رخصة (رأي آخر)..!ا
06-12-2011 12:10 PM

حديث المدينة

رخصة (رأي آخر)..!!

عثمان ميرغني

بصراحة.. نحن أمة لا تتعلّم من الماضي.. هل رأيتم كيف أنّ عود الثقاب الصغير أشعل النار في ولاية جنوب كردفان.. هل رأيتم حجم الدمار والتشريد وتعطيل العمل والإنتاج في ولاية جنوب كردفان.. وكان ممكناً تجنبه بكل سهولة .. لو...!! شخصياً.. لا أحب الغوص في تفاصيل الدراما اليومية لتفسير المشهد.. لأنّ الدراما عادةً تنشأ وليدة لحظات وأحداث سطحية.. لكن تبقى دائماً هناك في الأعماق والجذور التي (مثل شجرة المسكيت) كلما قطعنا دابر فتنة فوق سطح الأرض.. أنبتت فتناً أخرى وكوارثَ.. صدقوني.. المشكلة في منهج التفكير السياسي للحكومة.. ولو استمرت الحكومة تحكم خمسين سنة أخرى.. لن ترتاح من حمل السلاح على أكتافها.. ولو غفلت عنه ساعة فسيرتد عليها.. والسبب.. منهج التفكير السياسي!! مثلاً.. ما يدور في جنوب كردفان الآن.. هل هي حرب بين الجيش الشعبي والقوات المسلحة.. التي تمثل الحكومة الاتحادية؟ هل هي تداعيات فوز مولانا أحمد هارون على الفريق عبد العزيز الحلو؟ هل هي تدابير جنوبية.. رد الصاع صاعين للحكومة لأنها وضعت يدها على منطقة (أبيي)؟ هل هي ثورة أبناء النوبة ضد حاكم (من غير أبناء النوبة) جاء ليحكم ولايتهم؟ وكثير من الأسئلة الأخرى.. كلها خطأ.. كلها تشرح الأعراض لكنها لا تحدق في المشكلة الأصل.. المشكلة – سادتي- هي هنا في الخرطوم.. تماماً كما هي حرب دارفور.. هنا في الخرطوم..!! لأنّ الحروب التي تدور في الأطراف دائماً هي مجرد أدوات عمل (عِدة الشغل).. والأبرياء الذين يتساقطون فيها والذين يتشردون بسببها دائماً ليسوا هم (أصحاب المصلحة!!) في الحرب.. منهج التفكير السياسي في بلادنا يقوم على عقل مركزي.. أُحادي الخبرة.. غير قادر على استثمار العقول الأخرى حتى المحيطة به.. معتد بنفسه.. يرى ما يرى والحكمة في ما يرى.. وهذا العقل مهما أُوتي من رُشد أو ذكاء أو مكر أو دهاء.. هو في النهاية (عقل واحد) تسري عليه سنة الله في أن يصلح ويعطب.. ويصيب ويخطئ.. هذا (العقل المركزي) هو الذي صنع من دارفور أزمة عالمية كبرى.. يغوص السودان في مستنقعها حتى الأُذن.. وأمسكت نارها بأطراف الرجل الأول في البلاد.. رئيس الجمهورية نفسه وبصفة شخصية عندما جعلته أحد المتهمين أمام المحكمة الجنائية الدولية.. نجلس كثيراً إلى شخصيات عليا نافذة في الدولة.. وينتابك الإحساس أنهم – رغم رفعة مناصبهم – لا يفكرون إلا بحذر.. يخشون أنْ يخدش تفكيرهم ويجرح التفكير المركزي.. يخشون أنْ يمدوا بصرهم خارج لحافهم.. عندما تشعر أنّ قيادات الصف الأول في أحيان كثيرة غير قادرين على (التفكير بحرية).. وأنهم حتى ولو أضمروا رأياً آخرَ.. يبذلون كلّ جهدهم لمواراة ذلك.. حتى لا يقال أنّ لهم رأياً آخرَ.. بالله عليكم أسألكم.. يا من بيدكم القرار.. ألم يكن لما حدث في جنوب كردفان.. أنْ يحدث بطريقة أفضل؟

التيار


تعليقات 22 | إهداء 0 | زيارات 4309

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#159275 [متابع]
0.00/5 (0 صوت)

06-13-2011 02:36 PM

الحل الوحيد أن ينتحر الشعب السوداني جماعياً على شاكلة الشاب بوزيدي، ويترك الجبهجية يحكموا أنفسهم بأنفسهم .... ولا يكون الانتحار مدغمس مثل صاحب الكشك الماعرفناهو إنتحر وما عرفنا الوالي الذي لا يظلم عنده أحد عمل ليهو شنو ... بعد الزواج الجماعي جاء عهد الانتحار الجماعي ... ونستغفر الله مما وضعتنا فيه هذه العصبة.


#158989 [أبوعلأمة]
0.00/5 (0 صوت)

06-13-2011 12:20 AM
أستاذي / عثمان ميرغني...... لك مني جليل الاحترام

ولكن لكي يكتمل إحترامنا لك !!! واحترامك لنا !!!!

فقط نرجوك بأن ترد على السادة اعضاء رابطة

( الزول الما انتحر ) !!! سواء بعرض رأي والينا

الهمام ( ود الخدر ) او بعرض رأيك الشخصي فيما

يختص بالموضوع ;) ;)

ولكن أن تتجاهل كل هذا العدد من القراء فما فرقك إذن

من الحكومة التي مابرحت كل يوم تقدم لها النصح وهي كما

يقول المثل السوداني ( اضأن الحامل طرشة )...



#158988 [عمر]
0.00/5 (0 صوت)

06-13-2011 12:09 AM
انت بتقول انه مشكلة ج كردفان سببها نهج سياسةالخرطوم الاحادية طيب ورينا الصحيح شنو ماذا كان يجب ان يفعل ثانيا ما هي حقيقة المنزل الملياري ومن اين لك هذا والا انت مرفوع عنك القلم


#158976 [حمدان]
0.00/5 (0 صوت)

06-12-2011 11:24 PM
هل صحي يا ابو عفان قاعد تبني ليك فيلا في النخيلة.. مجرد سعال


#158972 [محمد احمد]
0.00/5 (0 صوت)

06-12-2011 11:18 PM
اخ عثمان انت رجل غير ديمقراطي خليك مع الجماعه يعني خلاص عملت قروش داير تزوغ لا لا لا....... سير سير سير سير سير با بشير


#158941 [Moh.Khair]
0.00/5 (0 صوت)

06-12-2011 09:39 PM
يا عصمان عذبتناااااااااا
قول للناس ديل عن زولك بتاع الكشك الاولادو طفشوا وكان عايز ينتحر و انقذته بذاهبك الي الزول الذى لا يظلم عنده احد . و تريحنااااا ولا ننتحر نحنا ونريحك .


#158903 [سلايمان قش]
0.00/5 (0 صوت)

06-12-2011 08:17 PM
وين ياشيخنا هل تصدق اني بديت بقرايت التعاليق قبل الموضوع وشايف الشباب ماقصروا في موضوع صاحبك ود الخضر الما بنظلم عندو احد والما رجع للزول الكان داير انتحر كشكو واولادو الطشو ......المشكلة كما قلت في الخرطوم وحتي ناس الصف الاول البتقعد معاهم بيضمرو ارائهم يعني كلهم خايفين من الامام ولا من منو ؟ياشيخ عثمان انت رايك لرقبتك دي ظاهر خليك من ناس الصف الاول هو انت مقالاتك يوم جاي ويوم غادي!!!!!


#158901 [ابو النصر]
0.00/5 (0 صوت)

06-12-2011 08:15 PM
انا بسألك عن صديقك عبد الباقي الظافر ياعثمان ميرغني وعن حاله بعد الصفعة التى وجهها اليه صديقك ود الخدر اني اره قد اختفى تماما


#158859 [gailany]
0.00/5 (0 صوت)

06-12-2011 06:29 PM
ياخينا الكششششششششششششششك الكشششششششششك الكشششششششششششك ياخى ماتبقى زى ناس المركز مشاكل فى مشاكل كدى حل المشكلة دى واكتب لنا عن موضوع الراجل بتاع الكشك وصاحبك ود الخدر وريح العالم دى بدل مايسو ليك نفسيات ولا تبقى زى بتوع المركز فى حل المشاكل


#158845 [وحدوي]
0.00/5 (0 صوت)

06-12-2011 05:56 PM
ملاحظ ليك يا استاذ : عثمان ..... شايت معهام وتلعب لينا باصة قون وعامل فيها قلشت منك !!!! لا خلاص لعيب يعني جاي متأخر كان احسن ماتجي وتمشي لي ود الخدر الذي لايظلم عنده أحد وتشوف معاك بالمرة قصة الكشك وبعدين احمد هارون دا مجرم ومطارد دولياً يعني ماتقدنا بي مولانا والتحشيش بأنك تجلس مع ارزل القوم المتنفذين شوية ما بتصالحك معانا ...


#158803 [مندى]
0.00/5 (0 صوت)

06-12-2011 04:36 PM
يا باشمهندس الليلة البامية ما ياها .... مالك الليلة مسخن كده؟
المشكلة فعلا في الخرطوم مع انو واليها لا يظلم عنده احد بس مشكلتو الوحيدة انو ما داير يرجع الكشك للزول الكان داير ينتحر ولسة ما انتحر الاولادو طشوا ولسة ما رجعوا


#158792 [maragan]
0.00/5 (0 صوت)

06-12-2011 04:11 PM
للاسف الشديد هولاء اللذين يحمكون السودان ما هم الا مجموعة من الحاقدين فاقد تربوى مستجدى نعمة لا يهمهم هذا الشعب المسكين الذى عانى من حروبهم التى يشنونها باسم الله والاسلام وهو برئ منهم بس نقول حسبى الله عليهم


#158742 [abuamin]
0.00/5 (0 صوت)

06-12-2011 03:01 PM

يــا اسـتـاذ عثمان
انـت تـجـلـس الى الشخصيات الـعـلـيا الـنـافذة فى الدولة حتى تـتـبـيـن طـبـيـعـتـهم ؟؟؟ ومتاخر كدا ؟؟؟ يا راجل !!!!!! و الله انت مسكين .....نحن لينا زمن نحاول عشان نفهمك الشغله دى وانت صعبت جدا علينا لكن كما يقولون ان ياتى الشئ خير مما لا ياتى!!!

ناسك ديـل انت شخصتهم بانهم من ذوات العقـل المركزى !!!! و دى صلحتها جدا لان التعبير الصاح ان يقال عليهم كائنات من ذوى العقول الـعـاقـرة و الـمـتـحـجـرة !!! لانهم كما ذكرت لما تجلس اليهم ((ينتابك الإحساس أنهم – رغم رفعة مناصبهم – لا يفكرون إلا بحذر.. يخشون أنْ يخدش تفكيرهم ويجرح التفكير المركزي.. يخشون أنْ يمدوا بصرهم خارج لحافهم.. عندما تشعر أنّ قيادات الصف الأول في أحيان كثيرة غير قادرين على (التفكير بحرية).. وأنهم حتى ولو أضمروا رأياً آخرَ.. يبذلون كلّ جهدهم لمواراة ذلك.. حتى لا يقال أنّ لهم رأياً آخر ))َ..

ديـل كـنـا بـنـعرفـهـم مـن زمـن الـثـانوى كـائـنات مـعـقـدة و ديـمـه تـعـانى مـن عـقـدة اوديـب .........و الــ..( انــا) مـتـسـلـطـه عليهم كتير مجبولة على حب الذات شخصيات منعزلة واجفة لا تتداخل مع الاخرين و اذا تكلمت مع اى واحد ردودهم واحده و شـتـراء غير متـنـاسـقـه و (اوف بوينت) !!!! لديهم الاحساس العميق فى دواخلهم بـالـدونـيـه و البؤس لانهم فى معظمهم من اسر فقيرة و كادحه و هكذا شبوا ولما جاؤوا للسلطه اهى دى عمايلهم !!!! طبعا تسلطت عليهم الصفات الزيلة التى شبو عليها من فساد و نهب مصلح و قساوة قلب و حقد و كراهية على الاخرين ثم على بعضهم و حب انتقام كأنو الاخرين هم الظلموهم !!!! أظنك عارفها كويس . ......و دى تركزت بمرور الزمن كما ذكر الاخ سيد ابراهيم محجوب هي نتيجة عقلية شيخكم الذي علمكم الـخـيـانـة و الـفـتـنـة و الـذكــاء الـسـالـب و هو الكان العقل المركزى الذى يفكر لكم (و يضللكم !!!!) و الان لما فكيتوهو عكس الهوا ....بقيتو فاقدين البوصلة و ما عارفين تتصرفوا كيف !!! وفقدتو حكاية الصوت الواحد و بقيتو اصوات عديدة ونشاز مافيش رؤية محددة !!! دى لاحظوها فى تعدد التصريحات و تضاربها او كلامهم الــ كـتر (بضم الكاف و التاء) !!! زى زولك وصاحبك الوالى ....ود الخدر...... الما بنظلم عندو احد....... و الما رجع للزول..... الما انتحر..... كشكو..... و..... اولادو ...الطشو,,,,



#158727 [SaifAlhag]
0.00/5 (0 صوت)

06-12-2011 02:47 PM
استاذ عثمان

حسى كان خليت الراجل يحرق نفسوا وبقا لينا الشرارة زى البوعزيزى ماكان ده كله حصل--- كان ركزنا فى ثورتنا و اتوحدت قلوبنا على الظالمين---
ذيل الكلب عمرو ما حينعدل---لانه جاءوا بالباطل وكل شى بنوه بالباطل----

خليك فى المواضوع---- وكلمنا عن النجاشى بتاعك ده عمل شنو للراجل---هل رجع كشكو واولادوا الطشوا---


#158716 [الساير]
0.00/5 (0 صوت)

06-12-2011 02:37 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المشكلة ليست في المركز ...... المشكلة في الكشك !!!!؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني لو رجعو للراجل الكشك لما كان الأولاد طشو ولما قامت حرب في كردفان ....؟؟؟؟؟

المهم الكشك يا عثمان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما تنسي يا عثمان الكشك بالله عليك الكشك ؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#158692 [أدروبي]
0.00/5 (0 صوت)

06-12-2011 01:57 PM
المشكلة ليست في الخرطوم المشكلة في إثنية الشمال الحاكمة..... إثنية الشمال هي السبب في كل مشاكل السودان..... أعدلوا في الثروة والسلطة تنعموا بالسلام.... باقي إثنيات السودان ليست رعايا....


#158680 [mohamed]
0.00/5 (0 صوت)

06-12-2011 01:41 PM
الكشك الكشك


#158673 [الزول الكان سمح]
0.00/5 (0 صوت)

06-12-2011 01:22 PM

نعم ..نعم... المشكلة ليست فى دارفور أو جنوب كردفان ...المشكلة فى ( الخرطوم )محل البشير بنوم وصاحبك ود الخدر المارجع للزول الما إنتحر ...كشكو.... وأزلادو الطشو..
الذى أشعل الفتنة فى دارفور برضو فى الخرطوم...لما كان وزيراً للداخلية..وعندما تمردت مجموعة من بضع عشرات من أبناء دارفور وإحتموا بجبل مرة عام 2003 إن لم تخنى الذاكرة مطالبين بمطالب كان يمكن مناقشتها ووضع الحلول لها لولا تصلب وزير داخلية الإنقاذ( ديك العدة ) و قصفهم بالطيران إلى أن تفاقمت المشكلة ..ووصلت إلى مانحن فيه الآن.

وما دام فى واحد زى الخال الرئاسى فى خضم هذا الشعب الفضل...كيف يمكن أن يحصل فى جنوب كردفان غير ما حصل ..يافيلسوف زمانك.


#158653 [ابو عثمان ]
0.00/5 (0 صوت)

06-12-2011 12:50 PM
يعني ياود عثمان هسي كلامك دا كلو انو المشكلة في المركز ،وانو الجنوبين ديل ماعندهم ايتها مشكلة .. وتيب تاني في شنو
مش عندك زول لايظلم عنده احد .. امشي ليه
الظاهر عليك ما استلمت المرة دي


#158648 [ودالامام]
0.00/5 (0 صوت)

06-12-2011 12:36 PM
وينك وين أيامك مشتاقين واحشنا كلامك

انشاءالله جبت لينا معاك خبر من صاحب الكشك وصاحبك ود الخضر

ياخى كان صاحبك قال ليك اطلع من الموضوع ماعندك معاهو شغلة

وإنت لازم تطلع السوق تبيع حاجاتك وشارعك بجى جنب الراكوبة غير

شارعك ياخى بارى بالزقاقات لمن تصل دكان التيار السوقو بار

اصلوا الناس القاعدين فى ضل الراكوبة لسانهم طويل انا عارفهم



#158645 [سيد إبراهيم محجوب]
0.00/5 (0 صوت)

06-12-2011 12:32 PM

أخي عثمان للأسف هذه العقلية والمرجعية نفسها التي ما زلت تنتمي إليها
هذه المدرسة التي تخرجت منها أنت وأمثالك من الذين ما زالوا على سدة الحكم
هذه هي نتيجة عقلية الترابي (شيخكم) الذي علمكم الخيانة والفتنة والذكاء السالب
هذه هي نتيجة وصول الحركة اللاإسلامية إلى الحكم
أعتقد أننا كنا فعلاً في حاجة إلى الـــــــــــ 22 سنة حتى يفهم عثمان ميرغني ومن شاكلهم طبيعة هؤلاء الذين يحكمون السودان ..كفى


#158643 [عصمت توف]
0.00/5 (0 صوت)

06-12-2011 12:29 PM



لن نقرأ لك بعد اليوم مقاله حتي نري ماذا فعلت للزول الكان داير ينتحر واولادو الطشو


يا قراء الراكوبه اطلقو مشروع حلاقة 7 مليون لحيه وشارب علي عدد ايام الاسبوع حتي يفيدنا الباشا
ومنزلك الملياري كيف ده مضوع تاني عندي ليك راي اول مره اعرف من الخليله الي امدر الملياريه تمه


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة