المقالات
السياسة
ارشيف مقالات سياسية
يا شعبي .. المكتول كمد..!ا
يا شعبي .. المكتول كمد..!ا
05-18-2011 05:38 PM

حديث المدينة

يا شعبي .. المكتول كمد..!!

عثمان ميرغني

قد لا تصدقون.. لكني أنصحكم بأن تصدقوني لأني أملك أقوى دليل على صدق ما سأرويه لكم.. دليلي الذي لا يقهر هو الحال التي أنتم عليها.. وملخصها أننا جميعاً شعب السودان ضحايا غلبة المصلحة الخاصة .. على العامة.. رجل أعمال خليجي مشبع بحب صنائع المعروف.. أبدى رغبة في عمل مشروع كبير في السودان.. صدقة لوجه الله.. اقترحوا عليه أن يرفع عن الناس هموم المرض.. بتأسيس مستشفى كبير لخدمة الفقراء.. مجاناً لوجه الله.. الرجل الثري الغارق حتى أذنيه في متابعة أعماله ومشروعاته الكبيرة ليس لديه وقت لبحث التفاصيل.. قال لهم: (على بركة الله..). اختار له أهل الخير موقع يستحق المستشفى.. وحددوا له التكلفة بضع ملايين من الدولارت.. لم يضيع وقته في سؤالهم عن تصميم المستشفى أو الخريطة .. قال لهم: (على بركة الله أبدوا). صاروا يرسلون له كل بضعة أسابيع مطلوبات المرحلة القادمة من المال.. والرجل الخير.. يرسل لهم .. سنة .. وسنتان.. وثلاثة.. أرسلوا له التهنئة باكتمال المشروع ودعوة أنيقة لحضور حفل الافتتاح.. رغم مشاغله لكنه صمم أن يتذوق طعم الفرح معهم.. وأن يرى بأم عينيه دفقة الشكر والعرفان في وجوه الفقراء الذين سيحتشدون في المستشفى من أول يوم. يا مؤمن يا مصدق.. الرجل وصل مطار الخرطوم.. أكرموا نزله في الفندق الفخم.. في الصباح الباكر كان موكب السيارات ينتظرأمام باب الفندق ليزفه إلى موقع المشروع الخيري الكبير.. وصل الموكب اإلى موقع المشروع والاحتفال الكبير.. نصبت خيمة كبيرة تحيط بها مكيفات الهواء الضخمة من كل جانب.. عدة مئات من المقاعد الوثيرة نثرت في المكان.. كل شيء في غاية الأبهة.. بدأ الحفل الذي شرفه شخصية دستورية رفيعة( جداً جداً).. القرآن الكريم ثم كلمة فلان.. ثم كلمة علان.. ثم كورال .. ثم كلمة فلان وعلان.. ثم توزيع الشهادات التقديرية لمن أنجزوا المشروع. ثم كلمة فلان وكلمة علان.. و أطباق الطعام الفاخر تملأ الموائد.. الرجل الخليجي الثري كان يغالب دموعه من التأثر بحفاوة الاستقبال وكرم الضيافة وفيضان الشكر والعرفان في كلمات المتحدثين في الحفل.. بعد نهاية الحفل.. جاءت اللحظة التاريخية .. جولة في المشروع.. اللحظة التي انتظرها رجل الأعمال ليرى الفقراء وهم ينعمون بأفضل خدمة علاجية.. صدقة لوجه الله.. خرج رجل الأعمال من السرادق وحوله حشد المحتفلين بالحدث وتوجهوا نحو مبنى المستشفى.. قالوا له: ادخل برجلك اليمنى.. ذهل الرجل.. أدخل أين؟؟ قالوا له إلى المستشفى أمامك. سألهم في ذهول .. أين المستشفى؟؟ تسمروا جميعاً .. والرجل ينظر إلى الباب الصغير الذي يشبه باب حجرة حارس المسجد.. ثم يعيد النظر إلى من حوله.. وهو لا يصدق .. لحظات صمت كاسحة.. نظر إليهم مرة أخرى.. ثم نظر إلى باب المستشفى .. وأخيراً نظر إلى أعلى والدموع تنهمر من عينيه وهو يردد: (حسبنا الله ونعم الوكيل)..رجع للخلف وركب السيارة وهو يقول للسائق .. إلى المطار..

التيار


تعليقات 24 | إهداء 2 | زيارات 6354

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#145113 [مختار]
0.00/5 (0 صوت)

05-19-2011 09:45 PM
ياخوانا دقيقة انا حضرت الفلم ده!!!!!!!!!
مافهمتو المخرج!!! مالمستشفي ده السودان!! والجماعة الي استلموا الفلوس ياهم جماعتكم زاتم
يتاعين التقاوي الفاسدة والاراضي الاستثماري والفساد!!!
والمستثمر ده ما كل دول الخليج ادت الحكومه قروش !! والنتجه هي ما نعيشه الان!! والله الباب في بلدنا اصغر من الجره منو المستثمر!!!ده نحنه ماقادرين لاندخل ولانطلع!! يعني الحكاية ما محتاجه اسامي وتحديد انظر حولك بيركب الفرايم علي الكل!! ;( ;( ;( ;( ;(
ماعارفين ليكم حته عايزه مواطنين!!!! بلد لله!!!


#144901 [عمده]
0.00/5 (0 صوت)

05-19-2011 01:31 PM
صدقت يا استاذ عثمان الشعب السوداني تغيرت اخلاقه ومعملاته وامانته الا من رحم ربي والفساد والسرقة والاختلاس اصبحت سمه من سماته بكل اسف ونلاحظ الان ونحن في دول الخليج كثرة الاختلاس والسرقة التي تحدث من كثير من المؤتمنين عن المال وتغيرت صورة السوداني الامين الصادق الوفي نسأل الله حسن الخاتمة وعودة شعبنا الصادق الامين الى ما كان عليه


#144823 [مكتوي]
0.00/5 (0 صوت)

05-19-2011 11:51 AM
انت باود ميرغني مسؤول من الشر وين الوالي الذي لايظلم عنده أحد وعمك بتاع الكشك ادوه كشكه ولا لسه معلق؟


ردود على مكتوي
Saudi Arabia [مكتوي] 05-20-2011 01:07 AM
طيب ياشهاب امشي للوالي الذي لم يظلم عنده أحد

Saudi Arabia [شهاب] 05-19-2011 02:23 PM
وانا والله قصتي قصة مع البلدية والاكشاك عند كشك قفلوه من 4 اربعه سنة ولسة اللجنة ما اجتمعت


#144765 [محمد احمد السودانى]
0.00/5 (0 صوت)

05-19-2011 10:34 AM
ياسلام عليك وعلى جماعتك
ابليس ما يقدر ياعثمان الذى يعمل فية جماعتك
يعنى عايز تركب الموجة والناس يقولو عليك بتكشف فساد ناسكم@!!! قديمة
العب غيرها!!!! لوصادقم جيب الاسامى ياجبهجى


#144760 [الساير]
0.00/5 (0 صوت)

05-19-2011 10:25 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا عصمان يا جبان
إنت ما بتقرأ جرايد ؟
أمشي للطاهر ساتي يديك محاضرة عن الصحافة وبعدها أكتب .

جبان يا جبان

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#144698 [الحلاوي]
0.00/5 (0 صوت)

05-19-2011 06:22 AM
الرسالة التي يريدها الكاتب أن الفساد أصبح مستشري في الشعب السوداني عامة لان الفاسدين في القصة في الغالب سودانيين كانوا يعملو مع الشيخ الخليجي وليس شرط أن يكونوا من الحكومة وأنا على يقين معظم المعارضين (الشرفاء) لو لقوا طريقة في الحكومة بيقلبوا 180 درجة ويتحولو إلى فاسدين


#144668 [معتز الدمام]
0.00/5 (0 صوت)

05-19-2011 01:44 AM
انت غير جدير بان تكون صحفي يا جبان


#144627 [mohamad]
0.00/5 (0 صوت)

05-18-2011 11:34 PM
الاخ باشمهندس \\ عثمان

هنالك امثلة وحالات كثيرة جدا لمثل هذه الحالة..مساجد ودور عبادة . ولا تنسى المستثمرين اللذين فروا واقسموا الا لا يعودوا لهكذا بلاد كل هم مسئوليها ان يتخموا جيوبهم فقط فكيف تكون الثقة فى مثل هكذا مسئولين ..


#144621 [مدادي]
0.00/5 (0 صوت)

05-18-2011 11:29 PM
كأنك أول مرة تسمع بمثل هذا الكلام .. ما سمعت عن مسشتفى الكلى الكان منحه من السعودية بواسطة فاعل خير .. ولا ما سمعت عن المعدات الكانت جاية وقاموا ناسك بإيقافها في ميناء بورتسودان وعدم السماح لها بالدخول لأنها ضد مصالحهم .. ما عارف ليه مش مصدقك لأن مثل هذه الأشياء المفروض صحفي مثلك يكون عارفها وما جديدة عليه . الفساد اصبح ثقافة عامة وهذه هي الكارثة أن يكون ذلك كذلك يا عصمان لو أنت ما عارف نحن بنوريك .. أمااااال الناس البتكورك دي بتكورك من فراغ ما قلبها على بلدهها وعلى إنسانها الكان موجود في هذه الأرض قبل أن يصبح باطنها عاليها ... وفاسدها وزير ووزيرها فاسد ..


#144614 [ألجعلى ألبعدى يومو خنق]
0.00/5 (0 صوت)

05-18-2011 11:17 PM
ياودميرغنى أنا هسا كنت فى كوما سواها (ألطاهر ساتى) فى صحيفة السودانى نحنا هسا فى حالة حزن وحداد نحنا قربنا نمش لعمنا أحمد شرفى لأنكم بتستعملوا فينا أسلحة دمار شامل طلقانه أمى وتعدم اسم الحبل لأنو أبوى مات وماشاف بلطجة ألجماعة أنا هسا بجرى ألحمام كل ساعة ألله يرحم والديك ماتجيب تانى كلام ذى دا أرحمونا شويا وخلوا ألجماعة ديل يشتغلوا فى شغلتهم (ألجعلى ألبعدى يومو خنق) ألدندر ولاية سنار


#144608 [aboahmd]
0.00/5 (0 صوت)

05-18-2011 10:51 PM
لن نصدقك ولن نصدق اى صحفى يكتب مثل الكتابات وعلى الصحفيين اذاكانت تهمهم مصلحة الوطن والمواطن ان يكتبوا بوضوح والا يخرصوا


#144579 [الفاروق]
0.00/5 (0 صوت)

05-18-2011 09:31 PM
اقتباس

\" قد لا تصدقون.. لكني أنصحكم بأن تصدقوني لأني أملك أقوى دليل على صدق ما سأرويه لكم.. دليلي الذي لا يقهر هو الحال التي أنتم عليها\"


يا من تجارون عثمان ميرغني في رواياته الفارغة اقرأوا هذا الاقتباس اعلاه وستعرفون من هو عثمان ميرغني ؟

ان غدا لناظره قريب يابو عفان!!!!


#144565 [سلايمان قش]
0.00/5 (0 صوت)

05-18-2011 09:03 PM
دا شنو ياعثمان القصة دي من الادب الروسي المترجم (مشهورين الروس بالقصة القصيرة واسال دكتور بشري الفاضل) ولا من وين كان من الخرطوم ياهو الدستوري صاحبك ود الخضر وخلي الخلجي يقيف في صف الانتظار مع الزول الماانتحر لحدي مايرجعو ليهو كشكو واولادو الطشو بعد داك نشوف موضوع المستشفي


#144563 [انغام]
0.00/5 (0 صوت)

05-18-2011 08:59 PM
ياعثمان ميرغني خليك شجاع وقول بالواضح المستشفى دة وين ومنو رجل الاعمال العملو ومنو المكلف بعمله والا ماحنصدق ويبقى كلام ساكت مالي بيهو فراغ جريدتك


#144544 [الزول الكان سمح]
0.00/5 (0 صوت)

05-18-2011 08:40 PM

يالحديد ...

ياريتو كان مسثمر يا أخوى دا فاعل خير كايس الأجر...بى حقه وحاتك إنت لو كان مستثمر ماكان زعلنا ....الراجل قال ليك من باب المسجد سوى نعلاتو فى كرعيهو وقال يا فكيك.


#144539 [سودانية]
0.00/5 (0 صوت)

05-18-2011 08:31 PM
والله حيرتنا معاك يا استاذ عثمان ، انت معانا ولا مع الجماعة ؟ علي كل حال مابقت فارقة . انا سافرت علي الاقل 6 دول عربية وزيها اجنبية سمعة السودانية بره انهم حرامية حرامية حرامية الي ان يثبتوا العكس وبكل اسف 99% لا يستطيعوا ان يثبتوا العكس ،الله يجازي الكان السبب .


#144533 [arif]
0.00/5 (0 صوت)

05-18-2011 08:23 PM
استاذ عثمان ورينا انت متهم بالتستر ولاخائف يكشوك ذى اخوك بتاع الماليه انت جبان انت قائل الصحافة تاليف قصص واثاره وتشويق بس ورى الشعب الغلبان الكان راجى المستشفى منو الاكله كل يوم تسقط من نظرنا ليه كنا محترمنك ولازلنا قول منو الله ينتقم من اى ذول يدس حق الشعب


#144527 [محمد حامدى]
0.00/5 (0 صوت)

05-18-2011 08:17 PM
خليك شجاع زى ناس شمبال وابو القاسم وقول الاسماء عديل وجيب لينا صوره من المستشفى بدل الالغاز ديه-


#144520 [ابو النصر]
0.00/5 (0 صوت)

05-18-2011 07:56 PM
والله دي اكبر ماساة الوطن بحتضر


#144518 [haj abbakar]
0.00/5 (0 صوت)

05-18-2011 07:47 PM
الاخ الكاتب يمتع نفسه بالدهشة مع ان هذا السلوك هو ديدن اخوان الشيطان
نسمع من القصص هنا مايشيب من هوله الولدان
والشعب السودانى صبور وسيحاسبون فى الدارين
ودونك حسنى مبارك والذى يبصم بالعشرة للتنازل عن ممتلكاته
وهؤلاء جبناء سياخذ الشعب كل مانهبوا هذا ان تركوا احياء
وهذا الذى يقدم النصح للحكومات العربية سيكون مصيره اسوا لانه راعى الفساد بجداره وحامى حماه وسيجرفه التيار يوما وهو سادر فى غيه وطربه وسيكون مصيره فى احدى السجون الهولندية طال الزمن ام قصر


#144501 [ابو احمد]
0.00/5 (0 صوت)

05-18-2011 07:05 PM
الاخ عثمان لك التحية نتمني منك توضيح الاشخاص والثري الخليجي لانه توضيح الفساد من صميم عملكم ولكم الشكر


#144498 [اقتربت قيامة الكيزان]
0.00/5 (0 صوت)

05-18-2011 06:57 PM
نظام فاسد متعفن لا رجاء ولا امل فيه الا الحريق حريق كبير تكون نتيجته الخلاص من هذا السرطان المخيف المسمي بحكومة المؤتمر بقيادة السفاح كبير المجرمين العامل فيها ضكر وود بلد اصلي وجعلي شريف لا يعرف شيء غير النباح الكثير وغير الرقيص الكثير والتهديد بالحرب ....ولم يذق هذا الشعب المسكين منه سوي البؤس والفقر والاغتراب والضياع والزجر والتنكيل ,,,,,
حريق هائل ولو كانت نتيجته انتقال ثلث الشعب الي الحياة الاخرة لكي ينعم بقية الشعب كما قالوها في بداية عملياتهم التخريبية في هذا البلد العظيم وشعبه الابي بحياة هادية جميلة رخية يتساوي فيها والفيصل الوحيد فيها هو القانون ,,,,
اللهم احرقهم وعذبهم وشتت شملهم فردا فردا يا قادر ياكريم ,,,,,


#144485 [hadeed]
0.00/5 (0 صوت)

05-18-2011 06:29 PM
بدور اسعلك سعال ... يا عثمان !





العمل كدا منو في المستثمر دا ........ ؟؟


ديل منو ؟؟؟ ورينا لو سمحت ؟؟؟


ديل شوايقة التنظيم ؟؟؟ ناس صلاح قوش قصدك يعني ؟؟؟؟


ولا ناس نافع ؟؟؟؟؟؟؟؟؟


أفصح وأبن ................... يا خواف !!!!;)


#144466 [الزول الكان سمح]
0.00/5 (0 صوت)

05-18-2011 06:03 PM

يا عثمان ميرغنى

بنو ليهو ضريح واللا شنو..؟؟؟

طيب ...القروش دى بدل مايتبن بيها مسجد يجسد مكرمة هذا المتبرع أنا اٌقول ليك مشت وين ؟؟ إذا كان الكلام ده فى الخرطوم قطع شك إنو صاحبك الما رجع للزول

الما إنتحر كشكو ....,اولادو الطشو ...يكون طرف فيها وإلا من وين مزارع الأبقار
والدواجن ..يافتك....!!!!


عثمان ميرغني
عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة