نهارات الفريق
06-12-2011 01:47 PM

نهارات الفريق

أسماء الجنيد
[email protected]

يا دروب شاقه الخلق ...
والخلق ما بتتلحق ..
دايشه فى دريب الرزق ..
والرزق لى خالق الخلق ..
فى نهارات الفريق ...
والعرق وصل الحلق ...
ناس جهالا بتتشرق ...
وناس تجر ..ما بتتلحق ..
مرات تقوم .. مرات تقع ..
فى مطامير الورق ..
تجمع تعد .. تشرط تشق ..
تصرخ تهيج .. تزعل تطق ..
همها الدنيا ام قدود ..
ناسيه يوم.. بتمر برق ...
وناسيه يوم جمعاً كبير ..
كل زولا ليه حق ...
الدروايش الكتار ..
لا بتنوم .. لا بتتفرق ..
سبح لالوب تجر ...
فى سواد الليل تطق ..
تذكر المولى الكريم ..
والايادى بتتسبق...
نوبه ترزح من بعيد...
تشرح القلب البرق...
والعيون تعطف ..ترق..
والدميعات تنهمر ..
زى مطيرًة فى الشرق...
زى مطيرةً فى الشرق...


تعليقات 4 | إهداء 0 | زيارات 3118

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#159488 [ ود العبيد]
0.00/5 (0 صوت)

06-13-2011 09:05 PM
بت الجنيد انت بتكتبي ليك لناس في النت يعني زول بتصفح النت شوية كده قدري فيهو الفهم 0شنوالبسوي فيهو ده رص الضمنة منغير معرفة بخفايا اللعبة لا يجعل منك لاعبا 0كلمات مسجوعة ما عندها اي بعد خيالي الكلام المباشر ده وبالذات اذا كان غير مقفى وغير موزون لا يمت للشعر بصلة يعني زي الجلابية بيضه ومكوية فلو اجتهد تي وذاكرتي قد (تصنعي) شعرا لكنه حايكون خالي من الاخيلة لان الاخيله لا تدرس وانما تستلهم يابت الجنيد0
على ما اعتقد ذي الكنتي بتكبي مقالات معاناتية بتعرض فيها بعض الواقع الاليم فاحسن ترجعي للمربع داك0


#159227 [السجمانة]
0.00/5 (0 صوت)

06-13-2011 01:26 PM
دايشه فى دريب الرزق ..
والرزق لى خالق الخلق ..
فى نهارات الفريق ...
والعرق وصل الحلق

المبدعة بت الجنيد ، قرأت وصديقتي المقيمة في السلطنة هذه الأبيات الجميلة وقالت لي صديقتي أنك تخاطبين نفسك في براعة وتجترين ذكريات عملك بالسلطنة كمندوبة لشركة أيفون وقالت صديقتي إنك كنتي نناجحة في عملك وتجوبين السلطنة شرقا وغربا بحثا عن الرزق الحلال .. ما همتك ريح ولا شمس لافحة .. أهنئك على صبرك وشجاعتك .. ودمتي مكافحة ..وشاعرة ف1ة


#159090 [يوسف بارا]
0.00/5 (0 صوت)

06-13-2011 09:18 AM
وناس تعبت نعالا من الجرى ومالاقيه شئ والرزق كلو بى امر الكريم بس الناس تصارع فى القدر ومكتوب عليك اما تعيش غنى او تعيش فقير واخير ترضى بى قسمتك يالمطير عنيك سلامى بت الجنيد


#158697 [abdul]
0.00/5 (0 صوت)

06-12-2011 02:10 PM
مزيدا من الابداع ونتمنى ان نرى ذلك فى ديوان قريبا


أسماء الجنيد
أسماء الجنيد

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة