان جيت هنا " والله لاننا نايمين ركبتوا في ريسينا والدليل انا رغم كثرتنا عدد قليل جدا من البني عامر من يرد عليكم ولكن لو دخلنا معكم في المواجهة بجانب دارفور والنيل الازرق والله تشربوا ما تروو يا بلويت

Russian Federation [No.Racial] 04-27-2013 04:13 PM
نشكك في مواطنتك في أرض البجا (شرق السودان-كسلا).الشتي التاني بي ياتو حق تستقرب في إمتلاك إحد أبناء البجا أراضي في تراب أجداده ألم تكن كل السواقي علي ضفتي القاش ملكا لمستوطنين من خارج الإقليم الشرقي بعدين كلام فصل ولاية كسلا الحدودية عن دولة إرتريا من ناحية إجتماعية خاصة مابقولو إلا كائن مشوه فاقد إنسانتو وعقلو بالعنصرية النتنا دا إذا كنت فعلا كائن وماظنيت.


#170299 [بابكر ودالشرق]
3.65/5 (47 صوت)

07-01-2011 04:18 PM
عندما تنعدم روح الانتماء والاحساس بالارض التي تمشى عليها .... فطب نفسا وعيش كما يحلو لك........
ماذا نتظر من افراد انعدمه فيهم روح الانتماء لهذا الوطن قلوبهم معلقه باسمره........
والوطن برى منهم حسبو علينا فى قفله من امرنا


#170102 [أبو أحمد]
3.92/5 (40 صوت)

07-01-2011 09:20 AM
والله عيب عليكم الذين يقولون ان الوزير غير سودانى ،
حتى لو صرح به الترابي أو غيره .
ويا أختى ( لنا) أستوثقي مما تكتبى فأنت مسئولة عنه ،
لأن لا أحد يكون يقصد ماتقصدى في عنوان مقالك ،
ناهيك عن الوزير المسئول عن مكافحة المخدرات.


#169909 [محمد عوض الله]
3.84/5 (44 صوت)

06-30-2011 07:41 PM
هل باستطاعته بيع البنقو بالسوق مثل السكر والشاى والزيت .عاوزين نعرف بيقصد ايه.


ردود على محمد عوض الله
Saudi Arabia [البطحانى] 07-10-2011 12:04 PM
عندهم مزارع ياود عوض قربت للحصاد


#166706 [awad]
3.84/5 (38 صوت)

06-25-2011 11:24 PM
تحياتى كتابة المقال والاخوة المعقبين الشرفاء .. والذين لا اجد فيهم صفة المسئولية . حولتوا الصحيفة لفيس بوك جديد .. كلام على الهوى وعواهنو .. ما فيكم من قدم شى نستفيد منه .. وناس بعاد جداً عن الواقع والحقيقة .. وسفسة امور اكثرها فارغ .ز ونابع من شباب بمجد الملك السعودى اكثر من السعوديين انفسهم .. والبقية بتحلم من غير ما تنوم ... وتظل صاحية طول عمرها راجية ليلة القدر تعملهم مدراء ذى المدراء ..او وزراء ذى الوزراء ... صحيح ديل ما احسن مننا فى شى لكن ما ممكن كلنا نبقى حكام ... ولا فى يوم كنتم وكنا عبيد ... والدليل كل زول بتفاصح فى الحكومة .. ويا بلد ما فيك الا انا
ياخذنى الاسف ان تبيع وتهين وطنك فى سبيل مضغة ممكن تغيرها فى نفسك .. بشرط ان تظل ثوابت حب الوطن وعدم المساس بيه .
اعرفو تماماً انكم بتضحكوا على نفسكم قبل ان تضحكوا على الحكومة ..ز وبتضحكوا الناس فيكم .. ولا تدرو ..
قول اخير لو ما بقى الوطن (التراب) همنا ’ولو ما غيرنا انفسنا ... ولو كل صفحة فى النت بنضحك فيها الناس علينا ... ولو ظللتتم تحلموا .. والحكومة على الاقل صاحية ..
لو دة كلوا ما اتلقى
اتاكدو
الوطن برضو حقنا ذى ماهو حقكم
لو وقفتوا فى شارع الجمهورية وقلتوا الكلام دا كلوا مافى زول بحجر عليك
وانتو ما افهم من باقى الشباب
لو عطالة انا سنتين ما شغال
لوقلتوا احزاب
مافكر احسن من الموتمر الوطنى الان على الاقل
ولو الوطن بهمكم ؟ نحن معاكم من غير تجريح.
احسبوها صاح .. عشان تطلع صاح


#165778 [ادوارد لادو]
2.35/5 (38 صوت)

06-24-2011 01:10 AM
ان يكون الوزير اريتري هذاء شانه وان يحمل الجنسية السودانية يعمل في حفظ امننا نحترمه ويوم يتلاعب بحقيقة كان بامكانه انقاذ احفادنا سوف نثور ضده ولن نهداء الا باقالته واعادته الي اصله;(


#164816 [بحبك يا سودان]
2.03/5 (43 صوت)

06-22-2011 02:40 PM
1. من الغلط ان يحكم الانسان بما لا يعلم .
2. البنقو فعلا ما من المخدارت.
3. يوجد فرق كبير جدا بين البنقو والحشيش .


#161057 [ياسمين]
2.17/5 (36 صوت)

06-16-2011 09:51 AM
وأذا كان من كسلا وتربى فيها ومن أبناء البني عامر يعني حيكون معصوم


ردود على ياسمين
Sudan [حيدر] 07-26-2011 03:36 PM
البني عامرقلوبهم نظيفة مابياكلوا حق الناس وليس معصومين من الحرام


#158055 [واحد]
2.79/5 (41 صوت)

06-11-2011 09:14 AM
ما قلنا لكم ب... حسن ...ح ذاتو بلفها ما مصدقين الا نصورو لكم


#157310 [guy]
4.04/5 (46 صوت)

06-09-2011 01:57 PM
الاخ الوزير طبعا اريتري والمغالط يرجع لقائمة رؤساء اتحاد الطلبة الارتريين بالقاهرة ليجد اسمه من ضمنهم .... طيب ياجماعة من الاحسن كان نجيب وزير داخلية امريكي او الماني كان احسن ... مانحنا ما عندنا اشخاص اكفاء لشغل المنصب


#155919 [كلمة حق]
3.77/5 (40 صوت)

06-06-2011 09:39 PM
ما هذا الإفتراء على الرجل ، كل من يعرفه من أبناء كسلا حتى من المعارضة يذكروا سيرته الطيبة ، وبعد أن تولي كثير من المناصب في ولاية كسلا لم يتغير ولم يغير حتى سكنه وعرف عنه طهارة اليد واللسان لماذا ك لهذا الهجوم على شخص لا تعرفونه؟؟


#152856 [حسن ابراهيم اوهاج]
3.09/5 (39 صوت)

06-01-2011 05:49 PM
صك البراءة من سيادة الوزير .. .. لتجار الحشيش

في تصريح الأخ وزير الداخلية المنشور بصحيفة الراكوبة بتاريخ 16/4/2011م نقلاً عن جريدة الرأي العام أدلي الوزير الهمام بتصريح يبدو أنه أطلقه علي عواهنه ودون أن يجتهد للإتصال بمدير الإدارة العامة للجنايات في وزارته ليسأله لأن أخطر ما ورد في ذلك التصريح الكارثة حديثه عن المخدرات وأن البلاد لا يوجد فيها مخدرات حقيقية وأن (البنغو) ليس مصنفاً عالمياً ضمن المخدرات داعياً إلي عدم ظلم شبابنا الذين ((يحششون )) في الجامعات .. وما يتضح من هذا التصريح غير المسئول والمليء بالترهات والتهريج أن وجود هذا الوزير غير المسئول علي رأس وزارة هي من أهم الوزارات السيادية والمسئولة عن أمن المواطنين يؤكد قصر نظر هذا النظام وعبثه بمصير هذا البلد والزج به في نفق لن يخرج منه هذا الشعب إلا كسيحاً وبه كل عبر الدنيا وما يثير الدهشة والغثيان في وقت واحد أن الوزير الهمام تبرأ في ذات التصريح من ضلوع وزارته وقوات الشرطة التابعة له من إجراءات منع المتظاهرين من الخروج إلي الشوارع وقال بالحرف الواحد : (الشرطة إذا قالوا ليها أحرسي بتحرس، وإذا قالوا ليها أمنعي بتمنع ) فأخرج وزارته ومنسوبيها من وزارة سيادية تؤدي واجبها وفقاً لأحكام القانون ونصوصه إلي وزارة أتباع تجتهد في تنفيذ ما يطلب منها من المتبوعين من النظام وسدنته.

إلي هنا إنتهي التصريح والذي يؤكد بما لا يدع مجالاً للشك أن الوزير المذكور لا يعلم شيئاً عن اداء وزارته أو الوحدات تحت إمرته ويجهل أيضاً أقل معلومة عن (القنب الهندي) المعروف بإسم ( البانجو) Cannabis والتي تؤكد البحوث والدراسات أنه نبات ذو تأثيرات مخدرة ينتشر في البلدان العربية بعدة أسماء ويعرف بإسم ( الماريغوانا) أو ( الماريوانا) وأن تناوله بجرعات كبيرة يسبب نوعاً من الهلوسة وهو أسرع المخدرات إنتشاراً في الجسم لإنتقاله السريع من الرئة للدم ومنه للمخ ومن أعراض تناوله الإسترخاء والنعاس والإبتهاج والمرح والشعور بضعف شديد في القدرة علي التركيز والإنتباه وفي قدرة التذكر المباشر وقريب المدي وغرتفاع النبض وهبوط ضغط الدم وخلل في التوازن الحسي والحركي مع زيادة ضربات القلب وجفاف الفم والحنجرة .كما أن المادة الرئيسية لتلك النبتـة هي ( رباعي هيدرو كانابينول) والمعروف بـ ((delta-9-en:tetrahydrocannabinol وبما أنني كغيري من أفراد الشعب السوداني والذي يبدوا في نظر هذه العصبة المتدثرة برداء الجهل وعمائم إدعاء المعرفة شعب لايعلم شيئاً ويمكن إستغفاله فعلي الإقرار أن الوزير الهمام الذي جعل من وزارته قطيعاً تقوده العصبة الطاغية إذا قيل لهم ((إحرسوا حرسوا ..أو إمنعوا منعوا)) علي الحق وأن كل الذي ذكر من حقائق علمية عن (البانجو) كذب وإفتراء علي هذه النبتة البريئة التي لاتضر وليس لها أي تأثير علي صحة الإنسان ..فإن الشعب السوداني يطلب من الأخ الوزير الهمام إستكمال تصريحه بحزمة من القرارات حتي يصبح تصريحه قيد التنفيذ الفوري وهذه القرارات تتمثل في الآتي:

أولا: الإلغاء الفوري لقانون المخدرات والمؤثرات العقلية لسنة 1994م الذي ألغي بموجبه قانون الحشيش والأفيون لسنة 1924م والذي عرف المخدرات بأنها : \" يقصد بها الحشيش والأفيون وشجيرة الكوكا وكل نبات، أو مادة طبيعية أخرى لها ذات الأثر أو مركبة من أيٍ من المواد المدرجة في الجدول الأول الملحق بهذا القانون\" . وضم مواد المخدرات المعرفة في ذلك القانون ( غير الحشيش طبعاً) إلي قانون الصيدلة والسموم لسنة 1963م.

ثانياً: إغلاق إدارة مكافحة المخدرات التابعة للإدارة العامة للجنايات بعد أن ثبت من تصريحكم خلو البلاد من المخدرات وإخراج الحشيش من تعريف المخدرات . مما يثبت أن الإدارة المعنية بلا أعباء أو واجبات .

ثالثاً: إطلاق سراح جميع تجار الحشيش الذين تمت محاكمتهم بموجب المخدرات والمؤثرات العقلية بالسجن المؤبد بعد ثبوت براءتهم بذلك التصريح وأن الحشيش الذي تم محاكمتهم بموجبه نبتة غير ضارة.

رابعاً :إصدار قرار وزاري ببراءة جميع تجار الحشيش والسماح لهم بالإتجار بنبتة الحشيش غير الضارة في وضح النهار أمام المدارس والجامعات مع التشديد انها نبتة لاتضر .وإنها ليست مخدرات وإنما مواد هلوسة .

خامساً: حتي صدور تصريح اخر منك أيها الوزير سلمت يداك . وكان الله في عون ضباط وصف ضباط وجنود الإدارة العامة لمكافحة المخدرات التي أكدت تصريحاتك أن الجهد الذي تبذله القوة المعنية كان كتابة علي الماء وجهوداً ضاعت سديً


#152437 [بجا حديد]
2.02/5 (39 صوت)

06-01-2011 06:29 AM
الوزير ابراهيم محمود حامد سوداني اصيل غيور على البلاد, وموضوع البنقو ده علام غلط ولا اعتقد هذا الوزير الورع ينطق مثل هذه الكلمات, فهي من الكذب والافتراء على هذا الرجل التقي, فهو ابن كسلا الذي ولد وتربى وترعرع فيها, وينتمي الى قبيلة البني عامر العريقة وفرع (عد شيخ) الاشراف فهو شريف النسب من سلالة النبي صلى الله عليه وسلم, واباءه محفظي القرآن, ورجل عرف بالخلق الطيب القويم, والتدين السمح, وموضوع التشكيك ده عيب كبير وظلم للرجل القامة الرجل الصالح, وفعلاً كان رئيس الطلاب الارتريين في القاهرة فترة وهذا بحكم أنه من قبيلة حدودية وليس لدينا في شرق السودان عجب في هذا الامر فامتداد السودان الطبيعي والتاريخي هو مدينة مصوع الارترية اليوم, فقد كان السودان حتى العهد التركي المصري والمهدية تنتهي حدوده في مصوع وهي حدود ارض البجا والتي تعتبر قومية سودانية اصيلة وارترية في نفس الوقت, وهذا الخط الوهمي الذي اقتطع ارض السودان البجاوية وقام بضمها الى ارتريا لا يجب ان يظلم السكان الحدوديين بعد ان ظلمتهم الجغرافيا, وكل قبائل البجا حدودية تداخل بين السودان وارتريا كما الحال في غرب السودان وشمال السودان.


ردود على بجا حديد
[ادروب باقراب] 06-09-2013 10:24 AM
انا ما حأعلق على المقال بس عاوز اشرح للناس الي ما بتعرف عن الشرق إنو البجا الاصليين و دي تحتها خطيييين هما الهدندوة و العمار أر و الفاضلاب و البشاريين في اقصى الشمال الشرقي و اي قبائل لا تتكلم اللغة البجاوية او البداوييت ليسو بجا هم ممكن ان يكونو تقري بني عامر او اي مسمى اخر بس مش (بجا هدندوة اتمن عمار ار بشاريين ) ودمتم

European Union [ود الشرق .] 06-03-2013 08:00 AM
يا الحلنقي حكومة الكيزان لا تعترف الا بالاقليات مثلكم ومثل الرشايدة بقيتوا ناس بلد واصحاب الممالك صاروا اغراب !! مملكة البلو حدودها معروفة وارجع لأي كاتب كتب عن المنطة لو لم يكتب عنالبني عامر والحباب فهو لن يكتب عن الشرق لانهم مكون اصيل بجانب اخوانهم التبداويت اما انتم يا حبيبنا جيتوا من اثيوبيا وكلنا نفرق بين ارتريا واثيبويا فارتريا اكتر من نصف سكانها بجة اما اثيوبيا فلا يوجدبها بجاوي واحد ونحن البجا اجدادنا هم من قهروا مملكة اكسوم الحبشية الوقت داك كنتوا تبع وين انتوا ؟ تبع كسلا والبجا ولة كنتوا عقامييا حلنقي ؟ اما الحدود السياسية حقة الاستعمار دي ما مهمة كتير فالبجاوي هو بجاوي سواء كان في السودان او ارتريا وحلمنا اكبر من كدا ما عارف لو انفصل الشرق حا تتعايشوا كيف مع اهل الشرق اولاد القبايل والاصول ,,,,,,, بجا حديد لك التحية على التعليقك واقول ليك بجا حديد والباقي دقيق ,, ودحنكا وسلامتكا وهاش هاشونا ومدر مدرنا تو

United States [الحلنقة حبش] 05-21-2013 05:23 AM
الحلنقة حبش عديييييل وتيقراي كمان ، في اريتريا يعتبروا تيقراي ومايدوهم الجنسية الاريترية باسم حلنقة نهائي .

United States [الحلنقي وسيدالبلد] 05-16-2013 09:34 PM
* اويتلا* ياتا يالشيخ الاسم بداويت وانتو تقراي كدى احسب لينا عددكم في الختمية خليك من اويتلا دي وافتح سجلات معسكرات اللاجئين في قلسا شوف الدخلو كم والهربو كم كان غلبك استعين بمعسكر الشجراب . ههههههه . آسف للقبلية والجهوية.... لا احد يدعي اطلاقا انه سوداني حر ولقد حدثنا التاريخ ان السودان بلد تكون بالهجرات...

Qatar [عبدالعليم جمعة] 09-16-2011 10:25 PM
الأخ بجا حديد - كلامك عين الحقيقة

أخوك عبد العليم من شمال السودان


صفحة 1 من 212>
لنا مهدي عبدالله
لنا مهدي عبدالله

مساحة اعلانية

تقييم
4.32/10 (327 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة