المقالات
السياسة
ارشيف مقالات سياسية
صدقت الوداعيّه وكذبت المظاهرة
صدقت الوداعيّه وكذبت المظاهرة
05-17-2011 02:58 AM

صدقت الوداعيّه وكذبت المظاهرة

ايمان حموري
[email protected]

غلوتية كان شالو ما بنشال وكان خلو سكن الدار اوعي تقولوا لي الرماد لانو الرماد بعد (ماكال حماد ) بقي مافي ! عندي ليكم اربعه وسائل مساعدة الاولي الاتصال بي صديق ودي طبعا متوفرة اكتر من (الموية في اطراف العاصمة الطرفية) الجماعه شغلوا الناس (بالكلام في الفارغه والمقدودة) والحمدلله البيت الواحد فيهو ستة تلفونات الحاج ينضم بي جيهة والحاجة تنضم بي جيهة الولد ينضم بي جيهه والبت تنضم بي جيهة وكمان بالليل ترغي مجان لي قريب الصباح وتتدمدم تنوم والصباح لا مدرسة ولا مظاهرة! دي طبعا سياسة خليهم (الانضمو)طبعا نحنا ابدا ليس ضد التكنلوجيا او التواصل الاجتماعي ولكن الافراط قد يؤدي للتخمه تقول لي( مظاهرة) كدي خلينا ان نفضي من المكالمات الو سيلة التانية تمشي للصديق البيت عديل بي ركشه لو مش عايز تقطع الكوبري او بي باص الوالي ودوّر بينا البلد دا واحرق الجازولين يا الاوبرجاز، الوسيلة التالته ترسل ليهو زول وعادي لو (رسلت ليهو زول مرسال والمرسال مشي وماجاء) ،الوسيلة الرابعه (الاسكاي بي ) اوعي تقولي ياراسي يا زين ماعندك خدمة انترنت في موبايلك لانو الناقصة ما حا تكمل وبرضو تقولو لي (مظاهرة ) اها نرجع لغلوتينا بالقديم وفزورتنا بالجديد كان شالو مابتشال وكان خلوسكن الدار عشان اقرب ليكم المسافة في سنة ٨٩ واحد صحي من النوم لقي (حكومة جديدة) يعني من الاخر كدة مافي اي امكانية حتي لي اي( جخ اوتزوير) المهم الزول زعل زعل شديد لانو مابيحب الانقلابات وعلي ذمتو هو انا أبري من السياسة قام مشي لي الوداعيّة وقال رمي بيّاضويعني (اداها الفيها النصيب) وقاليها كدي شوفي لي الحكومة بتقعد كم رمت الرمية الاولي وعاينت ليهو وقالت ليهو (تومات الودع) حلفن علي ١و٦ قاليها أفصحي يا أمراءة انا مافاهم حاجة قالت ليهو يعني ظاهرين لي ١و٦ ومرة الواحد بيكون امام السته يعني (١٦) ومرة خلفها يعني (٦١) بالواضح كدة يا ولدي الحيكومة بتقعد يا ١٦ سنه يا ٦١ ، مرت ١٦ سنة يعني الموضوع لو بقي (٦١ ) لا حايكون في رماد ولا حماد وخايفة يارب تكون صدقت الوداعية وكذبت المظاهرة استغفرالله وانا ابري من السياسه !!


تعليقات 3 | إهداء 2 | زيارات 2462

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#143639 [حمدالنيل]
0.00/5 (0 صوت)

05-17-2011 02:24 PM
إستاذة إيمان .. إنت ما مؤمنة ولا شنو!؟؟
مالك علينا يا بت الناس بالخبر الشوم ده؟
كدي قولي ألله يكضب الشينة, واستهدي بالله واستغفري واكتبي لينا نفي لهذا الكلام
لانه دا ما كلامك.


#143507 [Kamal Mustafa]
0.00/5 (0 صوت)

05-17-2011 11:39 AM
يا ست ايمان الوداعيه بتاعتك دي تركت الموضوع عائم يعني ليست 16 او 61 سنه
ممكن 16 قرن أو سنه ضؤئيه ، والشخص الوحيد الذي علق ليك رمي اللوم علي المعارضه ، وطبعا نسي نفسه هو عمل شنو وأنا عملت شنو وانتي عملتي شنو كلنا بتاعين تنظير والحكومه شغاله بالمثل ( الكلب ينبح والجمل ماشي) ، زمان الطلاب يهدوا جبال الان الطلاب يهدوا بيوت زمان الطلاب يغنوا لسع بنهتف يا اكتوبر واليوم طلابنا ناس الراب وتلك الملابس والموبايل وسماعته في الاذن ، وماتزعلي زمان زول الوسطي بيعرف في السياسه والدنيا أحسن من معظم خريجي جامعات البشير والسلام


#143422 [سلايمان قش]
0.00/5 (0 صوت)

05-17-2011 10:26 AM
اكان دي معارضتنا حتكون 161


ايمان حموري
ايمان حموري

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة