أتموا .. جميلكم..!ا
05-10-2011 05:49 PM

حديث المدينة

أتموا .. جميلكم..!!

عثمان ميرغني

بصراحة.. لو إنتهت انتخابات جنوب كردفان وأُعلنت النتيجة ولم تنطلق رصاصة ولم تسقط قطرة دم واحدة. فإن أبناء جنوب كردفان جميعاً . فرداً فرداً بمختلف قبائلهم يستحقون وسام الممارسة الحضارية الرشيدة.. ألم تلاحظوا شيئاً مدهشاً في هذه الانتخابات. المتنافسان مولانا أحمد هارون من المؤتمر الوطني . والفريق عبد العزيز الحلو من الحركة الشعبية.. كتفاً بكتف. صوتاً بصوت. مركزاً بمركز..(زنقة.. زنقة..).. مباراة في غاية الإثارة والندية والتحدي.. ليست مثل انتخاباتنا في العام الماضي.. يفوز مرشح حزب المؤتمر في كل دوائر السودان بمائة الف صوت.. وأقرب منافس بعده ينال ثلاثة أصوات.. لا يمكن أن يصدق أحد أن يفوز حزب بـ99% من مقاعد البرلمان ويكون الوضع طبيعياً. لابد أن شيئاً ما خطأ. لا يمكن ان تكون انتخابات متكافئة .. ويحتكر فيها حزب مقاعد البرلمان وكل ولاة الولايات.. وبفارق السماء من الأرض.. إلا اذا كانت الانتخابات.. مباراة من جانب واحد. تماما مثل أن يلعب فريق قريتي (الخليلة) مباراة ضد فريق (برشلونة).. في جنوب كردفان المعركة كانت حامية الوطيس.. ونزيهة . بدليل أن أصوات الاتهام بالتزوير من الجانبين كانت ضيئلة ومنحسرة.. نسبة المشاركة في التصويت عالية نسبياً.. والأهم من كل ذلك .. أن التصويت لم يرتبط بالولاء السياسي بصورة مباشرة.. دعوني أستخدم مفردة مخففة فأقول الولاء الاجتماعي كان أعلى من السياسي.. وهذه النقطة لو أحسنت الحكومة فك شفرتها فإنها تحل كل مشاكل هذه المنطقة وتستثمر تضامنها الاجتماعي (لم أقل القبلي) لصالح بناء مجتمع أكثر ترابطاً ومتانة.. قد يتهمني قارئ بأنني ألمح أن الولاء القبلي أفضل من الولاء السياسي. بصراحة هي تهمة لا انكرها.. أتعرفون السبب؟؟ بالله عليكم أسألكم (في ذمتكم). أنظر حولك في المرشحين الذي فازوا في الانتخابات العام الماضي.. ضع في ذهنك أي مرشح تعرفه... هل ولاؤه الحزب المؤتمر الوطني أم لأهل دائرته.. وبعبارة أكثر وقاحة. هل يحس نائب الدائرة أنه فاز بأصوات مواطني الدائرة .. أم بقرار من حزب المؤتمر الوطني .. إذاً لمن يكون ولاؤه.. للحزب الذي لولاه لما فاز. ام لمواطني الدائرة الذين لا حول لهم ولا قوة .. وليس لخاطرهم أدنى تأثير في مصير المرشح.. المرشح الذي يحس في قرارة نفسه أنه جاء بقوة الدفع الشعبية.. يظل ولاؤه للقاعدة الشعبية. ولا يخشى الذين فوقه مهما علوا.. لكن المرشح الذي يفوز بقرار الحزب. يظل أبد الدهر خائفاً يترقب. يسكب القبلات في جبين (لم أقل جيب) الحزب.. الديموقراطية الحقيقية تفترض ان المنافسة على المنصب العام تعبر عن ارادة الشعب.. (وليس الحزب).. وحتى عندما يدخل النائب الى قبة البرلمان يعبر عن ضميره لا ضمير الحزب.. وقد يصوت بكل اريحية ضد رؤية الحزب في أي قضية. دون أن ينتابه الحرج أو الخوف من بطش الحزب.. هذه هي الديموقراطية. يا أهل جنوب كردفان (أتموا جميلكم) أكملوا اللوحة الجميلة بقبول هادئ سلمي للنتيجة مهما كانت.. هارون أو الحلو.. (كلو حلو).

التيار


تعليقات 15 | إهداء 0 | زيارات 3594

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#141180 [الساير]
0.00/5 (0 صوت)

05-12-2011 01:40 PM
إلي الزول السمح .

أنا قريت مقالك من يومه وكنت معجب به غاية الأعجاب لذلك سأنضم لرابطة الأولاد الطشو والأكشاك الكشو

ولو كنت شاعر لنظمت قصيدة لأن الموضوع جاهز ويحتاج لواحد حلمنتيشي بس .


ود الخدر..المارجع للراجل الما إنتحر ..كشكو.....وأولادو الطشو



يا عصمان ميرغني وين الكشك


#140690 [الزول السمح( الأصل )]
0.00/5 (0 صوت)

05-11-2011 01:59 PM

ياالساير ..وسالم جابر

حكاية كشكو ..وأولادو الطشو...مقال كتبوا عثمان ميرغنى عن واحد من الشعب الفضل..أقروه فى الرابط المرفق..بيطلب من الراجل الكان عايز ينتحر يأجل المسألة شوية عشان يتوسط ليهو عند صاحبو ود الخدر ..عشان يحل ليهو مشكلتو والظاهر والعلم عند الله إنو الوالى ( عمل ميت ) بلغة الشماسة ..أنا بكرر التعليق ده عشان عثمان ميرغنى عامل فيها إيدو مليانة ويقدر يحنن قلوب قطعت عنها الرحمة والعياذ بالله...كان ممكن لود الخدر أسوةً بهبة ال2000 بقرةلأولاد بمباأن يتبرع للراجل بى بقرتين تلاته يبدأ بيهم شغل عشان أولادو ال13 مايتشردوا.

دى الحكاية وأنا ما حا أعتق عثمان ميرغنى إلا لما يوضح لينا نهايتها

الرابط:

http://www.alrakoba.net/articles.php?action=show&id=5784


#140680 [الزول السمح( الأصل )]
0.00/5 (0 صوت)

05-11-2011 01:45 PM

يامستجد

والله مسدارك....كارب..بالله كتر لينا من مساديرك...يديك العافية


#140643 [الساير]
0.00/5 (0 صوت)

05-11-2011 12:48 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ود الخدر..المارجع للراجل الما إنتحر ..كشكو.....وأولادو الطشو ؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
والله ده أجمل تعليق ورغم تكراره المستمر إلا أن الود عصمان ما عايز يرد ( نايم عمل )


#140509 [Mohamed]
0.00/5 (0 صوت)

05-11-2011 09:56 AM

صباح الخير يا ناس الراكوبة

فهمتو حاجة من المقال؟ أنا فهمت الفائز عبد العزيز الحلو ودى تسريبات مبطنة

الحركة الشعبية عصية على الخج ومبروك للحركة الشعبية والمشورة الشعبية. معقول

واحد طريد الجنائية يفوز على واحد ثائر؟ لأو الشعب به طشاش.


#140434 [tarigosman]
0.00/5 (0 صوت)

05-11-2011 02:13 AM
ياود ميرغني ,خليك واضح وورينا انت شايت ووووووووووووين;) ;) ;) ;)


#140423 [سالم جابر]
0.00/5 (0 صوت)

05-11-2011 01:06 AM
زى صاحبك ود الخدر..المارجع للراجل الما إنتحر ..كشكو.....وأولادو الطشو
الزول السمح
ما تحكي لينا انت عن ود الخضر الما رجع للراجل الما انتحر كشكو


#140402 [مغبون]
0.00/5 (0 صوت)

05-10-2011 11:31 PM
خلينا من حلو ...... بالمناسبه صاحبك الكششووه عمل شنو ؟ سلم المارسيدس السوداء ولا لسه ؟ سمعنا قالوا جابوا ليه فيزا !!!!! لا حول ولا قوة الا بالله العظيم


#140352 [عيد الواحد المستغرب جدا!!]
0.00/5 (0 صوت)

05-10-2011 08:29 PM
والله اول مرة فى حياتى أقراء لصحفى له خصائص (الشطة) وهذا الصحفى مهندس/عثمان ميرغنى،والزول ده -- وكأننا بناكل فى سمك وبجانبو صحن شطة و صحن الشطة من الصعب تجاوزه حتى ولو كانت عندك قرحة ولا مصران!! ودا حالنا مع الباشمهندس ةالعجيب انو كل يوم ناطلينا بكلام عايز يقول حاجة وما قادر --والله نفسى امسك منو القلم واكتب ليهو الكلام العايز يكتبو وتبقى علاقتى بيهو ذى علاقة صبى النجار بالمعلم بتاعو !!النجار الاصلى لما يلاحظ ان الصبى حينشر الخشب بغير المقاس المطلوب وعشان ما يخسر الخشب بيضطر يمسك المنشار ويشتغل الخشب بنفسه-


#140351 [الزول السمح ( الأصل )]
0.00/5 (0 صوت)

05-10-2011 08:27 PM


ياعثمان ميرغنى

الظاهر عليكم شامين ريحة فى الموضوع بتاع فرز الإنتخابات والجماعة عايزين يتعاملوا معاها بفقه ( السترة) لكنو مابمشى مع ناس الحركة الشعبية..

صدقنى تانى مافى والى حيفوز بنسبة 99.9% زى صاحبك ود الخدر..المارجع للراجل الما إنتحر ..كشكو.....وأولادو الطشو


#140346 [مستجد]
0.00/5 (0 صوت)

05-10-2011 08:06 PM
(عقلك) سال بحر ***فوقه النحل ونانه
يات من ضاق غرف*** جازاك (قنابير) دانه







#140344 [haj abbakar]
0.00/5 (0 صوت)

05-10-2011 08:03 PM
الخج الخج الرد الرد


#140310 [العركى]
0.00/5 (0 صوت)

05-10-2011 06:53 PM
والله الانتخابات دى شكلها فيها ملعوب لانو نحن ماتعودنا مرشح اكون مع ناس الموتمر الوطنى كتفا بكتف كما تقول اما اذا كان زنقة زنقة فوالله التحية لهم والعاقبة عند اهل الجزيرة المروية عشان يشوفو ليهم حل مع الناس ديل


#140308 [man]
0.00/5 (0 صوت)

05-10-2011 06:44 PM
منو القال ليك هارون حلو

هو فى كوز حلو

سيفوز الحلو كما فاز عقار ليفضح انتحابات المؤتمر البطنى

ويرسل رسالة لكل الشعب من اتى بالقوة لايزال لا بالقوة

والحرامى ما بترجو بدقو دق نضيف

عليكم بكيزان بنو نضيرة

فهم اجبن خلق الله


#140297 [سلايمان قش]
0.00/5 (0 صوت)

05-10-2011 06:26 PM
يعني باقي الولاه مشكوك في امرهم . حتي ود الخضر المابيظلم عندو احد؟ بالمناسبة عمل شنو للزول الضاع كشكو واولادو الطشو


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة