المقالات
السياسة
ارشيف مقالات سياسية
العلامة الكاملة شمار فى مرقه
العلامة الكاملة شمار فى مرقه
05-24-2011 09:14 AM


العلامة الكاملة شمار فى مرقه
محمد حسن شوربجى

بالامس طارت العلامة الكاملة من الوصيف حيث كان متصدرا للدورى وبفارق عن الهلال ولعل التاريخ يعيد نفسه وحين استطاع الحصان الازرق اجتياز الحصان الاحمر فى اللفه الاخيرة لكى يفوز بالدورى وقد يتكرر المشهد فى هذا العام رغم امتلاء المريخ بالنجوم من حارس حراس العالم كما يقولون او ملك ملوك افريقيا وغيره
ورغم انشغال الهلال بدورى الابطال الا انه لا محالة قادم وسوف ينال دورى هذا العام بأقتدار رغم تفرغ المريخ وتركيزه العظيم بنيل العلامة الكاملة التى تبخرت
فلقد عمق سولى شريف جراح المريخاب وهم يتأهبون بالاحتفال بالعلامه الكاملة والانجاز بعد الخروج المذل من دور ال 32وامام بطل انجولا
حتما سيشتعل الدورى الهزبل منذ الآن وقد كان رتيبا واندية المقدمة تحصد النقاط تباعا وبأعداد وافرة من الاهداف حتى اقلق ذلك الكثير من الحادبون على الكرة السودانية والذين يرون فى ذلك تدنيا للمستوى الكروى وقد ارتفعت اصوات هلالية تنادى بالانسحاب من الدورى حفاظا على الهلال والذى توهمه مباريات الدورى كثيرا وبنتائجها الخادعة والتى لا تفيد الفريق فى مقيل ايامه وبطولة الكبار التى تحتاج الى احتكاك حقيقى مع فرق لها باع فى المحيط الافريقى ,
مازلنااخوتى ننادى بتكثيف اعداد الهلال مع عدم الركون الى تجارب الدورى الممتاز والتى نراها متواضعة جدا اذا ما قورنت بالدوريات الاقليمية والتى تشتعل كثيرا من حولنا ,
ارجو صادقا ان لاتنخدع الفرقة الهلالية بالمستوى الذى يقدمه الهلال محليا لان بطولة الكبار هى نار مشتعله يسقط فيها الفريق الاضعف ويغادر البطولة مبكرا ان هو استهان بالاعداد الجيد والاحتكاك الحقيقى ,وعندما طالبنا سابقا بانسحاب الهلال من دورينا الهزيل كان ديدننا ان يرتفع الهلال بمستواه دون الركون الى نتائج الدورى الخادعة والتى نظل نطبل لنتائجها ونفرح بها محليا لنصطدم بالفرق الافريقية ومستوياتها الرفيعة التى تفاجأنا بها ,
ما هو مطلوب من الهلال هذا العام هو الكثير وما هو مرتجى هو كأس البطولة الافريقى لذا فلا يمكن ان يشغل الهلال نفسه كثيرا بمكايد الاعلام السالب وما يروجه من تهويل بحقيقة الدورى والعلامة الكاملة فى وقت يشهد الناس دورى متواضع يحاول المعلقون الرياضيون وبأصواتهم الجهورية تحويله الى دورى حماسى شأنه شأن الدوريات من حولنا
كذلك نتمنى اخوتى ان يراعى الاتحاد العام برمجة الهلال فى هذا الدورى وان لا تتقاطع مبارياته وتصطدم بمباريات الدورى
سولى شريف ولد الهلال السابق وبهدفه الرائع فى المريخ قد يشعل حماسة هذا الدورى الهزيل وهذا ما نتمناه حتى يجنى الهلال فوائد جمه من استمراره فى هذا الدورى
لا نريد اخوتى ان يغرد ناديي القمة خارج السر ب وان تهلل الصحافة الرياضية للعلامة الكاملة والانجاز العالمى وووووووو نريد اخوتى كورة حقيقة تنافسية اسوة بالدورى المصرى او السعودى حيث المتعة والتشويق ولا نريد كما من الاهداف ومن طرف واحد لان ذلك دليل على تواضع الخصم فما فائدة ان يستجلب المريخ او الهلال مثلا الكثير من نجوم افريقيا المحترفين ليهزم كل فريق محلى بنصف دسته من الاهداف فلا اظن ان ذلك مقياسا حقيقيا للكرة السودانية نظل نطبل له طويلا فى الاعلام الرياضى والمليئ بالسالب نريد فرقا كأنبى والجونه والاتفاق والقادسيه ومستوى رفيع يليق بالرياضة السودانية الموغلة فى القدم حيث كان المنتخب السودانى يمثل من فرق اتحاد مدنى واهلى مدنى ونيل الخرطوم وتحريرها.


تعليقات 9 | إهداء 0 | زيارات 2201

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#148880 [محمد حسن شوربجى]
0.00/5 (0 صوت)

05-25-2011 10:57 PM
والله موهومين ناس الاعلام السالب وهم يطبلون للوصيف وهو يحصد النقاط فى بطولة العلامة الكاملة فاكرين نفسهم انهم اكثر شأنا من برشلونه والله يا اخوانا الدورى تعبان وصدقونى انوا تعبان ورتيب ولا طعم له ولا رائحه والهلال متضرر منه لانخفاض مستواه ولكن مين بيقدر يقول البغلة فى الابريق ده دورى معتصم والاعلام الاحمر مسيخ زيهم ,
اخونا مزمل ابو القاسم ما مصدق نفسه بالدورى ده والله مهزله يا مريخاب


#148773 [safwat elbadri]
0.00/5 (0 صوت)

05-25-2011 07:22 PM
والله شوف اانت كتاباتك جمييلة جدا وبتهبش الوتر الحساس بالنسبة للدورى الهزييل بتاعنا ده لكن اخوانا المريخاب دييل الغاشيهم اعلامهم السالب وبشهادة اكبر راس فيهم (الوالى) البغش فيهم ومصور ليهم انو المرييخ دة اقوى من برشلونة وهم الدلاقيين مصدقييين نعمل ليهم شششششششنو ؟؟؟؟؟؟؟؟؟؟؟؟؟


#148541 [محمد حسن شوربجى]
0.00/5 (0 صوت)

05-25-2011 02:03 PM
ما زلت على رايي ان الدورى هزيل وهاهو الهلال يقصى جزيرة الفيل بنصف دستة اهداف والله كورة لا تليق بنا نظل متسمرون امام التلفاز لنشاهدها , فلن يفلح الهلال وبهذا الدورى مقارعة عمالقة افريقيا وكان رايي ان نتركه للوصيف هذا العام وتجهيز الفريق باحتكاك اكثر قوة مع دول بعينها ولكن هاج المريخاب وماجوا واطلق بعضهم كل سمومه ليرفض تخلى الهلال عن الدورى وتركه للوصيف , وبالعكس كده وبعد الخسران المبين امام الاهلى ومسمار سولى الذى دك حصون الحضرى اصبح الهلال اكثر قربا لنيل شرف الدورى ’
وليبقى الاعلام المريخى السالب يحصد الحصرم ويبقى على الدوام مره حين خرج من بطولة الكبار والاخرى حين يخسر الدورى
وما على الرسول الا البلاغ


#148287 [شوقى عبده]
0.00/5 (0 صوت)

05-25-2011 09:30 AM
والله يا شوربجي مقالك ده شافع فى الروضه يكتب احسن منه على الاقل بيعرف كتب شنو



الهلال مشغول بالبطوله الافريقية


انت انهزمت امام المريخ البطوله الافريقية كانت شغال داخل قلبك الحاقد بس


قال الهلال مشغول بالبطوله الافريقية


يا شوربجي احترم ندقنك ما تضحك الناس عليك ساكت


#148144 [algam]
0.00/5 (0 صوت)

05-24-2011 11:54 PM
اول حاجة يا شوربجي حقو تكتب رثاْ علي خسارتك من المريخ لا فحا لفوز غيرك علي المريخ وصحيح الاختشوا ماتوا .
ثانيا يا رشاشة المريخ كبير بي انجازاته لا بانجازات غيره عندما نقول المريخ غلب الهلال 1\\صفر اظنها حارة من ان اهلي الخرطوم هزم المريخ 1\\صفرق فرق يا شوربه مش كده .
ثالثا يا سليقه عندما يكتب ملك الصحفيين مزمل ابو القاسم يكتب برؤية كرويه يعني يا سليقة مزمل عارف بيعمل في شنو وليه بيكتب كدا ما زيك يتظر لحدي ما تحدث الحادثة بعد داك يكتب والمثال مقالك دا جاْ بعدهزيمة المريخ وبالرغم انها غير متوقعة حتي من الهلالاب خليك من انصار الاحمر الوهاج يا ابو السلق .
رابعا هل تعلم ان الحقد دفين في دواخل الهلالاب علي المريخ ليه ؟ اظنك بتعرفاكتر مني .
واخيرا وليس اخرا المريخ هامة بمعني الكلمة وتاريخ طويل وعريض وفات الكبار والقدرو وانت بس قل اي حاجة تلقي المريخ واضح قدامك ما بيبحث عن انجاز وهمي ولو غلبكم يا هلالاب قولوا مريخ عظيم .


علقم المر


#148083 [الحوت]
0.00/5 (0 صوت)

05-24-2011 09:52 PM
بالله الناس فى شنو وانت فى شنو ؟؟؟؟

والله اصحاب العقول فى راحه


#147795 [مدحت عروة]
0.00/5 (0 صوت)

05-24-2011 01:13 PM
انا مريخابى ولا اكذب عليك اذا قلت انا ما زعلان من الهزيمة لكن هى كرة القدم الاهلى لقى فرصة و جاب منها قون و قرط على كده كان بيدافع بى 10 لعيبة نفذ خطته باحكام يحسب له و لجهازه الفنى المريخ ضيع فرص كثيرة جدا بعامل الشفقة و عدم التركيز و ما اتعامل مع المباراة بتكتيك جيد و لم يحترم خصمه و هذا يحسب عليه و على جهازه الفنى الموضوع بغاية البساطة هو هكذا و بلاش من الكلام الغير علمى انت عايز الهلال او المريخ يفوزوا فى كل الاحوال!!!! يا راجل!!!! ماهو عشان كده الدورى السودانى لا ذكر له فى كل الصفحات الرياضية فى العالم والله انا هنا فى جدة بيجيبوا سيرة كل الدوريات العربية و الاجنبية حتى الدورى اليمنى الا السودانى وفى اسطر قليلة فى صحيفة الرياضية السعودية!!!! زى ما قال احد الاخوان لمن يكون عندكم فرق قوية غير المريخ و الهلال بعدين تعالوا اتكلموا!!!! كسرة:ياخى برشلونة اتهزم فى ارضه من فريق هيركيوليس الصاعد حديثا للدورى الممتاز الاسبانى!!! فى النهاية الفريق البيكون اداءه احسن فى الميدان و يكون لياقته البدنية و الذهنية عاليتين و منضبط تكتيكيا هو الفريق الاجدر بالفوز!!!! و حكاية فنايلنا اكان لعبت ضدكم بتغلبكم ده كلام فارغ و غير علمى!!!!! والله ما ضيع المريخ و الهلال الا اعلاميهم!!!!


#147635 [الشعب الفضل]
0.00/5 (0 صوت)

05-24-2011 10:09 AM
هو حووصة بخلي المريخ يمشي لي قدام ؟ والله نجهو نجهة في اخر لفة !!!!!!
امل من الاخوة المريخاب ان يشوف اعارة للاتية اسماؤهم :
مزمل ابوالقاسم
حسن محجوب
احمد محمد احمد
شجرابي
مامون ابوشيبة
وبقية العقد الكج
لانه ما في واحد بكتب فيهم بعقلانية غير عبد المجيد عبد الرازق لانه فعلا فاهم
والبقية ارمي في الزبالة


#147610 [نادر]
0.00/5 (0 صوت)

05-24-2011 09:42 AM
اولا انسحاب الهلال يا سيدي يعني فقدانه تمثيل السودان افريقيا لأن الذي يحدد الفرق المشاركة افريقيا هو الاتحاد العام وليس الجمهور والاتحاد العام يحدد الفرق وفق بطولته التي ينظمها
اذن انت تريد الهلال ان يلعب مباريات ودية مع الفرق المصرية والسعودية التي لا تفيده في شي ولا حتى تجد المتابعه
ثانيا انت محق فيما طالبت به دوري قوي فيه اكثر من ناديين متنافسين على بطولته وذلك يحتاج الى دعوة الموسسات الحكومية مثل الشرطه والجيش وغيرها ذات القاعده العريضة والامكانيات الوفيرة والشركات الكبرى امثال شركات الاتصالات والبترول وغيرها ان ترعى الفرق الاخرى غير هلال مريخ رعاية كاملة او ان تنشي فرق تمثلها
ثالثا لا اعتقد ان هزيمة المريخ تعني شي بالنسبة للبطولة الضعيفة اصلا وانما تفرح عشاق الازرق تلاته ارباع السودان وتحزن عشاق الاحمر الربع الباقي
ولا ابالغ ان قلت حتى في الاهلي نفسه تفرح الهلالاب وفي نفس الفريق تحزن المريخاب فيه
والاكثر شي غرابة ان تلعب القمة بالولايات فتجد اكثر من نصف الجمهور وطبعا بما فيهم الاداريين وقادة الاتحاد المحلي وامكن الوالي واقفين ضد فريقهم شوف الكرم ده


محمد حسن شوربجى
محمد حسن شوربجى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة