المقالات
السياسة
ارشيف مقالات سياسية
جعلي عليّ وفي الخليج نعامة
جعلي عليّ وفي الخليج نعامة
05-31-2011 02:11 AM

جعلي عليّ وفي الخليج نعامة

ايمان حموري
[email protected]

القبيلة هي جماعة من الناس يرجع نسبها الي جد واحد والسودان من الدول المتعددة الاعراق والقبائل الخليط مابين العربيه والزنجية اوالافرو عربية وعروبة السودان كانت ومازالت مسارجدل بالرغم ان هنالك قبائل في السودان لا تتحدث سوي اللغة العربية حيث ان هنالك الكثيرالاخوة العرب
لا يعترفون بعروبة السودان بالرغم من تصنيفه كدولة عربية وهذا ملاحظ
في كثير من الدول العربية حيث يعتقدون ان تحدثك للغه العربيه غير كافئ
لاخذ لقب (عربي) فنظرة البعض العنصرية لبشرة اغلب السودانين (العرب) اغمق من بشرة (العرب العرب) وحتي بعض العرب عندما يقلدون السودانيون يؤنثون المذكر ويذكرون المؤنث وهذا مستمدا من الافلام
العربية المصريه القديمة وهذا طبعاً خطأ شائع فعرب السودان لا يؤنثون ولايذكّرون بالرغم من ان( لا التذكير عيب للشمس و لاالتانيث عيب للهلال) ولنكون صرحاء مع انفسنا فعروبتنا فقط داخل السودان بين قبائلنا السودانية ، ولكن في بعض الدول الخليجيه والعربيه المجاورة نحنا لست كذلك بل كلما يقال علينا لتخفيف العنصري ( السودانيون أناس طيبون) يعني بالواضح (الجماعه السودانين العروبتهم زايدة شويه لو لحقو قطعو البحر الاحمر دا حا يعرفو حاجة !) حتي كلمة (زول)تغاضو عن معناها
الحكيم (كلنا الي زوال )واستخدموها للسب والشتم في بعض الدول العربيه حتي في امريكا التي يقال عنها انها حاربت العنصريه بالقانون والدستورلديهم في اغلب فورمات العمل والدراسه سؤال عن اللون اي ما هو لونك ؟لا ادري لماذا ؟ طبعا هذه هي الطبيعه البشريه كل يري نفسه هوالافضل ،تباهي بقبيلتك تباهي بعشيرتك ولكن دون الاساءة للاخرين لسبب واحد هو انك لم تختر (قبيلتك او لونك او حتي جنسيتك) فكل هذاالخيار رباني فمن الغباء ان نسئ للاخرين نسبة لالوانهم او سحانتهم فنحن لم نخلق انفسنا ، اعتز بنفسك كيفما كنت واينما كنت ارفع راسك ولاتنحي لاي شخص مهما تكن قبيلته او جنسيته (احترم اللي يحترمك فقط ) العربي عربي لنفسه والزنجي زنجي لنفسه والغني غني النفس
اخر الشاي
الليلة ساير يا ود القبايل
مع مودتي
ايمان حموري


تعليقات 10 | إهداء 1 | زيارات 3945

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#153089 [المسلم]
0.00/5 (0 صوت)

06-02-2011 08:15 AM
من قال ان العروبة شرف
الاسلام هو من نقل العرب الهمجيين المتحاربين المتقاتلين قطاع الطرق الحفاة العراة الى مراقى التسامح والسلام والامن والمحبة وانشا النظم

فيجب علينا ان نتناسى كل اعراقنا وننصهر فى بوتقة الاسلام فقط لا غير ونتشرف بها

لافضل لاى جنس على اخر الا بالتقوى اليس هذا ما يقولة الدين الحنيف

اللهم لك الحمد على نعمة الاسلام
اللهم امتنا فطرة الاسلام

الحمد لله


#153078 [عبد الله ]
0.00/5 (0 صوت)

06-02-2011 07:53 AM
عبد القوي يبدو عدم فهمك هو الذي قادك لما قلت .
بعدين من قال : إن العرب ( حلب ) ( وبيض ) ؟
واستدلالك بالصورة ينطبق عليه المثل ( كل زول عاجبوا الصارو ).
ولكن ليس بالضرورو عجبك يعجب الناس .


#153034 [أبو هاشم]
0.00/5 (0 صوت)

06-02-2011 01:59 AM
التحية للأخت إيمان والإخوة المعلقين.

الحمد لله على نعمة الإسلام. نحن كسودانيين نشأنا في بيئة متعددة الأصول وتعلمنا
منذ صغرنا على إحترام الناس بغض الناس عن أشكالهم وألوانهم لأننا في داخل الأسرة الواحدة تجد هذا التباين. ثم جزى الله خيرا معلمي التربية الإسلامية بالمدارس الذين بفضل جهودهم تلصنا تماما من عقدة الإنتماء إلى الأعراق. ثم بعد ذلك من الله علينا بالمعارف الإنسانية والتي إقتنعنا تماما بأن العنصرية بالألوان والأصول شيء تجاوزه الزمن.

تعقيبا على ما ذكر الإخوة المعلقون فالسحنات الزنجية والعربية موجودة لدى القبائل في السودان التي تسمى عربية أو أفريقية فالتمازج الذي حدث لم يكن تمازجا جينيا فقط بل تمازج ثقافي أيضا. لذلك تجد أن هناك قبائل إفريقية إستعربت وأخرى عربية تأفرقت وهذا لا يقدح في شخص الإنسان إذ لا يضره في شيء,

بالنسبة لممارسة العنصرية ضد السودانيين في الخليج فهذا معروف للجميع وأكثر من يمارس هذه العنصرية وللأسف ليس الإخوة الخليجيين فقط ولكنهم الشاميون من سوريين ولبنانيين وفلسطينيين. والعنصرية في الخليج عدة أنواع فهناك عنصرية اللون وعنصرية الثقافة وعنصرية المال. فتراهم يحترمون الشوام لأنهم في نظرهم أرقى منهم في اللون والثقافة ولا يعملون عادة في الوظائف الدنيا. أما عنصرية الثقافة فهم يجهلون الثقافات الإفريقية عموما وطبيعي لذلك السبب يرون الأفارقة بمافيهم السودانيين أقل منهم ثقافيا كما أنهم في الغالب من بلدان أقل منهم إقتصاديا لذلك كان لهم نصيب كبير من الممارسة العنصرية ولكن للحقيقة يتمتع السوداني بإحترام لا يجده إخوانه الأفارقة الآخرون لا أدري إن كان بسبب الخصال النيلة للسودانيين أم هو شيء متوارث منذ القدم لما كان يأتيهم من خير من السودان.
بالنسبة لعنصرية المال فأوضح مثال هو نظرة الخليجيين لليمنيين وهم يحملون نفس الأعراق ونفس الثقافة ولكن مع ذلك ياعنون أيضا من العنصرية.

كما ذكرت كاتبة المقال بأن إخواننا في الخليج عندما يقلدون السوداني يذكون ويؤنثون هذا صحيح ولكن ليس هذا فحسب بل يتعمدون تكسير الكلمات فبنطقون القاف غينا والحاء هاء والخاء كافا. قد يقصدون بذلك الإشارة إلى أن السودانيين ليسوا بعرب ولكن يجب أن نعرف أيضا أن الكثير من السودانيين الذين يعملون في الخليخ من أواسط وغرب السودان وشرق السودان وحتى من شمال السودان والكثير من هؤلاء (سواء كانوا من العرب أو الأفارقة) يتحدثون بهذه الطريقة فيذكرون ويؤنثون وينطقون احاء هاء والغين خاء وهؤلاء منهم من يعمل في القصور ومنهم الرعاة ومنهم المدرسون والإخوة الخليجيونا يأخذون منهم.

وبانسبة لما قالت الكاتبة بأن السودانيين لا يذكرون ويؤنثون فهذا صحيح على مستوى العامية السودانية التي نتعامل بها وكذلك لدى كثير من القبائل العربية ولكن العامية السودانية قد دخلها تحسن كبير وما زال يتحسن بفعل التعليم لدخول مفردات من اللغة الفصحى باستمرار فمثلا في جيل الستينيات كنت تسمع مفردات مثل شمش وغرية وحل محلها شمس وقرية ولكن ما زال القاموس حافلا بكلمات مثل كراع وشلاليف التي قد تزول بالتدريج.


#152327 [Zingar]
0.00/5 (0 صوت)

05-31-2011 11:36 PM
يا أخ حامد أبوعبدالمجيد إفتكر كلآمك مبهم شويه ماعارف أيه العلآقه مهضومات ومقبولآت وبذل فيها دماء ورجال...وأيه هو اللى مش محتاج للتصحيح ...يا أخى الكريم الموضوع أللى كتبته الأخت إيمان لم يتطرق بتاتا لضرب ودم ورجاله ثم إنه أنا كانت لى ملآحظه فى جزء ضئيل من موضوعها وليس كل الموضوع ولذلك طلبت التصحيح فى كلآمى أنا وليس كلآمها هى من السودانيين الأمريكيين بالتحديد لسبب أعرفه جيدا...فيا أخ حامد إذا سمح وقتك هل يمكنك مراجعة الموضوع وتعليقى عليه بتأنى وشكرا.


ردود على Zingar
United States [الكيك] 06-01-2011 06:37 PM
مسؤولين من الخير . . تفتكروا اندماجنا مع مصر في تكوين دولة عربية واحدة ما بيساعد في قبولنا كعرب كاملين مثلهم ؟!! طيب تاني نعمل شنو ؟ الجنوبيين و لانهم ما بيشبهونا فصلناهم . . النوبة و الفونج و الفور و غيره لغينا وجودهم و أعلنا السودان دولة عربية - تاني نعمل ليهم شنو ؟! لو عارفين ليكم حاجة تانية ممكن تتعمل قولوها نعملها و لو مافي أقلعوا رؤوسكم المدفونة في الرملة دي و واجهوا الحقيقة و بطلوا أوهام . .

Saudi Arabia [حامدابوعبدالمجيد] 06-01-2011 09:08 AM
صباح الخير عليك
انا بتكلم على الفورم بتاع الامريكان ماعلى المقال ابيض واسود تصنيف عنصري وبغيض زي ماختيت هنود حمر واسيويين ممكن افارقة واستراليين لي ابيض واسود موش ممكن ابيض واسود ديل نلقاهم فى اثنية واحده
انا قريت المقال كويس ورديت عليو وقريت كلامك ورفضتو لا ن السود فى امريكا كافحوا وناضلوا فى قضيتم يشوفو تصنيف راقي شوية موش بلد تمثال الحرية والديمقراطية ولا حكي جرايد ساكت بعدين وين المواثيق الدولية البتحرم جنس الكلام ده


#152291 [إالشاهد]
0.00/5 (0 صوت)

05-31-2011 10:07 PM
ليس المقصود بكلمة زول المعنى الحكيم كما أوردتي، ولكن معناها: الشخص اللطيف الظريف، جاء في تاج العروس من جواهر القاموس، الزول: العجب، والزول: الصقر، وايضا: فرج الرجل، وايضا: الشجاع، والرجل الجواد ، والجمع أزوال، وعندما نسمع عبارة \"يازول\" نلتفت بكل فخر وثقة لما يمتاز به الزول من شهامة وهمة، ونحب أن ننادى بها بغض النظر عن صيغة النداء،
نثق في أنفسنا ولا نلتفت للاستهزاء، صحيح بعضهم يلفظها بقصد \"التريقة\"، ولكن وجدنا \"الزول\" في دول الخليج علامة مميزة للتفاني في العمل والأمانة والإخلاص، صحيح قد حدث تغيير لبعض الأزوال منذ 30 يونيو 1989، إلا أن الزول يجد كل إحترام في دول الخليج طالما إلتزم بالقوانين المعمول بها، وكما يقول الزلم:\" يا غريب كون أديب\" وهذا من الحكمة، وهو أفضل من مثلنا:\" بلدا ما بلدك أمش فيهو عريان\"..
أفتخر بإنتمائي لمروي وكوش


#152280 [ابوبكر ]
0.00/5 (0 صوت)

05-31-2011 09:29 PM
يا بت القبايل عسع عليك الله كتابتك ده ما اكبر دليل على اننا لسنا عرب
اين ادوات الترقيم !!!!!


#152174 [Zingar]
0.00/5 (0 صوت)

05-31-2011 05:38 PM
أود أن أصحح لك معلومه يا أخت إيمان ولا أدرى من اين حصلتى على هذا الكلآم حين ذكرتى فى أغلب فورمات العمل والدراسه فى أمريكا سؤال عن اللون وهو ليس كذلك بل السؤال عن أى أثينك قروب ينتمى مقدم الطلب وهى كالتالى...
(أ) أسود
(ب) أبيض
(ج) هسبانك (يشمل القوميات الناطقه بالأسبانى)
(د) ناتيف (المواطنين الأصليين...هنود حمر)
والغرض من هذا كله هو غرض أحصائى ليس إلا... لما له تأثير مباشر على قوانين مصلحة الرعايه الأجتماعيه ومكتب العمل...ولا يمت بأى صله على حسب ما ذكرتى من توجهات عنصريه...ولو تعلمى بأن اللغه الرسميه الثانيه فى الدوله هى الأ سبانيه...
أذا كنت مخطئ فى بعض ماذكرت أرجو من الأخوه السودانيين الأمريكيين تصحيحى وشكرا.


ردود على Zingar
Canada [Ibrahim Adam] 05-31-2011 08:09 PM
معلوماتك صحيحة، يا أستاذ. و للمعلومية، كلنا فى أمريكا سود إثنياً!! حتى الخال الرئآسى!! و بالمقارنة بينو و بين أوباما، يمكن نقول أوباما حلبى!!
أكتر حاجة عجبتنى فى أمريكا الشمالية، إنها صهرتنا فى بوتقة واحدة، سودانيين و بس. والله بتذكر شاب من مدينة ديترويت; كان بيجى فى كل عطلة نهاية الإسبوع لمدينة وندسور الكندية، و الشاب دا من أب شمالى و أم خواجية بيضاء. والله دا كان من أرجل الرجال; ما بيرضى الحقارة لأىّ سودانى، جنوبى على غرابى على شمالى!! و بينشرح ليك لمجرد إنك سودانى و بيعتز بكونو أفريقى زنجى أسود، و للمعلومية، إنو من حيث البشرة أفتح من الحلب أنفسهم!!!
و الله بنبكى حسرةً على السودان لما نشوف تأثير الأصوات الشاذة من أمثال خال الريس على الأجيال الصاعدة فى السودان، و على النسيج الإجتماعى السودانى. و لكن أملنا فى يوم نتخلص فيهو من السرطان الإنقاذى القميئ دا، و يرجع السودان و شعبو زى ما كان.

Saudi Arabia [حامدابوعبدالمجيد] 05-31-2011 07:39 PM
مساء الخير عليك
ج , د مهضومات ومقبولات لكن الف وباء ديل بضرسو شوية والقصة مامحتاجة تصحيح لان بذل فيها دماء ورجال


#151887 [حامدابوعبدالمجيد]
0.00/5 (0 صوت)

05-31-2011 10:49 AM
سلام للكرام
قمتا فى بيت ابوي وامي برطنو بس عربي تك وانا طلعتا عربي بس رطانه تك ولمن امشي البلد لى اهلنا بسمونا ناس الهرتوم والمدن ناس البنطلون وبقطعو فينا عادي بالرطانه قدامنا علشان تايوان اها والعرب برضك مامعترفين بينا بالرغم من طلاقة لسانا وفي ناس يقولو ليك ديل ناس الشمال العنصريين ولمن جيت السعودية شفنا العجب العجاب ومعانا اطفالنا خصوصا البنات عقدوهم فى نفسهم وكل يوم شغالين انا وامهم دروس ثقة فى النفس وانو شكلكم ولونكم ده حيكون كده على طول ماحيتغير خليك شاطر فى دراستك وانيق فى لبسك وتعامل مع الناس باحترام ولو فى واحد اساء ليك بسبب لونك قوليو دي من عند الله وانا راضي عن نفسي وشكلي ومبسوط جدا والحمد لله النتائج ايجابية ودافعهم للقراية والتفوق بقا اكبر
موضوع مهم جدا نحن اغراب هنا فى الخليج ومستائيين جدا من التعامل العنصري مابالكم الموجود فى بلدو ووسط اهلو لمن تمارس عليو عنصرية كيف حيكون وضعو وكل الحاصل اليوم فى بلدنا الحبيب سببو التهميش والتعالي القبلي والجهوي ويجب وضع حد على الاقل من الناحية الاجتماعيه حتى نصل لمناخ نظيف نتكاتف ونتعامل ونتزاوج ونستفيد من تنوعنا لخلق قوة بدل الضعف النحن فيو اليوم
تصبحوا علي وطن


#151818 [عبد الله ]
0.00/5 (0 صوت)

05-31-2011 08:12 AM
( لا التذكير عيب للشمس و لاالتانيث عيب للهلال)
ماهذه الهرطقة ؟؟
الصواب
فلا التأنيث لاسم الشمس عيب *** والتذكير فخر للهلال
العروبة فخر مثل كل القيم الفاضلة ( في العموم )
والعروبة درجات مثل كل القيم


يعني بالواضح (الجماعه السودانين العروبتهم زايدة شويه لو لحقو قطعو البحر الاحمر دا حا يعرفو حاجة !)

نفس الكلام قاله لي سائق بكس أفريقي زيادة في القضارف والغريب أنني لم أسأله فقط كنت راكبا عنده ( قدام ) تعلى جدلا نحن عروبتنا تنتهي بعد البحر الأحمر
أما من تدافعين عنهم موضوعهم من السودان منتهي ( شوفي لك غراب جزيه )

في ناس من هنا عارفين حاجة أنت وجعك وين ؟؟؟


ردود على عبد الله
United Arab Emirates [Ali Abdelgewwi] 05-31-2011 12:01 PM
يا عبد الله
انت الواجعك وين مش بت حموري؟ اذا اخدنا الامور بفهمك المغلوط من كل النواحي كدي عاين لي صورتها كويس و عاين لي صورتك في مراية و انت احكم منو المفروض يدافع عن العروبة في السودان (برغم اني بالطبع لم ارك).
ثم قل لي يا هذا ما الذي قدمه العرب للانسانية يدعو الي الافتخار بهم؟ (لا تقع في فخ الاسلام فهو ليس من العرب بل من رب العالمين و لن اصررت علي ان الاسلام من دواعي الفخر بالعرب فاعلم ان هناك من هو قاب قوسين او ادنى من الخروج منه بسبب من يخلطون بين العروبة و الاسلام). عروبة معظم السودانيين حقا هي موضع شك حتى داخل السودان ناهيك عن شبه الجزيرة العربية و الخليج.
شكرا بت حمور على الفهم و الطرح الراقي.

United Arab Emirates [عادل ] 05-31-2011 09:57 AM
الغريب إسمك عبدالله !!!!!!!!!!!!!!1


#151806 [sabit]
0.00/5 (0 صوت)

05-31-2011 05:15 AM
who is going to tell sudanese arab albagala fy alebreeg ;( ;( ;(


ايمان حموري
ايمان حموري

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة