البشير (عضلات تبش)..!ا
05-26-2011 03:37 PM

حروف حرة

البشير (عضلات تبش)!

لنا مهدي عبدالله
[email protected]

• بحسب \"الشرق الأوسط\" اللندنية ومن خبر موثوق كتبه الصديق \"فايز السليك\" قرأت بضعة سطور جعلتني أفرك عيني عدة مرات!

• الخبر نصه:(( توعد الرئيس السوداني عمر البشير بملاحقة المواطنين الجنوبيين بعد التاسع من يوليو (تموز) المقبل ما لم تتم تسوية أوضاعهم بالشمال، وشدد على أن «الجنوبي جنوبي والشمالي شمالي» )).

• الجنوبيون مضوا في طريقهم وتركوا لرئيس النظام عمر البشير وزمرته الجمل بما حمل، فلماذا التصريحات الهوجاء بمطاردة الجنوبيين في الشمال وملاحقتهم إذا لم تتم تسوية أوضاعهم؟!

• وهل هذا الأمر يستحق تصريحاً رئاسياً (قدر الضربة)؟ أو يستحق أن يضيف رئيس النظام لقائمة سقطاته الصحفية والإعلامية سقطة إضافية؟!

• وهل المقيمون بطرق غير قانونية من العرب والأفارقة وكل ملة ونحلة جعلت السودان قبلة تمت تسوية أوضاعهم وبالعدم تمت أو ستتم ملاحقتهم كما سيفعل الرئيس ال(دمه حار) بالجنوبيين؟!

• وما الداعي للتربص والاستهداف والإمعان في الكيد في قول رئيس النظام: ((الجنوبي جنوبي والشمالي شمالي))؟! (هو في زول مغالطك)؟؟!

• الجنوبيون اختاروا الانفصال وسيحمل رئيس النظام ونظامه عار تمزق الوطن وتشتت شمله ولن يغفر لهم التاريخ ذلك ولن يغفر لهم بنو الوطن ذلك!

• سيحمل رئيس النظام ونظامه عار أنهم لم يجعلوا الوحدة شعاراً جاذباً لإخوتنا في جنوب الوطن ففروا من الشمال وجحيمه واختاروا خيارهم النهائي!

• يا رئيس النظام وأجهزته فرد العضلات لن يجدي فتيلاً في هذه المرحلة الحرجة من تاريخ السودان؛ فالوضع يستحق الاحتكام للعقل وتغليب مصلحة الوطن وتقديم خير بنيه على المصالح الذاتية الضيقة!

• نصيحة لوجه الله: إجمع كل اللقاءات الصحفية والسيديهات الخاصة باللقاءات التلفزيونية للحبيب الإمام الصادق المهدي رئيس حزب الأمة القومي و(ذاكر) جيداً لتتعلم كيف تواجه أسئلة الإعلاميين؛ فلو كان ما تقول محبوساً في أروقتنا الداخلية بوسائل الإعلام والصحف المحلية فلن يسألك أحد؛ أما والأمر مبذول للعالم الخارجي فكفانا فضائح!

• وهمسة أخيرة: العضلات التي تفردها يا رئيس النظام ما هي إلا محض (عضلات تبش)، فارحمنا بالله!!!
مع محبتي؛


تعليقات 14 | إهداء 0 | زيارات 4474

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#150576 [أبو السرة]
0.00/5 (0 صوت)

05-29-2011 05:11 AM
ياخلودي أنت لسه بتفرفر كمان في الراكوبة - نظام البشير ما منو رجا - احسن تفتشوا على مجلس ستيني يا مسكيني -


#150137 [محي الدين]
0.00/5 (0 صوت)

05-28-2011 11:12 AM
مع محبتي الأخيرة دي لي منو


#150025 [gaffer coal]
0.00/5 (0 صوت)

05-28-2011 01:43 AM
is that means he is going to hunt them down like Marya Carey said huh.....


#149591 [ابوهاله]
0.00/5 (0 صوت)

05-27-2011 12:00 AM
نعم يا اميرة هكذا عهدناك كرباج في ظهور الظلمة والطغاة اما كاتب التعليق الذي يقول يريد فتح ملفات الامام دا ما بخجل والله هل شعبه حمل السلاح ضده هل شرد شعبه هل مطلوب للعدالة الدولية هل يوم واحد قرا للامام كلام لا يهم مصلحة الدين والوطن ولكن هؤلا يبدوا لي من اصحاب الامن الالكتروني ووفقك الله والخزي والعار للجبنا الذين ضيعوا الوطن والمواطن الله يقلعهم


#149566 [ابو محمد]
0.00/5 (0 صوت)

05-26-2011 11:00 PM
يا بت كلامك دا بيزعل حتى الامام الجاري الايام دي يفاوض البشير. انت ما عارفة انو كلام البشير عنتريات في الهواء زي طلاق وداد و فاطنة ايام قرار مجلس الامن بخصوص قوات دولية في دارفور. انتي فاهمة و زيادة البخليك تابعة للمفاوض الطامع في خير الكيزان ( الصادق لمهدي) شنو؟؟؟
يا لنا مهدي انا معجب بقلمك و افكارك ولكن ناس حزبك بيحبوا البشير و ملياراته موووووت.


#149492 [امين الشريف]
0.00/5 (0 صوت)

05-26-2011 08:11 PM
الى محمود نحن راضيين بي كلامها ده وهي ما قالت الا الصاح الذي لا يقدر على قوله امثالك بعدين البت دي مأدبه اكتر من ناسك البطبل ليهم ديل المنافقين الكذابين مصاصي الدماء وكونها تقعد في السودان اوخارج السودان هذا ليست لديك علاقة به ولها الحق في ان تقول ما تريد وارحم نفسك انت وخلي كسير التلج وحرق البخور يا ذيل ...


#149468 [amar]
0.00/5 (0 صوت)

05-26-2011 07:20 PM
للاخ خالد
اذا سلما جدلا بصحة كلامك وان كلام الرئيس الناس متفقة علية ....هل تعتقد ان الرئيس نفسة قادر علي الوفاء بكلامة ...لقد عودنا الرئيس المفدي علي الصراخ والتحديات والعنتريات والقسم المغلظ علي ان لا يحدث كذا وكذا ...ولكن سرعان ما يتضح عدم صدقة وعدم مقدرتة علي الثبات علي موقفة ...لانة ليس لدية الاستعداد للمواجهة ...وكل الذي عندة لحظة هايج سرعان ماتزول ...ولو ما مصدقني انتظر وشوف القادم...


#149467 [mahmoudjadeed]
0.00/5 (0 صوت)

05-26-2011 07:19 PM
وحدة جاذبة وين ؟! والله لو فرشوا للجنوبيين الأرض ورد وحملتهم الحكومة على أكتافها لن تحصل وحدة ( اتفاقية نيفاشا كلها مختزلة في حق تقرير المصير وحق تقرير المصير هو الانفصال ) يعني الجوطة دي كلها عشان الجماعة اياهم يفصلوا الجنوب ويجو يقعدوا فيه شوكة حوت لا تتبلع لا تفوت . وامريكا ما رعت الاتفاقية عشان سواد عيونكم الاتفاقية كلها عشان الانفصال ده تجي تقول لي الحكومة ما سعت للوحدة وعضلات تبش وخرابيط .


#149448 [مسلم]
0.00/5 (0 صوت)

05-26-2011 06:36 PM
يامحمود انت مداهن ولا راكب بص كوستى شماعة

قال ولى امر ولى امر بتاع ايه دا راجل طرطور ما يفقه شى

والزيك دا حلاهو يتفرعن ويركب فى راسنا ربع قرن من الزمان



#149396 [Abdulhamid]
0.00/5 (0 صوت)

05-26-2011 05:05 PM
Please,Mr.president add all non-Arab group of Northern Sudan to your declearation.


#149392 [Adam Idriss]
0.00/5 (0 صوت)

05-26-2011 04:55 PM
الله يخليك يا بتنا والله الشجاعه العندك رجال بدقنهم ما بتتلقى عندهم


#149388 [خالد]
0.00/5 (0 صوت)

05-26-2011 04:45 PM
بالمناسبه انا نسيت حاجه مهمه بخصوص السيد الامام الصادق المهدي قبل كده في قناة الجزيره مباشر كان بيتلقي اسئله علي الهواء وبيرد عليها قام واحد من الجنوبيين فاجئوا وفجعوا بسؤال زي السم قال ليهو انت المتسبب في مذبحة الضعين وكمان مذبحة عنبر جوده المهم انا ما انتظرته اجوبة السيد الامام لانو اعلم ان ايام حوادث عنبر جوده الامام كان في كي جي ون لكن بس اردت ان اوضح انه لا فائده ترجي من اي علاقه جنوبيه شماليه لانو هنالك حاجز نفسي اتبني وصعب ازالته حتي لو اتينا بمليون سيجموند فرويد


#149382 [محمود]
0.00/5 (0 صوت)

05-26-2011 04:31 PM
الاخت الكاتبة
السلام عليكم ورحمة الله وبركاتة
والله خجلة ليك مافي سوداني برضي كلامك
اولاً: عدم التأدب مع ولي الامر
ثانياً : انتي شكلك ما قاعدة في السودان عشان كده مامتابعة
ثالثاً: ماعارف اقول ليك شنو
لكن ارحمي نفسك انتي وامامك البتقوليهو ده وااخير ليك تشوفي ليك حبيب تاني .زماتخلينا نفتح ليك ملفات حبيبك (الامام)
لك الشكر


#149375 [خالد]
0.00/5 (0 صوت)

05-26-2011 04:27 PM
الكاتبه المحترمه استاذه لنا مهدي
لك الود والاحترام
مع كامل التقدير لافكارك ووجهة نظرك لكن لاول مره فخامة السيد الرئيس يقول كلام ينال اجماع كامل من الشارع الشمالي كل انسان يتحمل تبعات خياراته وما افتكر انو ناس صوتوا بنسبة 98% يستحقوا ان ننظر ليهم بعين الرأفه
والادهي والامر انهم يفتعلون المشاكل والازمات هل يمكن ان ننسي دماء ابنائنا الذين تم قتلهم بدم بارد في الكمين الذي نصبته الحركه العشوائيه للجيش السوداني
رد الفعل الحاصل ده وما سيحدث للجنوبيين يتحمله بالكامل افراد عصابة ال باقوني في جوبا
وعلي اهلها جنت براقش اوووووووووووووه سوووووووووووووووري اقصد علي الجنوبيين جنت الحركه الشعبيه ودمتم


ردود على خالد
Saudi Arabia [Wally] 05-27-2011 06:05 PM
يا خالد النباح و العنتريات هي التي جعل البطل صدام ان ينتهي بهذه البساطة ووقعة البشير سيكون الاسواء ومن معهم والبنت اشرف من اي مطبلاتي يتحدث عن البشير الرئيس الاول الرقاص والبليد في العالم


لنا مهدي عبدالله
لنا مهدي عبدالله

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة