الغرق في شبر ماء..!ا
05-22-2011 02:34 PM

حديث المدينة

الغرق في شبر ماء..!!

عثمان ميرغني

قرأت في بعض الصحف تصريحاً للدكتور عبد الرحمن الخضر والي الخرطوم.. عن نية حكومته زيادة فاتورة الماء الشهرية على منازل الدرجة الأولى.. استغربت للغاية من منطق مثل هذا التفكير.. الأمر بكل بساطة .. إذا كانت حكومة الخرطوم ترى أن أصحاب بيوت الدرجة الأولى يجب أن يتحملوا تكلفة استهلاك الماء نيابة عن بقية المساكن.. هنا تصبح القضية أخلاقية في المقام الأول. بأي مرجعية يحدث هذا.. هل أصحاب البيوت في الدرجة الأولى أولياء أمر بقية المساكن في الدرجات الأقل.. في تقديري هناك حل أكثر عدلاً .. ويوفر المال اللازم المطلوب.. أولاً.. خصخصة قطاع المياه بصورة كاملة. .تخرج الدولة تماماً عن هذا المرفق وتترك للقطاع الخاص أن يستثمر فيه أمواله وفق النظم السيادية التي تلزمه بها الدولة.. ثانياً.. يسمح للمستثمرين في قطاع المياه.. أن يعمموا نظام عداد الدفع المقدم.. بشرط واحد مهم وحيويّ لا يمكن التحايل عليه.. أن يكون اجمالي ما يدفعه المواطن عبر عداد الدفع المقدم .. أقل من ربع ما يدفعه حالياً (بالرسوم الشهرية).. مثلاً.. إذا كان البيت في الدرجة الأولى يدفع (60) جنيهاً في الشهر للماء.. تضبط عدادات الدفع المقدم على أن لا تكون الفاتورة الشهرية أكثر من (15) جنيهاً.. أي ربع ما كان يدفعه المواطن في الفاتورة الشهرية.. وإذا زاد استهلاك البيت على المتوسط الشهري الذي كان عليه في الماضي.. سيدفع كلفة الزيادة بالعدل.. هذا المقترح يخفف كثيراً على المواطن .. لأن فاتورة المياه ستهبط لربع قيمتها العادية.. كما يوفر للشركات التي تعمل في قطاع الماء عائدات مجزية لأن العداد سينتشر في كافة البيوت فيدخل عدد ضخم من الذين كانوا (لا) يدفعون شيئاً نظير استهلاك الماء. هذا المقترح يحقق ثلاثة فوائد.. أولاً يرفع عن الحكومة عبء الأموال الضخمة المطلوبة لتطوير شبكات المياه ومحطاتها.. فيوفر المال العام لبنود أخرى مهمة وحتمية أيضاً.. ثانياً.. يحقق عدالة توزيع تكلفة انتاج وتوصيل الماء على جميع قطاعات المجتمع كل حسب استهلاكه وحاجته للماء. ثالثاً.. يخفّض بصورة كبيرة فاتورة المياه الشهرية على المواطن.. لأنها ستنخفض إلى الربع.. وقبل كل هذا.. يرفع من مستوى الأداء في شركات انتاج وتوزيع المياه لأن القطاع الخاص أكثر مرونة وقدرة على تطوير آلياته .. وأفضل كثيراً في تقديم الخدمة من القطاع الحكومي.. وبصراحة.. يا سعادة والي الخرطوم .. اذااستمرت الولاية (والحكومة المركزية أيضاً) بنفس هذا الايقاع في التعامل مع مطلوبات الحياة العصرية للمواطن. فسيأتي عام 3000 ويجدنا يا دوبك في 2500 (لم أقل ق.م.) .. الأجدر أن ندرك أن معدل التنمية أقل كثيراً من مؤشرات عالم اليوم.. وما نحتاجه هو قفزة هائلة.. لا تتحقق بموارد الدولة وحدها.. مطلوب جذب استثمار هائل في كافة المجالات. وهذا لا يتحقق إلا إذا خرجت الحكومة بأعجل ما تيسر من كل الخدمات..

التيار


تعليقات 31 | إهداء 0 | زيارات 4899

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#147446 [nubian]
0.00/5 (0 صوت)

05-23-2011 11:44 PM
موية بى دود ولة من غير دود


#147337 [mohamed]
0.00/5 (0 صوت)

05-23-2011 07:31 PM
لا حول انا ما بعرف عثمان مرغنى ده

لكن كلوا ما يكتب

تلقا تحت صف طويل من القرفانيين منو

انت فيك شنو يا عثمان بقرف الناس منك كده


#147089 [أبو لينا]
0.00/5 (0 صوت)

05-23-2011 01:12 PM
القال ليك منو بعد الخصخصة و الدفع المقدم سعر الموية حينقص للربع؟؟!!


#147073 [ابو الزين]
0.00/5 (0 صوت)

05-23-2011 12:45 PM
هى وينا المويه دى ؟؟ بعدين الديدان دى حيعملوا ليها عداد براها و لا شنو


#146885 [rajb]
0.00/5 (0 صوت)

05-23-2011 07:05 AM
شبر الموية دا انتم الذين غرقتوا فيه كل الشعب السوداني
بعمايلكم التي اوصلتنا الي هذا المستوي
و كل واحد فيكم له دور يلعبه
فلا فرق بينك و بين ود الخدر
لانكم تاكلون من ماعون واحد
و لا يهمكم الشعب المغلوب علي امره


#146883 [مندي]
0.00/5 (0 صوت)

05-23-2011 06:54 AM
فعلاا كلام منطقى لماذا تتحمل منازل الدرجة ذلك ما دام منازل الدرجة التالتة قاعدة . هى منازل الدرجة التالتة المتحملة حوافز المعتصم عبدالرحيم وعثمان حمد حيغلبها تتحمل عدادات الدفع المقدم؟ اللهم لا تسلط علينا من لا يخافك ولا يرحمنا


#146858 [أبو محمد]
0.00/5 (0 صوت)

05-23-2011 01:54 AM
لأن من الماء جعل الله كل شيئ حي، ولأن الناس شركاء فيه كما نص الحديث النبوى الشريف، وجب على كل سلطة توفيره للناس، ولو جاز أخذ مال لهذه الخدمة وجب أن تكون بأقل قيمة وأن تتحمل الحكومة جزءاً كبيراً من قيمة المياه. والعدل ليس فى تحميل المواطن سعراً للمياه متفاوت بين الناس، ولكن العدل أن تضع الحكومة سعراً أقل لخدمة المياه، ثم تحاسب كل منزل حسب كمية إستهلاكه. واستهلاك المياه تحدده معايير مختلفة ومتعددة، وليس سكان الدرجة الأولى أو الرابعة. فمن الناس من يستخدم ويرشد الماء إمتثالاً لقول المصطفى بالإقتصاد فى استهلاك الماء ولو كان هناك يجرى أمام منزل الشخص. فالأمر العدل أن يدفع المرء ثمن قيمة ما يستهلك بغض النظر عن موقع سكنه أو وضعه الطبقى.


#146846 [الزول السمح]
0.00/5 (0 صوت)

05-23-2011 12:55 AM
لقد تم تطبيق هذه النظرية الكيزانية الالمعية في محافظة المناقل والشيئ السمعناه إنو اثنين
من اوثلاثة من كيزان السجم ضربو قريشات الشركة ولم يحاسبهم احد .
دحين يا ودالمرغني خلينا نشرب من الترعه ان كان لقينا فيها مويه لحدي ما نشوف مصير هؤلاء الظلمة الفاسدين المفسدين. وحسبنا الله ونعم الوكيل يمهل ولا يهمل .


#146799 [abuamin]
0.00/5 (0 صوت)

05-22-2011 11:02 PM
الاخ الفاضل الزول الكان سمح

مساءك ( رغم كل البلاوى والمغسه ) اجمل من فل ....
تتصور قبل كم شهر كده لاقيت زولك دا -- صاحب الوالى ود الخدر الما بتظلم عندو احد .....والما رجع للزول الكان عايز ينتحر و ما انتحر ...كشكو..... و.... اولادو... الطشو... -- وجها لوجه قى مكان دعوة عامه ..... فى الاول انا ما عرفـتو , واشرت لصديق بالقرب منى همس فى اذنى و قال لىّ : (دا ما عثمان ميرغنى!!!!!!) الحقيقه فى الاول افتكرتو غنّـاى ! !!! وما تذكرت ... عصرت مخى وقلت الزول دا انا شايفو قبل كده كتيييير.......فجأة عرفتو ..دا سيد الصورة الفى الراكوبه.. ....... عشان كده عاينت ليهو شديد , لابس نظارة سميكة و الله شـفـت عـيـو نـو حوص ( يعنى اعور).......
الحقيقه تذكرت الحكايه دى لما قريت تعليقك وانت بتسأل فيهو ( أليس عقد (عثمان حمد ) بينة واضحة ...توضح لكل الملا من هو دافع فواتير الموية والكهرباء وتكاليف اللبس والعلاج وتذاكر السفر إلى أقصى بلد تصل إليه طائرات ( سودانطير )؟ ) ......... با خى زولك دا اعور , قرا العقد بتاع البتاع( وزير المالية) لـعـبـقـرى الاسواق المالية بى عينو الحوصه.........

و الله الليلة ما عندى مزاج اعلق على المراوق الحدق دا .


#146772 [عيد الواحد المستغرب جدا!!]
0.00/5 (0 صوت)

05-22-2011 10:10 PM
والله العظيم يا عثمان دى ما افوتا ليك !! قلت شنو ؟ يعنى ما نجحت فى هندستك جاى تلعب على الشعب الغلبان ده؟ كلو إلا آخر ماتبقى للشعب الصابر ده ياعثمان؟وعلى آيه انت صحفى وسط الصحفيين كان ما عارف إنو الدولة أصلا كلفت شركة من الجماعة وهم بيدرسوا كيف ينفضوا جيوب الخلق؟ ولا على بالهم تجى موية ولا لا!! وامبارح قال ليك صاحبك ود الخدر عديل وانت ما فهمتوا يا كيشه يا حجر الشيشة لما قال الوزارات والمصالح عليهم متأخرات !!خد عندك دى قروش اصبحت مضمونه فى جيب الشركة لان المالية ماحتقصر فى الدفع وده معلوم عندك بالضرورة !!وإنشاء الله يكون عندك سهم سهمين تشبرق بيهم ؟ والزمن ده زمن (إن فاتتك اسهم فى شركات الاتصالات إتمرق فى شركة المويه !!) ودى حكمة اهديها ليك بلوشى لا أريد منك جزاءا ولا شكورا!! وبعدين ياخى خلوا اللف والدوران نحن عايشين فى زمن (الكمبيوتر والفيس بك) على راى عمر البشير وحتى تعم الفائده فى جكاية الفيس بوك دى(الرئيس مشى يخطب فى ناس قريعتى راحت والبيهتفوا ذى الحمير لمان يشوف انثى من جنسه!!فصاحبنا طلع فوق وكالعاده مدى مؤخرتو لورا ووزن نفسو بالعصاية اياها مع مؤخرتو وفال (حنجيب ليكم الكمبيوتر والجماعه اخر هنيق ولما سكتوا فصاحبنا واصل و حنجيب ليكم الفيس بوك كمان !!!) طبعا سعادتو افتكر ان الكميوتر شى والفيسك بوك ده حاجة ما عندها علاقة بالكمبيوتر !!بالله عليكم دى أمه يدوها السلطة!!عشان كده الجماعة راقضين ليه الخطب وسط النخب والمثقفين،لانو فهمو ذى فهم صاحبنا اللمان سألوه امنيتك الفتية فرد عايز احجج أمى !!(وعثمان ألمو)بقى لينا الكل يوم معانا بالدربكة بتاعتو قايلنا عوره !!-


#146744 [مكتول كمد]
0.00/5 (0 صوت)

05-22-2011 09:24 PM
كيزان معفنين والنهايه قربت خلاص اسنعدوا يا وسخ طلعتو دينا يا حراميه ياولاد الكلب


#146736 [عصمتوووف]
0.00/5 (0 صوت)

05-22-2011 09:03 PM
انتصحي الزول لمه في اولادو الطشو وفتح كشكواوبعدين خليك في خليلتك دي وباري خليلك النبي الخدر بس عليك والله ياهو جداد بره طرد جداد البيت ناس الضواحي والاقليم اصبحو قاده ومنظراتيه وحكام حليل السودان وحليل حاكم الخرتوم ود المصارين البيض العينو مليانه
ما اتعسك و ملعون ابوكي بلد القعونجة تركب الفرس كدي ذكر الوالي النبي الخدر يرجع للزول كشكو ويلم اولادو الطشو


#146731 [Talab aldaw]
0.00/5 (0 صوت)

05-22-2011 08:51 PM
تعلن حكومة السودان عن العطاءات التاليه :
1-خصخصة الطيران ‘القطارات والنقل النهري
2-خصخصة الكهرباء
3-خصخصة المياه
4-خصخصة هواء السودان
5-خصخصة إنسان السودان
6-خصخصة حكومة السودان
7-خصخصة السودان
إنشاء الله يكون حددت ليك عطاء يناسبك ياعثمان ميرغني


#146721 [badria]
0.00/5 (0 صوت)

05-22-2011 08:29 PM
تقصد \"إلا إذا خرجت الحكومة من ممارسة... الفساد؟\"


#146703 [كمال]
0.00/5 (0 صوت)

05-22-2011 07:59 PM
بالله عليك بدل ماتقول الموية دى المفروض تكون مجانية ولا برسوم رمزية كما كانت فى السابق خصصوها الله ياربى يخصص ليك شيطان كل ماتجى تكتب تانى اديك فى راسك ياراجل نحن اكثر الدول لديها انهار فى العالم يعنى موية عذبة ده غير الجوفية قال يخصصوها قال بتمهد لجماعتك ولا شنو الله يخصص ليك 00000


#146694 [امين الشريف]
0.00/5 (0 صوت)

05-22-2011 07:35 PM
والله يا اخوان ناس عثمان ميرغني وواحد كسار تلج كده اسمو الهندي عزالدين وواحد اسمو مين كده المكي والعتباني ديل مجموعة الصحافيين اللي وجودهم مضر بالبلد وغير ما يأخرونا ما حيودونا خطوة واحدة لي قدام اكتر حاجة ناجحين فيها حرق البخور والفلسفة الفارغة لكن ليكم يوم يا اذيال النظام .....


#146677 [murtada]
0.00/5 (0 صوت)

05-22-2011 06:53 PM
متين حيتم خصخصه الهواء عشان نحاول نلاقي لينا فرقة في الشركة الحتاخد العطاء خخخخخخخخخخخخخخخخخخخخخخخخخخخخخخخخخخ


#146675 [مكتوي]
0.00/5 (0 صوت)

05-22-2011 06:50 PM
عداد دفع مقدم شنو في بلد يمر فيه نيلين وبعدين الخصر ده ما صاحبك ما تقول ليه الكلام ده


#146646 [محمد احمد السودانى]
0.00/5 (0 صوت)

05-22-2011 06:03 PM
ياسلام ياعثمان ,,,انت فلتة زمانك فى تجميل كل مايفعلة جماعتك الجبهجية
ياولد قلت لى عداد دفع مقدم بربع القيمة الحالية!!!! على هامان يافرعون
هو انتو عندكم عهد يعنى تغشو الشعب وتقلو نقلل ليكم الفاتورة للربع وبعد شهور تضاعفوة عشرين مرة والمبررات عندكم جاهزة
كدة قول لينا مين من حجماعتك حياخذ المياة بعد التخصيص ؟؟؟قول ونحنتا حنخلية فى سرنا ماحنقول لزول
اللعب غيرها قديمة ياجبهجى(((لصوص الزمن)))


#146637 [ابو عماد]
0.00/5 (0 صوت)

05-22-2011 05:52 PM
اولا يا شيخ عتمان

يعني عاوز تساوي بين فلل حوش بانقا بكافوري وحي تورابورا غرب امبدة .....
شركاتكم دي ما شبعت ( من شركة الهدف والمهاجر وغيرها ) مستكترين علينا موية الجردقة كمان .....
حسبنا الله فيكم حسبنا الله فيكم حسبنا الله فيكم


#146632 [ابو صالح]
0.00/5 (0 صوت)

05-22-2011 05:31 PM
فكرة ألمعية و تعبر عن عقلية كوز متأصل. الناس بكت من الكهرباء عايزينهم يبكوا دم من خصخصة الماء. حقا تجار دين. الباقي خصخصة الهواء يا باشمهندس.


#146631 [سوداني]
0.00/5 (0 صوت)

05-22-2011 05:30 PM
يازول لاعاوزين افكارك ولا افكار واليك الذي لايظلم عنده احد
عاوزين نعرف اخبار الزول الما انتحر وكشكوا واولادوا الطشوا


#146630 [محمد]
0.00/5 (0 صوت)

05-22-2011 05:30 PM
وكمان العنوان بالمصري والله ما عرفنا نضحك ولا نبكي وكان الله في العون . هو منو المهموم بقضايا المواطن سواء كانت موية او غيرها من المشاكل وين المسئول البسمع النصيحة وبيشتغل بيها يا مصري انت بلد ضاع وماشي رزق اليوم ياليوم كان الله في عون السودان .


#146625 [سلايمان قش]
0.00/5 (0 صوت)

05-22-2011 05:21 PM
تاني الوالي ياعثمان مشو هو ود الخضر المارجع للزول الماانتحر كشكو واولادو الطشو بسوي اكتر من كده(الزول الكان اسمح الحقنا)


#146617 [عبداللطيف]
0.00/5 (0 صوت)

05-22-2011 05:09 PM
أمثال هذا المتأسلم غالبا ما ترسل عبرهم الاشارات لاستطلاع اراء الجمهور في السياسة القادمة للحكومة في المياه ولذلك توقعوا ان يطبق مثل هذا الاقتراح السخيف في الفترة القادمة .


#146601 [الزول الكان سمح]
0.00/5 (0 صوت)

05-22-2011 04:45 PM


ياعثمان ميرغنى

والله واليك ده المارجع للراجل الما إنتحر ...كشكو ...وأولادو الطشو...كان يجب أن يكون ..سايق كارو حمار ببرميل يبيع موية فى أمبدة كرور لولا أنه جئ به ضمن سياسة التمكين فى هذا البلد العفن.

داير تعمل لينا فيها خبير إسترتيجى ..كمان فى الموية أم دود...أسألو وهو صاحبك ومن سكان الأولى ممتاز ..منو البدفع فاتورة الموية بتاعتو وبتاعت أى شاغل منصب إنقاذى فى هذا البلد العفن بكم وزمرتكم الفاسدة...أليس عقد (عثمان حمد ) بينة واضحة ...توضح لكل الملا من هو دافع فواتير الموية والكهرباء وتكاليف اللبس والعلاج وتذاكر السفر إلى أقصى بلد تصل إليه طائرات ( سودانطير )؟

ربنا سبحانه وتعالى قال فى محكم كتابه: وجعلنا من الماء كل شئ حي)

من المفترض فى هذا البلد أن يدفع المواطن مبلغاً رمزياً ليتجرع جرعة ماء ينزل بيها لقمة الكسرة ( والتى أعتقد جازماً ) بأنها إختفت من مائدته إلا إشتهاءً

ناسك ديل طبقو فينا جميع نظريات الأستثمار ..ود الخدر جدادو وبقرو الموية متوفرة ليهم أكتر من سكان العاصمة.تجى إنت تنظر لينا ..

يا عثمان ميرغنى...أتذكر قصة فرعون فى القرآن؟؟؟.

أنا أسأل الله عز وجل أن يأمر النيل بالفيضان وياخدكم إنت وصاحبك ود الخدر وزمرتكم الفاسدة وينجى باقى الشعب الفضل ويىيحه من شروركم وعفانتكم.

وعلى قول : ناسك المصريين أقول ( آآآدَر يا كــــــــــــــــريم )


#146594 [yousif]
0.00/5 (0 صوت)

05-22-2011 04:38 PM
غايته يا استاذ عثمان اقتراحك ده ذكرني مثل البصيرة أم حمد، أخشى من الحكومة الفاشلة والفاسدة أن تستمع إليه - ويبدو ان ذلك سوف يحصل لأن مقالك هذا عبارة عن دعاية وتهيئة الأجواء لذلك- مشكلة السودان مع هؤلاء الأوغاد هي الفشل والفساد. بالله بلاد يجري فيها أطول نهر في العام ويطلع لينا صحفي غفلة مثلك ويدعو لخصصة المياه؟ سبحان الله.


#146579 [الامين #]
0.00/5 (0 صوت)

05-22-2011 04:06 PM
اعلانات !!!!!!!
عثمان ميرغني وشركاه ( خبراء تجميل حكومات) !!!!!


#146577 [واحدة كرهت السودان ]
0.00/5 (0 صوت)

05-22-2011 04:04 PM
والله حاجة تحرق الدم عليك الله ده اقتراح ؟ ولا انت من ناس الدرجة الاولي وعندك حمام سباحة كمان ؟؟؟؟؟ حسي بيعملوها ليكم قطاع خاص ويمسكها كوز ويطفح الناس السم الهاري بدل الموية وابقي تعال قابلني بعد 50000 سنة لو اتصلح حال الموية
هي الفلوس البياخدوهاحسي شوية انحنا منزل درجة ثالثة وبندفع 45 ج في الشهر مين قال اننا بندفع 15 ومرات في الشهر الواحد بندفع مرتين علشان الايصال الفات ده مزور ، كرهتونا حياتنا وكرهتونا البلد ، بدل الفلسفة الفاضية بتاعتك دي قول ليهم خففوا السف شوية والفلوس البتنهبوها من الناس دي اعملوا بيها شوية تنمية للبلد مش لجيوبكم يا حرامية .


#146567 [مومو]
0.00/5 (0 صوت)

05-22-2011 03:37 PM
أعتقد أن هذا الإقتراح جميل جداً ومناسب مع كل فئات المواطنين وذلك كلٌ حسب دخل الشهري .. ثانياً لا تنسي السيد/الوالي بأن العاصمة يمر بها أطول وأعذب مياه في العالم فكيف يكون جلب المياه عبء عليه المواطن .. مع العلم أننا ندرك تماماً إرتفاع تكاليف الآليات والصيانة والمعدات ... أعفوا كل مستلزمات المياه المستوردة من الضرائب والجمارك والرسوم المحلية ... وإن شاء الله تشرب العاصمة من غير مشقة في الفواتير والسدا د ... والله من وراء القصد...


#146566 [راشد]
0.00/5 (0 صوت)

05-22-2011 03:36 PM
ولكن ياسيد عثمان
يجب ان يتم النظر الى موضوع مياة الشرب بأنها خدمة وليست سلعة .. تتربح من خلالها الحيكومة ,,,,
وهى حاكومة ماقادرة توفر مياة شرب نقية لمواطنيها قاعدة لى شنو
قومو يرحمكم الله


عثمان ميرغني
 عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة