الرجل المؤسسة ( fiction )اا
05-16-2011 10:54 AM

حاطب ليل
الرجل المؤسسة ( fiction )

عبد اللطيف البوني
[email protected]

(1 )
هذة الدولة التي بينتها بكل ما املك من فكر وتديبر وتخطيط ومكر ودهاء وضحيت لها بالحركة الاسلامية التي نقلتها من المحلية للعالمية اذا سارت الامور على ماهي عليه سوف يقتلها الحصار وتنتهي الحركة الي الابد لابل حتى الاسلام ذاته قد يلحق اسلام الاندلس ليس الحصار الدولي وحده حتى اولادي قد استبدوا بالسلطة وفسدوا فسادا كبيرا وليس بضعا كما صرحت من قبل مما يشجع المكون المحلي للثورة عليهم لابد من اقفذ على الضفة الاخرى واتلقى الضربات انا عوضا عن دولتي ولكن هذا الضرب ستكون له اثار ايجابية اولا سوف يخفف الحصار الخارجي وسوف يمكنني من ان اضع المعارضة الداخلية في جيبي وسوف افوت احداث سبتمبر لانها سوف تجدني في السجن وهذا سوف يفتح الطريق لايقاف الحرب الاهلية التي ارهقتنا وافقدتنا خيرة شبابنا وسيكون هذا باتفاقية تمهد لانفصال الجنوب ذلك الحلم الذي تمنيته ولم استطع البوح به علنا الا مرة واحدة علنا ثم واصلت الحديث عنه للخاصة سوف يتم بمعزل عني وبعد ان تظهر دولة الشمال سوف اهدي اللعبة وقد ازيح كل الطاقم الذي تركته في السلطة بعد الاعتزال الظاهري او اتعايش معه بالصورة التي ترد لي مكانتي التي ضحيت بها من قبل وبما ان اللعبة ستكون بالذخيرة الحية فكل شئ متوقع ولكنني اجزم بان هناك من يفهمني منهم (واحد او ربما اثنين) حتى بدون ان اتفاهم معهم وبهذا سوف تسير الامور كما ينبغي وبعدها سوف (انوم مرتاح وخالي البال)
فمن انا ؟ . عندك خيارات ؟ نعم
1/ ابراهيم عوض 2 / سيد خليفة 3 / عائشة الفلاتية 4 / ميرغني المامون واحمد حسن جمعة
(2 )
لقد اصبحت رمزا للقتل والدمار وتسببت في التضييق على كل العالم الاسلامي رغم اني كنت انوي رد كرامته و فك اسره وازالة كربته ورفع راسه ليكون عزيزا الي الابد . سوف اظل مطاردا الي يوم يبعثون لان السيطرة الامريكية لن تزول في المنظور القريب وانا الان اصابني الوهن فغسيل الكلى لن يجدي بعد عام على الاكثر والتداوي بالاعشاب من السرطان لن يستمر اكثر من اشهر واي ميتة غير ان تكون بالسلاح الامريكي سوف تكون محسوبة على لابد لي من ان التحق بابنائي الشهداء والذين اقنعتهم بالشهادة اولئك ال19 كوكبا لااريد ان تنتهي حياتي بفناء جسدي اريد ان استمرفي العطاء لقرون قادمة وبالتالي لابد لي من نهاية اسطورية هؤلاء الامريكان الاغبياء سوف استدرجهم للميتة التي سوف اريد نعم هم اليوم كدولة سادة العالم ولكن على المستوى الشخصي قد خبرتهم منذ الجهاد الافغاني ومن الرسائل المتبادلة بيني وبينهم فلن يمنعوني من طريقة الموت التي اريدها سوف ارمي لهم الطعم الذي سوف يبتلعونه وسوف يساعدني الخونة الذين حولي والجواسيس العاملين معهم فكلهم اغبياء
فمن انا؟ عندك خيارات؟ نعم
1 / فريد الاطرش 2 / طلال مداح 3 / نانسي عجرم 4 / طاش ما طاش
(3 )
مثلما هناك غسيل اموال هناك غسيل تاريخ اريد ان اغسل تاريخي اريد ان اصنع لنفسي صورة جديدة غير التي عرفت عني لقد اصبحت خزانة معلومات متحركة علاقاتي الدولية لم تتوفر لسوداني غيري لابد من ان تكون لي بصمة في تاريخ السودان غير التي سجلت لي الان انا اعرف حماقتهم واعرف كيف استفزهم واعرف كيف سيضعوني على الرف ولكن سوف اختار الرف الذي سوف اوضع عليه لانني اعرف السلم النازل من ذلك الرف انهم حمقى وانا اعرف كيف احركهم
فمن انا ؟عندك خيارات؟ نعم
1/ هيثم مصطفى 2 / ام شوائل 3 / كاكي 4 / ابو العباس الفوال


تعليقات 23 | إهداء 1 | زيارات 3334

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#143912 [toto]
0.00/5 (0 صوت)

05-17-2011 11:14 PM
البروف الله يجازي محنك انت صدقت كلام الوزير انو البنقو ما مخدرات وبقيت تلبع بالشوال ولا شنو والله ضحكتني طيب حل دي اقرب المنشية ولا حلوة باكستان الجنب نمرة اتنين؟؟؟؟


#143596 [أبو علي البعيد]
0.00/5 (0 صوت)

05-17-2011 01:36 PM
والله ياود البوني نحن عشمانين فيك للايام فما تلعب بالنار
038390


#143547 [ام محمد]
0.00/5 (0 صوت)

05-17-2011 12:33 PM
ياريت كل كتاباتك كده ...انشاءالله تكتب مقال واحد كل شهر احنا راضيين لوكان بالشكل ده والا انت ماخدها احتراف واكل عيش....عليك الله اكل العيش كوسو فى الزراعة


#143189 [هنادي محمد عبد المجيد]
0.00/5 (0 صوت)

05-16-2011 08:38 PM
1-فيلم هندي


#143181 [ابو مايكل]
0.00/5 (0 صوت)

05-16-2011 08:22 PM
1- الترابي
2- بن لادن
3-قوش


#143150 [كاكوم]
0.00/5 (0 صوت)

05-16-2011 06:56 PM
يا ولد يا لعاب بضبحوه فى الضحية وبيقول باع اللعب الخشن والضفازى ما بجيب نتيجة امتحانك مكشوف لكن رمزيتك جميلة وباصاتك قصيرة وحلوة ولعبك بالاطراف دا ياهو الجاب لاهداف النتيجة افتكر تلاتة صفر والله ايه رايكم دام قضلكم ؟


#143121 [سلايمان قش]
0.00/5 (0 صوت)

05-16-2011 05:54 PM
يابروف التنوع في اللعب دا ببشتن الدفاع وما قاصد عبد الرحيم محمد حسين !!!!!


#143097 [محمد احمد فضل]
0.00/5 (0 صوت)

05-16-2011 05:17 PM
بروف افحمتنا .. وهذه مدرسة جديدة في التحليل السياسي تضع الان اول لبناتها ... فلك الشكر علي الجديد المبتكر ، وانت من علماء بلدي ونحن في انتظار مزيدا من الابداع استاذنا


#143031 [ود المجذوب]
0.00/5 (0 صوت)

05-16-2011 03:15 PM
يا بروف عليك الله ورينا السيجارة الكاربة دى جبتها من وين


#142997 [حسبو ود السديرة]
0.00/5 (0 صوت)

05-16-2011 02:27 PM
تتجازي يابروف..والله الليلة سويتو شيتا كتر..ياجماعة حييوا معي البروف اسلوب جديد علي القراء يحمل شتي انواع الابداع والبروف اليومين دي بالع حبوب الهلوسه علي قول احد المعلقين هنا وعلي قول القذافي امبارح شفناهو طلع سيفو وقال مافي ود مقنعة بمنعني..علي قول ود الرضي عزبتنا ام عرف مافي ود مقنعه باعا بقصد الاشراف العسيلات..المهم الزول ده ياجماعة بصراحة راجل بتحفنا كل يوم بابداع جديد واليوم بالرغم انو الامتحان مكشوف لكن عمل جهجهة لافكارنا وحيرنا وبنقوليك جننتنا يالبوني.


#142983 [العريفى]
0.00/5 (0 صوت)

05-16-2011 02:15 PM
ى دكتور دى قلبت فية الهوب عديل كدا طيب البلد دى طال مافية ناس بفهمك دا البخلية تعيش فى المشاكل والتخلف دا شنو


#142936 [ود الجزيره]
0.00/5 (0 صوت)

05-16-2011 12:59 PM
والله يا خوى البونى حيرتنا معاك .انا قريت الموضوع وما قدرت احل اللغز اصلو صعب شديد عامل زى امتحان الكيمياء.المهم مشيت فطرت فطره كاربه عصيده بى ملاح {بااااااميه زى بتاعت امباااااااااارح} وجيتك بى حل ما اخرش المويه .
السؤال الاول الترابى
السؤال الثانى اسامه بن لادن
السؤال الثالث قوش


#142934 [awad]
0.00/5 (0 صوت)

05-16-2011 12:56 PM
علي الارجح هم بالترتيب حسن الترابى اسامة بن لادن صلاح قوش


#142928 [[email protected]]
0.00/5 (0 صوت)

05-16-2011 12:40 PM
;) :o ;) ;) ;) ;) ;)
:D :D :D :D :D :D :D :D


#142922 [الزول الكان سمح]
0.00/5 (0 صوت)

05-16-2011 12:35 PM

يا بروف

1/ فاطنة الحاج

2/الهلفوت

3/ الشافو خلو


#142921 [أنس عبد الله]
0.00/5 (0 صوت)

05-16-2011 12:33 PM
يا ود البوني نحنا في الجزيرة محتاجين ليكو بس ما يكون عندك حبوب هلوسة000000


#142919 [زيكو]
0.00/5 (0 صوت)

05-16-2011 12:28 PM
خياراتك حلوة لكن ممكن استعين بصديق من المنشية واقترب من المليون راس ضحية الكيزان


#142905 [عبدالباقي]
0.00/5 (0 صوت)

05-16-2011 12:05 PM

3- كر ........


#142902 [عبدالباقي]
0.00/5 (0 صوت)

05-16-2011 12:02 PM

1- الشيخ

2- الشهيد

3- ؟؟؟؟؟؟؟؟؟؟


ردود على عبدالباقي
Sudan [جعفر الأمين] 05-17-2011 05:16 PM
والله مش شيتا كتر تغياب عديل كدة .... من أجمل الأعمدة التي قرأت وكذلك تستحق الاشادة للبرف لانة أشرك القارئ معة وشغله بالتفكير ........ هذا مثل آخر عمود قرأته له أيام قانون التوالي بدا برجل من اللعوتة على ما أعتقد ود القصير الذى كل أموالة موزعة في الزراعه ومره راكب عربية آخر موديل ومره أخري جقروتة يدفروا فيها شفع الكوره بالجنبات لآنو ماعارفين تدور الى الامام أم الخلف وهكذا علق البروف قائلا ;( وهكذا قانون التوالي)

خليني أفكر شوية عشان اعرف من هو او خليني أسال اليمنية القاعدة في السعودية أوأتحربس للناس الداخلين كبرى المنشية او أسأل ناس الآثار جيهة مروي أوكبوشية

أسلوب جديد لذيذ جذاب
ألف تحية للبروف


#142901 [اسامه]
0.00/5 (0 صوت)

05-16-2011 12:01 PM
يابوني ياجبنة !!! حقت قوش دي (الاخيره ) مالك عملتها ماظاهرة كدة !! ولا لسة ما اتاكت انه الراجل دقا الدلجة تب !!!!! لكن برضو في شويه تحسن شايفك بقيت تدافع عن اهلك ناس الجزيرة المساكين


#142869 [ام الحسن]
0.00/5 (0 صوت)

05-16-2011 11:26 AM
ووووب على ياود البوني الليلة سويتو شيتا كتر
شيلتنا كلنا القفة


#142864 [ضيفان ]
0.00/5 (0 صوت)

05-16-2011 11:11 AM
لقد علوت عن مستوى القراء فعبرت باسلوب ربما لا يفهمه الا قلة قليلة ، وعليه نأمل التكرم بالشرح باسلوب بسيط حتي نفهمك وشكرا


#142860 [سمسم]
0.00/5 (0 صوت)

05-16-2011 11:09 AM
السؤال الاول ..... الترابى
السؤال الثانى.... الشيخ اسمة بن لادن له الرحمة
السؤال الثالث..... صلاح قوش
اتمنى ان الجائزة تكون بيت حتى لو جالوص .... لك الود ياود البونى


عبد اللطيف البوني
عبد اللطيف البوني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة