دي عملتها كيف يا مسار ?ا
05-20-2011 01:12 PM

خال فاطنه!

دي عملتها كيف يا مسار ??

عبدالله عبد الوهاب
[email protected]

عبدالله مسار رجل ولا كل ألرجال! فهو يجلب ألعجائب من قرونها وينهال عليها ضربا ولكما إن هي تـمانعت! يتكلم لكل ألفضائيات وفي شتي ألـمواضيع بعلم وفي أحايين كثيرة بدون علم!
نهار أمس ألأول قال إنه سيقوم بترشيح ألبشير لجائزة نوبل للسلام! فإنبهم تفكيري وكدت أسقط من ألأرض وكتمت عبارة( ياراجل!!) داخل فمي.. فيا حاج مسار ألـم تسمع بالقرار (1595) وبقية ألقرارات ألأممية والتي إتخذت تحت ألبند السابع ضد ألسودان ورئيسه? ألـم تقرأ آلآف الدراسات والـمقالات عن حريق دارفور ? ألـم تسمع بحركة كفاية والتي تضم بعض الفائزين بجائزة نوبل للسلام ومنهم بالطبع ألرئيس ألأمريكي (باراك أوباما)?? فيا مسار وأنت مستشار رئاسي فهل نقرت علي ماوس (كـمبيوترك)ألشخصي لتعرف ما هي إشتراطات نوبل للسلام لكي لاتحرج رئيسك وحكومته أمام ألـمجتمع الدولي??
فيا مسار جائزة نوبل ليست بـ{ راكوبة قش } تربط في طرفها حمارك وتدخل سوق الضعين صائحا في هذا ومازحا في ذاك!!

تخريـمه:-
يلاحظ خال فاطنه أن هنالك مجموعة أخري قامت بترشيح علي عثمان لجائزة نوبل!! فتغني خال فاطنه برائعة القدال:
يا أمونه شن بتشوفي
يا عيوني شن بتشوفي


تعليقات 14 | إهداء 0 | زيارات 2784

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#146110 [عصمتووف]
0.00/5 (0 صوت)

05-21-2011 11:19 PM
يا جماعه نحن ما رهو مسار ده زول بياع تكيف بشغل اجهزة التكييف في القصر و بصين مكييف الصادق المهدي بس حلقومو كبير اقنع ناس القصر
انشاء الله نبينا الخدر يتذكر مسمارالزول بتاع الكشك عشان ااولادو الطشو يجو من اي مسار وكمان ما يكون طلق مرتو اوعه وجيب لينا الشمار يالزول الكالن سمح ما مسار


#145984 [(العوجات)]
0.00/5 (0 صوت)

05-21-2011 05:38 PM
ياعالم ..ياراكوبست مدحت عروة ده بيمزح ويهظر معاكم هظار تقيل شوية ده ولد راكوبتنا وعارفنو بس عاوز يرفع ليكم الضغط شوية ؟؟خليكم رياضيين


#145951 [سامى الطيب]
0.00/5 (0 صوت)

05-21-2011 04:40 PM
السىد مضار سبق ان سلم الرئس 7 تقارير يطالبة بلصلاحات لصالح المواطن المسكين الرئيس لم يقل لة تلت التلاتة كم سلمه تقرير اخي ر طالب فية بان يرد علية ولو باقالته وبرضو الرئس لم يشتغل بة الشغلة وثتكثر علية حتى الاقالة ياتى هذاالندل بعد 3 سنوات ويقول كلام ذى ده ايها الناس هذا الرجل زنديق واحد اسباب اذمة دارفور


#145926 [nasreldeen ]
0.00/5 (0 صوت)

05-21-2011 03:47 PM
هو مسار ده ماخد ياتو مسار ؟؟؟؟؟؟؟؟؟؟؟؟؟؟؟؟؟!!!!!!!
يعنى شايت مع منو
عندى احساس انو مسار ده ((( باك ورا القون )))


#145859 [(العوجات)]
0.00/5 (0 صوت)

05-21-2011 02:09 PM
..يا حبيبي يمكن بيقصد عشان بفوزوا بيها اليهود !!انت ما سمعت فاز بيها مناحيم بيجن بالاشتراك مع السادات واهو نجرب\" ابو العفين\" مع النتن ...ياهو اصلهم كلهم عفانه وزبالة ....يا كارلوس !!وين ايامك ؟؟الحي يقابل !!!


#145818 [وليد دارفور]
0.00/5 (0 صوت)

05-21-2011 01:23 PM
فور قراءتي لهذه الطرفة قلـت:-( هنيئا لحزب الأمةبإنشقاق هذ المسيلمة منها) . حزب مسار السابق .


#145770 [هاشم ابورنات]
0.00/5 (0 صوت)

05-21-2011 11:47 AM
الاخ مدحت
والله تنفع رئيس كدي عدييييل ارسل لي بريدك الالكتروني


#145767 [ابو ابراهيم]
0.00/5 (0 صوت)

05-21-2011 11:44 AM
طبعا سمعتوا بقصة الطفل الذي صاح في فرعون (انظروا الي ملكنا العريان) دي نفس الحاشيه

التي اوهمة فرعون ذلك الزمان بس بي دقون هذه المره


#145618 [mohamed hassan]
0.00/5 (0 صوت)

05-21-2011 01:22 AM
It is beyond doubt this is a lavish insincere praise and compliments upon Al-basheer , this reveals how those people engaged in dishonest practices so as to be in good grace of their president .*


#145592 [المايسترو]
0.00/5 (0 صوت)

05-21-2011 12:09 AM
والله الزول البفولو ليهو مسار دا واحد وسكران البشير يمنحوه جائزه نوبل هو مفتكر الموضوع دا بمنحوه لمرتكبين جرائم ولاشنو ومدحت عروه دا في السودان ولا شنو وين في استقرار ووين في زراعه امشي دارفور عشان تعرف الحاصل شنو


#145563 [مدحت عروة]
0.00/5 (0 صوت)

05-20-2011 10:59 PM
يا حاقدين يا حسودين يا ما بتعرفوا حاجة هسع دى كدى ورونا دارفور فيها حرب؟ ابييى فيها حرب جنوب كردفان مش هادئة و مستقرة ؟ و السودان كله ينعم بالهدوء و الاستقرار!!! هسع دى فى حركات مسلحة يا غبيانين؟ ما الناس تركت السلاح من زمان و اتجهت للزراعة المزدهرة فى الريف و تربية الحيوان والابحاث العلمية لتسهيل و معالجة مشاكل التنمية و الصحة العامة الخ الخ الخ و ميناء بورتسودان ما فيهو حتة فاضية من كترة صادراتنا و خلافه!!!!!!!!!!!!! و تجوا بعد ده تقولوا ناس الانقاذ ما بيستاهلوا جائزة نوبل!!!! انفع مستشار اعلامى مش!!!!!؟؟؟؟؟ ولا رئاسى!!!!!؟؟؟؟؟


#145429 [كاكوم]
0.00/5 (0 صوت)

05-20-2011 05:04 PM
هذا يوضح البون الشاسع بين تفكير من يعيشون على المكرمات والمخصصات وبقية الشعب المطحون فبالله عليك يا اخى اجتهد وحاول ان تعرف مردود هذا المسار وهذا النهار وود بلال حاول ان تجد لهم شيئا واحد مفيد او انجاز على اى صعيد وفى اى مسار ؟ صحيح الاختشو ماااااااااااااااااتو


#145414 [الصادق الهواري]
0.00/5 (0 صوت)

05-20-2011 04:44 PM
يا سلام يا مسار .. هدف ولا اروع .. بس نفسي ومنى عيني الاخ المخرج يعيد لنا اللقطة .. عشان الماسمع يسمع والما شاف يشوف كيف الناس تهدف من خارج الاستاد وفي المرمى مباشرة .. .. الهدف صحيح مئة في المئة .. لكن من العدل انتظار قرار لجنة التحكيم .. الوطنية ...معليش يا جماعة .. المخرج اعتذر لان هوبة التى عملها السيد المستشار .. حصرية ...


#145364 [الزعيم]
0.00/5 (0 صوت)

05-20-2011 02:56 PM
انا بفتكر انو الناس ديل قاعدين اتسطلو اول حتي بعد داك كل واحد فيهم اجي اقول تصريح او كلام والله دي الحاجه الحاصله اصلو الوزير قال البنقو ما من المخدرات بعمل هلوسه ساي يعني بي لغة المسطلاتيه بخليك منعنش والحمدلله النعنشه ماممنوعه بامر الوزير ابقي فيها شنو يعني لو مسار نعنش وجا قال ادو الرئيس جائزة نوبل للسلام ( اجمل نكات نكات المساطيل ) واحتمال كبير جدا ارسلو بنقو لناس جائزة نوبل واتسطلو وبكره اقولوا رشحنا البشير والله ناس الانقاذ ديل تتوقع منهم اي حاجه


عبدالله عبد الوهاب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة