بالغتا يا صالح
04-18-2011 01:49 PM

ساخر سبيل

بالغتا يا صالح

الفاتح جبرا

منذ أن بدأت الثورة التونسية وتبعتها المصرية فاليمنية وأنا أتنقل بين القنوات لأتابع هذه الثورات لحظة بلحظة من شاشه لشاشه ومن موقع اخباري لموقع اخباري ، وكلما شاهدت جثث الشهداء الذين تصرعهم رشاشات الحكام ومناظر الجرحى وهم ينذفون تتملكني الدهشة وأسأل نفسي : ليه الحكام ديل بيعملوا كده؟ هم الحكام ديل ما بتعلموا من التأريخ؟ خليك من التأريخ مش يتعلموا من بعض؟ والغريب في الموضوع كل واحد من الحكام ديل بيتعامل مع شعبو بطريقة ( شعبي و انا حر فيه) ! يعمل فيهو العاوزو .. يغسلو ... يكويهو .. يكتلو .. يجدعو .. يرميهو !! واحد بالغازات السامة والرصاص الحي .. والتاني بالمدافع التقيلة والطيران وتالت بالقناصة من فوق أسطح العمارات والبيوت ... (ما شعبو وهو حر فيهو) وكده !

مثل هؤلاء الحكام بالطبع وصلوا إلى مرحلة متأخرة من مراحل الديكتاتورية والتسلط والإستبداد وأصبحوا يرون الشعوب (كالجرذان) كما وصفهم (العقيد) وكيف لا يرونهم جرذاناً وقد (حكموا على كيفهم) دون أن يسائلهم الشعب (الغلبان) عما يقترفون من (أخطاء) وفساد .. وللتأكيد على هذه المقولة دعونا كمثال وليس للحصر نقوم بحصر أقرباء الرئيس اليمنى علي عبدالله صالح الذين (يحكمون) معه اليمن السعيد ! .. أو ما يعرف بالعائلة الحاكمة في اليمن !

· علي عبدالله صالح (الأب) - رئيس الجمهورية اليمنية
· أحمد علي عبدالله صالح (الأبن قائد الحرس الجمهوري والقوات الخاصة)
· يحيى محمد عبدالله صالح (أبن الأخ) - رئيس أركان الأمن المركزي
· طارق محمد عبدالله صالح (أبن الأخ) - قائد الحرس الخاص
· عمار محمد عبدالله صالح (أب الأخ) - وكيل جهاز الأمن القومي
· علي محسن صالح الأحمر (الأخ غير الشقيق) - قائد الفرقة الأولى
· علي صالح الأحمر - (الأخ غير الشقيق) قائد القوات الجوية وقائد اللواء السادس طيران
· توفيق صالح عبدالله صالح (ابن الأخ ) - شركة التبغ والكبريت الوطنية
· أحمد الكحلاني ( أبو زوجة الرئيس الرابعة ) - متنقل من أمين عاصمة الى محافظ الى وزير ..الخ
· عبدالرحمن الأكوع (شقيق الزوجة الثالثه) - متنقل من وزير إلى محافظ إلى أمين العاصمة ..الخ
· عمر الأرحبي (شقيق زوج الأبنة) - مدير شركة النفط اليمنية
· عبدالكريم اسماعيل الأرحبي (عم زوج الأبنة) - نائب رئيس الوزراء وزير التخطيط ، مدير الصندوق الاجتماعي للتنمية
· خالد الأرحبي (زوج الابنة) - مدير القصور الرئاسية
· عبدالوهاب عبدالله الحجري (شقيق الزوج الثانية) - سفير اليمن في واشنطن
· خالد عبدالرحمن الأكوع (شقيق الزوجة الثالثة) - وكيل وزارة الخارجية
· عبدالخالق القاضي (ابن خال الرئيس) - رئيس الخطوط الجوية اليمنية
· عبد الله القاضي (نسب) - قائد لواء المجد بتعز
· مهدي مقولة (من قرية الرئيس) - قائد المنطقة الجنوبية
· محمد علي محسن (من قرية الرئيس) - قائد المنطقة الشرقية
· صالح الضنين (من قرية الرئيس) - قائد قوات معسكر خالد سابقا
· علي احمد دويد (زوج الابنة) – مسئول شؤون القبايل
· نعمان دويد (اخو زوج الابنة) - محافظ محافظة صنعاء وقبلها عمران مدير مصنع اسمنت عمران لعشر سنوات
· كهلان مجاهد أبو شوارب (أخ زوج بنت الرئيس) - محافظ عمران
· محمد عبدالله حيدر(من قرية الرئيس) - قائد اللواء35 مدرع بالضالع



كسرة :

أمانة ما بالغتا يا صالح !!



تعليقات 12 | إهداء 2 | زيارات 6670

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#131116 [هاشم عبد الماجد خالد]
0.00/5 (0 صوت)

04-20-2011 04:55 PM
امانة ما بالغتا يا بشبش
اقول ليك بى امنة عملتك ما ظريفة وحركتك جبانة


#130512 [محمدعثمان عبدالقادر]
0.00/5 (0 صوت)

04-19-2011 05:41 PM
سيد جبرة مساك سعيد :مالنا ومال صالح نحنا ومبالغته نحنا في طالحنا دا العاملو اكتر من صالح
الاخ الطبيب والعتالي سابقا
والفاجرين ووووووو
لينا فيهم يوم
بعد مايصحي الشعب من الافيون اللهو فيهو دا
وقوش واسرته
وعلي طه واسرته
وابواضنين نافع المانافع
وغيرهم من سعاليك الانقاذ(الازناق)


#130081 [مغبون]
0.00/5 (0 صوت)

04-19-2011 12:40 AM
وجماعتنا ديل كيف لمن تجيب خبرهم انا متبرع ليك بتحويل رصيد لما تدخل الشارز خلى تتحاوم برة برة


#130074 [mohamed hassan jabir- London]
0.00/5 (0 صوت)

04-19-2011 12:26 AM
To take for granted Salih has exaggerated, but the perplexing matter is, you are arguably kith and kin of Salih,\'s family , otherwise how did you drum up all these names... anyhow it is pretty much a kind of shambles and most deplorable examples for countries pretending Democratic practices , meanwhile they are holding sway over all country and keeping out of touch with their people\'s griefs*. ;( ;)


#130002 [ali]
0.00/5 (0 صوت)

04-18-2011 08:45 PM
لازم ياجبر يكونو من العيلة علشان الاجتماعات السرية والطارئة ماحدش يعرف عنها حاجة مناسبة عائلية صغيرة ووهمية كمان طهور ولادة عرس أي شي يلم الجماعة ديل غير الدوام الرسمي ,


#129993 [sam]
0.00/5 (0 صوت)

04-18-2011 08:10 PM
ما دايرين أسرى ،،،،


#129982 [ام الحسن ]
0.00/5 (0 صوت)

04-18-2011 07:43 PM
اقول ليك ليه الحكام ديل بيعملو كده....الحكام ديل ياستاذ جبرا بيكتلو ويهرسو فى شعوبهم دى عشان يستعملوهم ورقة ضغط عشان يدبرو ليهم ناس الوساطات (الاجاويد) ملاذ آمن يلجأون اليه من غير محاكمات على جرائمهم العملوها ويعفوهم من ملاحقة الجنائية...يعنى يا تعفونا يا نلحق ليكم الشعوب دى امات طه...حسنى مبارك قصر الشر وما اتلايق كتير شوف المصريين جرجرو وعايزين يقطعوه هو واولاده بسنونهم قطيع.. يعنى يااستاذ الدكتاتوريين ديل بتعظو من رفاقتهم ....المهم بشبش ده عشان يعفو من الجنائية دى ويكوسو ليهو ملجا آمن تفتكر ح يسوى فى الشعب السودانى ده شنو...الله يستر ساى بعدين


#129981 [عبداللطيف]
0.00/5 (0 صوت)

04-18-2011 07:37 PM
دي الحالة لمن يكون البلد ما فيها ديمقراطية وعدالة


#129935 [باحث استراتيجى!!!]
0.00/5 (0 صوت)

04-18-2011 05:43 PM
يا جبرة اتحاملت على الراجل ساكت !! انت ما عارف انو كل الجمهوريات دى فيها الرئس اخر من يعلم وبالامس القريب راس دولتنا اكتشف ان الدستوريين مالين الولايات (عمال على بطال) وده اعتبرناهو ليه (حسنه) - ويبدو ان فخامتو بقى يسمع (قرقعة البتاعات) وعاير يغادر وهو نضيف لا تشوبه اى شائبة والنايحه اليشيلوها اخوانو - -وسبق ان لفتنا نظره الى (كم) المستشارين داخل القصر الجمهورى وما عارفنهم (بيهببوا) فى شنو؟والشعب اظنو ماعندوا مانع يرسلوا ليهم المرتبات وما الى ذلك مع (قبله حاره) الى منازلهم المعطونه بدم الشعب الغلبان!! لكى نحافظ على السجاجيد العجمية حتى لا تتلوث او تنتف بارجلهم المشققه بفعل بحثهم عن العمل قبل ان ياويهم القصر ويريد الامر سوءا بقلة الشغله -وقبل ان يعرفوا طريقهم الى القصر على الاقل فى الفتره الماضية على ايام العطله كانوا مونسين الجماعة فى البيوت -


#129869 [Saif AlHagg]
0.00/5 (0 صوت)

04-18-2011 02:48 PM
بالغ ساكت بس يا جبرا ده شذا شذوذ وطنى

قال اليمن الديمقراطى!!!!


#129855 [dalia]
0.00/5 (0 صوت)

04-18-2011 02:28 PM
والله بالغ ومسخ روحو واتلوم عديييييييييييييييييييل



#129853 [وجع الزمان ]
0.00/5 (0 صوت)

04-18-2011 02:17 PM
مفروض تسمي الجمهورية الصالحية .
كسرة:
حكومتنا كيف ياجبرا عايزك تعمل احصاء لي ناس بشبش و ابوالعفين والمتعافن وباللة ماتنسي وداد وماادراك ماوداد ، معليش طلبي ده قاسي شديد بس انشاء اللة واحد فيهم.


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة