المقالات
الشعر
أسماء الجنيد
إشتهيت عيشة الغبش
إشتهيت عيشة الغبش
06-03-2011 10:15 AM

إشتهيت عيشة الغبش

أسماء الجنيد
somy_moon@hotmail.com

إشتهيت طُقطُق مطيراتنا الدُغش

من غير سلام فوق البرش

والشوق يتاوق من بعيد

غالبو الصبر

كرْوَشْ ترابنا على الجروف

دربا حنين خاتي الخدش

اشتهيت ريحة الفريق

ملخوخة بي شيتا كُتر

دوكة وملاح

مع فكة الريق الصباح

قهوة وعرق

والقلوة بتناغم البكر

اشتهيت مرقة بهيماتنا الفجر

لاحقه المراح

ديك الصباح

كبر وصاح

خابر الذكر

اشتهيت لمة عيال

عند الكنار جنب الترع

زفة مطامير المطر

اشتهيت مرقة بناتنا على البحر

سايقات نسيمات العصر

لافحات طرح

طمح الصدر

اشتهيت لمة كبارنا بلا وعد

والشورة فال عند الخدر

اشتهيت يا يمة ريحة هدمك الملتوق

ودهنك المعتوق

كركارو حر

كورتك ممسحة بالودك

بتناغم الديس البجر

قرضك معتق زى بخور

فصين لبان تيمان ضكر

ريحة مسيرتك جرْتَقَة

معجونه بى طين الصبر

غُرة جبينك يمة باقيالي ضي

في غربة الخوف والكدر

اشتهيت عيشةَ الناس الغبش

شاي الدغش

لبن الزريبة بلا عرش

زادى الحنين الفي الحكر

اشتهيت طبْعاً عدم في كل بلود

عدمانه يالزايلة ام قدود

حارياها عند اهلي الغبش

خاتية البطر

........................

اسماء الجنيد


تعليقات 4 | إهداء 1 | زيارات 5324

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#154699 [الحبوب]
0.00/5 (0 صوت)

06-05-2011 01:54 AM
الأستاذة أسماء كويس انك بعدتي من السياسة وأتحفتينا بي رائعة زي ده أتمنى انك تكرريها دائماً . السياسة خليها الكيزان ديل طايرين طايرين ..


#154344 [خالد]
0.00/5 (0 صوت)

06-04-2011 01:54 PM
البنيه دي اسم علي مسمي فعلا سكر الجنيد


#154193 [مدحت عروة]
0.00/5 (0 صوت)

06-04-2011 09:57 AM
رائعة الشوية دى يا ابو حميد دى اكثر من رائعة!!!!!


#153800 [أبوحميد]
0.00/5 (0 صوت)

06-03-2011 11:42 AM
رائعة.. عيوني رقرقو اتذكرت أيام جميلة.. ربنا يجمع الشتات ويرجع كل مغترب لي وطنو.


اسماء الجنيد
اسماء الجنيد

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة