المقالات
السياسة
ارشيف مقالات سياسية
ولع لي أنحرقوا ياوزير الداخلية
ولع لي أنحرقوا ياوزير الداخلية
04-18-2011 01:38 PM

ولع لي أنحرقوا ياوزير الداخلية

إبراهيم الخور
[email protected]

تصريحات وزير الداخلية الاخيره حقيقة تعبر بجلاء عن حالة التخبط العارمة التي تجتاح واقعنا اليوم أنا ماعارف الوزير دا افتي كيف في المسألة دي ولا يكون إستشار ليه واحد مصقوع من اصحاب الخيال الواسع لأنه الموضوع تحته (إن)هل ياترى هو من ضمن التنازلات التي ظلت تقدمها حكومتنا لكي ترضي ماما امريكا عشان تنسى الموضوع (داك) تكون دي دعوة صريحة من الوزير للفجور وذهاب العقول ، ولا هو ضمن سياسات وزير المالية للبحث عن مصادر دخل بديلة بعد خروج البترول من الميزانية خصوصا ضرايب البنقو حتكون فل وبعد كدا حنخلي زراعة الزرة والمحاصيل الماعندها قيمه دي ويكون البنقو المحصول الأول للإستهلاك المحلي والتصدير زي ماعمل زمان طيب الذكر شفاه الله الطيب سيخة لما عينوه والي في دارفور قال لناس التمباك في الفاشر افتوني في التمباك دا كان حلال خلي نشيلو منو الذكاة وكان حرام خلي نقوموا نحرقو مزارعه الجماعه قالو ليه حلااااااااااااااااااااااااااااال أنظرو كيف وصل بنا الحال نحلل ما حرم الله ونفتي على الماشي وزي ماتجي تجي غايو بعد دا ناس شيخ عبد الحي يوسف ونا علي الإمام إلا يشوفو ليهم ليمون يفرشوه مع شيخ محمد احمد حسن!!
ولا زي ما عملت ليبيا مع الأخوان المسلمين لما إزداد نشاطهم في بعض الفترات الحكاية بقت لو خاشي مطعم تجد كاسيت قرءان ولو راكب تاكسي كذلك المهم إنتظمت البلاد صحوة إسلامية بكل المعنى فخشي القدافي من الموضوع دا فما كان منه إلا إن اصدر لاجهزته أوامر تقضي بي إستيراد كميات ضخمة من الحشيش والحبوب وبيعها برخص التراب ولم يقف عند هذا الحد بل ذاد عليه أن إستقدم باخرتين نسوان من دول الجوار وتم توزيعهن على الفنادق والمطاعم والمقاهي وقال ليهم ماتضايقوا اخواتكم ديل خلوهم يخدموا ،لو هم دايرين يعملو حقت القدافي عشان يلهو هذا الشعب البائس المغلوب على أمره من حاجه إسمها ثورات ومظاهرات وفيس بوك والذي منه معناها نحن موعودين بتنازلات كتيييييييييييييييرة ورجوعنا وارد للحقبة الأولى من زمن نميري بارات وديسكو وبيوت ال........... ودي المصيبة ذاتها جاء يكحلها عماها!!
طيب وين المشروع الحضاري ودولة الخلافة الراشدة وشعارات الإنقاذ الأولى ولا المشروع خلاص إستنفذ أغراضة وأصبح التغير حتمي وفقا للظروف الحالية مسترشدين بفقه الضرورات تبيح المحظورات كان كدي من اسع عرفنا شكل الجمهورية التانية حكومة القاعدة العريضة كيف والله الجنوبيين لو عارفين دا بيحصل بوراهم كان صبرو بدل الشرشحة في كوستي والشوارع الوعرة لكن هل دا يتوفق مع الاجندة الوطنية بتاعت سيدي المهدي بس انا شامي فيه ريحة عرمان وعقار ياخي نحنا واعيين ماعارفين الضربنا في بورتسودان طيارة ولاصارووخ ومال لما تفكو لينا الحاجات ديك البحصل شنو ؟؟ .أخر حاجة الشكر لبنتي الغالية حفظها الله وتحية حب من بابا لأغنية .ولع لي أنحرقو ............

.إبراهيم الخور



تعليقات 5 | إهداء 0 | زيارات 2096

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#130268 [زين العابدين]
0.00/5 (0 صوت)

04-19-2011 12:18 PM
كلامك عين الحقيقة يا وليد السر --------- لكن نقول شنوا فى المرض والغرض اجارنا الله واياكم . ارجو العودة لقال الطاهر ساتى اليوم بصحيفة السودانى.


#130195 [وليد السر]
0.00/5 (0 صوت)

04-19-2011 10:02 AM
مصيبة كبيرة ان تكون كراهية الشعب السوداني لنظام الانقاذ من دواعي انتفاء الاخلاق عندهم ،فطالما انكم وصمتم الانقاذ واهلها بعدم الاخلاق،فاين ذهبت اخلاقكم؟؟؟..الرجل لم يحلل البنقو ولم يقل دخنوا البنقو..الرجل قسّم انواع المخدرات عالميا وذكر تصنيف البنقو وترتيبه ضمن منظموة المخدرات...ماتخلوا كراهيتكم للانقاذ تعموا عقولكم وقلوبكم وتخليكم غير منصفين وتأخذوا من كلام الرجل جزئية عشان بس همكم يكون التشفي والغل...سؤال للكاتب هل انت شقيق الفنانة (مين كدة) الخور؟؟؟؟؟؟؟؟؟


#129960 [أبو علي أبو ]
0.00/5 (0 صوت)

04-18-2011 06:40 PM
أكاد لا أصدق يا أنت يا أنت ! إنني .. كيف حلل السيد الوزير المبجل البنقو لطلاب الجامعات ! أخاف أن يوصم باسمه كأن يقال له إبراهيم بنقو علي وزن آخر اشتهر بالسيجائر فأطلق عيه إبراهيم ( سيجائر ) .. ارجع لصوابك يا هندسة ! حتي لا تطير عقول شبابنا بما فضل فيها .أو يطلق عليك لقب إبراهيم لفافة ( لفافة بنقو ) أستغفر الله العظيم


#129928 [أبو مها]
0.00/5 (0 صوت)

04-18-2011 05:23 PM
هذا يدل فقط على مدي الأنحطاط الاخلاقي الذي وصل إليه حال الطغمة الحاكمه التي تصف نفسها بالأسلاميه وهو منها براء وكلام الوزير مردود عليه ويبدو عليه الحنين إلى ةطنه الام ولو عندهم دم مفروض مايقعد في الكرسي ولا دقيقة لاهو ولاوزير الدفاع الذي يصر البشير على بقاءه ;) ;) ;) ;) ;) ;)


#129909 [صاحب مزاج]
0.00/5 (0 صوت)

04-18-2011 04:28 PM
يا ود الخور ,,,,يقال ((و العهدة علي القائل)) ان الوزير صاحب هذه التصريحات من اصول غير سودانية\\\\\\ اذن ربما يكون تصنيف البنقو في تلك البلاد ليس من المخدرات؟؟؟


إبراهيم الخور
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة