رقمك.. كم ؟ا
05-17-2011 03:44 PM

حديث المدينة

رقمك.. كم ؟؟

عثمان ميرغني

في حوالي العام 2001.. أجريت حواراً مع مسؤول رفيع في وزارة الداخلية .. للنشر في صحيفة أخبار العرب الأماراتية.. سألت الضابط الرفيع: متى ينتهي العمل في السجل المدني؟.. رد علي بكل ثقة .. (خلال أسابيع قليلة).. وأمس فقط أي في منتصف عام 2011 .. بدأ العمل في السجل المدني بالسودان.. أي بعد عشر سنوات كاملة من الموعد المحدد لبدايته.. وصحيح القاعدة الذهبية تقول: (أن تأتي متأخراً.. خير من أن لا تأتي ) (Better Late, than never) .. وأمس جرى في احتفال كبير شرفه رئيس الجمهورية تدشين العمل في السجل المدني.. ولو تعلمون أهمية السجل المدني بالنسبة لبلدنا.. لتمنيتم أن يكتمل قبل ربع قرن من الزمان.. فهو ليس مشروع (وجاهة) تكنلوجية.. هو مشروع مصير لأبعد مدى.. بدونه نتأخر كثيراً .. ونخسر أكثر.. ويكفي ما خسرناه حتى الآن بسبب تأخر المشروع.. أقل خسارة هي ما دفعناه من أموال هائلة بالدولار لتمويل عملية الإحصاء السكاني الخامس.. ثم عملية السجل الانتخابي في انتخابات أبريل 2010.. لو كان السجل المدني موجوداً.. لوفرنا رقماً يقترب من (مليار دولار).. ومع ذلك (نحن فيها) الحمد لله بدأ المشروع .. لكن من قال لكم أن المشروع مجرد أجهزة وبرامج وكوادر.. مثلث الـ(Hardware/Software/Human ware).. لا بل المشروع أهم ما فيه هو المعلومات نفسها.. والمعلومات ليست بيد الحكومة.. بيد المواطن نفسه.. فكلما أسرع المواطنون في دخول قاعدة المعلومات الوطنية.. حققنا الفائدة المرجوة من المشروع. وأقترح على وزارة الداخلية لتعجيل شحن قاعدة المعلومات الوطنية .. أن تعلن جدولاً زمنياً لربط المعاملات الحكومية بالسجل المدني.. وتضخ أكبر قدر من الحوافز ليهتم المواطن بادراج اسمه في السجل الوطني.. مثلاً.. تخفيض رسوم جميع المعاملات الحكومية بمقدار النصف لمن يحمل الرقم الوطني.. الاجراءات الحكومية التي فيها بعض الزحام .. استحداث خدمة الـ ( Fast Track) .. وهي خدمة سريعة.. في أي مرفق حكومي .. لكل من يحمل الرقم الوطني فيكون هناك صف خاص بالذين يحملون الرقم الوطني.. مثلا في المطار عند الدخول أو الخروج.. إجراءات الأراضي.. استخراج رخص القيادة.. استخراج الشهادات في وزارة التعليم أو الجامعات.. الخدمة الوطنية .. وهكذا.. سيحس المواطن الذي أكمل سجله الوطني.. أنه مميز في كل مرفق حكومي.. وبالطبع فإن أول المستفيدين من الرقم الوطني .. بنك السودان المركزي.. الذي يجب عليه إلغاء (الترميز) الخاص الذي يستخدمه لكل المتعاملين مع البنوك.. فالسجل المدني يكفي تماماً لمتابعة ليس مجرد حسابات العملاء وعملياتهم بل حتى (سيرتهم الذاتية) في كل تعاملاتهم الرسمية. نصحيتي لك.. الآن.. اذهب وأدرج اسمك في السجل المدني (وهو مجاناً) .. وأحصل على رقمك القومي..الذي لن يفارقك مدى الحياة وحتى – بعد عمر طويل- ما بعد الحياة..

التيار


تعليقات 14 | إهداء 1 | زيارات 5566

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#144549 [دائرين نشم الهواء]
0.00/5 (0 صوت)

05-18-2011 08:44 PM
بعد ما مليتو الكيروش والبنوك وبعد خراب وسرقه دامت 22سنه جاين تقول بدانا فى مشروع السجل المدنى بوفر على المواطن بالله انتو خليتو مواطن ما زمان جوعتو وعطشتو وكتلتو
قولوا دايرين نشوف الحى فيهم منو عشان ننتهى منه كمان
ونكون عايشين نحن واولادنا فى سودان واحد لاسره واحد
الله ياذاكم ويعذبكم قولو امين


#144413 [alnatig]
0.00/5 (0 صوت)

05-18-2011 04:46 PM
yahelallak yabaladi alsudan;( 3332


#144177 [عاطف]
0.00/5 (0 صوت)

05-18-2011 11:36 AM
يعنى نفهم من كلامك انو ما حنحتاج لتعداد سكانى آخر والحكاية كلها سوف تتم من السجل المدنى !! طيب فى دول الخليج لديها سجل مدنى من زمان والتعداد السكانى موجود من حين الى اخر .


#143966 [محمد]
0.00/5 (0 صوت)

05-18-2011 03:21 AM
الموضوع كلو ان ناس الحكومة بعد لقو الناس كلها طلعت البطاقة الشخصية و الجنسية و الجواز العوائد بتاعت الحاجات دى كلها قصرت معاهم قاموا فكروا فى الحركة بتاعت السجل القومى و دايما يخشوا على الناس بالكلام بتاع الشغل الحديث الالكترونى . لو متذكر القصة بتاعت الجواز الالكترونى . بعد ما دفعوا الناس 450 جنيه و الناس دفعت اكتشفوا ان كل الدول تقريبا ما بتتعامل بيهو و حسى رجعوا للجواز القديم تانى
يا خى حلو عن سمانا يا خى كرهتونا العيشا


#143949 [abuamin]
0.00/5 (0 صوت)

05-18-2011 01:05 AM


الاستاذ المحلل السياسى ( و دى لم اذكرها فى تعليقى السابق ضمن الالقاب اللى ربنا حباك بيها ياابو عفان) ,

اظنك لاتتذكر متى بداء نظام الانقاذ فى عمل -سجل مدنى - دى ايام انشأؤوا موضوع -- بسط الامن الشامل والناس تهكما سموه شمل الامن الباسط -- ايام كان سىء الذكر ابو رياله وزيرا للداخليه ودى كانت الفكره اساسا المرحلة الثانيه من نية النظام عسكرة كل الشعب بحكاية التجنيد الاجبارى و ذلك لصقله!!! كما عبر احد ازلامه حينذاك ( اظنه الموتور امين حسن عمر )و كان الغرض الاساسى تسجيل كل البيانات الشخصية للناس بغرض تسهيل التجسس عليهم و العثور عليهم وقت الضرورة (ارجو ان تراجع حديث الوزير فى ارشيفات الصحف عندما اقترح الفكرة لاول مرة ). و الموضوع تعثر طوال هذه المدة غالبا بفضل بعض الشرفاء داخل وزارة الداخلية نفسها وكان الوزير ابو رياله يلاحق لاتمام هذا العمل بحرارة الى ان حدثت كارثة انهيار عمارة الرباط !!!! و هو سكت ...وثم ابعد من الداخلية .... و اعتقد جاء خلفه و احيى الموضوع من جديد و طبعا ورا الحكاية برضو بعض الانتهازيين و القضيه ليس بغرض مصلحه للبلاد ولا للشعب ( وقصة يوفروا مليار دى استغفال منك) و لكن الغرض فتح باب جديد للجبايه ... زى رسوم تجديد البطاقه الشخصية و رخصة السواقه والباسبورت الخ....الخ ودى بدات ب5 جتيه الان الرخصه بـ 100 الف والباسبورت بـ450 الف والسجل دا انا ما عارف بكم لكن حتما بعد كم شهر حيبقى بمئات الالاف يا حدق !!!!!


#143923 [سلايمان قش]
0.00/5 (0 صوت)

05-17-2011 11:48 PM
كلام كويس ياشيخ عثمان لو ما فرغوه من محتواه او استخدم في غير محله. لكن كما قال حبيبنا الزول السمح لسع منتظرين ودالخضر يرجع للزول الماانتحر كشكو واولادو الطشو


#143874 [الزول الكان سمح]
0.00/5 (0 صوت)

05-17-2011 09:10 PM

ياعثمان ميرغنى

شايف الأخ أبو على كتب شنو؟؟

أنا اؤيد كلام أبو على..لأنو إنتو كرهتونا السودان دا..بسياسة حزبكم وجماعة فقه السترة والتمكين ووووو

بالله عليك بلد بحصل فيهو زى الحصل للراجل الما إنتحر...ممكن يستفيد من السجل المدنى ؟؟كيف.؟؟؟.السجل المدنى حا يستفيدوا منو حاملو بطاقة الإنتساب لحزبكم وهم كذلك بدون سجل مدنى يتمتعون بكافة الميزات.

وعلى فكرة أنا وقش ..والساير..وأبو أمين..وعبد الواحد المستغرب منتظرين ود الخدر يرجع للراجل الما إنتحر

كشكو...وأولادو الطشو


#143872 [البعير]
0.00/5 (0 صوت)

05-17-2011 09:08 PM
الاستاذ/ عثمان السجل المدني مهم والمعاملات كلها في جميع الدول بقيت اكترونية
ونحن دايما متاخرين والسبب ثورة الدمار الشامل للسودان منذ 30يونيو 1989 0 والاهم من ذلك عايزنك تعمل حوار مع السيد/ الشحاد مصطفي عثمان أين ذهبت اموال دعم وتعمير الشرق الجاءت من دولة الكويت والدول الاخرى ( ولا ضاعت زى بترول السودان الما استفاد منه الشعب السوداني ماعدا كوادر العصابة الحاكمة ، وانشاءالله ما يكون حوارك مع الشحاد زى حوار المسئول الرفيع في وزارة الداخلية ( متي ينتهي العمل في تعمير شرق السودان ، وسوف يرد عليك وأتوقع ان يكون رده بعد ما ينفصل ويلحق امات طه) 0


#143862 [عيد الواحد المستغرب جدا!!]
0.00/5 (0 صوت)

05-17-2011 08:39 PM
للرد على سؤالك الاجابه (ليه؟) وراى فى النصيحة (أبيت) وبعدين كده اول امشى لود الخدر عشان يرجع للراجل كشكو -- عشان خاطر اولادوا الطشوا == ونحن مادايرين ننطط كل يوم ثم ثانيا ما علاقة الصحيفة الاماراتية بموضوع السجل المدنى ومقابلتك بالمسئول الرفيع ؟ ويبدو لى كانو كان عندك غرض عند المسئول الرفيع واشتغلت معاه بنظرية (تلك بتلك) يا سهن يا موية تحت التبن!! ما انا عارفك عفريت وبتاع سبعة ورقات مش تلاته كما يقول الرجرجة والغوغاءوالدهماء ، واحيانا بتلعب بالبيضة والحجر !! وكده خلينا من ده وسيبنا فى المفيد بعد موضوع ود الخدر لانه موضوع مهم بعدين شوف حكاية الرئيس وتصريحاته للجريده القطرية دى الحكايه شنو -- والراجل قال داير يخش اجاويد ويعكس التجربة السودانية فى الدول الماقادرة تستقر-- والله حكايتكم كلكم (تمحن) ويا ساتر عليكم !! عارف يا ابو عفان الشاعر المقيم إسماعيل حسن كان عندوا بعد نظر وراجل شفيف وقبل ما يرحل قال لينا من( ذى ديل واا آسفاى) ونحن ما خلينا بالنا والله يكون فى العون -


#143841 [ام محمد ]
0.00/5 (0 صوت)

05-17-2011 07:39 PM
تسجيل شنو ...الناس العطش كاتلها تمشى تكوس الموية واللا تمشى سجل ...وفرو الموية اولا قبل الناس العطش مايقرضا وماتلقو ذوول على قيد الحياة عشان تسجلو ...السجل المدنى ده تحت الظروف دى رفاهية مترفة ... نصيحة خلو الموية مجانية والتسجيل بقروش,,,سجل لى بلوفاتك انا وسجل لى تناكرك وحنفياتك ...سجل لى الريدة...ناس امى اتصلو بى امبارح قالو لى الموتور ابو حصان بقى مابسحب نقطة رسلى لينا ابو عشرة حصين ...قلت ليهم ده مافى فى السوق لسة الخواجة ما اخترعو كدى شوفو فى جياد وانا برسل ليكم المونى


#143806 [ملاح بشير]
0.00/5 (0 صوت)

05-17-2011 06:29 PM
صدق من قال من تكلم في غير فنه اتي بالعجائب! معلومات مقالك يا سيد عثمان ميرغني ضحلة للغاية ومبهمة ودليل واضح علي فقرك المعلوماتي في هذ ا الجانب عدا عن كون مقالك يعبق برائحة \"مسبق الدفع\" التي لمستها كما غيري ممن قرأه.قل لي بربك ما هي أهمية السجل \"التي لم تفصح عنها\" والتي لو عرفناها لتمنينا تمامه قبل ربع قرن! هل انت تخاطب أطفال؟وكيف يجعلنا سجلك هذا \"نتأخر كثيراً ونخسر أكثر\"؟! وهل نفهم ان سجلك هذا يغني عن التعداد السكاني؟ وبذا نكون وفرنا ما يقارب المليار دولار بهذه البساطة؟ وهنا دعني أشكرك علي تزويدنا بمعلومة ان تكلفة التعداد السكاني الخامس ثم عملية السجل الإتنخابي وحدهما ناهزت المليار دولار!
هل تعلم عزيزي ان امثل تعداد سكاني \"بإستخدام احدث ما توصلت إليه التكنولوجيا الرقمية والإلكترونية\" اجري في البرازيل ذات 194.3 مليون نسمة واستمر لمدة اربعة اشهر تجاوزت تكلفته 900 مليون دولار بقليل! والإسطر القليله أدناه لو أردت الإستزادة وعمل مقارنة بين ما يفعله مليار دولار في السودان و900 مليون في البرازيل:-
\"شمل المسح 58 مليون أسرة و 5،56 بلدية في مساحة تمتد علي نحو 8.5 مليون كيلومتر مربع ويتولي إعداده 240،000 شخصا مخصصا لإنجاز مهمة التعداد وتقديم الدعم اللوجستي، و225،000 شخصا للمساعدة الرقمية (أجهزة المساعد الرقمي)، وأجهزة الكمبيوتر المحمولة المزودة ب \"نظام التموضع العالمي\" (جي بي اس)، وحوالي 8،400 من أجهزة الكمبيوتر المحمولة\". . حسب موقع IPS


#143774 [MUTAZ]
0.00/5 (0 صوت)

05-17-2011 05:39 PM
نتمني أن يكون السجل المدني هو قاعدة بيانات متكاملة للاستفادة منها في التخطيط الاقتصادي والسياسي والاجتماعي .. والمرتكز الاساسي لجميع المعاملات .. والاستفادة منه في الانتخابات بدلا عن التسجيل والتصويت المشكوك فيه .. ونتمني ادخال بصمة العين حتي لا يكون هناك تزوير مستقبلاَ ..


#143756 [arif]
0.00/5 (0 صوت)

05-17-2011 05:01 PM
ياستاذ عثمان معاك انومهم لكن مافى قروش كان بالنص كان بالطرف كان تقول ليهم الاستخراج مجانى مصعبه كده ليه علينا هى براها مقفله الله يسألك ياخ المواطنين باعو اولادم بسبب العدم انت انا متاكدماحاسى بيهم على الاقل عندكعربيه وبيت وتلات وجبات ولاكان ماقلت اربطوالتسجيل بالاجراات والمعاملات المدنيه بتصدق انوفى واحدين بدوا يمشو من اللفة للخرطوم برجليهم صدق ان ده حصل يوميا التعفف منعم يملحواوكتروالملح لومابتصدق ماتصدق انوفى بيع ابناء كلم الناس ديل يبقوها مجانى ماهى حاجه مهمه للبلد كفاية على كل انت شايل وذر الناس الغلبان دى لو ربطوها بشهادات او اى معاملات خدميه فى رقبتك الغلابه ديل يجيبوا قروش من وين انت قايلم كلهم فى المطار حرام عليك الرررررروب كفايه جبايات ياخ اللهم لانسألك رد القضاءولكن نسالك اللطف فيه


#143751 [abuali]
0.00/5 (0 صوت)

05-17-2011 04:53 PM
الاستاذ عثمان ميرغني الموقر
بعد التحية
كلامك جميل وكل ماذكرت حقائق وهذا مطبق في الدول المتحضرة لكن وأهـ من لكن ناس الحكومة ديل حيستعملوا فقط في مطاردة الناس ومحاصرتهم وبهدلتهم يااخي دول بدون سجل مدني كهرهوا السودانيين السودان وخلوهم يهاجروا والله اعلم بنيتهم لكن فعائلهم نشوف فيها قدامنا


عثمان ميرغني
 عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة