المقالات
السياسة
ارشيف مقالات سياسية
حرم تستقيل يا عبد الرحيم
حرم تستقيل يا عبد الرحيم
04-21-2011 02:33 AM


حرم تستقيل يا عبد الرحيم
نجم الدين جميل الله

وزير دفاع يقول انه واثق من القيام بواجبه على الوجه الاكمل ... و قوات متمردة تدخل عاصمة البلاد نهارا جهارا
و يصرح بان امن البلاد ليس في خطر .. و طائرتي اباتشي إسرائيلية تقصفان هدفا على بعد 60 كلم من مطار بورتسودان
يتكلم عن الرد على إسرائيل ... و يقول رد دبلوماسي
هسي ده وزير خارجية و لا دفاع ؟ طيب هو شغال شنو ؟؟
و يوم ضربت الطائرات الاسرائيلية هدفها و عادت سالمة إلى مطار تل ابيب ... قد انتهى يومها ما يعرف بوزارة الدفاع و السيادة الوطنية ... ما الفائدة من وزارة لا تعرف مهامها ؟
ما الفائدة من وزارة لا تستطيع ان تفرق بين صاروخ بعيد المدى و طائرة بدون طيار و طائرة اباتشي ؟ ما الداعي من وجود رادارات للدفاع الجوي إذا كان طائرات الاباتشي تستطيع الافلات من موجاتهاو تصل حتى بورتسودان ؟ و ما الفائدة من الدفاع الجوي السوداني اصلاً ؟ ان كان لا تستطيع التعرض لطائرة معتدية فقط لان سودانير تحوم بجانبها ؟
لو اسقطتم سودانير و من معها ثم اعتذرتم لاسر الضحايا و وضحتم للراي العام بان الاصابة كانت خطأ غير مقصود لان المقصود طائرة إسرائيلية . لكنا إفتخرنا بدفاعنا الجوي
لكن كلمات من شاكلة \" تم معها تعامل محدود \" تزيد الطين بلة ويتركنا نشك في مقدرة الجيش الوطني على صد اي عدوان خارجي محتمل .
و ما الفائدة من وزير الدفاع ؟ ان كان ردنا للعدوان الخاجي سيكون ردا دبلوماسيا و سياسيا !! و كيف يتم الرد الدبلوماسي بين بلدين لا توجد بينهما اي علاقة دبلوماسية !!
و كيف يتم الرد السياسي بين بلدين لا توجد اي قضية مشتركة بينهما ؟ \" جاوبني يا وزير الدفاع \"
وزير الدفاع لم يقم بواجبه باكمل وجه .. و إلا لما دخل خليل امدرمان نهارا !! و وزارته نائمة .. و إلا لماذا لم يرصد الرادارات طائرات بورتسودان ؟
و الدفاع الجوي السوداني التابع لوزارة الدفاع ايضاً نائمة و إلا لماذا فشل في الرد عسكريا على العملية !!
يا جماعة وزارة الدفاع دي الغوها ... و اعملوا وزارة الرد الدبلوماسي عشان الرد يكون دبلوماسي طوااالي ...
و عبد الرحيم ده لو ود حلال و ابوه ود حلال و امو بنت حلال ما بنكر لمن يقصر في واجبو ...
و عبد الرحيم ده لو جعلي و ابوه جعلي و امو جعلية ما بنكر الكلام ... اها يا عبدالرحيم قصرت و لا ما قصرت في واجبك ؟؟
الإجابة معروفة للجميع... لكن ... حرم تستقيل يا عبدالرحيم

نجم الدين جميل الله


تعليقات 6 | إهداء 0 | زيارات 2658

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#131958 [ali]
0.00/5 (0 صوت)

04-22-2011 06:58 AM
ده مابعرف حاجة اسمها استقالة تزوج ليهو واحدة عمرها 20 سنه ولافى بيها فى حى المطار يتمشو مع يعض.


#131929 [عمر]
0.00/5 (0 صوت)

04-22-2011 01:32 AM
يا جماعه عم عبد الرحيم ده راجل متخلف عقليا يعني عندو عاهه انا بعرفو كويس ده ما كان مصدق انو اترقي عقيد في الجيش لكن الزمن الاغبر وناس شيخ علي دايرين ناس ضعاف الشخصيه عشان يمررو الاجنده بتاعه الجبهه عشان كده شالو كل الضباط الشجعان من الجيش اسالو اي ضابط معاش في الجيش والله فضلو الرمم


#131740 [ali]
0.00/5 (0 صوت)

04-21-2011 05:46 PM
يستقيل وزير الدفاع والداخلية والخارجية والامن ووزير الزراعة لمشكلة التقاوى والتعليم لفشل التعليم والصحة لمشكلة الاطباء ووالى الخرطوم لانعدام الامن وانعدام الغاز والرغيف وتكون الحكومة سقطت وتوفر علينا المظاهرات والاضرابات والمشاكل


#131625 [عباس]
0.00/5 (0 صوت)

04-21-2011 02:32 PM
من الداخلية بعد ماخرب بيتها للدفاع علشان يخرب بيت كل السودانيين . والله هو حاميك ياسووووووووووووووودان .


#131609 [عصام مبارك الجزولى]
0.00/5 (0 صوت)

04-21-2011 02:16 PM
رد وزير الدفاع عبد الرحيم محمد حسين على منتقديه يشبه رد ندى القلعة على منتقدى سفرها الى نيجيريا وهو (الشريف مبسوط منى) فوزير الدفاع يرد دائما ( الرئيس مبسوط منى )


#131405 [Gen-Mohammedi]
0.00/5 (0 صوت)

04-21-2011 09:58 AM
حرم تستقيل يا عبدالرحيم ,,,,,حرم تستقيل يا عبدالرحيم,,,,,حرم تستقيل يا عبدالرحيم,,,,,,,حرم تستقيل يا عبدالرحيم


يا جماعة وزارة الدفاع دي الغوها ... و اعملوا وزارة الرد الدبلوماسي عشان الرد يكون دبلوماسي طوااالي


انت كاتب لا يخشى الطواغيت ,,,, انت فخر للشعب السوداني

و خليك كده
;) ;) ;) ;) ;) ;) ;) ;)


نجم الدين جميل الله
نجم الدين جميل الله

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة