صوت الكرنق جاني
05-19-2011 08:34 AM

صوت الكرنق جاني

ايمان حموري
[email protected]

شوف الزمن ساقني مشيت جبال نوبه، اغنية سيغنيها هارون با لرغم من نشّاز التون، بعد ما قلت خلاص من الانتخاب توبه شوف الزمن ساقني مشيت جبال نوبه، عيونها زنوبا تشبه عيون المؤتمر الوطني ،في المشيّة بتزوّرخلت قليبي تقيل،يوم في عز الليل صوت الكرنق جاني ، كأنو صوت رصاص ، مشيت للحفلة وما لقيتها زنوبه عشان اقوليها احكيلها عن وضعي شعرت برجفة وطار السلام مني، وضاعت زنوبه!،
هذا هو لحن المساء من شاء ان يطرب سيطرب ومن شاء ان يرقص سيرقص ومن شاء ان يعتزل الاستماع،لكم ماشئتم فالحفل مستمرا والليل ما زال طفلا في بطن امه،(الو الو تست ون) لا تهتموا اعزائ الضيوف ولا تنزعجوا ابداً
فحفلنا الساهر هذا لست مقيدا باي زمن اوباي قانون محلي او دولي فنحنا لاتقيدّنا القوانين الدوليه ناهيك عن القوانين المحليه ونحنا الذين صنعنا قانون(اي حفلة لازم تنتهي الساعه حداشر) والكل يعلم أن حفلاتنا مستمرة منذ العام ١٩٨٩ والحمدلله لم تحدث مشكلة واحدة (كان فليع كراسي ولا واحد سكران ساي عمل مشكلة تقول لي مظاهرة) ( الراجل اليطلع الشارع) بل بالعكس كثيرون من شاركونا العزف والرقص والاغلبية العظمي مترفجون ومؤمنون بمقولة (جناً تعرفو ولا جناً ما تعرفو) او ربما خوفاً من مقولة (الانقاذ سفينة نوح المعانا ينجي واليابانه بيغرق ) .العمر واحد والموت واحد الي متي هذا الصمت

اخر الشاي
لوشفتو زينوبه اغروها السلام

مع مودتي
ايمان حموري


تعليقات 4 | إهداء 0 | زيارات 2351

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#145162 [واحدة بطنا طامة من رباطية المؤتمر الوطني وكل الاحزاب]
0.00/5 (0 صوت)

05-19-2011 11:51 PM
وانا قريب ده حاعزمك يا بت حموري حفلة كاربة في دارفور ,تخيلي رباطية المؤتمر الوطني قاعدين يعبوا في الناس للاستفتاء بقولوا ليهم اوعي تصوتوا للاقليم لانو اسرائيل دايرانا نبقي اقليم وطبعا اهلن لوجابوا ليهم سيرة اسرائيل تعالي شوفي الحوقلة والحسبنة ,ما نحن اهل لوح وارض القرءان واي كلام فيهو اسرائيل معناهو كفر عديييل وبدل زنوبة حنغني رباطية المؤتمر الوطني سوا يا ,نحرق ارضكم سوا يا ,نكتل رجالكم ,سوا يا,ويوم في عز الليل صوت كبر جاني قال لي امشي للصندوق وشختي الاقليم وصححي الولايا ت عشان ازيد مالي


#144985 [مدحت عروة]
0.00/5 (0 صوت)

05-19-2011 04:32 PM
ياخى انتو شعب كتاب و مبدع والله ثم والله حرام قطعا يحكموكم ناس زى ديل!!!! من اين اتى هؤلاء هم صاح من امات مشلخات و بياكلوا الكسرة و العصيدة و ام تقوق و السبروق و هلم جرا لكين مركبين ليهم ماكينة غير سودانية!!!(ماكينة حسن البنا و حماس و حزب الله و ما شابه ذلك عشان كده البلد عطلانة و مبشتنة و حالتها حال!!!!!)


#144743 [الصادق الهواري]
0.00/5 (0 صوت)

05-19-2011 10:02 AM
رقصة الكرن استاذتي .. هي رقصة معبرة عن القوة والحماس والعزة ... وهي رقصة تحتاج الي طاقة زهنية وجسدية هائلة غير متوفرة لنا حاليآ .. وكما تعلمى موقوف الاستيراد .. فاعذرينا لعدم تمكننا من المشاركة ليس في الرقص فحسب بل حتى في الفرجة ... اتدرين لماذا ... لان الظروف والمحن التي .. ألمت بنا جعلت المياه السوداء تحجب شبكياتنا .. من فرط الاحزان .. لكن لو عابزة ممكن نرقص لبك رقصة الموت البطىء..


ردود على الصادق الهواري
Malaysia [بنت كرار] 05-20-2011 10:09 AM
اخي الهواري لا تياس او تقنط فالفرج قادم باذن الله وماضاقت الا لتفرج وعندها سنرقص جميعا رقصة الحياة في القصر الجمهوري


#144738 [Mahir]
0.00/5 (0 صوت)

05-19-2011 09:49 AM
يا حليلك يا حيليلي يا حيلينا يا بلدنا الله ليلينا الله ليلينا يا بلدنا ... كراع البقرة جيابة... و الحلة كن في العجوز بتموت...


ايمان حموري
ايمان حموري

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة