المقالات
السياسة
ارشيف مقالات سياسية
الراكوبة...عثمان ميرغني ..والراجل بتاع الكشك
الراكوبة...عثمان ميرغني ..والراجل بتاع الكشك
06-11-2011 07:56 AM

الراكوبة...عثمان ميرغني ..والراجل بتاع الكشك

خالد عثمان
[email protected]

الركوبة

يأتي موقع الركوبة في مقدمة المواقع السودانية حسب التريب العالمي لموقع اليكسا ،ومحليا يأتي في المركز الثالث عشر ، وتسبقه فقط المواقع العالمية من نوعية قوقل وهوتميل ، وهذا يعطيه صدارة المواقع السودانية بدون منازع ويطارده من الخلف موقع سودانيزأونلاين في المركز السابع عشر والانتباهة في العشرين.

يتميز موقع الركوبة بسياسة تحريرية منفتحة ومسؤولة ، تسمح بتداخل القراء مع الكاتب بدون التعرض للشخصي، ومدير الموقع لديه المقدرة على الإستكتاب واختيار المقالات والاخبار التي تلائم الوقت وتنسجم مع المزاج العام، ويشارك في مد الموقع بالاخبار المقالات معظم الكتاب والصحفييون من داخل السودان ومن خارجه.

عثمان ميرغني

الاستاذ عثمان ميرغني من قادة العمل الاعلامي للتيار المتلون بين المؤتمر الوطني والمؤتمر الشعبي ، ومنتسبي التيار هم من الاسلاميين الذين لم يعجبهم الحال ، أو تم إستبعادهم أو حشرهم ، ولكن أفراد هذا التيار كغيرهم تورط معظهم كغيرهم من الاسلاميين في أكل أموال الشعب السوداني بالباطل وفي تجاوزهم لصفوف الخدمة الوطنية والمصارف والاراضي وهلم جرا..ولازالوا.

يحاول هذا التيار العودة الي صفوف الشعب السوداني عبر أخبار تصدع المؤتمر الوطني وعجز الخدمة المدنية ومن موقعه القيادي في صحيفة التيار يطل عثمان بصفة يومية من شرفات الراكوبة.

رابطة الراجل بتاع الكشك

على نسق الراجل اللي وراء عمر سليمان والراجل ابو جلابية أبتدع قراء الراكوبة تعليق \" الراجل بتاع الكشك الما أنتحر وأولادو الطفشو \"، وعلى ما يفهم من التعليق فأن القراء يطلبون من الاستاذ عثمان ميرغني توضيح قصة الراجل مع الوالي الخضر ، واستطاعت روح الدعابة التي تقود هذا الموضوع ان تتحول الي رابطة ، وتضامنا مع هذه الرابطة الواعدة اطالب الاستاذ عثمان ميرغني ان يواصل بنفس هذه الروح الرياضية وان يكشف اللثام عن قصة الراجل بتاع الكشك.

واذا اراد تيار \"التيار\" ان يتصالح مع الشعب السوداني عليه ان يكشف لنا مع صحافة أبناء الحركة الاسلامية في الوان والاحداث والصحافة و غيرها، عن القضايا الكبيرة من وزن مقابر ضباط حركة رمضان ، تصفية الفنان المرحوم خوجلي عثمان على خلفية إغتيال حسني مبارك ومثلها.

أخيراً تقديري واحترامي و لفريق الراكوبة رائد الصحافة البديلة في السودان وتمنياتي لعثمان ميرغني بالتوفيق في مسعاه التصالحي.


تعليقات 12 | إهداء 0 | زيارات 6072

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#158804 [الساير]
0.00/5 (0 صوت)

06-12-2011 03:38 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأخوة الزملاء في رابطة الكشك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو كان كل السودانيين عكاليد زينا وطاردو الحيكومة بهذه الطريقة كان جابو خبرا ؟؟؟؟؟

لذلك أقترح عليكم توسيع الرابطة بتكوين رابطة عريضة أو قومية مش مهم السم . ؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#158443 [مندى]
0.00/5 (0 صوت)

06-12-2011 12:06 AM
صاحبك ود الخضر الذي لا يظلم عنده احد رجع الكشك للزول الكان داير ينتحر ولسة ما انتحر والادو الطشو رجعوا ولا لسة؟ هذه العبارة من ابداع العكليتة الزول الكان سمح ولسة سمح ومعه سلايمان قش ثم تبعناهم نحن بعد ان اعجبنا هذا الاصرار العجيب.... هكذا يجب ان نكون دايما ليعلم كل مستهبل ان الاعيبه لن تفوت علينا
غايتو الزل البتسلف قروش من الزول الكان سمح الله قال بقولوا لانو عكليييييتة ولايوق
تحياتي لجميع الاصدقاء الذين لم ارهم في حياتي ولكني احببتكم وربنا يشهد... وعقبال ما نحتفل بسقوط النظام....قولوا اميييييين


#158380 [عصمتووف]
0.00/5 (0 صوت)

06-11-2011 07:43 PM
حمله لحلق 7مليون لحيه وشارب


ادعو اصاحب رابطة صاحب الكشك بوقفه احتجاجيه اما المرآه بحلاقة لحاهم وشواربهم احتجاجا لطناش الاسناذ ميرغني ولف رقبة الوالي الخدر بالاسراع لنجدة اخونا


#158342 [الظاهر ]
0.00/5 (0 صوت)

06-11-2011 05:53 PM
وانا بقترح اعطاء او امهال عثمان مرغنى فترة محددة يقترحها الزول السمح ولو اتعداها وما ورانا خبر الراجل بتاع الكشك مع صاحبو ود الخضر نرفع مذكرة لى ادارة الراكوبة ونطالب بعدم نشر اى مقال لى ود مرغنى


#158274 [واحدمن الناس]
0.00/5 (0 صوت)

06-11-2011 03:50 PM
والله يااستاذ خالد اليوم جيئت لنا بالخبر اليقين
نحنا لينا زمن منتظرين استاذ عثمان عشان يشرح لينا حصل شنو للزول الما انتحر مع صاحبو الذي لايظلم عنده احد
وعثمان ده عامل مصهين مننا لكن نحنا أليق من ملاح الويكي يعني وراهو وراهو


ياعثمان اها حصل شنو للزول الما انتحر ولادو طشو


#158190 [ودالامام]
0.00/5 (0 صوت)

06-11-2011 01:08 PM
شوف ياابو الخل عثمان ميرغنى يااكتب واوضح حقيقة صاحب الكشك ياكمان ضل الراكوبة

ده تانى مابقعد فيهو


#158177 [abuamin]
0.00/5 (0 صوت)

06-11-2011 12:36 PM


الاستاذ خالد عثمان سلام

مع كل الاخوان ((طبعا لا اقصد الكيزان!!!!! )) نرحب بمساعيك الحميدة ؟؟ للمعاونة فيما نهدف اليه !! المشكلة و ما فيها عرضها علينا استاذ عثمان وهو موضوع الراجل الكان عاوز ينتحر وهو حقيقة وعد الرجل للتدخل لدى الوالى صاحبو ود الخدر و قال ما بنظلم عندو احد وبعدين راح مصهين !!!!! و لذا كل ما يطل علينا فى الراكوبة نحن بنذكرو بالموضوع آملين مأساة الراجل الما انتحر تتحل !!!!!

ونحن عند كل رد او تعليق قاعدين نلتزم بادب الحوار و برضو شوية دعابة وبالروح الرياضية السمحة كما تفضلت - نهج الراكوبة- و اعتقد يا استاذ الامر دا واضح وجلى لهم و افتكر ما محتاجين لاى كائن ان يوريهم الواجب عشان ما تحاول لفت نظرهم بنصائح من شاكلة (((( ومدير الموقع لديه المقدرة على الإستكتاب واختيار المقالات والاخبار التي تلائم الوقت وتنسجم مع المزاج العام،))))

وبر ضو نضم صوتنا لصوتك طالما تضامنت معنا عشان استاذ عثمان بخلفيتو الحزبية او ولاؤه للنظام او التصاقو به وعايزينو يكون متجرد وحقانى دايما يقيف مع الشعب وكمان يكشف المستخبى بالمللى يا حبيبى!!!!!!


#158141 [مدادي]
0.00/5 (0 صوت)

06-11-2011 11:50 AM
الاختلاف مع عثمان مرغني هو تجميله لما هو قبيح ... كان من الممكن أن يتبنى قضية هذا الرجل ويشرك فيها القراء .. ولكن أن يذهب به إلى من لا يظلم عنده أحد ...وهو يعمل علم اليقين أنه هو الظلم يمشي برجلين ... ده الكلام الماديرنوا ...
أراد أن يقول أن هذا الوالي ليس كالولاة السابقين ولا اللاحقين ..((((هو وبس)))) ....هذا أكبر عملية تكسير للتلج و تدجيل وتدنيس وتحنيس لأغراض الله عالم بها ...


#158126 [الزول الكان سمح]
0.00/5 (0 صوت)

06-11-2011 11:41 AM

أخونا خالد

مرحب بيك فى رابطة دعم الراجل بتاع الكشك....

عثمان ميرغنى كتب المقال يوم السبت 28/2/2011 وكانت الحادثة بتاعت الراجل الما إنتحر يوم الخميس 26/2/2011 ..ومن يومها وأنا بوجه نفس الؤال لعثمان ميرغنى الذى شبه الوالى بالخلفاء الأولين ( لايظلم عنده أحد ) نحنا عايزين نعرف الراجل حصل ليهو شنو بعد أولادو الطشو ...بيلقط ورق واللا مشى إنتحر فى مكان تانى والله توفاه الله كمداً...وهو ماعايز يجاوبنا عشان يرتاح من ملاحقاتنا اليومية فى مقالاتو..

والله أنا لايوق لياقة ..ما تتوصف ...وفاضى اليومين ديل ..بس قصاد الراكوبة


#158117 [الساير]
0.00/5 (0 صوت)

06-11-2011 11:26 AM
شكرا للأستاذ خالد
باسم رابطة صاحب الكشك وأولاده الطشو نحيي قوي شعبنا العاملة والثورة المنتصرة دائما باذن الله . سيظل هذا العلم عاليا مرفرفا ....... كما كان يقول اب عاج

طبعا عصمان ميرغني حالف بالتكتله ما يرد علينا لكن ليه يوم

والزول الكان سمح سيصبح سمح بعد أن تنتصر الثورة القادمة


#158078 [عبدالواحد المستغرب جدا!!]
0.00/5 (0 صوت)

06-11-2011 10:10 AM
((آوبا)) فقد جاءنا الاستاذ/خالد عثمان بالخبر اليقين والتهنئة له بهذا التحليل الجيد ،ومعليش يا أعضاء الرابطة (أنا رجعت فى كلامى بتاع امبارحّ!!))الى أن يعلن (الهندسة) التوبة النصوحة !!ومنها ان يوضح لنا حقيقة الممول الحصرى لصحيفته (التيار) ولمصلحة من يعمل هو وفريقه ؟ وإذا كان يعمل لمصلحة (ديل ولا ديك) - ومقالة الاستا/خالد اثلج صدورنا وكده أنا شخصيا إطمئننت الى أن مجهوداتنا التى نبذلها فى التعليقات لا تذهب سدى رغم قناعتى بأن المعلقين فى كثير من الاحايين يلهمون كتابنا الكبار مقالاتهم القيمة والرصينة وهذا أمر طبيعى لان همنا مشترك وكلنا نعمل لهدف واحد ،ألا وهو أزالة هذا النظام الغاشم الباطش الظالم ، وبإستثناء الكاتب الكبير ودعووضة ومولانا سيف الدولة فإننا لا نشعر بأن كتابنا الاخرون يقرأون تعليقاتنا !!- (ياخوانا فى الراكوبة المعلقين يريدون إصلاح إسحاق احمد فضل الله)) جيبوا لينا غثأئاته فقد ثبت أن قرائكم يعدلون (أجعص ديل كلب) ولو كانوا من شاكلة إسحاق وأشباهه فالمعلقين لديهم (قوة ثلاثية للابادة!!) -


#158038 [سلايمان قش]
0.00/5 (0 صوت)

06-11-2011 08:27 AM
الزول الكان سمح مبروك وزير اعلام الرابطة اخونا خالد عثمان وتهانينا يا ابو صالح ويا المندي ياودحاحمد والمستغرب وكل الشباب واعضا الرابطة . وبرضو ياعثمان مرغني منتظرين عنوان الزول الكان داير انتحر والصاحبك ود الخضر الما بنظلم عندو احد مارجع ليهو كشكو واولادو الطشو.


خالد عثمان
خالد عثمان

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة