ترطيبة على كرتي
05-18-2011 12:45 PM

ترطيبة على كرتي

محمد صديق
[email protected]

يتمدد الأزرق والأبيض فاردان جناحاهما ليحتضنا العاصمة المثلثة في خلق رباني بديع ألهم الشعراء والمبدعين ليعزفوا في وجدان هذا الشعب أروع الألحان، ويزيد هذا الشعب في الشكر والثناء لرب العباد على هذه النعمة المسداة، لكن عبقرية الإنقاذ المتمثلة في المتاجرة بالمعاناة تأبى إلا أن تحرم المواطن شربة ماء وتعزف على الوتر المشروخ (مندسين ، مخربين ، بلوفة) لمواطني البراري الذين يكابدون شبح العطش بجانب شظف العيش الملازم للإنقاذ، ومشكلة أهل البراري أن (دباب الخارجية) بنى قصره المنيف حداهم، وشفط المويه!! (حمام سباحة ، جاكوزي، ساونا)، الدباب داير ياخد ليهو غطسة غسطتين عشان يزيل كترابة الميل أربعين بعد أن إنحسرت رياح الجنة والحور العين من (كبويتا ، فشلا ، توريت)، ويمصمص كنداكة الأسمنت وصدأ السيخ، ياجماعة الدباب داير يرطب شويه، وبعد كده يحل ليكم مشكلتكم،، أأأأكيد مصنع مياه الصحة بتاعوا يكون في الكلاكلة !! (ماركة كوز في شكل وردة)!! والشعب يشرب مايروى، وده كلو كوم وشمال فندق قصر الصداقة كوم تاني لأن (تمساح الخارجية) (سيفر بشكيرو) (وينبطح بضنبو) في الأزرق العاتي (وخشمو) على الأبيض الهادي وهاك ياشفط !! ويعدما ليكم النقطة،، الله معاهم ناس كباري وسد،، مافي ليهم طريقة غير صلاة الإستسقاء، وترتاح أضنينا السنة دي من (عجبوني الليلة جو وترسو البحر صددو)، ونقعد نغني ياحليلك يا التمساح العشاري ويا تمساح كلي يالكنتو حنينين علينا.

بقدرة قادر أصبح المتمرد سابقاً إلى المناضل الجسور (تلفون كوكو) القابع في سجون الحركة الشعبية المرشح الثالث لمنصب الوالي في إنتخابات جنوب كردفان، إن الإنقاذ وكديدنها دائماً قصيرة النظر وتعمل برزق اليوم باليوم،، حيث أن ترشيحها لمطلوب العدالة الجنائية (كرئيسه) سقطة سياسية لايدانيها سقوط حيث أن المرشح والفائز حسب المفوضية،، لايستطيع التحرك والسفر إلى خارج السودان وماهي الفائدة المرتجاة؟ لترشيح من سيكون حبيس السودان!! وإذا كان غيره سيقوم بالترويج للمشاريع والإستثمارات (الهبره الكبيرة للتماسيح) خارج البلاد لجذبها للمواطن حسب الإدعاء، وياترى (تلفون كوكو) قبض حقو ناشف، أوعك يكون رسلوهو ليك تحويل رصيد لأنها حاتطلع (مجانية .... مجانية )، (ماقلتو نوبة).

بعد (الهوك) بتاع (نافع علي نافع) (لصلاح قوش) وختاها ليهو ختة السنين وقطعها معاهو قطع الحطب وعولقو جنس عولاق،، من الذي أصبح عواااااااااااااليق؟.


تعليقات 3 | إهداء 3 | زيارات 3535

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#145133 [مختار]
0.00/5 (0 صوت)

05-19-2011 10:30 PM
دي غير العروس الكان عامل فيها شكله مع واحد من الجماعه!! ديل دايرين قصور هنا وحواري قبلم!! بيلعبوا علي المضمون!!ماظنيت بيدخلوا جنه ولابشموا ريحته مع اكل الاموال والاحتكار والتكسب من مال الغلابة !!الشعب ده مسكين لكين مابضيع حقوا هنا وهناك!!!


#144382 [عمبساوى]
0.00/5 (0 صوت)

05-18-2011 03:55 PM
نتمنى ان تتدخل إدارة التخلص من الفائض بوزارة المالية فى بيع وتوزيع العربات بشركة شيكان للتامين وإعادة التامين وان يتم مراجعة ما تم توزيعه وتمليكه وبيعه من عربات فى الفترات السابقة لان الحديث عنها كثير ، وان الكثير من العاملين بهذه الشركة امتلكوا من العربات والبيوت والعمارات ما لا يتناسب مع دخلهم فهل ستتم محاسبتهم !!!!!!!!


#144370 [سعيد]
0.00/5 (0 صوت)

05-18-2011 03:43 PM
طالعتنا اليوم صحيفة اخر لحظة بخبر عن تقديم السيد / عثمان الهادى العضو المنتدب لشركة شيكان لا ستقالته وتتحدث العامة عن اعفائه المهم سوف يتفرق للترطيبة خاصة بعد زواجه من الرابعة فاليتنقل بين قصوره وحوره وإدارة ممتلكاته ، ولكن نتمنى ان تترك له الحكومة حرسه لانه كان يلاذمه حتى فى الصلاة


محمد صديق
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة