لا تقتلوا الدجاجة !ا
06-05-2011 08:33 PM

تراســـيم..

لا تقتلوا الدجاجة !!

عبد الباقي الظافر

وزير المالية علي محمود كان يتحدث إلينا .. الوزير أسدانا النصح أن نتجنب الأكل في المطاعم الأجنبية التي تنتشر في شارع المطار بالخرطوم ..منطق الوزير يقول إن أرباح هذه المؤسسات تعود إلى أدراجها بالخارج ..ذات الأمر ينطبق على شركات الاتصال التي دفعت مليارات الدولارات لتستثمر في السودان ..في النهاية الحكومة منعت الدجاجة البياضة من تحويل أرباحها إلى خارج السودان . تقارير أجنبية تؤكد أن الاقتصاد السوداني سيفقد نحو 59% من تدفقات النقد الأجنبي بسبب انحسار بترول الجنوب بسبب الانفصال ..الحكومة تقول إن كل الأمور مرتبة تماماً ..ولكن الدكتور صابر محمد الحسن محافظ بنك السودان السابق يحذر من كارثة ستهبط على رؤوسنا..آثارها تفوق آثار الأزمة الاقتصادية العالمية العارضة . الحكومة ستحاول مجابهة الموقف بالاتجاه لرفع الدعم عن السلع الأساسية مثل السكر والوقود ..أفصح عن ذلك وزير الدولة بالمالية، عندما وصف زيادة أسعار الوقود قبل عدة أشهر بأن تلك الموجة الأولى ..وذات القول كرره والي الخرطوم على مسامع الشرق الأوسط اللندنية قبل أيام مضت ..وكذلك ستحاول الاهتمام بالتنقيب العشوائي عن الذهب ..الذهب العشوائي دعم خزينة الدولة بنحو مليار دولار العام الماضي ..إذا ما أفلحت جهود الدولة في مضاعفة الإنتاج ورفعه إلى نحو 74 طن فإن العائد لن يزيد كثيرا عن ملياري دولار في العام . الحل أمام أقدام الحكومة ولكن الحكومة لا تبصر ..الاستثمارات الأجنبية استطاعت أن تضخ في مفاصل الاقتصاد السوداني أكثر من ثمانية عشر مليارا من الدولارات في سنوات قليلة ..دولة واحدة مثل الكويت تملك حوالي مليار ونصف من الدولارات في بلدنا ..الحكومة تمنع الشركات الأجنبية من تحويل أرباحها ..في شركة سوداتل تنحسر الأرباح و مستثمر عربي يقترح منح شركتنا الوطنية وسام الأداء المحبط .. الحكومة التي تمتلك ثلث الشركة تكتفي بالصمت النبيل. السياحة في مصر تدر سنويا نحو اثني عشر مليار دولار ..وفي المغرب التي يزروها كل عام عشرة ملايين أجنبي تشكل السياحة المورد الاقتصادي الأول ..في سوداننا وزارة السياحة بلا مقر ..حكومتنا لديها شرطة خاصة مهمتها مراقبة السياح الذين ننظر إليهم بعين الريبة والحذر ..حتى أنت عزيزي المواطن إن حدثتك نفسك بالتسكع في شارع النيل فتأكد أنك تحمل في جيبك قسيمة الزواج وإلا فأنت محمول في (كشة) النظام العام التي لا تغادر كبيراً أو صغيراً. سياستنا الخارجية تتجه لصناعة أعداء أكثر من كسب أصدقاء ..روشتة إعفاء ديون الدول الفقيرة تجاوزتنا بسبب سياسات خرقاء ارتكبتها حكومتنا الوطنية ..حكومتنا لا تشعر أنها جزء من عالم اليوم الصغير ..المواطن المسكين عليه أن يدفع ثمن عزلتها ..أقصر حائط للحكومة لمواجهة واقع ما بعد الانفصال هو تحميل المواطن كل التبعات. مثل هذا المناخ الانغلاقي لا يغري الأجانب بالاسثمار في بلدنا ..مع هذا لدينا أسوأ قانون لجذب الاستثمار الأجنبي ذلك ما أوضحه رجل الإنقاذ الاقتصادي الخبير عبدالرحيم حمدي.

التيار


تعليقات 9 | إهداء 0 | زيارات 2002

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#156125 [واحدة ]
0.00/5 (0 صوت)

06-07-2011 12:16 PM
اللة فى والدنيا اخرا كوم تراب ياريت كل الناس تذكر الاخرة


#155623 [السجمانة]
0.00/5 (0 صوت)

06-06-2011 01:56 PM
العزيز الصحفي الهمام الظافر ..

خم البيض ده سياسة الإنقاذ منذ أن أنقذت روحها وكلوشت على حقوق الجميع ونشكرك على هذا الطرح .. الذي كتبته بمهنية عالية ولدينا استفسار .. بخصوص خم البيض وقتل الدجاج ..

ماذا حصل في موضوع الآخ المغترب السوداني خالد وأسرته والذي أعطيت أنت الفرصة لخمام البيض الدولي الدكتور المستشار احمد بلال وأفردت له الصفحات ليكيل للرجل بعد أن سلق وابتلع قروشه في قضية الإستثمار أياها .. مدافعا عنه .. ومجردا صاحب القضية عن قضيته في لمحة بصر بعد أن طرحها الصحفي القامة الطاهر ساتي .. للرأي العام !!!! يا ترى ماذا كان نصيبك من البيض بعد قتل الدجاجة.!!


#155620 [السجمانة]
0.00/5 (0 صوت)

06-06-2011 01:50 PM
العزيز الصحفي الهمام الظافر ..

خم البيض ده سياسة الإنقاذ منذ أن أنقذت روحها وكلوشت على حقوق الجميع ونشكرك على هذا الطرح .. الذي كتبته بمهنية عالية ولدينا استفسار .. بخصوص خم البيض وقتل الدجاج ..

ماذا حصل في موضوع الآخ المغترب السوداني خالد وأسرته والذي أعطيت أنت الفرصة لخمام البيض الدولي الدكتور المستشار احمد بلال وأفردت له الصفحات ليكيل للرجل بعد أن سلق وابتلع قروشه في قضية الإستثمار أياها .. مدافعا عنه .. ومجردا صاحب القضية عن قضيته في لمحة بصر بعد أن طرحها الصحفي القامة الطاهر ساتي .. للرأي العام !!!! يا ترى ماذا كان نصيبك من البيض بعد قتل الدجاجة.!!


#155615 [abuamin]
0.00/5 (0 صوت)

06-06-2011 01:46 PM

ممكن اسأل سؤال ساذج ربما!!!

اللقاء ده كان وين ؟؟ و المناسبه شنو الوزير الهمام ده بتاع الكسرة يديكم النصيحة الغالية دى؟؟

و ما قلت لينا ليه ذكر بالتحديد المطاعم الفى شارع المطار بالذات يعنى ؟؟؟ القصة دى ما قالت ليك حاجة ؟؟؟

انا خايف يكون بقى اشطر منكم و استخدمكم كابواق للدعاية لمطعم وطنى بياسس فيهو !!!!!!

بالله ليه ما خطر فى ذهنك تثير معاهو موضوع عقد مدير سوق الاوراق المالية ؟؟؟ دى كانت فرصة تطلع لينا بموضوع كارب !!!!و اللا انت خفت يحرش جندرمتو و يفسحوك زى زميلك الكشف فضيحتو ديك ؟؟

يا عبد الباقى و الله الصحفى المحترف كان عرف انو دى فرصة نادره و شرشح بتاع الكسره دا جنس شرشحه !!! لكن نقول شنو شتان ما بين دا و دا و خليتك بعافيه !!!


#155308 [حمدان]
0.00/5 (0 صوت)

06-05-2011 11:48 PM
ويكتين الوزير نضم معاكم ونصحكم..........انتو قلتو ليهو شنو..





غايتو اي قرش تكسبوه من الكتابة لينا ما عافنو ليكم الي يوم الدين....

انتو ما سمعتو ان قولة حق امام سلطان جائر ممكن تدخلكم الجنة...


#155296 [Romani]
0.00/5 (0 صوت)

06-05-2011 11:31 PM
..روشتة إعفاء ديون الدول الفقيرة تجاوزتنا بسبب سياسات خرقاء ارتكبتها ))))حكومتنا الوطنية)))))..حكومتنا لا تشعر أنها جزء من عالم اليوم الصغير ..المواطن المسكين عليه أن يدفع ثمن

قل حكومة المؤتمر لا حكومتنا الوطنية فهي لا تمثل الوطن


#155275 [الزول الكان سمح]
0.00/5 (0 صوت)

06-05-2011 10:56 PM

يا أستاذ عبد الباقى

حكومتكم الوطنية مامن زمان طردت الجدادة وخمت البيض..

إستثمار شنو وإقتصادشنو؟؟

خلى ناسكم يرجعوا اللغفوهو خلال العقدين الماضيين من ود الخدر..والمتعافى والكرتى ..والجاز..ونافع وبطانته..وشيخ على وشيعته..وأخوان الرئيس..وناس ود الفادنى..والراجل بتاع التفصيل..وعشيرته..وسيدة السودان التانية ..وزمرتها.

تشوف الإقتصاد حا يتعافى ة.واللآ لأ؟؟؟


#155239 [عصمتووف]
0.00/5 (0 صوت)

06-05-2011 09:49 PM
وزير المالية علي محمود كان يتحدث إلينا .. الوزير أسدانا النصح أن نتجنب الأكل في المطاعم الأجنبية التي تنتشر في شارع المطار بالخرطوم


دحين الاسعلك يا اللخو ما بلقي عندهم عدس وزبادي


ردود على عصمتووف
Sudan [Moh.Khair] 06-05-2011 11:22 PM
عدس وزبادى الا فى بيت الوالى بالجزيرة مدنى


#155223 [محمد موسى]
0.00/5 (0 صوت)

06-05-2011 09:30 PM
قيل (( العاقل من اتعظ بغيره )) حكابة اعفاء الديون دى حقو ننساها زى مانسينا السيادة على حلايب وببساطه لانو المثال واضح فى مصر بعد ما الناس نفسهم انقطع فى الثورة امريكا اعفت ليهم فقط واحد مليار- نحن ديوننا حوالى 40 مليار شنو البخليهم يعفوها؟ وهى اصلا القروش حقت منو عشان يعفوها؟ ونحن عملنا شنو عشان العالم يعفينا من 40 مليار يعنى عشان فصلنا الجنوب؟ والسؤال الاخطر هو القروش دى مشت وين وصرفت كيييييييييف؟؟؟؟؟؟؟؟ ياناس اليس فيكم رجل رشيد ؟؟؟؟؟؟


عبد الباقي الظافر
عبد الباقي الظافر

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة