المقالات
السياسة
ارشيف مقالات سياسية
حصلوا السودان الجماعة ركبوه التونسية
حصلوا السودان الجماعة ركبوه التونسية
05-18-2011 08:35 AM


حصلوا السودان الجماعة ركبوه التونسية
على حمد ابراهيم

قريت قبل فترة فى صحيفة التيار وصاحبها اسلامى لا يتهم بأنه يكذب على عشيرته الاقربين أن وكيل وزارة التربية حصل على حافز تصحيح الشهادة السودانية 165 مليون جنيه حتة واحدة . وقلت الكترابة . الزول ده قسم ظهر خزينة السودان . ولكن بوقوفى على خبر مرتب السيد ( عثمان حمد ) مدير عام سوق الخرطوم للاوراق المالية الذى تداوله اكثر من كاتب قلت فى نفسى اللهم اننا لا نسألك رد قضائك فينا وفى السودان . و لكننا نسألك اللطف فيه .
تقول حكاية المدير العام الاستثنائى عثمان حمد أنه يتقاضى مرتبا سنويا يبلغ 808 مليون جنيه ( تحسبو لعب !)
زائدا 72 مليون جنيه بدل لبس ( أوعى يكون الراجل ده لا يلبس غير الحرير والديباج )
زائدا 90 مليون جنيه بدل عيدية رمضان والاضحى ! يكون الراجل ده بضحى بالنوق البيض فى اليوم الأول . ويذبح الابقار الصفراء الفاقع لونها التى تسر الناظرين من فصيلة بقرة نبى الله موسى فى اليوم الثانى وفى اليوم الثالث يدقش ذرائب الخرفان الكباشية ضربا بالشمال واليمين حتى يطعم الجائعين من بنى الانسان والحيوان . اما عيدية رمضان فربما كسى الرجل العراة العفاة من عشيرته الاقربين ومن أهل الجوار باعتباره مديرا عاما ويتوجب ان يكون نفعه عاما كذلك .
اما حكاية تحميل الدولة 90 مليون جنيه هى مصاريف اجازة سعادة المدير العام فهذه لا مكان لها فى الاعراب الوظيفى . شخص نائم وشاخر فى منزله او فى فندقه او فى طائرته ولا يمارس اى مهام رسمية اثناء اثناء هذه الطراوات كيف يكلف الدولة تسعين مليون جنيه مصاريف اجازة . اليس ارخص على الدولة فى هذه الحالة ان تعفيه من تحمل مشاق التمتع باجازة تكلف مصاريفها تسعين مليون جنيه عدا ونقدا . اليس فى هذه الدولة رجل رشيد يحسب حساب الربح والخسارة . اما حكاية تمتع المدير العام بتذاكر السفر له و لكوم من عياله زائدا الكهرباء المجانية والماء المجانى والتلفونات المجانية - هذه الاشياء الشكلية التى هى من سقط المتاع السلطوى فلا نتحدث عنها . لانها لا تكلف غير عشرات الملايين. وبعدين اذكركم بوصف رئيس الجمهورية لهذه الحوافز بأنها نهب مصلح . وأسأل السيد الرئيس عملت شنو يا ريس للتصدى لهذا النهب المصلح .
على القسم ، وعلى الطلاق ، الجماعة ديل ركبوا السودان التونسية فى رحلة بلا عودة . سمعت واحد يقول ديل ناس ما عندهم مثيل . قلت حرم الراجل صدق . شوفوا ياناس المعارضة هوى ! ده ضرب نضيف . وده شعرا ما عندكم ليهو رقبة . وكان دايرين تركبوا الناس ديل التونسية شوفو ليكم طريقة تنزلوا بيها انتو فى الاول من التونسية اللى حشروكم فيها . أخ . . . يا بلد !
دكتور على حمد ابراهيم - واشنطن


تعليقات 3 | إهداء 3 | زيارات 1652

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#145083 [sedg]
0.00/5 (0 صوت)

05-19-2011 08:05 PM
how much is the salary of FED chairman(Ben Bernanke) in USA ,tell him to grap the chance and get a job in sudan!!1


#144100 [سلايمان قش]
0.00/5 (0 صوت)

05-18-2011 10:25 AM
مبروك علي دا كلام واضح


#144018 [الغاضبة]
0.00/5 (0 صوت)

05-18-2011 08:52 AM
كدي يا استاذ على حمد ابراهيم انت قاعد في واشنطن البعيدة ديك وتمغص فينا نحن هنا المساكين ديل بجنس بنوع البلاوي والدراب الرميتو في راسنا، انت برضو وباقي الامة الركبوهم التونسية لازم تنزلوا في الاول عشان تقدروا تنزلوا السودان من التونسية قبل ما تطير بيهو وتاني ما تلموا فيهو، يا ناس الكلام والردحي من بعيد لبعيد دا ما بنفعنا باي حاجة، خلونا نكون عمليييين، كل واحد يرمي الفي ايدو كان قلم كان كيبورد ويلفح جلابيتو وعمتو ويشيل عكازو ويجي جاري هنا، وكل واحدة ترمي الفي يدها وتجي جارية هنا في الخرطوم دي ونبدا الردحي من هنا وما نسكت لمن نلم الجماعة كلهم واحد واحد ونحشرهم في التونسية ونخليها تطيرهم وبعدين نشوف الخرابة السابوها دي نسوي فيها شنو.... أها قلتو شنو....


على حمد ابراهيم
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة